السواقه البليده ومواصفاتها ؟

[حسن]

السلام عليكم ورحمه الله وبركاته

موضوعي اليوم : عن السواق او السواقه البليد والبليده

كثرو والعدد في ازدياد للاسف مادري ليش هل الخلل في الثقافه التعليم ام القوانين غير رادعه

ومن مواصفاتهم .

تشوف سواقتهم غير ملتزمه ويترنحون يمين ويسار كانه ضاربته ام الديفان
عدم تركيزيه الاتجاه ولا وين رايح وين يبي يلف
يلف عليك مره وحده بدون مقدمات يتراواله ان الشارع فاضي وانه هو الوحيد فيه
قليل السرعه ويزيد السرعه بشكل متقطع ويضرب بريك مفاجاء دون سبب
يخاف خوف شديد من الرادرا وقد يتسبب في حادث للغير عندما يراه
يلعب في التلفون ويرسل واتسابات بشكل كبير وخصوصا عن الاشاره واثناء القياده
يترك مسافات كبيره بين السيارات عند الوقوف ويحوس خشمه كثيرا
هذه بعض المواصفات للسواق /ه البليد/ه

هل صادفك من هؤلاء يوميا ؟
وهل انت /انتي من هؤلاء ؟

وماالنصيحه والحلول لاصحاب هذه الحالات يعني
السواقه ولا السواق البليد من وجهه نظرك

تحياتي للجميع

اتمنى لكم صوما مقبولا وافطار شهيا

:)

[H H]

يلف عليك مره وحده بدون مقدمات يتراواله ان الشارع فاضي وانه هو الوحيد فيه

هالحركه الهنود شطار فيها خصوصا فالدوار اذا ماسك اقصى اليمين ويبي يلف يسار.
زمان كنت اتنرفز بس كنت اقول ماعليه مايعرف يسوق لين اكتشفت انهم يسوونها عن عمد.
يسوي نفسه غبي ويلف عليك وكل هذا عشان لايروح لنهاية الشارع ويرجع للدوار.

يكون اختصر وقت واختصر مسافه ومتعود على الهرن ومن داخله مستانس انه مشّى الي يبيه.

الحين صرت اضرب بريك واضربله هرن لين اخليه غصبن عليه يكمل سيدا معي هههههههههههههههههه :(

بخصوص الحالات الاخرى , والله مدري وش الحل معهم , تشديد العقوبات اعتقد انه الحل الامثل.
وزيادة الاعلانات التوعويه , من فتره طويله ماشفت اعلانات عن مسك الجوال وقت القياده.

الاجانب مسوينلك افلام قصيره عن هالشي وكلها تعورالقلب وتخليك تفكر مرتين قبل لاتكتب والا تتصفح فالجوال وانت تسوق.


يعطيك العافية.

[عثرة جواد]

السلام عليكم


والله ياحسن انهم اكثر اسباب للحوادث

وخاطري اعرف اشلون خذو الرخصة وشلون اجتازو

والي يقهر اكثر يمسكون الخط السريع ويمشون 80 ولين تهرن يعصب ويرتبك

مادري شنو الحل ...حتى لو اتصور وطرش كم بتصور ....

احس يبيلهم تلصق فيهم وتشيلهم وياك ههههههههه

عسااك ع القوة

[حسن]

هالحركه الهنود شطار فيها خصوصا فالدوار اذا ماسك اقصى اليمين ويبي يلف يسار.
زمان كنت اتنرفز بس كنت اقول ماعليه مايعرف يسوق لين اكتشفت انهم يسوونها عن عمد.
يسوي نفسه غبي ويلف عليك وكل هذا عشان لايروح لنهاية الشارع ويرجع للدوار.

يكون اختصر وقت واختصر مسافه ومتعود على الهرن ومن داخله مستانس انه مشّى الي يبيه.

الحين صرت اضرب بريك واضربله هرن لين اخليه غصبن عليه يكمل سيدا معي هههههههههههههههههه :(

بخصوص الحالات الاخرى , والله مدري وش الحل معهم , تشديد العقوبات اعتقد انه الحل الامثل.
وزيادة الاعلانات التوعويه , من فتره طويله ماشفت اعلانات عن مسك الجوال وقت القياده.

الاجانب مسوينلك افلام قصيره عن هالشي وكلها تعورالقلب وتخليك تفكر مرتين قبل لاتكتب والا تتصفح فالجوال وانت تسوق.


يعطيك العافية.

هلا هلا

يا h h والله الافلام اشوفها من الكل دون استثناء حتى في الجنس ذكر وانثى
مادري ليش لكن تروح الامارات مافي كلن ماسك حراته ومركز فيها ويمشون بسرعات عاليه جدا هناك
عكس هني وانا ساعات اذا فاضي اوحول اتجاهاتهم للحارات كاني دوريه شرطه واعلق الهرن عليه
الصراحه سواقه قذره ابتلينا فيها

شكرا على مشاركتك في السواقه البليده

والله يعافيك

[حمد 2002]

اخي الكبير والكاتب المخضرم حسن ( النوخذه ) انت كاتب مبدع برغم مشاغلك الكثيره لكنك تملك فعلا موهبه مقتدره وانا شخصيا اكن لك كل الاحترام والتقدير. واقرأ لك . ربنا يوفقك

تحياتي

اخوك الكاتب الصحفي

حمد 2002

[حسن]

السلام عليكم


والله ياحسن انهم اكثر اسباب للحوادث

وخاطري اعرف اشلون خذو الرخصة وشلون اجتازو

والي يقهر اكثر يمسكون الخط السريع ويمشون 80 ولين تهرن يعصب ويرتبك

مادري شنو الحل ...حتى لو اتصور وطرش كم بتصور ....

احس يبيلهم تلصق فيهم وتشيلهم وياك ههههههههه

عسااك ع القوة

مرحبا ياعثره جواد

شفتي شلون يغلقون الحارات ولا يفتحون ومن صفاتهم العناد والراس اليابس
بالنسبه لي انا دائما بعد تغير القانون صرت امسك اقصى اليمن وادعس
يعني شوفي لما اخذ من دوار التلفزيون على البريد امسك اقصى اليمين ومفتوح لين لفه الكوورنيش وماعلي من حد
اعتقد الحين المرور بعد ماكتبت عن مدارس السواقه تمت التشديد عليهم ولذالك نزلت موضوع اشكر فيه المرور
على التشديد اللي صار بالنسبه للسواقين وطالبت منه ان لايلتفت للاصوات النشاز اللي تطالب بالتخفيف
وعلى فكره
توني اكتشف ان في الامارات يحول اي متقدم للسواقه الى الطب النفسي للتاكد من صالحيته
شوفي وين وصلت الامارات في التطور
مع العلم اني صاحب مقوله ربط تقيم الاداء بكشف الطب النفسي لاني اشوف مرضى وايد وهم مايحسون
مدراء وفوق المدراء وومسؤلين وموظفين شكثر فيهم حالات نفسيه لكن الخجل ذابحهم

شكرا لك عزيزتي عثره جواد على المداخله الرائعه

[العنيده]

موضوع يجيب لي الغلقه من اللي نشوفه في الشارع ..
التجاوزات اكثر شي ينرفزني والمشكله انهم يعصبون اذا مامروا استغفر الله ..
واللي فجاه يقرر يغير مساره كان اللي حوله محد ..
والشاحنات اللي مره جربت اسوق على ال80 جنبها لقيت الشاحنهه اسرع مني وهي وزنها ثقيل ..
ولا الباصات اللي متروسه عمال ويمشي بابطا مايكون ويلف بكيفه ..
ولا كروه اللي ماخذ الشاره سباق بدون اشاره ولا هرن يلف ويتجاوز ..
ولا بعض الحريم تمسك الخط السريع وهي 80 وترتبك في تغيير مسارها ..
ولا الشباب اللي على الفون يايتكلم يايبتسم مع المسجات ..
ولا السيارات اللي فجاه تخفف السرعه عند الرادار ..
ولا الفضول لما يصير حادث في الشارع الثاني الشارع المعاكس يتاخر لانه الكل يبي يشوف واللي يمكن يصور ولا كان في سيارات وراه ..

ولا ولا ولا خلوني ساكته بس اللهم اني صايمه :omen2:

[مختلفة عقليا]

السلام عليكم

انا احد هؤلاء :shy:

يعني ما ادل عدل وعقب اتذكر ان المكان اللي بروح له يمين ., اضطر اللف بويه اللي وراي ,’ واعتذر بس اشعقبه !!

ومثلا ., امشي 80 واسولف مع اللي معاي ما انتبه ان اللي وراي يديم ., فيعطيني هرن مرعب ., وعقب اوخر .,

وبعدين المكياج في السياره ضروره قصوي ., :tease: ما يمديني اسوي كل شي في البيت .,

وطبعا ماكو حل ., :secret:

ويسلموو

[موظف ((حكومي]

والي معطي اشاره يميين ولفه بعد كيلو منه ويمشي ببطئ


ايش الحل معه

[أم محمد 90]

السلام عليكم

انا احد هؤلاء :shy:

يعني ما ادل عدل وعقب اتذكر ان المكان اللي بروح له يمين ., اضطر اللف بويه اللي وراي ,’ واعتذر بس اشعقبه !!

ومثلا ., امشي 80 واسولف مع اللي معاي ما انتبه ان اللي وراي يديم ., فيعطيني هرن مرعب ., وعقب اوخر .,

وبعدين المكياج في السياره ضروره قصوي ., :tease: ما يمديني اسوي كل شي في البيت .,

وطبعا ماكو حل ., :secret:

ويسلموو

تحملي ثم تحملي ان شفتيني ف الشارع وتسوين جذي قدامي ..

النهاية بتكون تعيسه .

[حسن]

موضوع يجيب لي الغلقه من اللي نشوفه في الشارع ..
التجاوزات اكثر شي ينرفزني والمشكله انهم يعصبون اذا مامروا استغفر الله ..
واللي فجاه يقرر يغير مساره كان اللي حوله محد ..
والشاحنات اللي مره جربت اسوق على ال80 جنبها لقيت الشاحنهه اسرع مني وهي وزنها ثقيل ..
ولا الباصات اللي متروسه عمال ويمشي بابطا مايكون ويلف بكيفه ..
ولا كروه اللي ماخذ الشاره سباق بدون اشاره ولا هرن يلف ويتجاوز ..
ولا بعض الحريم تمسك الخط السريع وهي 80 وترتبك في تغيير مسارها ..
ولا الشباب اللي على الفون يايتكلم يايبتسم مع المسجات ..
ولا السيارات اللي فجاه تخفف السرعه عند الرادار ..
ولا الفضول لما يصير حادث في الشارع الثاني الشارع المعاكس يتاخر لانه الكل يبي يشوف واللي يمكن يصور ولا كان في سيارات وراه ..

ولا ولا ولا خلوني ساكته بس اللهم اني صايمه :omen2:

بس ماقصرتي طرحتى نماذج كثيره لوصف بلاده السوائقين
الصراحه شي مقرف
ومثل ماذكرتي غلطان ويعصب احيانا اتخذ معاه اجراء يناسبه اذا معجبه وعلى حسب مزاجي

الصراحه بلشه ابتلشنا فيهم
الحل توزيع دراجات مروريه كثيره لمراقبه الواضع وتصحيح المسار
مع اتخاذ اجرات عصاه القانون

شكرا لك

[مختلفة عقليا]

تحملي ثم تحملي ان شفتيني ف الشارع وتسوين جذي قدامي ..

النهاية بتكون تعيسه .

هلا

اوكيه ., كم رقم موترج وشنهو نوعه :shy:

بس جوفي انا اعترف اقول فيني العيب الفلاني ما اجذب :nice:

ويسلموو

[حمد 2002]

كتبت رد وطار ودعمته العماره ومن ثم طار ؟

وين هبط ؟

[حسن]

السلام عليكم

انا احد هؤلاء :shy:

يعني ما ادل عدل وعقب اتذكر ان المكان اللي بروح له يمين ., اضطر اللف بويه اللي وراي ,’ واعتذر بس اشعقبه !!

ومثلا ., امشي 80 واسولف مع اللي معاي ما انتبه ان اللي وراي يديم ., فيعطيني هرن مرعب ., وعقب اوخر .,

وبعدين المكياج في السياره ضروره قصوي ., :tease: ما يمديني اسوي كل شي في البيت .,

وطبعا ماكو حل ., :secret:

ويسلموو

هلا هلا

انتي جبتي الديب من ديله

لا لا

لازم نغير كل هل السلوكيات السئه اللي فيك انتي يبيلك اب ديت كامل
مع احدث انمتي فايروس
:)
انت قنبله موقوته الشارع ويجب منعك من السواقه
حتى المكياج كنت ناوي اكتبه ولكن استبعدته بحكم الدفاع عن الانثى ولكن الحقيقه مره
والاعتراف جاء من نفسها

:)

شكلك ما خذه الليسن بالواسطه صح

يبيلك تغيرين من نفسك وتكونين مرنه مهب مثلي يابس

شكرا لك وعلى اعترافك الجميل واللي الكثير ماعنده الجراءه ان يقوله

:victory:

[أم محمد 90]

هلا

اوكيه ., كم رقم موترج وشنهو نوعه :shy:

بس جوفي انا اعترف اقول فيني العيب الفلاني ما اجذب :nice:

ويسلموو



مع الوقت بتعرفينه .
حبذا لو ماذكرتي هالعيوب عشان شماته العالم بسواقة الحريم . فقط لا اكثر . .
الحمدلله اني ربيت بين صبيان وطلعت سواقتي مثلهم .

[مختلفة عقليا]

هلا هلا

انتي جبتي الديب من ديله

لا لا

لازم نغير كل هل السلوكيات السئه اللي فيك انتي يبيلك اب ديت كامل
مع احدث انمتي فايروس
:)
انت قنبله موقوته الشارع ويجب منعك من السواقه
حتى المكياج كنت ناوي اكتبه ولكن استبعدته بحكم الدفاع عن الانثى ولكن الحقيقه مره
والاعتراف جاء من نفسها

:)

شكلك ما خذه الليسن بالواسطه صح

يبيلك تغيرين من نفسك وتكونين مرنه مهب مثلي يابس

شكرا لك وعلى اعترافك الجميل واللي الكثير ماعنده الجراءه ان يقوله

:victory:

هلا

هههههههههههههههههههههههههههههههه

انا مابي اتغيير خلوني اكون من الناس الغلط اهنيه ., اسوق ظالمه ولا مظلومه ., :waiting:

لا ان شاء الله ادل واللف عدل ., وما بتمكيج في السياره خلاص ولا يهمك .,

ويسلموو

[مختلفة عقليا]

مع الوقت بتعرفينه .
حبذا لو ماذكرتي هالعيوب عشان شماته العالم بسواقة الحريم . فقط لا اكثر . .
الحمدلله اني ربيت بين صبيان وطلعت سواقتي مثلهم .

هلا

خل يتشمتون واخر شي هم اللي يشترون لنا السياره ., :nice:

ويسلموو

[أم محمد 90]

هلا

خل يتشمتون واخر شي هم اللي يشترون لنا السياره ., :nice:

ويسلموو

هههههههااي ف الصميم عزيزتي .,
ولين دعمنا هم يصلحون :shy:
خلينا ساكتين لا تكشفين خططنا

[المهاجر]

الحين هالنوعيه موجوده بنسبة 90 في المائه او اكثر

والسبب الرئيسي الجوال ووسائل التواصل الاجتماعي

الحل لابد من التوعيه والتثقيف هاي اهم شي والامر الثاني تشديد العقوبه

لمن يستخدم الهاتف اثناء القياده مع التطبيق الفعلي على من يخالف

[حسن]

والي معطي اشاره يميين ولفه بعد كيلو منه ويمشي ببطئ


ايش الحل معه

بالنسبه لي اذا فايق ورايق اطوف يمين عنه واساسا انا دائمكا من اصحاب اليمين
ماني من اصحاب الشمال وذكرت في ردي اني امسك اقصى اليمين وطوف جميع السيارات وتكون يسار
كيفهم مادام انما بحارتي ولا اغير من حارتي خلهم يترنحون من حاره الى حاره

كبس له ليتات وعقب عطه هرن واخر حل اذا ماطاع طوفه وولا لف عليه لفه بسيطه تربك حواسه
وهذه تعتبر مثل الصدمه الكهربائيه للدماغ اللي تستخدم عند عكاشه
تعمل اب ديت يعني ريفرش

شكرا لك

[يمامـة]

الانشغال بالجوال اكثر ما الاحظه... وللاسف ( واشوفك ياللي هناك) الرد يكون انا ما اسوق بسرعة
وانتبه للشارع..

بينما اقول مستحيل اللي ينشغل بالجوال ينتبه للشارع مثل اللي معطي الشارع حقه..

[H H]

الانشغال بالجوال اكثر ما الاحظه... وللاسف ( واشوفك ياللي هناك) الرد يكون انا ما اسوق بسرعة
وانتبه للشارع..

بينما اقول مستحيل اللي ينشغل بالجوال ينتبه للشارع مثل اللي معطي الشارع حقه..

هلا ناديتيني ؟ :shy:

انا من الي ينشغلون بالجوال واجد :(
بس امس بندت النت من الجوال لين وصلت مقصدي , ويوم وصلت نسيت الجوال ونزلت.
اكتشفت ان الشي الوحيد الي مخليني ماانسى الجوال هو النت.

الله يفكنا من هالعاده , والله انها مميته.

[يمامـة]

هلا ناديتيني ؟ :shy:

انا من الي ينشغلون بالجوال واجد :(
بس امس بندت النت من الجوال لين وصلت مقصدي , ويوم وصلت نسيت الجوال ونزلت.
اكتشفت ان الشي الوحيد الي مخليني ماانسى الجوال هو النت.

الله يفكنا من هالعاده , والله انها مميته.

اهلين وسهلين..............> ما دريت انك منهم:telephone:
بالفعل انها عادة مميتة.. والله يحفظكم من شر الطريق وشر الانشغال في الجوال..

اللهم آمين..

[معماري قطري]

القوانين واضحة وبعضها يبي لها توضيح أكثر بس من يطبقها

واحد عربي طالع من المخازن صوب الطريق اللي بين فيلاجيو والمخازن ويبي يلف في اتجاه الدوحة .. وهذي اللفة صعبة خصوصاً في الزحمة وولدي كان في اتجاه العزيزية .. يعني الحين العربي وهو كبير في السن ومعه عائلته في أقصى اليمين وحسب الخطوط حتى سيدة ما يحق له يروح وكان مصر يقطع كل هذي الخطوط ويلف يسار .. ولدي ما قدر يوقف له ويعصب على ولدي ويتلاغى معاه ويسجل رقم سيارته ويبلغ عنه والشرطة ما قصرت سحب سيارة على طول .. قال لهم إِن ولدي لف عليه والسيارة مخفية ما يبين حد فيها وبغى يركبه الرصيف وسوى قصة طويلة.

رحت للمرور ثاني يوم وقابلت نقيب قطري هناك وقلت له شالسالفة قال كذا وكذا وولدي شرح شاللي صار .. انا قلت لهم يجوز كل واحد يطبق اللي يبيه ويتجاوز بهذي الطريقة؟ الضابط فهم القصة وجاء الأخ وأَكد كلام ولدي .. هنا انا قلت له انت تبغي تطبق نظام السواقة في بلادك عندنا وانا شايف النظام هناك .. صراحة بلادنا ونسوق كيفنا يقولون لك والتهرين والعصبية على طول .. المهم الضابط طاح فيه بعد ووضح له انه الغلطان ومن حقنا نطالب برد اعتبار وقضية .. انا قلت للعربي بطيب نفس انت انسان كبير ولازم ولدي الصغير هو اللي غلط عليك ولازم يعتذر لك وقلت لولدي اعتذر له .. وانتهت السالفة على خير وتسجل انذار على العربي لو عادها مرة ثانية.

[كيلو حديد]

لو تقولي افطر على واحد منهم بفطر
كرهت الطلعه من البيت بسبتهم

كل يوم اعاني منهم خصوصا ب 22 فبراير

والله المستعان

[حسن]

لو تقولي افطر على واحد منهم بفطر
كرهت الطلعه من البيت بسبتهم

كل يوم اعاني منهم خصوصا ب 22 فبراير

والله المستعان

هلا هلا

حيالله كيلو حديد

والله اللي دعاني الى كتابه هذا الموضوع فعلا الوضع اصبح فوق حده
رغم ان طلعاتي جدا نادره يعني عقب الظهر مااطلع خير شر الى ثاني يوم
الله يكون في عون اللي يطلع بعد العصر وبالليل
انا مشوار الصبح مااستحمل هل البلداء واصرقعهم تصرقع من الهرن
وفي المستقبل بااحاول استخدم جراخيه بوخيشه

[كيلو حديد]

القوانين واضحة وبعضها يبي لها توضيح أكثر بس من يطبقها

واحد عربي طالع من المخازن صوب الطريق اللي بين فيلاجيو والمخازن ويبي يلف في اتجاه الدوحة .. وهذي اللفة صعبة خصوصاً في الزحمة وولدي كان في اتجاه العزيزية .. يعني الحين العربي وهو كبير في السن ومعه عائلته في أقصى اليمين وحسب الخطوط حتى سيدة ما يحق له يروح وكان مصر يقطع كل هذي الخطوط ويلف يسار .. ولدي ما قدر يوقف له ويعصب على ولدي ويتلاغى معاه ويسجل رقم سيارته ويبلغ عنه والشرطة ما قصرت سحب سيارة على طول .. قال لهم إِن ولدي لف عليه والسيارة مخفية ما يبين حد فيها وبغى يركبه الرصيف وسوى قصة طويلة.

رحت للمرور ثاني يوم وقابلت نقيب قطري هناك وقلت له شالسالفة قال كذا وكذا وولدي شرح شاللي صار .. انا قلت لهم يجوز كل واحد يطبق اللي يبيه ويتجاوز بهذي الطريقة؟ الضابط فهم القصة وجاء الأخ وأَكد كلام ولدي .. هنا انا قلت له انت تبغي تطبق نظام السواقة في بلادك عندنا وانا شايف النظام هناك .. صراحة بلادنا ونسوق كيفنا يقولون لك والتهرين والعصبية على طول .. المهم الضابط طاح فيه بعد ووضح له انه الغلطان ومن حقنا نطالب برد اعتبار وقضية .. انا قلت للعربي بطيب نفس انت انسان كبير ولازم ولدي الصغير هو اللي غلط عليك ولازم يعتذر لك وقلت لولدي اعتذر له .. وانتهت السالفة على خير وتسجل انذار على العربي لو عادها مرة ثانية.

احترم اللي يراعون كبار السن ويقدرونهم
الله يبارك فيك وفي ولدك

[كيلو حديد]

السلام عليكم

انا احد هؤلاء :shy:

يعني ما ادل عدل وعقب اتذكر ان المكان اللي بروح له يمين ., اضطر اللف بويه اللي وراي ,’ واعتذر بس اشعقبه !!

ومثلا ., امشي 80 واسولف مع اللي معاي ما انتبه ان اللي وراي يديم ., فيعطيني هرن مرعب ., وعقب اوخر .,

وبعدين المكياج في السياره ضروره قصوي ., :tease: ما يمديني اسوي كل شي في البيت .,

وطبعا ماكو حل ., :secret:

ويسلموو
:anger1: :anger1: :anger1:
:weeping: :weeping: :weeping:
:eek5: :eek5: :eek5:
:rolleyes2: :rolleyes2: :rolleyes2:

اشكر فيك اعترافك والله يهدينا ويهديك

[fahed]

واحد فلبيني معاي بالدوام قال ابيك تساعدني اطلع ليسن~ طلبوا مني 4000 ريال عشان ينجحوني.و هو ما يبي يدفع.عاد يوم قال فجاة طروا فبالي هذولا السواق و سواقتهم.وعرفت الليسن شلون قدروا يطلعونه بسهوله..

[معماري قطري]

احترم اللي يراعون كبار السن ويقدرونهم
الله يبارك فيك وفي ولدك

الله يرحم والديك .. انا حاولت افهم ولدي انه مهما يكون لازم يحترم الكل والطرف الثاني غلطان غلط كبير وكأَنه يسبح عكس التيار وفهم غلطه لكن غلطة الشرطة بسحب السيارة بس بعد سماع طرف واحد

[المهاجر]

معماري قطري بارك الله فيك وبارك لك في ولدك

نعم الأب ونعم التربيه

[المهاجر]

حسن خلونا نكون صادقين

اعتقد كلنا فينا تلك البلاده خصوصا بعد ظهور الجوالات الذكيه ووسائل التواصل خاصةً الواتس اب

ما في حد ما يستخدم حتى لو شي بسيط الا القليل القله

صح؟

[ya3coub]

عندي دراجة طلعت فيها مرتين و لأول مرة احس بالضيق و الهم الحمد الله بحكم دوامي اروح و ارجع بدراجة على مدار السنة ابتعادا عن الزحمة و عن التلفون و عن اي شي يعكر على صباحي.

بس الحين للأسف سيارة او حتى دراجة ناقع بالزحمة ناقع و يجونك اصحاب الموضة الجديدة اصحاب الدرجات الي يسرعون بوسط الزحمة و الناس واقفه!!!!! شنو يرفعون ضغطي.


و بعض قائدي المركبات الله يهديهم ملزق صدام بصدام ولا يعطيك مجال تطوف لأنك بدراجة بحكم انه ناقع بالزحمة البعض يتعمد لما يسمع او يشوف دراجة انه يسكر علي بدال ما يفتحلي مسافة بسيطة اطوف بسلام !!!!



البلادة بالسواقه البلادة بالثقافه البلادة بالوعي والله لو شنو الزحمة اتكون اذا ما يصير في نظام سواقه بغض النظر عن قانون المرور الي احترمه إلى حدا ما

بس اذا الهندي و العربي و الأسيوي و الأوربي و القطري " الخليجي" ساقو بنفس السواقه بالدوحة و صار في تفاهم بنمط معين ما بتصير عندنا المشاكل الي موجودة بالمناحس.


على سبيل المثال قطري ضارب رصيف و يبي يدخل جدام بريطاني شوف المناحس كيف يصير. بينما اذا شخص ضارب رصيف و بيدخل جدام قطري حتى لو كان اجنبي ممكن يعطيه مجال لأنه يعرف انه بالمنطقه الفلانية او اللفه تخطيطها غلط ... اي عذر ممكن يكون مقبول.

بالهند عندهم زحمة امه محمد بالدراجات و السيارات بعد عادي عندهم ما تحصل حوادث إلا متفاهمين.

الحسى الي يتطنزون عليها بعض الناس على سواقتهم إلا عندهم نظام و فاهمين لبعض احنا نعصب لما نروح بالتجاوزات بينما عندهم لما تولع الاشارة هرن واحد يعني امش.

بمصر شارع فيه ثلاث حارات يمشون فيه خمسه او اربع سيارات جنب بعض و اصوات الهرانة للتنبيه و طريقه سواقتهم موب للهواش و المناحس.


احنا اقلية للأسف فبلادنا كم قطري يسوق و كم اجنبي يسوق و كلن له ثقافته من بلاده ... امنيتي تصير فيه ثقافه موحدة للسواقه بقطر لا قانون المرور ولا غيره بيردع المناحس الي يصير.

سوائا مداخل او مخارج الشوارع الفرعية اذا سيارة تدخل الشارع الرئيسي من الفرعي و سيارة لا ما بيكون فيه التكدس الي يصير حاليا, احترام الغير و عدم الخوض بالتحقيقات لأنك موب محقق ولا لك شغل اتعرف ليش فلان او علان مستعجل ما تدري بظروفه يا تخليه يطوف او باحترام ما تخليه او تناحسه و تسكر عليه و بعدين تمشي بالبطيء.


و السموحة عالرد الطويل و الفضفضة :anger1::anger1::anger1:

[ya3coub]

حسن خلونا نكون صادقين

اعتقد كلنا فينا تلك البلاده خصوصا بعد ظهور الجوالات الذكيه ووسائل التواصل خاصةً الواتس اب

ما في حد ما يستخدم حتى لو شي بسيط الا القليل القله

صح؟

الكثير كان قليل أخوي بسبب الزحمة صار يستخدم يسائل التواصل الإجتماعي ابتدائا من تحلطم بقروب العيلة او الشباب او الخ عالواتس اب إلى انستقرام و الحين سناب و الخ من البرامج كله من الزحمة بس لو الشوارع سالكه محد عنده وقت يقعد يطالع التلفون كثر الي صاير حاليا إلا على خفيف نظرة نظرتين من اشارة لأشاره فقط لأنه يهمه يوصل لزجهته و عقب بيكمل سوالف

[َQernas_Qtr]

الحين هالنوعيه موجوده بنسبة 90 في المائه او اكثر

والسبب الرئيسي الجوال ووسائل التواصل الاجتماعي

الحل لابد من التوعيه والتثقيف هاي اهم شي والامر الثاني تشديد العقوبه

لمن يستخدم الهاتف اثناء القياده مع التطبيق الفعلي على من يخالف



والله يا طويل العمر الحل من وجهة نظري انك تلف عليه وتعلق عليه الهرن واذا لزم الامر مافي مانع تشطفه واذا لزم الامر مافي مانع اوقفه وانزل اهبده بالعجره فوق راسه عشان يتبطل مخه ,, لان فيه نوعيه من البشر ما يفتهمون الا بهالطريقه اما سالفة التثقيف والتوعيه خلها حق الناس اللي عندها استعداد تتثقف وتستوعب

[يوسف0]

موضوع يجيب لي الغلقه من اللي نشوفه في الشارع ..
التجاوزات اكثر شي ينرفزني والمشكله انهم يعصبون اذا مامروا استغفر الله ..
واللي فجاه يقرر يغير مساره كان اللي حوله محد ..
والشاحنات اللي مره جربت اسوق على ال80 جنبها لقيت الشاحنهه اسرع مني وهي وزنها ثقيل ..
ولا الباصات اللي متروسه عمال ويمشي بابطا مايكون ويلف بكيفه ..
ولا كروه اللي ماخذ الشاره سباق بدون اشاره ولا هرن يلف ويتجاوز ..
ولا بعض الحريم تمسك الخط السريع وهي 80 وترتبك في تغيير مسارها ..
ولا الشباب اللي على الفون يايتكلم يايبتسم مع المسجات ..
ولا السيارات اللي فجاه تخفف السرعه عند الرادار ..
ولا الفضول لما يصير حادث في الشارع الثاني الشارع المعاكس يتاخر لانه الكل يبي يشوف واللي يمكن يصور ولا كان في سيارات وراه ..

ولا ولا ولا خلوني ساكته بس اللهم اني صايمه :omen2:

اكره شئ اجوفه فالشارع الي بالأحمر فوق ومن مسببات الزحمه تمنيت اني اكون شرطي واخذ ارقامهم كلها واخالفهم 5000 كل واحد فيهم يعطلون الشارع الي فيه الحادث والشارع الثاني ايضا لا والمشكله الشرطه تكون فالمواقف والسيارات الي صار فيها الحادث فالمواقف ايضا :anger1: تباً لهم امشوا طبيعي كانه اول حادث يصير ويعطلون وصول الشرطه تخلف

[معماري قطري]

معماري قطري بارك الله فيك وبارك لك في ولدك

نعم الأب ونعم التربيه

الله يسلمك اخوي المهاجر على هالكلام الطيب وما عليك زود

[معماري قطري]

والله يا طويل العمر الحل من وجهة نظري انك تلف عليه وتعلق عليه الهرن واذا لزم الامر مافي مانع تشطفه واذا لزم الامر مافي مانع اوقفه وانزل اهبده بالعجره فوق راسه عشان يتبطل مخه ,, لان فيه نوعيه من البشر ما يفتهمون الا بهالطريقه اما سالفة التثقيف والتوعيه خلها حق الناس اللي عندها استعداد تتثقف وتستوعب

بالعكس المفروض القانون يكون مفتح ويحط لنا حلول والحلول القانونية تنفرض فرض .. وفي الحالة اللي ذكرتها بتنفرض عليك وبسرعة والله يعينك بعدين

[العبري]

عسى يخدمنا القطار*

[LSBU]

المشكلة لما يجيك واحد من ها الاسيوين وشكلة مش نايم يمشي وشكلة مش مستوعب انة يسوق سيارة ومش مستوعب انة في ناس في الطريق غيرة ومش مستوعب اصلن انة عايش مرة وحدة كسر علي لدرجة انة هو كان بيقلب نفسة وزين اني كنت منتبة لة المجنون والله يوم اشوفة مريت جنبة كانة بزر ويلعب لعبة ماكانة كان ممكن يقتلني او يقتل نفسة ببلادة وبرود دم في السواقة يطالعني وفاتح كشرتة وعيونة تتراوق مثل الحرامي تعوذت من ابليس وكملت طريقي

الحين الاجانب شنو يسون لما يجي هو با اقامة شركة يشتغل يجيب العايلة الكريمة ويطلع لهم ليسن ويشغلهم تكاسي وما اعتقد هذا الشي يخفى على احد مع انة الدولة فيها شركة لتكاسي مسوين بس هذي النوعية من الناس تسوي زحمة لمصلحتها وتعطيل مصالح غيرها والسواقة والله الله بالخير وياكثرهم من جنسيات عربية ومن اسيوين يليت كل عايلة اجنبية يصرف لهم فقط ليسن واحد وبشرط يكون يشتغل اما وحدة جالسة على اقامة زوجها ممددة رجيلها وتكس في الشوارع ومسوية زحمة هذا الي مانبية والله صاير النظام فوضى في الطريق شي ممل

[LSBU]

في بريطانيا مع انة بشرية اضعاف مضعفة من عندنا مانشوف زحمة مثل الي عندنا الشوارع تتسكر
السبب مليون الف مرة تفكر علشان طلع ليسن والتامين عندهم مش اي واحد يقدر يسوية والضرايب والقوانين الصارمة والبانزين مش في متنول المتردية والنطيحة
حتى انك كل شارع تشوف تكاسيهم السود بكل مكان مثل النحل مب مثلنا كروة ماتشوفة الا نادر لنة عندهم مجبورين العالم يركبون التاكسي حتى انة الموصلات عندهم دخلها في بريطانيا مزانية لدولة عجلة التكاسي عندهم شغالة صح بعكسنا سعر كروة غالي ونادر تشوفة يشتغل

[حسن]

السموحه على التاخير لاني كنت بالصناعيه
الصراحه وانا رايح وجاي صدت لي كمن بليد اليوم واخرها اللي على الهايوي عند تقاط الجيده سابقه جيت اطوف وانا امشي حول ال 140
تقريبا الى ذاك الباس السوزوكي شافني ومغلق اليسار كان يضرب بريك

على طول تجاوزته واصكه بريك تخيل المنظر
وانا اتقهقه عليه

هاهاهاها

شعور لايوصف علمته ان السواقه فن وذوق


:)

[حسن]

حسن خلونا نكون صادقين

اعتقد كلنا فينا تلك البلاده خصوصا بعد ظهور الجوالات الذكيه ووسائل التواصل خاصةً الواتس اب

ما في حد ما يستخدم حتى لو شي بسيط الا القليل القله

صح؟

لا بلاه مهب على كيفك ونكون صادقين انا غير عنك وعن اللي ذكرتهم
انا اركز في السواقه واعمله زوم ولا امسك الحنش والتلفون وتقول كلنا
يبا تكلم عن نفسك انت وعن امثالك انا مالي شغل
انا انسان ملتزم بالسواقه وبالفن والاخلاق والذوق مع العلم اني راعي سرعات عاليه جدا واذكرها كثيرا في ردودي
المهاجر

راجع نفسك من شفتك نزيل الخيمه الرمضانيه وانت متغير ايد وخصوصا من عقب سمبوسه حمد والقيماته


:)