مبروك عليكم الزياده

[أبو سعود]

تشتهر شوارع الدوحه بكثره عدد الأشارات الضوئيه

والتي سببت أختناقات مروريه شديده بالليل والنهار


وبدلآ من محاوله التخلص من هذه الأشارات

وأستبدالها بالجسور والأنفاق

نرى التركيز على أنشاء المزيد من هذه الأشارات


على سبيل المثال : الطريق الدائري الثالث :

رغم قله مسافه هذا الطريق الأ أن به العديد

من الأشارات المروريه عند التقاطعات


ونرى الآن يستعدوا بتشغيل ثلاث أشارات ضوئيه جديده

من بعد أشاره التويوتا لغايه أشاره كليه المجتمع

أي الأشاره اللي قبل فندق رمادا


بمعنى آخر :


مبروك عليكم الزياده ( بالأشارات الضوئيه )

وأستعدوا لزحمه أكثر وأطول ووقت يضيع عليكم


كنا نتمنى أن تقتدي دولتنا بأحدى الدول

عندما أحتفلت بالتخلص من آخر أشاره بشوارعها


لكن عندنا يستعدون لأنشاء المزيد من الأشارات

ومعها أجهزه الرادارات التي تستنزف أموال السائقين



بأختصار :


مبروك عليكم زياده


( الهم / والنكد / والملل / والمرض )

من الزحمه


ولا نقول سوى حسبنا الله ونعم الوكيل

على من يعرقل ويؤخر مصالح الناس

[توشيبا]

شارع طوله 2 كيلو تخلصه في ربع ساعه اذا مافيه زحمه بس بروحك والسبب التوقف عند اشاره ورا اشاره

[مخطط قطري]

الله يبارك لك خبرك رمضان وخير لازم بعد

[رُفق المجنّا]

ويبون ينافسون دبي ههه

تبطون !!

[aziz4z]

أعتقد أخوي هاي اشارات اللي يعبرون الشارع
بدل مايسوون جسور للمشاة يحطون إشارات

[ابوالعبد]

فعلا كثرت هالاشارات وصار ملل لو كان مثل قبل دوارات كان احسن

[رهج السنابك]

والله ياليت يشيلون كل الدورات ويحطون اشارات

ماذبح العالم الا الدوارات

[معماري قطري]

إشاراتهم قمة الغباء

[asulaiti]

الدوحة أصبحت ما تنشاهد ..

صار الواحد يكره يطلع يتسوق بسبب هالزحمة ..

زحمة لين توصل ... وساعة لين تحصل موقف .. وان اضطريت توقف غلط علشان خمس دقايق تقضي حاجتك في السوق ..
رجعت ولقيت على زجاج السيارة استكر اصفر يضحك لك ويتحمد لك بالسلامة !!

اللي نشوفه اليوم بركات التخطيط اللي عندنا وكثرة الاستثناءات اللي يعطونها ..

ومن كثر المولات والشوارع التجارية .. لا زالت الإيجارات ترتفع سنوياً وكأنها أصبحت عرفاً لابد من مزاولته !!

فعلاً .. هذا معنى فوق اصعدي !!

[qatara]

محد خانق هلشوارع الا هل الاشارات والدوارات وتسكير اللفات الخ

متراكمه بين بعضها بينها وبين بعض مسافه لاتزيد عن كيلو متر او كيلوين

اين الجسور الصحيحه الموزعه المرور بكل اتجاه اين الشوارع الطويله والتحويلات

[H H]

يخافون من التكدس الي بيصير على اشارة رمادا اذا الشارع كله بدون اشارات, فيرقعونها باشارات قبلها لتخفيف الانهمار الي بيصير عند هالاشاره.

الحل غير عملي ابداً

طبعاً كل هالكلام الي نقوله كلام اشخاص مالهم علاقه بهندسة الطرق , نحتاج احد له بهالمجال يفتينا في امرنا , يمكن فاتنا شي مانعرفه.

[كيلو حديد]

بين كل اشاره واشاره حطوا اشاره :rolleyes2:

[Bin sultan]

والله انا يوم قريت العنوان استانست.. على بالي زادوا الرواتب ههههههههههه،لكن لما قريت المحتوى صادني احباط لا حدود له:weeping:

[Mohammed2]

الدائري الثالث اصلاً من الصعب يشيلون الاشارات ويخلون بدالها جسور وانفاق
ولو بيسون مابيخلصون الا عقب سنين وخذ الزحمه وقتها

بس احين الشارع صار ارحم بكثير من قبل والزحمه فيه مقبوله من بعد توسيع الشارع

واصلا مانقدر نحكم على المرور والشوارع في بلدنا الحبيبه قطر الا بعد مايخلصون من اغلب الشوارع اللي تحت الانشاء

[المحاميه]

تفائلوا بالخير وقولوا الحمدلله

[العنيده]

والله ماصرت ماعرف الدوار ولا الاشارات وكثرت السيارات سبب الزحمه بس الاكيد انهم كلهم مع بعض ..
بدل مانحط اشارات وجسور ليش ماينظرون في موضوع الرخص وتفعيل المواصلات العامه صح ..
تعبنا من الزحمه ووفوقها السواقه التعبانه .. وايد دول اعداد سكانها ملاايين بس بالتخطيط الصح نحل المواضيع

[عثرة جواد]

السلام عليكم

ياليتهم خلو الدوارااات والا هااي الزحمة الي تجيب الملل...

والله الواحد مايعرف يخلص شغلة من كثر الزحمة....كانهم يقولون لنا لاتطلعون ...

عسااك ع ااالقوة

[JN000N]

الله يبارك فيك ومبروك عليك زيادة الكثافة السكانية
والف الف مبروك زيادة الاسعار في كل مكان
والبشارة بعد في زياده دبل يايه عالطريق

[حسن]

مافي مشكله بالزياده ولكن ماذا اعدت لهم لهذه الزياده اذا على مسؤلينا انا غاسل يدي منهم
وقلت لو يجيبون ناس من برع ويعينونهم مسؤلين علينا ابرك

[أم محمد 90]

الحمدلله على كل حال يكفي نعمة الأمن والامان .

[بومحمد المطاوعه]

سواقه بعض البشر
اهي السبب في الاختناقات


للأسف تشوف بعض الناس فالشارع
كأنك تشوف مربط غنم الله يعزكم
الا من رحم ربي


اول شي صلحو عقول بعض الناس وخلهم يحترمون في السواقه

عقب صلحو الشوارع

[ya3coub]

الله يستر صارلي فتره ما مريت ذاك الصوب لأني كنت بالخدمة الوطنية و بعدها رمضان فأغلب وقتي هنا قريب البيت.

اخبر كانو مسوينهم و خلصوهم بس ما افتتحوهم و احاتي متى بيفتحونهم لأن المسافة لا تكفي بتاتا الله يستر.


ابشركم الحين برمضان حتى الي على دراجة ينقع بالزحمة من السواقين الله يهديهم نحاس واحد يمين و واحد يسار علشان ما تطوف و كلن ملزق بصدام الي جدامه

يعني الهم موجود و المرض و النكد بعد موجودين ليلحين

[ya3coub]

مافي مشكله بالزياده ولكن ماذا اعدت لهم لهذه الزياده اذا على مسؤلينا انا غاسل يدي منهم
وقلت لو يجيبون ناس من برع ويعينونهم مسؤلين علينا ابرك


أسمحلي أخوي حسن لا اتفق معاك بموضوع المسؤولين

عيال البلد اولى من غيرهم تعبنا كل شوي يجي واحد متضايق من موضوع معين يقول جيبو من برع ليش و شبابنا اشفيهم اذا في مسؤولين كبار بالسن و مو راضين يواكبون التطور شوفو الجيل الي بعده جيل عن جيل الحمد الله الثقافه و الوعي و حب البلاد و التطور موجودة عند الأغلب و يبين الشخص الشغول و الشخص الي ما يشتغل بس يبي منصب و صور يبان فيها بالجرايد و التلفزيونات.


اذا في مسؤولين ما قدمو ولا انجزو و الخلل كان منهم و ليس من الناس الي معاهم بالعكس يتبدلون بالي أجدر منهم من عيال البلد ولا نقط كلشي على ناس يجون من برع. أكيد في شخص كفئ المسؤولية و قد انه ياخذ بزمام الأمور و ان شاء الله قطر بكبرها بتكمل مسيرتها للأحسن بشتى المجالات.

[الحياة الخالدة]

أسمحلي أخوي حسن لا اتفق معاك بموضوع المسؤولين

عيال البلد اولى من غيرهم تعبنا كل شوي يجي واحد متضايق من موضوع معين يقول جيبو من برع ليش و شبابنا اشفيهم اذا في مسؤولين كبار بالسن و مو راضين يواكبون التطور شوفو الجيل الي بعده جيل عن جيل الحمد الله الثقافه و الوعي و حب البلاد و التطور موجودة عند الأغلب و يبين الشخص الشغول و الشخص الي ما يشتغل بس يبي منصب و صور يبان فيها بالجرايد و التلفزيونات.


اذا في مسؤولين ما قدمو ولا انجزو و الخلل كان منهم و ليس من الناس الي معاهم بالعكس يتبدلون بالي أجدر منهم من عيال البلد ولا نقط كلشي على ناس يجون من برع. أكيد في شخص كفئ المسؤولية و قد انه ياخذ بزمام الأمور و ان شاء الله قطر بكبرها بتكمل مسيرتها للأحسن بشتى المجالات.

أتفق معك أخوي يعقوب
جزاك الله خير .. كفيت و وفيت
يعني مب عدلة نسلم الأجانب الخيط و المخيط .. و عقب نقعد نشتكي من تسلطهم علينا و سيطرتهم على البلاد

[معماري قطري]

يخافون من التكدس الي بيصير على اشارة رمادا اذا الشارع كله بدون اشارات, فيرقعونها باشارات قبلها لتخفيف الانهمار الي بيصير عند هالاشاره.

الحل غير عملي ابداً

طبعاً كل هالكلام الي نقوله كلام اشخاص مالهم علاقه بهندسة الطرق , نحتاج احد له بهالمجال يفتينا في امرنا , يمكن فاتنا شي مانعرفه.

العيب من التخطيط الأَساسي واللي تبعه عيوب ما تنحل .. والحل المؤقت يبين بسرعة إنه غلط .. الغريب والعجيب إِن شوارع كانت فرعية وبسيطة في فرجان استوت شوارع رئيسية مع المد البشري .. كل هذي تنحل حلول جذرية من الأَساس وأَول بأَول بدون انتظار حتى لو استنزفنا كل الحلول وبقى حل الاستقطاع.

طريق 22 فبراير كانت حوله أراضي فاضية .. ومن خلص انبنت فيها عمارات على حافة الطريق من المسؤول عن ترخيصها؟ ومن المسؤول عن عدم انشاء منطقة فاصلة للتوسعة أَو تخطيط الشارع موسع من الأَساس تحسباً للزيادة القادمة في السكان؟ الاجابة معروفة التخطيط والبلدية وكل الجهات المسؤولة عن تخطيط البلاد وهي كثيرة مب جهة وحدة.

من المسؤول بعد عن المنحنيات في الشوارع وكله شوارع دائرية حتى في المناطق الحديثة .. التخطيط يا اخوان مب شيء صعب وجديد وأَول مرة يتنفذ في بلادنا .. التخطيط له أُسس وقواعد تتبع صح .. أَما بيجيبون لي واحد يخطط دواعيس ومداخل غلط لمحطات وقود وبيستمر التخطيط الفاشل فهذي خسارة اقتصادية وخسارة سمعة بلد وصورة دولة حضارية .. الحلول دوم سهلة وموجودة على الورق ولازم تندرس صح لكن من تنفذ كل شيء يكون صعب .. الحلول سهلة في القرارات التخطيطية الصح .. لكن يحطون لي على سبيل المثال محطة دفاع مدني بين البيوت مثل اللي في العزيزية والأَرض الكبيرة فاضية اللي مقابلة استاد خليفة وكان حتى ممكن دمج المحطة في ساحة الاستاد لسهولة الحركة في كل الاتجاهات بدل دسها بين البيوت .. وبقت الشوارع حولها ضيقة على حالها ومكسرة .. ما فكروا في ازعاج هذه الآليات؟ ولا فكروا في سرعتها وهي متجهة لأَداء واجب مهم.

[حليتان*]

اخبر درسونا فالمدرسه فصف رابع تقريبا ان الانسان يتاقلم مع بيئته سواء كانت بارده او حاره واذا اننقل الى بيئه ثانيه يبيله وقت عشان يتكيف معاها


بس المشكله ان احنا ما يمدينا نتاقلم الا سكرو شارع وله حطو صبيات سكرو الشارع وله سوو تحويله


تدري مايبط جبدي الا شي هالكشافات الي يشغلونه فليل فمواقع الحفريات ياخي تعمي الي فالشارع شكلي بتحبل لهم بنباله بطرقعهم

[حليتان*]

العيب من التخطيط الأَساسي واللي تبعه عيوب ما تنحل .. والحل المؤقت يبين بسرعة إنه غلط .. الغريب والعجيب إِن شوارع كانت فرعية وبسيطة في فرجان استوت شوارع رئيسية مع المد البشري .. كل هذي تنحل حلول جذرية من الأَساس وأَول بأَول بدون انتظار حتى لو استنزفنا كل الحلول وبقى حل الاستقطاع.

طريق 22 فبراير كانت حوله أراضي فاضية .. ومن خلص انبنت فيها عمارات على حافة الطريق من المسؤول عن ترخيصها؟ ومن المسؤول عن عدم انشاء منطقة فاصلة للتوسعة أَو تخطيط الشارع موسع من الأَساس تحسباً للزيادة القادمة في السكان؟ الاجابة معروفة التخطيط والبلدية وكل الجهات المسؤولة عن تخطيط البلاد وهي كثيرة مب جهة وحدة.

من المسؤول بعد عن المنحنيات في الشوارع وكله شوارع دائرية حتى في المناطق الحديثة .. التخطيط يا اخوان مب شيء صعب وجديد وأَول مرة يتنفذ في بلادنا .. التخطيط له أُسس وقواعد تتبع صح .. أَما بيجيبون لي واحد يخطط دواعيس ومداخل غلط لمحطات وقود وبيستمر التخطيط الفاشل فهذي خسارة اقتصادية وخسارة سمعة بلد وصورة دولة حضارية .. الحلول دوم سهلة وموجودة على الورق ولازم تندرس صح لكن من تنفذ كل شيء يكون صعب .. الحلول سهلة في القرارات التخطيطية الصح .. لكن يحطون لي على سبيل المثال محطة دفاع مدني بين البيوت مثل اللي في العزيزية والأَرض الكبيرة فاضية اللي مقابلة استاد خليفة وكان حتى ممكن دمج المحطة في ساحة الاستاد لسهولة الحركة في كل الاتجاهات بدل دسها بين البيوت .. وبقت الشوارع حولها ضيقة على حالها ومكسرة .. ما فكروا في ازعاج هذه الآليات؟ ولا فكروا في سرعتها وهي متجهة لأَداء واجب مهم.

والله ياخوك قلناها مليون مره

يخططون المشروع حق اليوم وينفذونه عقب سنتين ويخلص عقب 10 سنين ونرد على نفس الموال صبه حقنه لبن

[مشهور]

مبروك علينا الإشارات الله يجزاك خير
الله كريم ....