صار عندي شك فالماركات الي في فيلاجيو

[ريتويت]

كل عام وانتم بخير جميعا بمناسبه شهر رمضان الفضيل وربي يعوده علينا وعليكم بالخير والبركه اللهم امين

المهم صارلي امس موقف يرفع الضغط وتحديدا بمحل ديور .. رفيجتي خذت من عندهم سلسه فيها فصوص لؤلؤ فضي تقول من شهر واحد ماخذتها والبارحه رحنا لهم المحل عشان تبي ترجعها لانها في حاله سيئه جدا من اول لبسه طاح فص منها وتغير لونها وشكلها كانه تقليد وماتستاهل المبلغ سعرها الفين وخمسين ريال.. المهم رحت وياها امس فيلاجيو عشان نبدلها او حتي يصلحونها وسالنا الي يبيع كان لبناني وقح جدا باسلوبه وتعامله واول ماشاف السلسه الا يقول اكيد بيصير هيدا شكلها لان حضرتك رشيتي عليها عطر .. قلت له طيب والفص الي طاح بعد عشان رشت عليه العطر ؟!!! رد وقال للاسف مابقدر اعملك شي!!!' رفيجتي حلفت وقالت والله اني من النوع الي احافظ علي اغراضي ومستحيل ارش عليها عطر قام قالها يبقي حطتيتي لوشن واللوشن بياثر علي السلسه!!!

المهم انا قلتله لو سمحت بكلم المدير قال المدير بقولج نفس الكلام قلتله ماعليه هات كرت المحل انا بكلمه وللحين اتصل عليهم محد يرد شسوي حرام هالمبلغ علي سلسه بهالمنظر يتغير شكلها من كمن استعمال وهم يبررون اشيا من عندهم مثل سوء الاستخدام مع ان قسم بالله شكلها تقليد وسيء جدا حسبي الله ونعم الوكيل

انا بديت اشك ان هالماركات تقليد او مضروب لان انا بعد كنت ماخذه شنطه برادا غاليه واجد وكنت محافظه عليها من كمن استخدام بس براغي الشنطهً من داخل طاحت وكان الشنطه تركيب!!' من يقدر يساعدنا؟!!! حسبي الله ونعم الوكيل الف مره عليهم

[بريق الحق]

الله يستر كل شي قام اي عندنا مضروب
الله يعينكم معوضين خير ان شاء الله

[عازف]

حماية المستهلك،،،وإن شاءالله حقها ماراح يضيع

[CH Engineer]

اتصلي على حماية المستهلك وقولي لهم ان هالمحل باعوني تقليد على انه اصلي
المنتدى محد بيفيدج الكل بيواسيج ويمكن يدخل اللبناني او راعي المحل بيكتب لج لاتشتكين هذا نصيبج او معوضين ودافع بلا والخ،،،

[الحاقول]

يجب عرضها على محل اخر للتاكد من جودتها ومن كلامه

[عازف]

حماية المستهلك،،،وإن شاءالله حقها ماراح يضيع

40122222

[ممنوع اللمس]

اذا لهم فرع ثاني روحي واعرضيها عليهم واسالي تقليد والا اصليه

وبعدها ساليه هل العطر فعلا ياثر على منتجاتكم
اعتقد الماركات صعب تتاثر باي شي لانها مصنوعه بجوده عاليه

[ريتويت]

جزاكم الله خير اتصلت عليهم وقدمت الشكوي بس قللو لي بنشوف لو نعتبرها شكوي او لا لانها ممكن تكون سياسه المحل عدم الاستبدال او التصليح!!!!!

[qatarman8008]

ساناقش الموضوع في محورين.. نفس قناة الجزيرة.. ههه
اعتقد ان الماركات العالمية مثل ديور يكون عندهم موقع في الانترنت فيه قسم خاص للتاكد من اي منتج اصلي او غير اصلي..
تحتاجين فقط رقم الكود للقطعه او رقم المنتج اللي مفروض يكون مطبوع عليها..
صارت قبل مع واحد من الربع اشترى نظارة ريبان غالية جدا وصار معاه نفس اللي صار معاج..
تغير لونها وتشمخ قزازها وطاحت الربلة اللس صوب الخشم.. وراح دش عالموقع وحط رقم الكود واتضح انها تقليد بالرغم انه شاريها من محل كبير ومعروف وبسعر باهض..
المهم بعد ان تتاكدين من ان القطعه اصلية او مو اصلية تروحين حماية المستهلك تقدمين شكوى..
كان هذا المحور الاول..
المحور الثانيي هو ان الكثير من المنتجات خاصة النسائية منها تكون ذات شكل جذاب وسعر غالي فقط..
وليس فيها اي مواصفات جودة او شي يستاهل هالسعر.. مثلا تكون مصنوعه من معدن رخيص جدا او الاحجار اللتي عليه تكون فصوص قزاز عادية يعني ماتستاهل هالسعر.. سواءا ماركة او غير ماركة..
ف نصيحة للجميع وخصوصا البنات ان يتاكدون من البضاعة اللي بيشتريها يعني هل هي فعلا جيدة وتستاهل هالسعر والا لا..

[qatarman8008]

جزاكم الله خير اتصلت عليهم وقدمت الشكوي بس قللو لي بنشوف لو نعتبرها شكوي او لا لانها ممكن تكون سياسه المحل عدم الاستبدال او التصليح!!!!!

اللي فهمته من طرحج للموضوع انج ماتبين استبدال ولا تصليح..
انتي تبين تتاكيد هالسلعة اصلية او مو اصلية.. يمكن يكون باع لج منتج تقليد بسعر الاصلي وهذا غش يتحاسب عليه..

[وحيد-الشوق]

نصيحة لجميع الاخوان ماركات من قطر لاتاخذون مب عشان اصلي او تقليد او البضاعة مشكوك فيها الاسعار مبالغ فيها جدا انا اشتري اذا سافرت افضل واحسن لي صدت شغلات ولله الحمد فرق اقل من نص السعر مثلا لقيت جوتي تكرمون من لويس فيتون ب2600 في الدوحة في المانيا 1900 وقبل ما اخذ التاكس فري :)

[لبيبة]

السلام عليكم ورحمة الله وبركاته،

مب أول مرة يصيدون بضايع مقلدة تباع على أساس إنها أصلية، بالذات ديور صايدينهم من شهر تقريبًا، وأمروهم بإتلاف المقلد وهذي صورة دليل على اللي صار،

http://i.imgur.com/ouatfi9.jpg

[دنيا الاسهم]

لا حول ولا قوة الا بالله
زين انا شارية شنطة غالية جدا من ديور كيف اتاكد من انها مش تقليد ،، وين الموقع الخاص ب ديور للتاكد
وشكرا لكم

[بريق الحق]

تواصلي مع الشركة الام

[نوفا91]

لا اختي لبيبه هم نزلوا البضاعه بمسعيد الشحنه واتلفوها ديور هي اللي طالبه تعويض ،فهمتي

انا رحت وخذيت عطور وشنطه وسألتها بعد بنفسي هم اللي يطالبون :)

[بريق الحق]

نصيحة لجميع الاخوان ماركات من قطر لاتاخذون مب عشان اصلي او تقليد او البضاعة مشكوك فيها الاسعار مبالغ فيها جدا انا اشتري اذا سافرت افضل واحسن لي صدت شغلات ولله الحمد فرق اقل من نص السعر مثلا لقيت جوتي تكرمون من لويس فيتون ب2600 في الدوحة في المانيا 1900 وقبل ما اخذ التاكس فري :)
ههههههه طلعت اغراض العالم مضروبه الله يستر

[A-Alansari]

راسلي الشركة الام بالايميل وقولي لهم الي صار معاج وشلون تعامل المحل معاج

وارفقي فاتورة الشراء في الايميل

وشوفي بيترجونج المحل عشان تروحين لهم ويعدلون السلسله او يبدلونهاا لج

[وطن]

السلام عليكم ورحمة الله وبركاته،

مب أول مرة يصيدون بضايع مقلدة تباع على أساس إنها أصلية، بالذات ديور صايدينهم من شهر تقريبًا، وأمروهم بإتلاف المقلد وهذي صورة دليل على اللي صار،

http://i.imgur.com/ouatfi9.jpg

اختي لبيبه

الموضوع ان البضايع القديمة بدل ما يتم شحنها لفرنسا عشان هم يتلفونها هناك
يتم اتلافها هني
و يطلبون افادة عشان يرسلونها للشركة في فرنسا ان تمت عملية الاتلاف


ماله علاقة بضاعة تقليد ولا غيره

هذي اشاعة نشروها الناس
وقالوا ان ديور سكروه وصايدين بضاعة تقليد
ويوم اللي انتشر الخبر انا في فيلاجيو ولا مسكرينه ولا شي

[وطن]

راسلي الشركة الام بالايميل وقولي لهم الي صار معاج وشلون تعامل المحل معاج

وارفقي فاتورة الشراء في الايميل

وشوفي بيترجونج المحل عشان تروحين لهم ويعدلون السلسله او يبدلونهاا لج

بالضبط

[لبيبة]

لا اختي لبيبه هم نزلوا البضاعه بمسعيد الشحنه واتلفوها ديور هي اللي طالبه تعويض ،فهمتي

انا رحت وخذيت عطور وشنطه وسألتها بعد بنفسي هم اللي يطالبون :)

طيب، بغض النظر عن حقيقة الإتلاف، هناك عدة شكاوى من محلات الماركات وإن بضاعتهم مقلدة، والبعض ودوا اللي شروه من محلات الماركات هني للبوتيكات في أوروبا وأكدوا لهم إنها مقلدة، وجود المقلد لا يمكن إنكاره، المسألة هني وين دور حماية المستهلك، وكيف يسمحون لهم يبيعون المقلد على إنه أصلي.

[لبيبة]

اختي لبيبه

الموضوع ان البضايع القديمة بدل ما يتم شحنها لفرنسا عشان هم يتلفونها هناك
يتم اتلافها هني
و يطلبون افادة عشان يرسلونها للشركة في فرنسا ان تمت عملية الاتلاف


ماله علاقة بضاعة تقليد ولا غيره

هذي اشاعة نشروها الناس
وقالوا ان ديور سكروه وصايدين بضاعة تقليد
ويوم اللي انتشر الخبر انا في فيلاجيو ولا مسكرينه ولا شي

الظاهر إنها إشاعة يا وطن، لكن فعليا في عدة مرات سابقا في شكاوى من جودة اللي يشترونه هني من محلات الماركات، وما اقدر انكر ان في ناس فعلا شيكوا مع البوتيكات في اوروبا وقالوا لهم ان ذي تقليد. هل هناك تفتيش فعلا وليش الغش.

[لبيبة]

بما أن تأكد لي منكم ان الموضوع اشاعة، اعتذر وتم مسح الصورة

[وطن]

بما أن تأكد لي منكم ان الموضوع اشاعة، اعتذر وتم مسح الصورة

بارك الله فيج اختي

بخصوص ان البضايع تقليد
ما اتوقع يختي
هذي فيها مسؤولية

تنسحب منهم الوكالة اذا جابوا تقليد

[حليتان*]

حطي صورة السلسله وانا مستعد اروح واسال عن جودتها بساله اذا رشيت عليها عطر تخترب او لا

[وطن]

حطي صورة السلسله وانا مستعد اروح واسال عن جودتها بساله اذا رشيت عليها عطر تخترب او لا

تخترب اخوي
معظم الاكسسوارات تتاثر بالماي و العطور

حتى الذهب لو رشيت عليه عطر بعد فترة يتأثر

[أم محمد 90]

صارت معاي في كارولينا هريرا خذت منهم طقم لولو , شغاب , سلسلة , اسوارة يد ,

اسواره اليد من استعمال كم يوم فتح الصكاك مالها , , ونظرا لبعد فيلاجيو صلحتها ف شكك الاند مارك
اللولو ف الخاتم طاح , ورفضوا يصلحونه لي او يبدلونه لي .

وجد تحسفت بس المشكلة كل ماقول لحد يقولون وي كارولينا مش كواليتي !

شنو مب كواليتي ماركة عالمية ومشهورة !!

[كيلو حديد]

رجعيها واشتكي عليهم
ماخلاهم يتطاولون الا سكوت الناس عن حركاتهم

[الزعــــــيم]

كل شي تقليد حتى باريس غاليري مغير اسمه الى باري غاليري علشان يمشي سوقه وهو كل بضاعته مضروبه

[لبيبة]

كل شي تقليد حتى باريس غاليري مغير اسمه الى باري غاليري علشان يمشي سوقه وهو كل بضاعته مضروبه

باري غاليري مب تقليد على باريس غاليري، واول ما فتح هني كان اسمه باريس غاليري، ولكن سبق ان تم تسجيل الاسم تجاريا في قطر لمنشأة تجارية أخرى، ومنعهم من استخدام اسم محله، فاضطروا لتغيير اسم المحل المشهور باريس غاليري إلى باري غاليري.

[OREO]

صاحبة الموضوع ماذكرت ليش حماية المستهلك ماسجلت الشكوى وسببها!!

من قوانين حماية المستهلك لازم المستهلك وقت الشكوى تكون عنده الفاتورة و ذاكرين فيها الضمان لكن اغلبية المحلات مايذكرون الضمان في الفاتورة الا لو المنتج له بطاقة ضمان فهذا شي ثاني..

فلذا من واجبنا طلب الفاتورة مع بطاقة الضمان واذا المنتج ماله بطاقة ضمان فلازم نتأكد بأن البايع ذاكر الضمان في الفاتورة نفسها..

[Rosy]

انا شنطتي من ديور بعد الاستخادم بسنه وشي تقشر الجلد بالهاندل , رحت لهم بفيلاجو قالو بنرسلها لك فرنسا لتغير مقابل 600 ريال وتاخذ شهر لي تستلمينها, وعطاني كاتلوج فيه اشكال للهندل اذا حبيت اغير من شكله بنفس السعر .

وهذي شنطتي كملت 3 سنين وكأنها جديده ... الاااااا الاكسسوارات عندهم , مش كوالتي ابدااا سعر غالي بس عشان الاسم. وانا مجربه منهم كذا شغله.
رقيقه ماتتحمل . تبهت بسرعه وتقشر.

في ماركات مثل كلوي تحصلين بالكرت رقم متسلسل ويطلبون تدخلين الموقع وتسجلين نشظتج وبيناتج.

[وليف الشوق]

انا بديت اشك ان هالماركات تقليد او مضروب لان انا بعد كنت ماخذه شنطه برادا غاليه واجد وكنت محافظه عليها من كمن استخدام بس براغي الشنطهً من داخل طاحت وكان الشنطه تركيب!!'
من يقدر يساعدنا؟!!! حسبي الله ونعم الوكيل الف مره عليهم


انا دخلت بس عشان عنوان الموضوع لكن ماتوقعت صاحبة الموضوع تقول ابي مساعده وساعدوني ؟ تعتقدون ايش نوع المساعده اللي تبينها مثلا ؟ ناخذ السلسال ونتكلم مع المدير مثلا ولا نروح حماية المستهلك نشتكي ؟ انا اللي ابي افهمه وش نوع المساعده اللي تبينهاوهل تقصدين تبين النصيحه مثلا " ؟ اختي الفاضله الموضوع يخصك بالدرجه الاولى ومااعتقد اي انسان يتدخل اذا ماكان له علاقة فيج اب ولا اخ وممكن انك تكلمين احد اخوانك يقوم بالمهمه هذي ويشتكي عن طريق حماية المستهلك وانا متأكد انها راح تقوم بالدور وعندهم طرق كثيرة اما اصلاح السلعه او تغييرها او رد مبلغها او اي طريقة اخرى متعارف عليها من قبل حماية المستهلك وحسب الصلاحيات المعتمدة لديهم والشي الثاني اللي ابي اضيفه لايجوز كلمة (( الف مرة )) مثل الحمدلله الف مرة او حسبي الله الف مرة وجزاك الله الف خير وتكفي كلمة الحمدلله او حسبي الله او جزاك الله خير

[النهار]

انا بديت اشك ان هالماركات تقليد او مضروب لان انا بعد كنت ماخذه شنطه برادا غاليه واجد وكنت محافظه عليها من كمن استخدام بس براغي الشنطهً من داخل طاحت وكان الشنطه تركيب!!'
من يقدر يساعدنا؟!!! حسبي الله ونعم الوكيل الف مره عليهم


انا دخلت بس عشان عنوان الموضوع لكن ماتوقعت صاحبة الموضوع تقول ابي مساعده وساعدوني ؟ تعتقدون ايش نوع المساعده اللي تبينها مثلا ؟ ناخذ السلسال ونتكلم مع المدير مثلا ولا نروح حماية المستهلك نشتكي ؟ انا اللي ابي افهمه وش نوع المساعده اللي تبينهاوهل تقصدين تبين النصيحه مثلا " ؟ اختي الفاضله الموضوع يخصك بالدرجه الاولى ومااعتقد اي انسان يتدخل اذا ماكان له علاقة فيج اب ولا اخ وممكن انك تكلمين احد اخوانك يقوم بالمهمه هذي ويشتكي عن طريق حماية المستهلك وانا متأكد انها راح تقوم بالدور وعندهم طرق كثيرة اما اصلاح السلعه او تغييرها او رد مبلغها او اي طريقة اخرى متعارف عليها من قبل حماية المستهلك وحسب الصلاحيات المعتمدة لديهم والشي الثاني اللي ابي اضيفه لايجوز كلمة (( الف مرة )) مثل الحمدلله الف مرة او حسبي الله الف مرة وجزاك الله الف خير وتكفي كلمة الحمدلله او حسبي الله او جزاك الله خير

انا لفت نظري هذي الكلمات ليش نقول مثلا جزاك الله خير الف مره وشكرا مليون
الذي يجزي على الكلام الله عزوجل هل اصبحنا نحدد لله عز وجل كم من جزاء يعطى الله رحمته واسعه الامر متروك له سبحانه
الله سبحانه وتعالى كريم يعطى بلا حساب ولاعدد اتركوا لامر لسبحانه

[وليف الشوق]

انا لفت نظري هذي الكلمات ليش نقول مثلا جزاك الله خير الف مره وشكرا مليون
الذي يجزي على الكلام الله عزوجل هل اصبحنا نحدد لله عز وجل كم من جزاء يعطى الله رحمته واسعه الامر متروك له سبحانه
الله سبحانه وتعالى كريم يعطى بلا حساب ولاعدد اتركوا لامر لسبحانه

احسنت وجزاك ربي جنة الفردوس

[بنت مريخ]

اليوم خذت عطر من بوتيك ديور
حاطين استكر مكتوب ع للاستعمال الهارجي فقط
حسيته مب اصلي

[S.T.Y.L.E]

الماركات عندنا صارت ماساه ، او بالاصح في كل مكان

من ناحية الجودة : صارت جودة التقليد نفس الاصلية بالضبط واحيانا افضل ، اللهم الاصلية نفسيا نكون مستأنسين لان خذناها من المحل نفسه

من ناحية الأسعار : الأسعار صارت فلكية والله ، سوقنا جدا غالي مقارنه بالدول الثانيه ، والمشكله بعض الماركات يقولون سعرنا واحد في كل الدول ، اخر موقف صارلي البارحه ، فالموقع ارخص من عندنا بفارق دبل السعر !! لا ويقولي اللي فالمحل مستحيل وجي ويوم دخلت موقع الماركه نفسها انصدم هو وتوهق وقام يرقع

ان شاء الله الناس توعى وتخلي هالسوالف ، عالاقل الذهب المقلد يبقى ذهب وله قيمه ، والشناط وغيرها

[حمد جاسم 123]

الغش صار بكل مكان

[eXpert*]

ط؛ط±ظٹط¨ ط§ظ† ط§ظ„ط¨ط¶ط§ظٹط¹ ط§ظ„ظ‚ط¯ظٹظ…ط© ظٹطھظ… ط§طھظ„ط§ظپظ‡ط§ ! ط§ظ„ظ„ظٹ ط§ط¹ط±ظپظ‡ ظٹطھظ… ط§ط±ط³ط§ظ„ظ‡ط§ ظ„ط¯ظˆظ„ ط§ط®ط±ظ‰ ط§ظ‚طھطµط§ط¯ظ‡ط§ ط§ظ‚ظ„ .... ط§ظˆ ط¨ظٹط¹ظ‡ط§ ظپظٹ ط§ظ„ط§ظˆطھ ظ„طھ ط¨ط§ط³ط¹ط§ط± ط§ط±ط®طµ. ظ„ظƒظ† ظٹطھظ… ط§طھظ„ط§ظپظ‡ط§ ظٹظƒظˆظ† ظپظٹ ط®ط³ط§ط±ط© ! ط§ظ„ط§ ظ…ط§ط±ظƒط© ظ„ظˆظٹط³ ظپظٹطھظˆظ† .... ظˆط°ظ„ظƒ ظ„ظ„ط*ظپط§ط¸ ط¹ظ„ظ‰ ظ…ط³طھظˆظ‰ ط³ظ…ط¹ط© ط§ظ„ظ…ط§ط±ظƒط© ظ†ظپط³ظ‡ط§.


Sent from my iPhone using Tapatalk

[دايموند]

بسم الله اكسبيرت انت باي لغه كاتب؟؟؟!!!

[جاسم الدوحة]

ط؛ط±ظٹط¨ ط§ظ† ط§ظ„ط¨ط¶ط§ظٹط¹ ط§ظ„ظ‚ط¯ظٹظ…ط© ظٹطھظ… ط§طھظ„ط§ظپظ‡ط§ ! ط§ظ„ظ„ظٹ ط§ط¹ط±ظپظ‡ ظٹطھظ… ط§ط±ط³ط§ظ„ظ‡ط§ ظ„ط¯ظˆظ„ ط§ط®ط±ظ‰ ط§ظ‚طھطµط§ط¯ظ‡ط§ ط§ظ‚ظ„ .... ط§ظˆ ط¨ظٹط¹ظ‡ط§ ظپظٹ ط§ظ„ط§ظˆطھ ظ„طھ ط¨ط§ط³ط¹ط§ط± ط§ط±ط®طµ. ظ„ظƒظ† ظٹطھظ… ط§طھظ„ط§ظپظ‡ط§ ظٹظƒظˆظ† ظپظٹ ط®ط³ط§ط±ط© ! ط§ظ„ط§ ظ…ط§ط±ظƒط© ظ„ظˆظٹط³ ظپظٹطھظˆظ† .... ظˆط°ظ„ظƒ ظ„ظ„ط*ظپط§ط¸ ط¹ظ„ظ‰ ظ…ط³طھظˆظ‰ ط³ظ…ط¹ط© ط§ظ„ظ…ط§ط±ظƒط© ظ†ظپط³ظ‡ط§.




أخوي إكسبيرت

أتفهّم وجهة نظرك ، بس أختلف معاها

[المحاميه]

اختي ذكري الله

هذاني ماخذه شنطه ماركه من برا ها يعني مافي مجال تقولين تقليد وبالسعر الفلاني واخرتها شنو من ثالث يوم تفجج الطقطق اللي اسكر وابطل الشنطه منه؟!؟
وديتها البوتيك قال ماقدر ابدل الشنطه بس اذا تبين نطرشها يعدلونها ونردها بعد 3 ايام يقول لان المعدات مب عنده فالبوتيك انا رفضت فقالي عادي وديها اي كشك تصليح ويصلحها لج

شفتي يعني برا وداخل نفس الشي فرجاء محد يشكك ف بلادنا واغراضنا

وشكرا

[Nojoom]

السلام عليكم ...

انا بقول لكم سالفه حصلت لنا شخصيا ،،،

الأهل شروا ساعه عام ظ¢ظ*ظ*ظ¦ تقريبا من احد المحلات المعروفة عندنا في قطر طبعا قبل لا يفتح قسم
Vip في فيلاجو وتواجد المركات ،،

المهم الماركه الي شروها كانت ديور من محل .........xxxxx غالري ،

بسعر تقريبا ظ¦ظ*ظ*ظ* ريال

المهم بعد استخدام الساعة لفترة وركنها في الدرج لفتره ،،، توقفت الساعة وكانت بحاجة لبطارية

من كم شهر خذينا الساعه الى محل ديور الموجود في فيلاجو وطلبنا منهم تصليحها

والمفاجئه انهم أخبرونا ان الساعه لايمكن تصليحها عندهم لا نها غير أصليه

تخيلوا الصدمة ساعه بقيمة ظ¦ظ*ظ*ظ* ريال تكتشف انها غير اصليه

كيف تثبت حقك بعد كل هالسنوات ،، بس انا متاكد مثل ما احنا نغشينا في غيرنا بعد من الي شروا انغشوا

[حليتان*]

ماعندك فاتورتها ؟؟؟ ^^^^^

[المحاميه]

استغفرالله
لابارك الله ف الماركات وراعيها