كلية المجتمع ، ابي نصايحكم

[S.T.Y.L.E]

السلام عليكم ورحمه الله وبركاته

شخباركم عساكم بخير
ندخل فالموضوع ، انا حالياً اشتغل ودوامي لين 3 تقريباً ، وابي اسجل في كلية المجتمع مسائي ( دبلوم )
دوامي ممكن اول سنة يسمحون لي اطلع قبل نهايه الدوام بساعه جذي

هل الدراسه صعبه في الكلية ؟

هل برنامج الدبلوم طويل ؟ بمعنى من 4 مثلا لين 9 او 10 والا ممكن ساعتين ثلاث ساعات فاليوم ؟

تنصحوني في اني اشتغل وادرس ؟ الدراسة شي اكيد بيفيدني بس اقصد التوازن بينهم بيكون اوكي والا صعب ، مع العلم بيني وبين الجامعه حوالي 30 - 40 كيلو

[شمعة الدوحه]

مابي احبطج
بس انا كنت فيها وكل كورس اتعب وانسحب
كان دوامي يخلص 3 الا ربع ودايركت عالكليه وماطلع الا 9 ونص اوصل البيت 10 او 10 ونص منهاره ونوم لين اليوم الثاني
يعني مافيه وقت للمذاكره كلش
صراحه نظامهم خايس هاي غير الاجازات والظروف اللي تصيدج صعب انهم يتقبلونها
واللي تداوم مسائي بقولها استريحي بالبيت احسن
بيضيع عمرج ووفيه مواد ماتنطرح وتضطرين تنطرين الكورس اللي عقبه عشان ماده
اذا صباحي احسن .. وغير انه تتفرغين تفرغ كلي للدراسه
صراحه كمسائي ماعجبني نظامهم كلش
غير انه ماتوفقت انه اجمع بين الشغل والدراسه لان نظامهم ضغط من 4 لين 9 وونص ورى بعض المحاضرات

[S.T.Y.L.E]

مابي احبطج
بس انا كنت فيها وكل كورس اتعب وانسحب
كان دوامي يخلص 3 الا ربع ودايركت عالكليه وماطلع الا 9 ونص اوصل البيت 10 او 10 ونص منهاره ونوم لين اليوم الثاني
يعني مافيه وقت للمذاكره كلش
صراحه نظامهم خايس هاي غير الاجازات والظروف اللي تصيدج صعب انهم يتقبلونها
واللي تداوم مسائي بقولها استريحي بالبيت احسن
بيضيع عمرج ووفيه مواد ماتنطرح وتضطرين تنطرين الكورس اللي عقبه عشان ماده
اذا صباحي احسن .. وغير انه تتفرغين تفرغ كلي للدراسه
صراحه كمسائي ماعجبني نظامهم كلش
غير انه ماتوفقت انه اجمع بين الشغل والدراسه لان نظامهم ضغط من 4 لين 9 وونص ورى بعض المحاضرات

:weeping:

شكلي بنطر عيل للسنه اليايه على ما احاول يعطوني تفرغ
انا بروحه دوامي وايد وايد كرف لكن توقعت الكلية اخف شوي
كلش ماتوقعت يكون نظام متواصل من 4 لي 9 جي وايد وخاصة اذا يوميا

الله يعين :weeping:

[شمعة الدوحه]

:weeping:

شكلي بنطر عيل للسنه اليايه على ما احاول يعطوني تفرغ
انا بروحه دوامي وايد وايد كرف لكن توقعت الكلية اخف شوي
كلش ماتوقعت يكون نظام متواصل من 4 لي 9 جي وايد وخاصة اذا يوميا

الله يعين :weeping:

هاي هو انا نفس حالتج .. صعبه اذا كرف بالدوام
مافيه الا تدشين صباحي او يطرشونج دوامج اي جامعه افضل من المجتمع
او تعيدين ثانويه وتدشين جامعة قطر مسائي ابرك لج
عالاقل انتي تحددين الجدول وكم يوم

[S.T.Y.L.E]

هاي هو انا نفس حالتج .. صعبه اذا كرف بالدوام
مافيه الا تدشين صباحي او يطرشونج دوامج اي جامعه افضل من المجتمع
او تعيدين ثانويه وتدشين جامعة قطر مسائي ابرك لج
عالاقل انتي تحددين الجدول وكم يوم

جامعه قهرررر
نسبتي 74% وابي ادش اداره قالولي لازم 75% تخيلي
على 1% لازم اروح اقدم ايلس واجيب سات ، زين انا بدخل بالعربي ليش هالسنداره على الـ 1% بس !!

حسبيالله ونعم الوكيل فيهم بس
خليها على الله ، مشكوره على تجاوبج ^^

[شمعة الدوحه]

جامعه قهرررر
نسبتي 74% وابي ادش اداره قالولي لازم 75% تخيلي
على 1% لازم اروح اقدم ايلس واجيب سات ، زين انا بدخل بالعربي ليش هالسنداره على الـ 1% بس !!

حسبيالله ونعم الوكيل فيهم بس
خليها على الله ، مشكوره على تجاوبج ^^

اي والله جامعة قهر
انا وحده من اللي اطلعوا منها
واذا لي نصيب اكمل دراستي بكملها في اي جامعه الا جامعة قطر اكس

[eXpert*]

لا تؤجل عمل اليوم إلى الغد ظ«ظ« توكل على وربك يدبر الأمور ..

الناس تتمنى فرصة الحصول على القبول في الكلية بسبب قوائم الإنتظار الطويلة ،، إذا صدف وتم قبولك لا تتردد..

صادف جلست مع طلاب ذكروا لي أن دوامهم لايزيد عن ساعتين في اليوم والسبب أنهم منسقين مع الأساتذة .. و الطاقم الأكاديمي في الكلية يتفاهم ويتعاون مع الطلبة ..

بالتوفيق يا رب ..

[H H]

توكلي على الله ولاتحكمين على تجربتك قبل ماتبدا!
كلن له تجربته وماينفع تعممين تجربة الاخرين عليك , يمكن يجيك واحد من الي درسوا في هالكليه
ويمدحها لك ويقولك انها خفيفه وسهله والامور طيبه , وقتها بتكونين ضيعتي على نفسك سنه!
والكليه اصلاً كلها على بعضها سنتين , يعني لو تدخلينها هالسنه والسنه الجايه وانتي تفرغ بتكونين خلصتي!

وبخصوص جامعة قطر , جربتي تقدمين هالسنه ؟ الحقي عالتقديم وسالفة ال 74% ان شالله بيلقون لها حل!
اتوقع ان في لها حل بالدخول في سنة تاسيسي او غيره من الحلول!

مسوين قبول مبكر ومشروط للمواطنين وتسكر , لكن القبول العام لجميع الجنسيات مازال مفتوح!
قدمي وان شالله بتلقين فرصه او حل لموضوع النسبه الوحده ,

توكلي وتذكري ان لك رب كريم , وباذن بتمشي الامور.

[حمد 2002]

فكري بالبكالريوس ولا تفكرين بالدبلوم .

نصيحه .

[H H]

وبخصوص جامعة قطر , جربتي تقدمين هالسنه ؟ الحقي عالتقديم وسالفة ال 74% ان شالله بيلقون لها حل!
اتوقع ان في لها حل بالدخول في سنة تاسيسي او غيره من الحلول!

مسوين قبول مبكر ومشروط للمواطنين وتسكر , لكن القبول العام لجميع الجنسيات مازال مفتوح!
قدمي وان شالله بتلقين فرصه او حل لموضوع النسبه الوحده ,

مثل ماتوقعت , توني متواصل معهم وقالولي اذا النسبه من 70% وطالع تنقبل في التخصصات العلميه.
واذا نسبتك 70% وكسور , حتى لو 70.1% يجبرونها وتصير 75% وتقدرين تدخلين التخصص الي تبينه.

التقديم الالكتروني بينتهي 2/7 , يعني هالخميس , قدمي والقبول مضمون باذن الله.


بالتوفيق.

[العتوي]

انا بنسبه لي داخل الكليه
ودوامي يعطوني ساعه اطلع وهل
وبنسبه للدراسه اذا كنتي تىسيي انقلش فبيكون من 4 لين 9
انا جاتني هل المرحله وصج تعبت بس اجتزتها والحمدلله
وتوني اخذ مواد
اذا بتاخذين مواد راح ترتاحين تاخذين الماده والدكتور والوقت اللي يناسبج
وانا نصيحه مني لازم تتعبين بالبدايه عشان ترتاحين بنهايه
موفقه

[شمعة الدوحه]

مثل ماتوقعت , توني متواصل معهم وقالولي اذا النسبه من 70% وطالع تنقبل في التخصصات العلميه.
واذا نسبتك 70% وكسور , حتى لو 70.1% يجبرونها وتصير 75% وتقدرين تدخلين التخصص الي تبينه.

التقديم الالكتروني بينتهي 2/7 , يعني هالخميس , قدمي والقبول مضمون باذن الله.


بالتوفيق.


انا اشوف انه جامعة قطر افضل لها من كلية المجتمع
جربي قبل لايخلص التسجيل

[H H]

مثل ماتوقعت , توني متواصل معهم وقالولي اذا النسبه من 70% وطالع تنقبل في التخصصات العلميه.
واذا نسبتك 70% وكسور , حتى لو 70.1% يجبرونها وتصير 75% وتقدرين تدخلين التخصص الي تبينه.

التقديم الالكتروني بينتهي 2/7 , يعني هالخميس , قدمي والقبول مضمون باذن الله.


بالتوفيق.


آسف , Typo mistake

كنت اقصد التالي:


مثل ماتوقعت , توني متواصل معهم وقالولي اذا النسبه من 70% وطالع تنقبل في التخصصات العلميه.
واذا نسبتك 74% وكسور , حتى لو 74.1% يجبرونها وتصير 75% وتقدرين تدخلين التخصص الي تبينه.

التقديم الالكتروني بينتهي 2/7 , يعني هالخميس , قدمي والقبول مضمون باذن الله.


بالتوفيق.

[أم محمد 90]

شالردود المحبطه ّ!!!!

شالانسحاب


شالسلبية ؟؟!!!


خلاص اللي فشل ولا ماقدر ماينصح غيره يجرب ؟!

انا فشلت بجامعة قطر بسبب وقت المواد صعب صعب الواحد يدرس ويشتغل الا اذا دوامه مفرغة وماعطه ساعتين تفرغ .,
انا ربي بلاني قبل بدوام يحاسبوني ع العشر دقايق ف كنت اطلع 1:50 عشان اوصل كلاس الساعه 2 اللي ما اوصله الا 2 ونص بسبب الزحمة وكله انحط غياب
وانطردت من مواد ومافي تقدير اني موظفة وضاعت 3 سنين من عمري على الجامعة , والسبب ماقدرت انسق بين اوقات دوامي والجامعة .

اي الجامعة المتطلبات العامة في لساعات بعد الداوم لكن تعالي لين دخلتي التخصص واللي ماتحصلين اكثر كلاس متاخر يبدا 3 ونص .

بس اذا غيري بيدخلها ما اقول لا اقوله وشو واجهت وهو برايه ..


تجربتي مع كليه المجتمع :

دخلت السنة الماضية وابتديت شهر يناير ,

جدولي كالتالي :

أول كورس :
المواد تبدأ من 2 ونص واخلص 7
وفي ايام كنت اخلص 6 ونص

اول كورس تعبت ., كنت ما اشوف هلي , ماعندي وقت اخلص مشاويري او حتى اروح الصالون او الجيم او اي شي .
وتعلمت ارتب جدولي ..

الكورس اللي بعده خذت من 4 لين 8

كنت اخلص دوام اطلع اروح اريح او حزات اتغدى مع البنات بمجمع وعقب اروح الكلية ,, وكان الموضوع اسهل شوي

الكورس الثالث :

دمجت المواد في يومين ف الاسبوع فقققط

صرت اروح اثنين واربعا انكرف من 2 ونص لين 8 ونص

و3 ايام راحة

الكورس الجاي سجلت من 4 لين 8 .



بقولج الكلية تعتمد على شنو :

انا بنت مالي بالزيارات الزايدة والاجتماعات وغيره واغلب وقتي لو رديت البيت وماعندي كليه ماعندي شي , ف مب صعب ان الكلية تاخذ وقتي .
لكن اللي دوم عزايم وزيارات وطلعات بيكون صعب عليها تكرس وقتها للكلية .


بخصوص الواجبات اشوفها مالت يهال والحمدلله كله اجيب a
الامتحانات سهلة وايد , الدكاترة حبوبين (اغلبهم)

عتبي الوحيد ان الكلية مكانها تعييييس في المنتزه , ولكن من الكورس الجاي بيكون في اللوسيل (ورى بيتنا على طول)

ف مسألة اطلع من دوامي اروح البيت ساعتين واروح الكلية بتكون حلوة ,

تخرجي شهر 5 السنة الجاية ان شاء الله .


بالعكس الكلية الدراسة فيها ممتعة , حلوة , خصوصا انها للقطريات بس بس ترى كل مالها تصير ازحم وازحم ف نصيحتي اللي يبي يكمل يلحق عمره .
لان هالكورس واجهت واااايد صعوبه ف تسجيل المواد بسبب ان عدد الطالبات زاد .

انصح بالكلية ؟؟



اي انصح للي بالها وقلبها وعقلها على دراستها .

ترى بنات وايد معاي متزوجات ويشتغلون ويدرسون . لان الحلو ف الكلية ان 70% من درجتج تكون على واجبات وابحاث وامور تافهه

وحتى البحث سهل تسوينه مو صعب مثل جامعة قطر يحط لج برنامج لو نسختي كلمه من النت بينها لج وخصم من درجتج .

اذا انتي وحدة تحبين المقيال , الطلعات , الزيارات , ما انصح بالكلية الا في حالة وحدة:

تسجلين فيها خفيف خفيف

يعني كل كورس اخذي 3 مواد بحيث 5 ونص تخلصين كليتج وترجعين البيت وعندج ماتبقى من اليوم .


يوم الخميس دوم راحة نادر مايكون فيه مواد .

ان شاء الله اكون افدتج ., الكلية لها مستقبل كبيير قدام لان الادارة قاعدة تتعاقد مع ارقى الجامعات برى , ف نصيحة لو جاتج فرصة لا تضيعينها ,

وبالتوفيق .

[أم محمد 90]

فكري بالبكالريوس ولا تفكرين بالدبلوم .

نصيحه .

مو عيب الواحد ياخذ دبلوم ويكمل بكالريوس ,
عادي ناس وايد سووها :)

[لاجئ عاطفي]

انا موظف وابو عيال وراعي بيت ومع ذي اداوم دوام صباحي والعصر في الكليه .. الدراسه مافيها اي شي وبالعكس بسيطه وسهله كلها كورسات لغه تعديها وعقب اتخصص لمدة سنتين دبلوم 60 ساعه ويكمل الباقي في جامعة قطر وبهالطريقه يحصل على البكالريوس او يكمل في الكليه عندهم بكلريوس في الادارة العامة وهالتخصص جديد ومطلوب في سوق العمل فماشوف اي صعوبه في الكلية الا في البدايه والي يقدر يجيب ايلس راح يجتاز مرحلة التاسيسي اللغه وراح يتخصص على طول ونصيحه مني اي مجال فيه دراسه لك اسلكه لان بشهادتك راح تقرر مستقبلك والله يوفق الجميع والحمدالله الدولة وفرت لنا كل شي وبالمجااان فلازم نتعب اشوي

[مــاي ورد]

ليش كل هالاحباطات الله يهداكم

اللي يبي الدح ما يقول اح

انا كنت موظفة اول كورس سجلت فيه مع كلية المجتمع و كنت اداوم وادرس والجدول تقدرين تسوينه على هواج بس تسجلين بدري قبل لا تتسكر المجاميع والحمدلله جبت معدل حلو خذت 3 مواد بس

الكورس اللي بعده بعد خذت 3 مواد لان تزوجت وحامل والله وفقني وجبت معدل زين بس تركت الشغل لاني تعبت مع الحمل شوي

وتوني خذت صيفي وانا في الشهور الاخيرم من الحمل كنت متوترة وافكر ماخذ الكورس بس خذته والحمدلله والصيفي مادتين فقط

باقي الكورس لج حد خمس مواد ونظمي جدولج ع يومين في الاسبوع او ثلاث مب لازم طول الاسبوع دوام

الكلية احسن من جامعة قطر بوايد خذي مواد قد ما تقدرين عقب حولي على جامعة قطر

المدرسين متفهمين والكلاسات صغيرة ولين رحتي جامعة قطر بتروحين مخلصة نص المواد ومفتكة ومن يصير عندج ظ¢ظ¤ ساعه تقدرين تحولين جامعة قطر

لا تعتمدين على الردود السلبية ادخلي وجربي حتى لو كورس واحد

اللي يبي يدرس ويشتغل لازم يتعب شوي مايصير تكون حياته نوم وزيارات عائلية وطلعات ىنفس الوقت يدرس
الواحد يستمتع ويستانس عقب لين خلص دراسته

[أم محمد 90]

ليش كل هالاحباطات الله يهداكم

اللي يبي الدح ما يقول اح

انا كنت موظفة اول كورس سجلت فيه مع كلية المجتمع و كنت اداوم وادرس والجدول تقدرين تسوينه على هواج بس تسجلين بدري قبل لا تتسكر المجاميع والحمدلله جبت معدل حلو خذت 3 مواد بس

الكورس اللي بعده بعد خذت 3 مواد لان تزوجت وحامل والله وفقني وجبت معدل زين بس تركت الشغل لاني تعبت مع الحمل شوي

وتوني خذت صيفي وانا في الشهور الاخيرم من الحمل كنت متوترة وافكر ماخذ الكورس بس خذته والحمدلله والصيفي مادتين فقط

باقي الكورس لج حد خمس مواد ونظمي جدولج ع يومين في الاسبوع او ثلاث مب لازم طول الاسبوع دوام

الكلية احسن من جامعة قطر بوايد خذي مواد قد ما تقدرين عقب حولي على جامعة قطر

المدرسين متفهمين والكلاسات صغيرة ولين رحتي جامعة قطر بتروحين مخلصة نص المواد ومفتكة ومن يصير عندج ظ¢ظ¤ ساعه تقدرين تحولين جامعة قطر

لا تعتمدين على الردود السلبية ادخلي وجربي حتى لو كورس واحد

اللي يبي يدرس ويشتغل لازم يتعب شوي مايصير تكون حياته نوم وزيارات عائلية وطلعات ىنفس الوقت يدرس
الواحد يستمتع ويستانس عقب لين خلص دراسته

ويقولون الحريم ماينفعون لشي

والله اني لما اشوف طالبه حامل وتداوم فالجامعة او الكلية وتشمي كل هالمسافات ادعي لها .,,

الله يهون عليج ويوفقج ان شاء الله ..

..... كفو .....

[Mr 3idany]

أم محمد 90 & ماي ورد &لاجئ عاطفي

ماشاء الله عليكم الله يوفقكم يارب في دراستكم وتتخرجون وبصراحه لاحظت ردود وايد تحطيم والسبب النظره السلبية لكلية المجتمع وجامعة قطر

لكن حلو الواحد ما يلتفت للكلام ويجرب الشي وعقب يحكم لان اذا الواحد بيسمع كلام الناس بيضيع ولا راح يسوي شي بحياته

وانا واحد من اللي يدرسون في جامعهة قطر واشتغل بنفس الوقت والحمدلله الحين في ( سنه ثالثه )

ومريت في ظروف مع الشغل وضعوطات كبيره ولكن شي حز في خاطري يوم دخلت الجامعة كانت العالم تتكلم وتتكلم ويوم اخترت التخصص

ورب العالمين وفقني كنت اسمع كلام يقولون لي شتبي بهالتخصص صعب وصعب ولكن انا عندي مبدأ أحب اجرب الشي

ومن ثم احكم لان كلام الناس عندي ( ما يقدم ولا يأخر ) ولله الحمد ماشي ومستانس بالتخصص


في نهاية كلامي أحب اوصل كلمه بأنه لحد يمشي على كلام الناس جرب الشي واذا الشي في مصلحته ومستقبلة يتوكل على الله ويجرب الشي

لان الناس ما عندها الا التحبيط والكلام اللي ما عندهم غيره مثال ( سمعت ، وقالولي ، وواحد من الربع )