تقدير سعر بناء مبنى كراج للسيارات

[Hamad_qa]

السلام عليكم اخواني

الموضوع مثل ماهو في العنوان

تكلفة بناء طبيلة للسيارات عرض 7 في 10 أمتار

يشمل جسور ارضية .. ارضية خرسانة .. سقف خرساني (هوردي)

كم تقريبا التكلفة التقديرية

وشكرا

[الخور]

50الف

[معماري قطري]

ما فيه تفاصيل اضافية؟ كراج لتعديل السيارات ولا طبيلة؟

إِذا لتعديل السيارات ممكن فيه ارتفاع معين ومواصفات معينة .. أَرضية ايبوكسي مثلاً حتى ما تتأَثر بالزيت وتنمسح وتنغسل بسهولة .. في رايي بين 70 - 100 أَلف تقريباً والله أعلم.

[Hamad_qa]

اخوي الخور .. تسلم ع الإضافة

اخوي معماري
لا .. مجرد طبيلة سقف خرساني و أعمدة مع ارضية خرسانة بالابعاد المذكورة أعلاه

[معماري قطري]

حاولت ادور في المواضيع القديمة بناء المظلة ولا حصلته .. على العموم انتبه لعزل السقف خصوصاً الهوردي يحتاج عزل مائي زين .. ولو تبي تسوي شيء أرخص سو واجهات خرسانية وأَعمدة لو ممكن خرسانية مخفية في الحائط .. وسو تشكيل معماري حلو بزاويات معينة أو قمرية في زاوية التقاء العمود بالعارضة .. وداخل عندك الكي سبان ولا ببساطة حديد سيدة بسلوب بسيط وقناة لتصريف الماي.

في الواجهة تقدر تسوي كسرات فيها طوب زجاجي ملون كديكور .. بهذي الطريقة البنيان بيكون عندك خفيف وغير مكلف وشكله يبين خرسانة مع ان السقف حديد عادي ومخفي بالعوارض النازلة .. لو السيارات بيكون ارتفاعها عادي مثل الجي والرنج وغيرهم عندك ارتفاع 2.2 متر كفاية ومريح .. وطبعاً الوسط بيكون مرتفع أَكثر .. الإِضاءَة تلعب دور .. مخفية ال اي دي في جوانب العوارض الداخلية وممكن بأَلوان هادية .. واضاءَة في الأَرض لو حبيت على الأَطراف ال اي دي بعد بتنور على الحوايط الجانبية .. غير عن الإِضاءَة العادية سبوتات أَو نيون من فوق .. يعني خل الاضاءة تكون متعددة ومتغيرة حسب ما تحب .. عندك كذلك الوحدات اللي على الخلايا الشمسية وهذي تعطي نور خفيف ومستمر طول الليل وتكون فيما بين مكان وقوف السيارات .. يعني تنزل والنور من تحت لفوق وهاديء

بتكفيك المظلة لوقوف 4 سيارات في ضيق و3 سيارات بسعة .. لو تقدر تزيد في العرض متر أو مترين 12 مثلاً بتكفي لأَربع سيارات بالراحة وبسعة.