قرار صرف الراتب قبل العيد ما يساعد المواطن

[شالح بن هدلان]

اذ كان القرار في مصلحه المواطن فنرجوا ان يكون

صرف راتب للمواطنيين من دوله كـ هبه او كـ عيديه



فـ أهل قطر يستاهلون

[موظف ((حكومي]

الله يعوض عليهم

[فريج شرق]

الله يعوض عليهم

مع احترامي لك ولكن لا اوؤيد ذلك ومن الافضل ان يصرف الراتب اخر الشهر كالعادة لان الصرف قبل العيد يؤدي الى التبذير وطول الانتظار للراتب القادم

[قطر الشموخ]

قرار خاطئ لانه الفتره راح تكون اكثر من 44 يوم وهذا طبعا راح يسبب خلل لكل عائله

[مرتبش]

اي قرار؟

[مفكر قطري]

ما اتوقع ان الرواتب بتنصرف قبل العيد o.o

[غريب الدّار]

مع احترامي لك ولكن لا اوؤيد ذلك ومن الافضل ان يصرف الراتب اخر الشهر كالعادة لان الصرف قبل العيد يؤدي الى التبذير وطول الانتظار للراتب القادم


قرار خاطئ لانه الفتره راح تكون اكثر من 44 يوم وهذا طبعا راح يسبب خلل لكل عائله

قواكم الله يااخوان

بس اللي فهمته من كلام الأخ انه مايبي راتب

يبي هدية او هبة !


يعني فلوس بلاش


بصريح العبارة هدية الحين والراتب في وقته

هذا اللي فهمته من سياق كلامه

[JN000N]

واذا نزلوه شعاد
لاتصرفون منه
غيركم يمكن محتاج
ليش دايما تطالبون بقرارات لازم تتطبق على كل الناس لان بس مانفعكم القرار؟

[ضوى]

واذا نزلوه شعاد
لاتصرفون منه
غيركم يمكن محتاج
ليش دايما تطالبون بقرارات لازم تتطبق على كل الناس لان بس مانفعكم القرار؟

أنا واحدة ابيه وراي سفر ابي امتع نفسي

[JN000N]

أنا واحدة ابيه وراي سفر ابي امتع نفسي

زين بس لاتخلصينه بسرعه عشان ماتوهقين عقب ماتعودين
ولاتنسيني بالصوغه :shy:

[حمد 2002]

انا ضد صرف الراتب بسرعه ومع راتب اضافي مكرمه من الدوله .


والمواطنين يستاهلون .


الكاتب الصحفي

حمد 2002

[ضوى]

زين بس لاتخلصينه بسرعه عشان ماتوهقين عقب ماتعودين
ولاتنسيني بالصوغه :shy:

عشان جذي راتب الشهر الجاي ابيه للصوايغ مب ناسية حد ان شاء الله

[بومحمد المطاوعه]

خل ينزلون في ناس محتاجه
والي مب محتاج يخليه فالتوفير

وين المشكله فالموضوع !!

[JN000N]

عشان جذي راتب الشهر الجاي ابيه للصوايغ مب ناسية حد ان شاء الله

فديت ويهج ماتقصرين

[شالح بن هدلان]

قواكم الله يااخوان

بس اللي فهمته من كلام الأخ انه مايبي راتب

يبي هدية او هبة !


يعني فلوس بلاش


بصريح العبارة هدية الحين والراتب في وقته

هذا اللي فهمته من سياق كلامه


في كتاب طلع من وزارة المالية الى البنوك بخصوص

تنزيل الرواتب قبل العيد

المراد اذا كان المقصد هو مساعدة المواطن على مصاريف العيد فأحسن مساعدة هو ان يكون كـ عيدية

[غريب الدّار]

فأحسن مساعدة هو ان يكون كـ عيدية

وهذا اللي انا فهمته من سياق كلامك اخوي

[العنيده]

ينزلونه في ناس يمكن يحتاجونه واللي مب محتاجه يخليه في التوفير افضل ..

[موظف ((حكومي]

دوله الكويت



صرف راتب استشنائي مع رواتب شهر يوليو لسنه 2015 للمواطنين

[ضوى]

دوله الكويت



صرف راتب استشنائي مع رواتب شهر يوليو لسنه 2015 للمواطنين

الله يزيدهم ويبارك لهم يارب

[حمد 2002]

دوله الكويت



صرف راتب استشنائي مع رواتب شهر يوليو لسنه 2015 للمواطنين

طلع الخبر اشاعه ومصدرها الواتس آب ..

[مختلفة عقليا]

السلام عليكم

الغلط مو في الوقت ., في الناس اللي ماتعرف ادير افلوسها .,

لو ينزلون الراتب كله في يوم في السنه ., اللي يعرف يدير امواله ما بيحس باي ضرر .,

وهاي الموضوع دليل ع ان في ناس تنقصهم مهاره الادخار واداره المال .,

ويسلموو

[أم محمد 90]

السلام عليكم

الغلط مو في الوقت ., في الناس اللي ماتعرف ادير افلوسها .,

لو ينزلون الراتب كله في يوم في السنه ., اللي يعرف يدير امواله ما بيحس باي ضرر .,

وهاي الموضوع دليل ع ان في ناس تنقصهم مهاره الادخار واداره المال .,

ويسلموو

اتفق معاج .

[qr95]

والله اهل قطر يستاهلون كل خير والحكومه الله يجزاها خير ماتقصر
واللي محتاج له يأخذ بقدر الحاجه واللي مش محتاجه يخليه في البنك
ولكن الأفضل انه ينزل عشان البعض يقدر يرتب أموره

وحسبي الله على الحساد اللي همهم حسد اخوانهم وخواتهم في أموالهم
حسبي الله عليهم ونعم الوكيل

[يمامـة]

محد يرفض الخير..

لو في راتب عيدية وراتب مثل كل شهر زيادة الخير خيرين..

واذا بينزلون الراتب قبل العيد بعد زين.. في ناس محتاجين للراتب و وراهم صرف ..

لذلك مع الموضوع بكل جوانبه.. وكل عام وانتوا بخير..

[معماري قطري]

واذا نزلوه شعاد
لاتصرفون منه
غيركم يمكن محتاج
ليش دايما تطالبون بقرارات لازم تتطبق على كل الناس لان بس مانفعكم القرار؟

مع هذا الرأَي

كثير بيستغلون الفرصة ويسافرون خصوصاً الغير قطريين وكثير محتاجين واللي بيصرف راتبه حر واللي بيوزعه على حسب احتياجه ل 44 يوم بعد حر

[باراكودا]

المفروض الواحد يكيف نفسه على راتبه اودخله الشهرى ولاينتظر مساعدة اومنحة
من أى جهة ويصبح شخص أتكالي وكسول .

[ضوى]

بينزل الراتب ان شاء الله عقب اقل من ظ،ظ¥ يوم

[مضارب دوسري]

اذا راتب منحه من الدوله او عيديه او هبه

فمن كريم الى مستحق :shy:

اما اذا الراتب العادي
فلا اتفق
ينزل ف موعده افضل

اصلا شالفايده ينزل بدري وعقب ينزل عقب 45 يوم :secret:

حتى المحتاج حاليا انه ينزل بدري
بيكون محتاج اكثر واكثر في ال 45 يوم

[SASAS]

أقترح ينزلون نص الراتب قبل العيد
والنص الثاني في وقته العادي نهاية الشهر !

[حليتان*]

اذا ما قدموه قالو ليش ما يقدمونه واذا قدموه قالو خلوه فوقته

ماعرفنا لكم يزاكم الله خير

الي مايبي الراتب خلاص خله مكانه واعتبر انه مانزل

[العبري]

الله لك الحمد والشكر على كل شي

[رجل الجزيرة]

صرف رواتب يوليو قبل عطلة العيد

منذ 2 ساعة


الدوحة ـ الشرق

وجهت وزارة التنمية الإدارية تعميماً إلى الوزارات والهيئات، ودعتها إلى تزويد وزارة المالية بكشوفات رواتب شهر يوليو المقبل.

وشرعت الإدارات المختلفة في تكملة الإجراءات الخاصة بالرواتب والعمل الاضافي والاجازات الدورية، خلال شهري يوليو وأغسطس، وكذلك مباشرات العمل للموظفين الذين انتهت إجازاتهم.

وتفيد متابعات "الشرق" بأن الوزارات والمؤسسات، ستنهي إجراءات ومتطلبات الرواتب خلال ثلاثة أيام، وفقاً لتوجيهات التعميم مما يمكن وزارة المالية من صرف راتب يوليو، قبل عطلة عيد الفطر المبارك.

http://al-sharq.com/news/details/350438#.VZHgsYsVj5o

[علي1]

الي مايبغي الراتب قبل ولا بعد بعطيكم رقم حسابي وانا بحفظه لكم 🙊

[aziz4z]

الي مايبغي الراتب قبل ولا بعد بعطيكم رقم حسابي وانا بحفظه لكم ��

هههه
المفروض الواحد يكون عنده خطة إدخار , بس الواحد مايعرف أحوال الناس

[سعد محمد]

اتوهق براتب شهر اغسطس ولااتوهق بالعيد.. فيه ناس رواتبهم اقل من 20000 وعليه ديون والتزامات فمحتاج راتب يوليو قبل العيد يمديه يعيد على نفسه وهله وعياله

[moonبنتnight]

أجراء روتيني لانه الوزارات بيكون في أجازة ولذلك جاء تعمييم بصرف رواتب الموظفين قبل أجازة وسيتم صرف رواتب على البنوك قبل العيد بحكم أن أجازة العيد طويلة ..

[ضوى]

أجراء روتيني لانه الوزارات بيكون في أجازة ولذلك جاء تعمييم بصرف رواتب الموظفين قبل أجازة وسيتم صرف رواتب على البنوك قبل العيد بحكم أن أجازة العيد طويلة ..

الشؤون الماليه وشؤون الموظفين يشتغلون بالاجازات بنظام العمل الاضافي

[حمد 2002]

أجراء روتيني لانه الوزارات بيكون في أجازة ولذلك جاء تعمييم بصرف رواتب الموظفين قبل أجازة وسيتم صرف رواتب على البنوك قبل العيد بحكم أن أجازة العيد طويلة ..

صادقه وكلامج 100 % ،


احنا موظفين الماليه والموارد البشريه عندنا وجميع موظفين الوزاره ايكونون بأجازه رسميه وفقا لقرار الدوله .


جزاج الله خير .

[حمد 2002]

الشؤون الماليه وشؤون الموظفين يشتغلون بالاجازات بنظام العمل الاضافي

كلام غير صحيح ، جميع الموظفين ايكونون بأجازه بمن فيهم الموارد البشريه والماليه في الوزارات .

[Bo Turky]

الحمدلله رب العالمين
أنا مع هالقرار وخاصة في عوائل كثيره محتاجه تغطي مصاريف العيد ويفرحون عيالهم بالعيد حالهم حال غيرهم وخاصه ذوي الدخل المحدود والي عليهم مديونيات زواج وبيت وسياره واقساط

والي مش محتاجه او عارف انه بيتأثر خلال ال 44 الي بينتظر فيها الراتب الجاي يقدر يحطه في التوفير او يضبط ميزانية المصروف لين اخر الشهر الي بعده

مانبي كل واحد مرتاح ماديا او ماعليه ديون يجي ويقول لا مانبي ويكون ضد الي محتاجينه
لازم الواحد يحس بغيره ويقول الحمدلله ويتصدق لإسعاد الغير في هالشهر الكريم وعيد الفطر المبارك الله يبلغنا إياه وياكم واحنا بكل خير وصحه وعافيه

أنا مسافر لندن علاج خلال هالاسبوعين لإجراء جراحه والله يشفينا ويشفي مرضى المسلمين ومانبي الا دعواتكم الله يحفظكم ويجزيكم خير

[qr95]

الحمدلله رب العالمين
أنا مع هالقرار وخاصة في عوائل كثيره محتاجه تغطي مصاريف العيد ويفرحون عيالهم بالعيد حالهم حال غيرهم وخاصه ذوي الدخل المحدود والي عليهم مديونيات زواج وبيت وسياره واقساط

والي مش محتاجه او عارف انه بيتأثر خلال ال 44 الي بينتظر فيها الراتب الجاي يقدر يحطه في التوفير او يضبط ميزانية المصروف لين اخر الشهر الي بعده





مانبي كل واحد مرتاح ماديا او ماعليه ديون يجي ويقول لا مانبي ويكون ضد الي محتاجينه
لازم الواحد يحس بغيره ويقول الحمدلله ويتصدق لإسعاد الغير في هالشهر الكريم وعيد الفطر المبارك الله يبلغنا إياه وياكم واحنا بكل خير وصحه وعافيه

أنا مسافر لندن علاج خلال هالاسبوعين لإجراء جراحه والله يشفينا ويشفي مرضى المسلمين ومانبي الا دعواتكم الله يحفظكم ويجزيكم خير

أسأل الله العظيم رب العرش الكريم أن يمن عليك بالشفاء والصحه
وأن تعود إلى أهلك ووطنك مشافى ومعافى يارب العالمين

[راعي ارقام]

جذيه جذيه الراتب طاير طاير 💸💸

[رهج السنابك]

السنه الي طافت ماكان فيه تقديم للراتب

كل سنه فنتك يديد

ع العموم المفروض الواحد يكون عنده سيفينغ (ادخار) من رواتبه السابقه مب يعتمد ع الراتب الشهري وينطره شهر بشهر

[مرتبش]

تحليلي الشخصي.. ما اعتقد بينزلون الراتب قبل العيد
اجازة العيد بتكون من الاربعاء 28 رمضان الموافق 15 يوليو ونرجع ان شالله الدوام الاحد 26 يوليو .. الرواتب بتنزل الاسبوع اللي نرجع فيه الدوام وارسال الكشوفات للبنوك مبكرا لتفادي التاخير بسبب الاجازة وليس لصرف الراتب اثناء الاجازة او قبلها.

[حسن]

السنه الي طافت ماكان فيه تقديم للراتب

كل سنه فنتك يديد

ع العموم المفروض الواحد يكون عنده سيفينغ (ادخار) من رواتبه السابقه مب يعتمد ع الراتب الشهري وينطره شهر بشهر


شنسوي يالاستقراطيه

بالنسبه لي ماابي راتبي ينزل المفروض يكون هناك خيارات لاني انسان منظم ومرتب
فاذا نزلوه يساعدوني على البذخ والصرف واللعبه وعدم الادخار
وبعدين بيكون هناك فتره كبيره بين الراتب القادم

وعلى فكره نزلت موضوعين عن راتبك وين يروح وحاولت ابرز السلبيات
والايجابيات وطرق التوفير

ولكن مااعرف هل استفادو الناس من خبراتي اللي اطرحه وعصاره ذهني
وغيرتي على هذا الوطن وابنائه لا اعلم

انشودي الكاتب الصحفي حمد

صح ياحمد ولا لا

مانزلت موضوع راتبك وين يروح شفت اني اشوف شي ماتشوفونه
:)

:telephone:

[شالح بن هدلان]

تحليلي الشخصي.. ما اعتقد بينزلون الراتب قبل العيد
اجازة العيد بتكون من الاربعاء 28 رمضان الموافق 15 يوليو ونرجع ان شالله الدوام الاحد 26 يوليو .. الرواتب بتنزل الاسبوع اللي نرجع فيه الدوام وارسال الكشوفات للبنوك مبكرا لتفادي التاخير بسبب الاجازة وليس لصرف الراتب اثناء الاجازة او قبلها.



تبداء الدومات الرسمية بتاريخ 26 / 7 / 2015

والمشكلة أن بتبداء المدارس والعيد الأضحى في نفس الشهر


وعليكم الحسبه

[ضوى]

ان شاء الله بتنزل وبنتونس بها ونفسفسها في السفر ، وينك يالراتب متحلفه فيك

[العبري]

تحليلي الشخصي.. ما اعتقد بينزلون الراتب قبل العيد
اجازة العيد بتكون من الاربعاء 28 رمضان الموافق 15 يوليو ونرجع ان شالله الدوام الاحد 26 يوليو .. الرواتب بتنزل الاسبوع اللي نرجع فيه الدوام وارسال الكشوفات للبنوك مبكرا لتفادي التاخير بسبب الاجازة وليس لصرف الراتب اثناء الاجازة او قبلها.

اتفق معك على أساس يتفادون التأخير

[مشهور]

ما ظن مادام وزارة التنمية وجهت بالصرف قبل العيد ...
أتوقع الصرف قبل مش بعد ....

[رشدان]

الحمدلله رب العالمين
أنا مع هالقرار وخاصة في عوائل كثيره محتاجه تغطي مصاريف العيد ويفرحون عيالهم بالعيد حالهم حال غيرهم وخاصه ذوي الدخل المحدود والي عليهم مديونيات زواج وبيت وسياره واقساط

والي مش محتاجه او عارف انه بيتأثر خلال ال 44 الي بينتظر فيها الراتب الجاي يقدر يحطه في التوفير او يضبط ميزانية المصروف لين اخر الشهر الي بعده

مانبي كل واحد مرتاح ماديا او ماعليه ديون يجي ويقول لا مانبي ويكون ضد الي محتاجينه
لازم الواحد يحس بغيره ويقول الحمدلله ويتصدق لإسعاد الغير في هالشهر الكريم وعيد الفطر المبارك الله يبلغنا إياه وياكم واحنا بكل خير وصحه وعافيه

أنا مسافر لندن علاج خلال هالاسبوعين لإجراء جراحه والله يشفينا ويشفي مرضى المسلمين ومانبي الا دعواتكم الله يحفظكم ويجزيكم خير

رب الناس اذهب الباس شافي انت الشاف لاشفاء إلا شفائك شفاء لايغادر سقماً

[Bin sultan]

طبقا للمادة 98 و 99 من قانون الموارد البشرية يستحق الموظف القطري راتب منحة شهر عن كل سنة


المادة 98*




يصرف للموظف القطري منحة إجازة دورية تعادل راتب شهر واحد عن كل سنة، بشرط قيام الموظف بالإجازة الدورية.*






•

المادة 99*




تصرف للموظف كامل مستحقاته عن الإجازة الدورية مع راتب الشهر الذي يسبق الإجازة.*

[عضو مشاكس]

ينصرف في وقتة افضل

[شالح بن هدلان]

صرف رواتب الموظفين يوم 2015/7/14م

أعلنت وزارة التنمية الإدارية، بأن رواتب الموظفين لشهر يوليو 2015 سوف تصرف قبل حلول عيد الفطر المبارك، وذلك يوم الثلاثاء 27 رمضان 1436هـ الموافق 2015/7/14م وذلك للتسهيل على الموظفين لتوفير متطلباتهم واحتياجاتهم في مناسبة العيد السعيد

http://al-sharq.com/news/details/352614?utm_source=dlvr.it&utm_medium=twitter#.VZvVtVDfrqA

[وليف الشوق]

طبقا للمادة 98 و 99 من قانون الموارد البشرية يستحق الموظف القطري راتب منحة شهر عن كل سنة


المادة 98*




يصرف للموظف القطري منحة إجازة دورية تعادل راتب شهر واحد عن كل سنة، بشرط قيام الموظف بالإجازة الدورية.*






•

المادة 99*




تصرف للموظف كامل مستحقاته عن الإجازة الدورية مع راتب الشهر الذي يسبق الإجازة.*

هذا في قانون التعاقد على مااعتقد

[الحياة الخالدة]

الله يسهــــــل أمر كل محتاج .. و يفرجها على عباده

[وليف الشوق]

كل الاحترام للقانون وايا" كان لابد من احترامه لكن هالقرار راح يضر شريحه كبيرة من الناس

مثال : الراتب في تاريخ : 14 /07/ وماراح يكون راتب الى تاريخ : 29 / 08

المدة راح تكون : 45 يوم تقريبا"

[فــلان]

قواكم الله يااخوان

بس اللي فهمته من كلام الأخ انه مايبي راتب

يبي هدية او هبة !


يعني فلوس بلاش


بصريح العبارة هدية الحين والراتب في وقته

هذا اللي فهمته من سياق كلامه

مافي شي إسمه فلوس بلاش يا غريب الدار هذي بلادنا وحنا في خير ونعمه ولله الحمد و قيادتنا

الله يطول بعمرها ماتقصر وأهل قطر يستاهلون ألف مره تجيهم عدايا وهدايا لا إحنا في بلاد كفر

ولاب إحنا في مجتمع مادي , الخير والرحمه لا زالت موجوده ولله الحمد.

كان من باب أولى أي شي فيه خير حق أهل هالبلاد يا إنك قلت خير

أو سكت لأن الإنكار و الجدال في أمور الخير منبوذ ومكروه

من الناس الله لايوليك على مسلم كان هذا فكرك

وإسمك بعد غريب الدار الله العالم

كانك إقطري ولا مب إقطري

[غريب الدّار]

مافي شي إسمه فلوس بلاش يا غريب الدار هذي بلادنا وحنا في خير ونعمه ولله الحمد و قيادتنا

الله يطول بعمرها ماتقصر وأهل قطر يستاهلون ألف مره تجيهم عدايا وهدايا لا إحنا في بلاد كفر

ولاب إحنا في مجتمع مادي , الخير والرحمه لا زالت موجوده ولله الحمد.

كان من باب أولى أي شي فيه خير حق أهل هالبلاد يا إنك قلت خير

أو سكت لأن الإنكار و الجدال في أمور الخير منبوذ ومكروه

من الناس الله لايوليك على مسلم كان هذا فكرك

وإسمك بعد غريب الدار الله العالم

كانك إقطري ولا مب إقطري

وانا شاك انك بنغالي لان اسمك فلان
:)

وبعدين شنو مافي شي اسمه فلوس بلاش؟
في شلون مافي

الأخ طالب فلوس مكرمة او عطية او شرهة
سمها ماشئت

وبعدين شنو الانكار اللي تتكلم عنه اخوي ؟
انت فهمت كلامي؟
وين الانكار في كلامي؟
واي جدال تتكلم عنه يابو الشباب ؟
:)

ردي في صوب وكلامك في صوب

وادري قبلك اخوي ان بلادنا ولله الحمد بلاد خير

كان الأولى فيك انت انك تفهم كلامي قبل لاتعلّق عليه تعليق ماله معنى ويدل انك مااستوعبت كلامي خصوصا ان احنا في رمضان

[فــلان]

وانا شاك انك بنغالي لان اسمك فلان
:)

وبعدين شنو مافي شي اسمه فلوس بلاش؟
في شلون مافي

الأخ طالب فلوس مكرمة او عطية او شرهة
سمها ماشئت

وبعدين شنو الانكار اللي تتكلم عنه اخوي ؟
انت فهمت كلامي؟
وين الانكار في كلامي؟
واي جدال تتكلم عنه يابو الشباب ؟
:)

ردي في صوب وكلامك في صوب

وادري قبلك اخوي ان بلادنا ولله الحمد بلاد خير

كان الأولى فيك انت انك تفهم كلامي قبل لاتعلّق عليه تعليق ماله معنى ويدل انك مااستوعبت كلامي خصوصا ان احنا في رمضان

لا أبشرك إني إقطري من قبل لا تنوجد إنت في هالدنيا وبعدين ترى كل اللي إنت كتبتهم كلمتين و واضحات وضوح الشمس
شوف إذا أي أحد من الأعضاء اللي بيقرون ردك وفهم غير اللي أنا فهمته ورديت عليك به
تكون ذيك الساعه إنت على حق.

[عـ العبيدلي]

الموضوع مب كبير ترى ..

المفرووووض ما تفرق .. اذا مثلاااااااااااااااااااا احنا نصرف الراتب في 30 يوم

يعني بينزل الراتب 14/7 واولردي المفرووووووض راتب شهر 6 يكون ما خلص ..

الموضوع كله انه مصاريف العيد شوي زايده خاصة الي عندهم عيال يحسون بهالشي ..\

والي ما يبي الراتب ينصرف قبل خلاص .. يسوي نفسه جنه الراتب ما نزل .. وتاريخ 27 يسوي فورورد حق المسج جنه توه نازل الراتب
مب شرط اول ما ينزل ينصرف الراتب

>> للعلم ماقريت الردود الي فوق عشان محد يقول ان يا اقصده ..

[غريب الدّار]

لا أبشرك إني إقطري من قبل لا تنوجد إنت في هالدنيا وبعدين ترى كل اللي إنت كتبتهم كلمتين و واضحات وضوح الشمس
شوف إذا أي أحد من الأعضاء اللي بيقرون ردك وفهم غير اللي أنا فهمته ورديت عليك به
تكون ذيك الساعه إنت على حق.


قطري ؟
اشك :)
اسمك فلان
الله العالم يمكن من جنوب شرق آسيا
:nice:
(علشان تعرف وتفهم ان الاتهامات الجاهزة مافي اسهل منها) :)
المهم
مب قايل لك ارجع لردي لاني اعتقد انك لو رجعت له الف مرة ماراح تستوعب
وهاذي مشكلتك انت

[بريق الحق]

لا أبشرك إني إقطري من قبل لا تنوجد إنت في هالدنيا وبعدين ترى كل اللي إنت كتبتهم كلمتين و واضحات وضوح الشمس
شوف إذا أي أحد من الأعضاء اللي بيقرون ردك وفهم غير اللي أنا فهمته ورديت عليك به
تكون ذيك الساعه إنت على حق.

جزاك الله خير اخوي فلان
ولا تنسانا من الدعاء

[معماري قطري]

لا أبشرك إني إقطري من قبل لا تنوجد إنت في هالدنيا وبعدين ترى كل اللي إنت كتبتهم كلمتين و واضحات وضوح الشمس
شوف إذا أي أحد من الأعضاء اللي بيقرون ردك وفهم غير اللي أنا فهمته ورديت عليك به
تكون ذيك الساعه إنت على حق.

انا فهمت اللي يقصده غريب الدار هو بس قصد توضيح المقصود من الموضوع ما قال لا ولا شيء ولا اعترض .. وحكومتنا ما تقصر في الغريب ولا في القريب .. وهذا تسهيل على الكل لقضاء حاجتهم وكثيرين يخططون لزيارة أهلهم من المقيمين .. منها يسافرون ويستفيدون واللي ما يبي ياخذ راتبه الا آخر الشهر يعتبره ما نزل

[aloosh]

يعطون المتقاعدين دبل راتب يستاهلون شيبانا وامهاتنا

:)

[aloosh]

من شوي وصلني مسج من جهة العمل بتنزيل الراتب:)

[غريب الدّار]

انا فهمت اللي يقصده غريب الدار هو بس قصد توضيح المقصود من الموضوع ما قال لا ولا شيء ولا اعترض .. وحكومتنا ما تقصر في الغريب ولا في القريب .. وهذا تسهيل على الكل لقضاء حاجتهم وكثيرين يخططون لزيارة أهلهم من المقيمين .. منها يسافرون ويستفيدون واللي ما يبي ياخذ راتبه الا آخر الشهر يعتبره ما نزل



وفهمك صحيح يامعماري وبيض الله ويهك
وتعليقك (من وجهة نظري) في محله
حكومتنا ماتقصر مع احد

[بومحمد المطاوعه]

الله يسهــــــل أمر كل محتاج .. و يفرجها على عباده

اللهم امين

هذي الردود الطيبه

[بومحمد المطاوعه]

كل واحد يمسك يده ولا يصرف فلوسه ف اشياء تافهه
بتوفر لشهرين قدام ..

[فريج النجادة]

كل واحد يمسك يده ولا يصرف فلوسه ف اشياء تافهه
بتوفر لشهرين قدام ..

كان الله في عون الجميع

[الحاقول]

الافضل يصرفون نصف راتب والباقي اخر الشهر

[(ام عبدالله)]

مادري يا جماعه ليش كل ما حد ما يعجبه رد الاخر يساله انت قطري ؟؟ وين الحكمه بالسؤال ولا هو مجرد تقليل من رد الاخر
المطلوب يعني يطرشلك صوره جوازه ولا شلون ..؟؟

نرجع للموضوع اشوف افضل يصرفون راتب عدد ايام الشهر قبل العيد والباقي اخر الشهر عادي ..
على كل الاحوال الغرض في مضمونه التخفيف على المواطن اعباء فتره رمضان والعيد والله يعز الحكومه

[المحاميه]

ياريت حد يوضحلي اي قرار
وهل هو قرار رسمي او مجرد تخمين او امنيه الخ

وبعدين يااخوان ارجوكم لحد يتهاوش ويقط كلام ماله داعي خصوصا هالفتره احنا ف شهر الخير وليالي مباركه فليش اللغو هذا؟

كل واحد يصفي النيه ويتسامح من اخوه
والله يجزيكم الخير والجنه وينولكم مرادكم

[(ام عبدالله)]

ياريت حد يوضحلي اي قرار
وهل هو قرار رسمي او مجرد تخمين او امنيه الخ

وبعدين يااخوان ارجوكم لحد يتهاوش ويقط كلام ماله داعي خصوصا هالفتره احنا ف شهر الخير وليالي مباركه فليش اللغو هذا؟

كل واحد يصفي النيه ويتسامح من اخوه
والله يجزيكم الخير والجنه وينولكم مرادكم

28 رمضان بيتحول رواتب شهر يوليو 2015 يوم الثلاثاء ان شاء الله في الحساب :victory:

[المحاميه]

توني شفت القرار من احد الردود

القرار حلو لان ورانا مصاريف وخصوصا الناس اللي تبغي تسافر الخ

بس فنفس الوقت مشكله لان الناس بتهور وبتصرف بدون تخطيط وبالتالي بتحصل نص الدوحه اذا مب كلها مفلسه بداية شهر 8

والله ولي التوفيق :nice:
قرشك الابيض لليوم الوردي :nice:

[المحاميه]

28 رمضان بيتحول رواتب شهر يوليو 2015 يوم الثلاثاء ان شاء الله في الحساب :victory:

ايه حبيبتي رجعت للردود وشفت القرار

الله يكتب اللي فيه الخير وكل واحد يحاول يوفر لان فعلا الفتره طويله

[حسن]

مادري يا جماعه ليش كل ما حد ما يعجبه رد الاخر يساله انت قطري ؟؟ وين الحكمه بالسؤال ولا هو مجرد تقليل من رد الاخر
المطلوب يعني يطرشلك صوره جوازه ولا شلون ..؟؟

نرجع للموضوع اشوف افضل يصرفون راتب عدد ايام الشهر قبل العيد والباقي اخر الشهر عادي ..
على كل الاحوال الغرض في مضمونه التخفيف على المواطن اعباء فتره رمضان والعيد والله يعز الحكومه

هههههههههههه

ضحني التعليق عادي صارت وتصير وايد

لكن اقتراحك ممتاز

انا من راي لو كان اختيار ابرك وانا او يصرفون المده المتبقه مثل ماذكرت
اماىتقعد شهر ونصف بدون راتب

:omg:

هني الحكومه تعلم الشعب على التبذير والاسراف وبعدين تعال طلعو الغارمين

:)

[حسن]

ايه حبيبتي رجعت للردود وشفت القرار

الله يكتب اللي فيه الخير وكل واحد يحاول يوفر لان فعلا الفتره طويله

المحاميه اي قرار

!!!

[شالح بن هدلان]

الحين القرار انه ينزل الراتب تقريبا 14/7 لان الدوائر الحكومية بتكون اجازة والدومات 26/7


يعني القرار مش لسواد عيونا...!


طيب المشكله الثانية ان عيد الأضحى بتاريخ 23/9


يعني المعاشات من عيد الى عيد

[المحاميه]

اخوي

اشدخل من عيد لين عيد؟

فيه راتب يوم 27/8

وراتب يوم 27/9

واختلف معاك
بالعكس احسها مبادره من الجهات المعنيه لان العيد يصادف نص الشهر والناس اكيد تبغي الراتب وتبغي تعيد
ماله خص تقول عشان اجازه ومب عشان سواد عيونا

[الحياة الخالدة]

هههههههههههه

ضحني التعليق عادي صارت وتصير وايد

لكن اقتراحك ممتاز

انا من راي لو كان اختيار ابرك وانا او يصرفون المده المتبقه مثل ماذكرت
اماىتقعد شهر ونصف بدون راتب

:omg:

هني الحكومه تعلم الشعب على التبذير والاسراف وبعدين تعال طلعو الغارمين

:)

http://www.qatarshares.com/vb/showthread.php?609033-%D3%CC%E6%E4%E4%C7_%C8%C7%E1%DA%ED%CF_%CE%C7%E1%ED %C9_%E3%E4_%C7%E1%DB%C7%D1%E3%ED%E4

[شالح بن هدلان]

حتى الجهات المعنية متاخرة في قانون التقاعد وقانون الموارد البشرية

بس ما يبون يعورون رأسهم مع توقيت الراتب

هي المبادرة الطبيه اذ كانت من حلالهم بس هذا راتبك


واكيد وطبيعي الكل يبي ينزل الراتب حتى انا ابي ينزل راتب سنه قدام حتى افتح مشروع

[حسن]

حتى الجهات المعنية متاخرة في قانون التقاعد وقانون الموارد البشرية

بس ما يبون يعورون رأسهم مع توقيت الراتب

هي المبادرة الطبيه اذ كانت من حلالهم بس هذا راتبك


واكيد وطبيعي الكل يبي ينزل الراتب حتى انا ابي ينزل راتب سنه قدام حتى افتح مشروع

والله ماننتظر الى قانون التقاعد على احر من الجمر

مادري لي متا والناس منتظره

[شالح بن هدلان]

ما يندرى يا حسن عسى يكون قريب

[معماري قطري]

اللي عاش في دولة مصادرها محدودة يعرف كيف الناس ينطرون الراتب من شهر لشهر .. والبعض تمويل بيوتهم من شهر لشهر .. انا شفت كيف الزحمة آخر الشهر لشراء أغراض البيت وسمعت التساؤل عن نزول الراتب من البعض .. وأَكيد فيه فئة من ذوي الدخل المحدود بيننا سواء قطريين أو مقيمين الله يرزقهم ويبارك لهم فيما رزقهم .. والغلاء كبير ويزيد ومتطلبات الحياة صعبة والله يعين الجميع

[حسن]

ما يندرى يا حسن عسى يكون قريب

ياريت

انا ماادري ليش هو واقف ولا ايش السالفه
يااخي البحرين عندها قانون التقاعد من عشرات السنين واحنا لا مادري واقف
اذكر سمعت واحد ينتقد في وطني الحبيب عن القانون ويقول الالغلاط اللي فيه ويتكلم
القانون سعدتك تماما ياافندم وكان يقصد ان يتكلم باللهجه المصريه اي نغزه كانت
ان القانون حاطه اجنبي ويقول للمسؤل القطري
وهو يهز راسه كانه سؤمان ديقه ومن عقبها تم وقفه وقالو بيعدلون عليه
معقوله الى الحين ماتعدل شدعوه قولو للبحرين لو سمحتو كوبي بيست وخلاص راضين به
وببلاش وبدال ما المسؤل القطري يجيب اجانب خبراء وصرف رواتب وبكره نعايرهم بالرواتب
والبلاء من الماسؤل القطري

اعتقد لا تعليق بعد تعليقي

هاهاهاها

في الصميم

:victory:

[ضوى]

الله يجيبج يا طوله البال

[CH Engineer]

يقولون السستم اخترب وبينزلون الراتب شهر 9 escape

[حسن]

يقولون السستم اخترب وبينزلون الراتب شهر 9 escape

بل

تبي تسير عندنا مذابح مالها حل

:(


الصارحه لو يسر كلامك صج صدقني لا تسير حرب شوارع وتوشف العالم تطاقق في الشوارع هذا سادح له واحد
وهذه مساكه وحده وتجرها من شعرها فوق القار وعند الاشاره

وتخيل الناس تهرن والله يطالع واللي يهز راسه

زومبي زومبي الحياه بتسر زومبي

هاهاهاها

الصراحه رسمت صوره في بالي بهذا الشهر الله لايرويكم ماشاهدت

اشبه بالفلوجه ولا الغوطه
والمحاكم شكر رفع دعاوي طلاق محكمه من سبع ادوار تنظر في المشاكل الاسريه

روئيه مرعبه

:(

[..عاشق قطر..]

الحين موضوع طووويل عشان الراتب بينزل قبل العيد

مب جديده*!

[ضوى]

الحين موضوع طووويل عشان الراتب بينزل قبل العيد

مب جديده*!

اقولك عاد ، مب جديده وكل سنه الله يحفظ حكومتنا نفس الشي ، تقدر الظروف والمواسم اللي يمرون فيها الناس ، بس شتقول الله المستعان

[qatara]

كل وقت وله اذانه

[مضارب دوسري]

اللي محتاج الراتب
الله يوفقه ويسهل عليه
ان شاء الله ويوسع عليه في الرزق (بس لا ينسى انه يرتب اموره ل 45 يوم بدون راتب)

واللي مب محتاجه يخليه في الحساب ويستلمه في موعده

[بوعيسى 1]

انا مع نزول الراتب قبل العيد هناك الكثير عندهم ارتباطات لشراء حاجيات العيد لأسرهم أو ناس مرتبطين بالسفر فالقرار صائب

[ذكي جدااا]

اللي خايف يصرف الراتب لا يشوف لحساب لين نهاية الشهر. واللي محتاج يصرفه منه قد حاجته.

[سهم ماينزل]

السلام عليكم

الغلط مو في الوقت ., في الناس اللي ماتعرف ادير افلوسها .,

لو ينزلون الراتب كله في يوم في السنه ., اللي يعرف يدير امواله ما بيحس باي ضرر .,

وهاي الموضوع دليل ع ان في ناس تنقصهم مهاره الادخار واداره المال .,

ويسلموو



هذا الكلام سليم 100%

وعشان هذا يفضل ان ينزلون الراتب في وقته لان فيه ناس غير واعيه لتصرفاتها واذا بعض الناس محتاجة طيب محتاجة اول ماينزل بينصرف في حاجتها وبتنظر فترة طويلة حتى نزول الراتب القادم

وفي هذا الشهر الفضيل وفي العشر أطلب من الله تعالى أن يمد في عمر شيخنا وسنادنا وعونا ويجعله ذخر اللهم آمين

[JN000N]

والله اللي مب عاجبهم ليش ينزل الراتب! شعليهم؟
خلاص انت مب محتاج راتبك لاتزخه غيرك مالك شغل تتكلم فيه وتقرر وتفضل عنه
اي والله ليش ينزلون الراتب قبل
شهالقراده الي عاميتكم اعوذ بالله

[غريب الدّار]

هذا الكلام سليم 100%

وعشان هذا يفضل ان ينزلون الراتب في وقته لان فيه ناس غير واعيه لتصرفاتها


:whistling: كلام كبير


الله يعينك عاد الحين :)

[بومحمد المطاوعه]

والله اللي مب عاجبهم ليش ينزل الراتب! شعليهم؟
خلاص انت مب محتاج راتبك لاتزخه غيرك مالك شغل تتكلم فيه وتقرر وتفضل عنه
اي والله ليش ينزلون الراتب قبل
شهالقراده الي عاميتكم اعوذ بالله

ههههههههههههههه

نسفتي بعض الجبهات :eek2:

[JN000N]

ههههههههههههههه

نسفتي بعض الجبهات :eek2:

عاد بعض اليبهات الله بالخير صبيه
الويوه مادري بشنو مسبعه يابو محمد
يحوس على مصرانهم يجوفون غيرهم مرتاح والا ماشيه اموره
جنه الا الحكومه تغرف من رواتبهم وتقصر عليهم عشان تعطي الباقي

[غريب الدّار]

السلام عليكم

الغلط مو في الوقت ., في الناس اللي ماتعرف ادير افلوسها .,

لو ينزلون الراتب كله في يوم في السنه ., اللي يعرف يدير امواله ما بيحس باي ضرر .,

وهاي الموضوع دليل ع ان في ناس تنقصهم مهاره الادخار واداره المال .,

ويسلموو
يعني تقصدين اختي مختلفة ان العيب في بعض الناس مب في ظروف العيد ؟:)

[حرف]

جزاهم الله خير فعلاً فيه ناس محتاجه للرواتب هالوقت قبل العيد

[بومحمد المطاوعه]

عاد بعض اليبهات الله بالخير صبيه
الويوه مادري بشنو مسبعه يابو محمد
يحوس على مصرانهم يجوفون غيرهم مرتاح والا ماشيه اموره
جنه الا الحكومه تغرف من رواتبهم وتقصر عليهم عشان تعطي الباقي

اي والله البعض يحسد والعياذ بالله

مايبي الخير للغير

محد يعلم بظروف البشر

اعرف واحد قسم بالله قال مب معيد ولا بوزع عيديه
خلصت فلوسه وعنده ظروف وحالته حاله مسكين

يوم سمع بخبر الرواتب فرح وقام يطلب ربه ويشكر ويدعي

مع ان صاكه الدنيا فيه
قلت له انزين عقب شبتسوي 45 يوم بدون راتب
قال عادي
ببيع من السنويه بسوي اي شي المهم الحين استانس وارتب نفسي

يقولي مرتب نفسي 4 سنين فرقت على 15 يوم

قلت له الله يوفقك وان قصرك شي كلمني ولا تحاتي شي

يعني شفتي الفرحه اشلون

[A-Alansari]

للحين ماخلصتو

الحل انطرح مليون مره في الموضوع الي يبي يصرف الراتب بيصرفه

والي مايبي يحطه في التوفير واذا خايف يسحب

يحط الفلوس في التجوري عند الوالده :nice:

[hamoor4ever]

عاد بعض اليبهات الله بالخير صبيه
الويوه مادري بشنو مسبعه يابو محمد
يحوس على مصرانهم يجوفون غيرهم مرتاح والا ماشيه اموره
جنه الا الحكومه تغرف من رواتبهم وتقصر عليهم عشان تعطي الباقي

هههه صادقه ودهم يكونون ولي امر على الناس زعلانين ليش تنزلون رواتبهم قبل ، اذا انتو مالكم حاجه خلاص خلوه وانسوه فيه ناس محتاجين له عندهم مصاريف ويهال ..
تحسينهم يتضايقون اذا شافو غيرهم مرتاح بالعيد