المساعد الشخصي الرقمي

مشاهدة النسخة كاملة : ايش افضل بنك إسلامي حاليا يوزع أرباح على الودائع



khaldoon
29-06-2015, 12:22 AM
السلام عليكم و رحمة الله و بركاته

عندي مبلغ من المال و بغيت احطه وديعه....فايش افضل بنك إسلامي حاليا يوزع أرباح على الودائع

لا تقولون لي حطها في البورصه في سهم نقي لانه لي تجارب فاشله وما ابي اخسر المبلغ

ارجو منكم المساعده و جزاكم الله كل خير

eXpert*
29-06-2015, 12:43 AM
بنك بروة (حساب فسيل) يعطيك أرباح لغاية 3% .ويقبلون ما بين 10,000 و حتى 2,000,000 بحد أقصى .

و مثل ما الوديعة تتطلب منك تنساها كي تنال على أرباحها كذلك الأسهم ،، أشتر اليوم لـ 5 سنوات مستقبلاً ..

بالتوفيق ..

khaldoon
29-06-2015, 12:55 AM
بنك بروة (حساب فسيل) يعطيك أرباح لغاية 3% .ويقبلون ما بين 10,000 و حتى 2,000,000 بحد أقصى .

و مثل ما الوديعة تتطلب منك تنساها كي تنال على أرباحها كذلك الأسهم ،، أشتر اليوم لـ 5 سنوات مستقبلاً ..

بالتوفيق ..

جزاك الله كل خير على سرعة الرد....ان شاء الله بكلمهم و بشوف....بانتظار باقي الاقتراحات من الاخوه و الاخوات الكرام

captin
29-06-2015, 01:26 AM
مرحبا اخ خلدون

نسب الفائدة غالبا محددة من قبل البنك المركزي لكل البنوك
وان اختلفت المسميات للمنتجات والصناديق الاستثمارية .

انا انصحك تفتح حساب بمصرف قطر الاسلامي وتطلب منهم الاشتراك
في السندات الحكومية بالدولار الامريكي عندهم كذا نوع من السندات
احسنها من حيث العائد هو سندات حكومة أبوظبي العائد مالها يوصل الى تقريبا
6% . واقل مبلغ تقدر تشترك فيه حسب علمي 100 الف دولار يعني 365000 ريال قطري .

بالتوفيق ان شاء الله

khaldoon
29-06-2015, 11:33 PM
بنك بروة (حساب فسيل) يعطيك أرباح لغاية 3% .ويقبلون ما بين 10,000 و حتى 2,000,000 بحد أقصى .

و مثل ما الوديعة تتطلب منك تنساها كي تنال على أرباحها كذلك الأسهم ،، أشتر اليوم لـ 5 سنوات مستقبلاً ..

بالتوفيق ..

كلمتهم اليوم و الفائده أصبحت 2% فقط و زمان كانت تصل الى 3.5% و هو حساب توفير سوبر ستار كما يسمونه و يقول الموظف انه افضل عرض للبنوك الاسلاميه في قطر و يسمح به السحب لمره واحده بالشهر على ان لا يقل المبلغ المودع في البنك عن 10000 ريال و في حالة القيام بعمليتين سحب مهما كان المبلغ المودع تصبح نسبة الربح 0.50%.

لبيبة
30-06-2015, 12:07 AM
السلام عليكم ورحمة الله وبركاته،

أنصح بالصكوك الإسلامية عن طريق المصرف http://d.pr/1hdpR، وصناديق شراع الاستثمارية في المصرف أيضًا http://d.pr/141pH

أقل مبلغ للاستثمار هو 100 الف دولار امريكي.

qwerty
31-07-2015, 10:46 PM
فعلا الودائع حاليا مامنها فايدة
قبل سنوات كانت الفائدة تصل إلى 5%
والسبب لما يكون في ازمات البنوك تكون محتاجة للسيولة وتخلي النسب عاليا والعكس لما مافي ازمات عشن كذا النسب جدا ضعيفة
وافضل حل لك في شي اسمة حافظة استثمارية موجودة في اغلب البنوك
انت تشتري حافظة وكل حافظة سعرها تقريبن 20 الف والبنك يشتري فيهم اسهم وهو يبيع ويشتري فيهم وانت تستلم الارباح كل سنة بس في نسبة مخاطرة عاليه
احد البنوك قبل سنتين وصل الفائدة عندة 26% والعام الماضي 24% وهالسنة نزل وايد
وانا اشوفها حل ممتاز للي ماعندة خبرة بالاسهم ولا ماعندة وقت
ولا تنسى لو حطيت الوديعة مع هالنسبة البسيطة ماراح تاخذ منهم شي لان بيرحون للزكاة فالافضل تستثمرها في شي يجيب لك مبلغ زين تدفع فيه الزكاة وتستفيد من الباقي

دايموند
13-01-2016, 08:38 PM
يا اخوان حبيت استفسر افضل بنك يعطي ارباح للوديعه او صناديق الاستثمار

الي سمعته اعلى نسبه ارباح يعطيها هو بنك بروه

حيث اتصلت عليهم وقالوا لي وديعه لمده 5 سنوات نسبه الارباح السنويه من 7 ال 9 %

qatara
13-01-2016, 09:17 PM
أي بس يا اخوان مثل هلسندات

هل هي ربا ولا لا

لاحد يقولي مش ربا وفيها نسبه تطهير


يا ربا ام لا
؟

khaldoon
14-01-2016, 12:04 AM
يا اخوان حبيت استفسر افضل بنك يعطي ارباح للوديعه او صناديق الاستثمار

الي سمعته اعلى نسبه ارباح يعطيها هو بنك بروه

حيث اتصلت عليهم وقالوا لي وديعه لمده 5 سنوات نسبه الارباح السنويه من 7 ال 9 %

اخوي انا حطيت مبلغ من المال في بنك بروه تحت حسب الفسيل على ما اذكر اسمه هالشكل و هو حساب توفير تودع فيه اقل شي عشرة الاف ريال و تأخذ أرباح 2% و ممنوع تسحب منه الا مره واحده بالشهر و يظل الحد الأدنى بعد السحب في الحساب عشرة الاف ريال و الا لو سحبت اكثر مم مره بتصير الفائدة 0.5%... يعني مب وديعه ولا تربط المبلغ بل تقدر تسحب منه قوت الحاجه مرة بالشهر

khaldoon
14-01-2016, 12:06 AM
اذكر انه البنك الدولي يعطي نسبة ربح 1.75 لو الوديعه مدتها سنه و نصف بينما المصرف يعطي نسبة 1.25% لو مدتها سنة او سنة و نصف تقريبا... يعني الدولي افضل من المصرف و بروه افضل منهم الاثنين و بدون وديعه بل حساب توفير

بوخميس
14-01-2016, 12:48 AM
وآخرتها بتطلع زكاة 2.5%

مع ان ارباح الودائع المحددة بالنسبة إلى رأس المال فيها كلام وشبهة غرر وجهالة

دايموند
14-01-2016, 08:17 AM
اخوي انا حطيت مبلغ من المال في بنك بروه تحت حسب الفسيل على ما اذكر اسمه هالشكل و هو حساب توفير تودع فيه اقل شي عشرة الاف ريال و تأخذ أرباح 2% و ممنوع تسحب منه الا مره واحده بالشهر و يظل الحد الأدنى بعد السحب في الحساب عشرة الاف ريال و الا لو سحبت اكثر مم مره بتصير الفائدة 0.5%... يعني مب وديعه ولا تربط المبلغ بل تقدر تسحب منه قوت الحاجه مرة بالشهر

لالا اخوي خلدون ..مش حساب توفير (فسيل)


عندهم صناديق وخطط استثماريه (نظام ودائع)

المشكله مش مذكور بالتفصيل في موقعهم لازم تتصل وتستفسر..

انا قالوا لي في ع 5 سنوات وفي على 3 سنوات وفي انواع ثانيه بعد بس اعلى نسبه ارباح هي الي بو 5 سنوات
قالت لي الموظفه نسبه الارباح مابين 7 الى 9 % وياخذون المبلغ ويستثمرونه في العقارات وسنويا تنزل لي الارباح ولمده 5 سنوات وبعدها اقدر اسحب المبلغ الي اودعته عندهم..والارباح اقدر استلمها كل 6 شهور...



وقالت لي ان بنك بروه الاسلامي يعطي اعلى نسبه ارباح ع الودائع في قطر

دايموند
14-01-2016, 08:20 AM
أي بس يا اخوان مثل هلسندات

هل هي ربا ولا لا

لاحد يقولي مش ربا وفيها نسبه تطهير


يا ربا ام لا
؟

ماعندي اجابه

khori
14-01-2016, 11:45 AM
لالا اخوي خلدون ..مش حساب توفير (فسيل)


عندهم صناديق وخطط استثماريه (نظام ودائع)

المشكله مش مذكور بالتفصيل في موقعهم لازم تتصل وتستفسر..

انا قالوا لي في ع 5 سنوات وفي على 3 سنوات وفي انواع ثانيه بعد بس اعلى نسبه ارباح هي الي بو 5 سنوات
قالت لي الموظفه نسبه الارباح مابين 7 الى 9 % وياخذون المبلغ ويستثمرونه في العقارات وسنويا تنزل لي الارباح ولمده 5 سنوات وبعدها اقدر اسحب المبلغ الي اودعته عندهم..والارباح اقدر استلمها كل 6 شهور...



وقالت لي ان بنك بروه الاسلامي يعطي اعلى نسبه ارباح ع الودائع في قطر

اختي على اي رقم كلمتيهم عشان اسئلهم عن الودائع ؟
ولا لازم اروح لهم

khaldoon
14-01-2016, 12:46 PM
لالا اخوي خلدون ..مش حساب توفير (فسيل)


عندهم صناديق وخطط استثماريه (نظام ودائع)

المشكله مش مذكور بالتفصيل في موقعهم لازم تتصل وتستفسر..

انا قالوا لي في ع 5 سنوات وفي على 3 سنوات وفي انواع ثانيه بعد بس اعلى نسبه ارباح هي الي بو 5 سنوات
قالت لي الموظفه نسبه الارباح مابين 7 الى 9 % وياخذون المبلغ ويستثمرونه في العقارات وسنويا تنزل لي الارباح ولمده 5 سنوات وبعدها اقدر اسحب المبلغ الي اودعته عندهم..والارباح اقدر استلمها كل 6 شهور...



وقالت لي ان بنك بروه الاسلامي يعطي اعلى نسبه ارباح ع الودائع في قطر

في عندهم مثل هذه الودائع بس بتكون على مبالغ كبيره يمكن تصل نص مليون ريال سعودي على ما اعتقد لاني زمان سألتهم من يوم طرحت هذا الموضوع بشهر يونيو ...بس ارجو الانتباه..... لي تجربه سابقه مع المصرف سنة 2005 بخصوص هالشي انهم بيستثمرون عقارات في فرنسا و بيعطوا صاحب الوديعه اللي مدتها خمس سنوات نسبة ربح ثابته تصل الى 8% و تنزل كل ثلاث شهور... على اساس ايداع ما يعادل 10 الاف يورو على ما اذكر...... طبعا انا عن نفسي طلعت راس براس مع ربح بسيط فرق تحويل اليورو بس اختي متعلقه معهم للحين و يبون يخصمون عليها كل الارباح اللي اعطوها لها من قبل

دايموند
14-01-2016, 02:27 PM
اختي على اي رقم كلمتيهم عشان اسئلهم عن الودائع ؟
ولا لازم اروح لهم

الكول سنتر ..وهم بيحولونك ع قسم اداره الثروات اعتقد اسمها جذي

ولا تروح لهم ولا شي انا طلبت شخص (مندوب يجيني لين شغلي فالخور )يشرح لي شنو المطلوب مني وكم راح تكون الارباح وان اقتنعت بوقع العقد معاهم وانا في مكتبي

دايموند
14-01-2016, 02:29 PM
في عندهم مثل هذه الودائع بس بتكون على مبالغ كبيره يمكن تصل نص مليون ريال سعودي على ما اعتقد لاني زمان سألتهم من يوم طرحت هذا الموضوع بشهر يونيو ...بس ارجو الانتباه..... لي تجربه سابقه مع المصرف سنة 2005 بخصوص هالشي انهم بيستثمرون عقارات في فرنسا و بيعطوا صاحب الوديعه اللي مدتها خمس سنوات نسبة ربح ثابته تصل الى 8% و تنزل كل ثلاث شهور... على اساس ايداع ما يعادل 10 الاف يورو على ما اذكر...... طبعا انا عن نفسي طلعت راس براس مع ربح بسيط فرق تحويل اليورو بس اختي متعلقه معهم للحين و يبون يخصمون عليها كل الارباح اللي اعطوها لها من قبل

نعم المبلغ الي طرحته عليهم مابين 500 الف الى مليون ريال...

وفي اقل قالت لي في خطه 20 الف اعتقد و خطه 50 الف بعد للودائع اعتقد تكون مضاربه بالاسهم او شي من هالقبيل ماعرف هالسوالف

qatara
14-01-2016, 11:06 PM
ماعندي اجابه

مشكوره عسى حد من الاخوه يفيدنا

khaldoon
16-01-2016, 11:06 AM
نعم المبلغ الي طرحته عليهم مابين 500 الف الى مليون ريال...

وفي اقل قالت لي في خطه 20 الف اعتقد و خطه 50 الف بعد للودائع اعتقد تكون مضاربه بالاسهم او شي من هالقبيل ماعرف هالسوالف

اوعك تشترك معاهم في شي اسمه محافظ اسهم .....يا ويلك لو اشتركت........خسران من الحين .... اشتركت في شركة سوليتدري الاسلاميه البحرينيه اللي وكيلها المصرف و كانت محافظ اسلاميه و خسرت فيها و التعويض عن الخساره بس 5% من قيمة خسارتي ولا قولت لزوجتي اني خسران الا شي بسيط علشان ما تقول عني ما اعرف للاستثمار ....و المصرف ولا له اي دخل ولا من قريب او بعيد و البرنامج كان فاشل جملة و تفصيلا و الموظفه اللي الله لا يبارك فيها تقولي انت ثاني اقل خسارة عنا في المشروع.... لانه اول اقل خساره ما كانت تدفع ههههههههههههه

طامحح
21-01-2016, 02:02 PM
السلام عليكم .. يوجد شركة فى الدوحة لديها استثمارات فى مكة المكرمة والمدينة المنورة بضمان عوائد ايجارية 12% سنويا بوثيقة ايجار شرعية كما لديهم نظام الصكوك الشرعية
شركة كويت لادارة المشاريع برج عبد الله عبد الغنى المطار ..

khaldoon
22-01-2016, 10:57 PM
السلام عليكم .. يوجد شركة فى الدوحة لديها استثمارات فى مكة المكرمة والمدينة المنورة بضمان عوائد ايجارية 12% سنويا بوثيقة ايجار شرعية كما لديهم نظام الصكوك الشرعية
شركة كويت لادارة المشاريع برج عبد الله عبد الغنى المطار ..


جزاك الله كل خير على الاضافه القيمه