بخصوص الدرج والدرابزين الرخام والزجاج

[CiTy]

السلام عليكم ورحمة الله

حبيت اعرف ايهما افضل من الناحية الجمالية بخصوص درابزين الدرج بحيث يكون رخام بالكامل او يفضل ان يكون بين كل عامود من الرخام
قطعة زجاج .
ومن هو افضل محل يقدم خدمة ممتازة وسعر مناسب لتركيب وتوريد درابزين الرخام .
ومن لديه خبرة في هذا الموضوع يفيدنا ..

http://www.naibotrade.com/uploadfile/product/smallpic/20100513143515.jpg

[معماري قطري]

الجمال ما يكون في كل قطعة بنفسها .. ييكون في دراسة التصميم كامل وعلاقة كل قطعة بالثانية .. وفي بساطة التصميم واقتصاديته وفي بقاءِه فترة طويلة بدون تغير وصبغ وصيانة.

محلات الدرابزينات عندهم حلول وتصاميم تناسب كل احتياج .. يبقى عليك تصميم باقي قطع الدرج حتى يكتمل المنظر وتكتمل علاقة القطع ببعضها .. بعضهم يخلون في الأَطراف بس غرانيت غالي وراقي وفي الوسط سجادة مريحة مع حشوة تحتية تتركب على بلاستر وتبين تقريباً في مستوى الغرانيت في الأَطراف وتتثبت بقطع نحاسية خاصة أو مذهبة.

[شموخ دائم]

,

,

مرحبا

اخوي الكريم

الزجاج والحديد المشغول
او الخشب والحديد المشغول
او الزجاج والالمنيوم والخشب
هناك تنوع غني وموديلات كثيره جدا تقدر تختار منهم

و

دائما يكون تمازجهم اجمل بكثير من الرخام للدربزين

الرخام جماله يكون بالشكل العام للفيلا
يعني لو الفيلا ديكورها ( حديث ) موديرن
بتلاقي الدرابزين الرخام مايمشي معاها
الا لو ضفت معاه شغل زجاج حديث

بينما الدرابزين الرخام يمشي مع الديكورات الثانيه
الي شكل ديكورها مثل القصور وفيها مشغولات جبس كثيره على الجدران

وعندك المحلات كثيره

منها

مصنع نابينا للرخام الصناعيه

و

الوطنيه للرخام الصناعيه

جيرسي في السد ( حديد مشغول وخشب وزجاج )
وشركه درابزين ( حديد مشغول وخشب )

وفي شركه ناسي اسمها الان برجع اضيفها
عندهم تشكيله ممتازه جدا

بضيفها بالليل ان شاء الله

,

,

[CiTy]

السلام عليك أخوي معماري قطري شكرا على المساهمة بس حسيت ان وصفك حق قصر قديم مع اشوية رطوبة :victory: هذا الدرج بعيد جداً عن الفكرة العامة للفيلا واتصور تنفيذة يحتاج شركة متخصصة او اني انا ابشار العمل بنفسي لان مافي شركة متوسطة تقدر اتجيد هذا النوع من العمل في الدرج ،، تسلم على ابداء الرآي ..

أخوي شموخ دائم السلام عليك استعراضك للافكار ممتاز لكن احنا انحاول نبعد عن فكرة الدرابزين الحديد المشغولة بسبب انها وايد مزحومة على بعضها وصعبة التنظيف ونادر ما تكون خطوطها وحدوها ناعمة او مستقيمة اتحس انها شغل خبط لزق شغل مشي حالك والسعر غالي طبعاً
الخشب خيار ممتاز لكن يحتاج دراسة اكثر اذا راح يتشارك مع الحديد في جزء معين ،،
عندي صورة من محل نابينا حق درج رخام صناعي صيني مع حديد الفكرة ممتازة وشغل مرتب لكن . السعر خيالي ..
راح انزل الصورة في المساهمة الجاية ..
شكرا لكم جميعاً
^_*

http://www12.0zz0.com/2015/07/01/10/821148116.jpg

[معماري قطري]

ما وصفته لك كان مثال واللي حاطه انت مثال ثاني في تصميم الدرج ككل كصورة شاملة .. القديم فيه الجيد والمريح والحديث كذلك .. وفيه الدفش والمزعج في ارتفاعه وفي سهولة وراحة المشي عليه.

هذا اللي في الصورة الأَخيرة يمشي معاه الزجاج الملون من الجوانب والمزخرف .. يمشي معاه الزجاج المعشق .. ممكن نعرض الفريم ونركب في فتحات خشب مزخرف .. ممكن نحط السجادة الوسطية وهذي تجي لتقليل مساحة الرخام والتكلفة ولراحة الانسان وشكلها يجي كلوحة مزخرفة وسط رخام سادة .. ممكن تحط إنارة جانبية على الجزء الرخام .. ممكن هذي الانارة بلون معين هاديء وممكن بعدة ألوان.

كل شيء يعتمد على التصميم الكامل اللي تشوف فيه الصورة متجانسة.