محققي الحوادث المروريه بحاجه لدورات تأهيليه

[سبحانك اللهم]

بابتعد عن الكلام النظري وباعطيكم مثال وانتوا احكموا
----------
امس صار لي حادث غريب وكنت انا الطرف الاول في الحادث والطرف الثاني كان من بطولة واخراج سيده شاميه وهي غير مؤهله حتى لدفع عربة في جمعية الميره التعاونيه
----------
كنت ماشي في طريقي ابامان الله وجات وحده سيارتها جنها سيارة مستر بن وتبي تتجاوز سيارتي
يمكن هي كانت فاكره عمرها في رالي باريس داكار ومادري من قص عليها وقال لها انها لو تجازتني انها بتفوز بالمركز الاول وبتعتلي المنصه الرئيسيه وبتحصد الالقاب مثل ناصر العطيه
--------
جان زين لو تبي تتجاوزني والسير ماشي ’
المشكله ان السير واقف والا وغصب تبي تدخل جدامي
--------
اول ماشفت حركتها قلت هذا يمكن واحد من الشباب الطايش المراهق ولما امعنت النظر في المركبه طلعت وحده مقيمه في قطر
صحيح ان القطري اوقات يحس انه غريب في بلاده
-------
انا عاد ماعطيتها الطريق لكنها كانت لي بالمرصاد
هرنت ابسيارتها مدده طوووويله وقامت اتاشر ابيدها واتلوح وانا اشوفها من المرايه الخلفيه لكني سكت عنها
وفي الاخير حبت ترجع ورى سيارتي وادعمتني
-------
المشكله ان عقب ادورها كنت ابيها توقف لكنها ماوقفت واشردت عني
ورجعت ادورها وماحصلتها
-------
عقب رحت مركز مدينة خليفه علشان اقدم بلاغ ضد مجهول
لكني فجاه لقيت سيارتها وحصلتها اهي وزوجها معاها وكانت سيارتها ماشاء الله امدعمه من ثلاث جهات هههههههه قلت هذي اكيد خبيره بالحركات الاستعراضيه والبهلوانيه
-------
وجانا المحقق وكان واحد اصلع ماعنده شعر وانا من شفته قلت بس هذا النابغه الي عندهم
وقلت له اشلون صار الحادث وعقب هي قالت اشلون صار الحادث,
المشكله ان القصه الي قالتها هي كلها مفبركه ومالها أي اساس من الصحه
بس الظاهر ان وقت ماهربت مني وقت الحادث في شخص معين هو الي كان يلقنها الفلم الي لازم اتقوله حق المحقق ههههههههه
-------
الغريب ان المحقق ماقالي ولا كلمه الا بعدين لما سالته قالي طبعا انت الغلطان
اهاا انا الغلطان صرت الحين ؟ أي وهو ماقال الا الصح انا غلطان ونص
وعلشان جذي مره ثانيه انا كان لازم اجيب لي وحده من هالبنات ( الشقراوات والحسناوات) واخليها تقعد محلي علشان اصير مهب غلطان
ومره ثانيه لازم احلف كذب وااايد على المحقق علشان يحس اني صادق ويطلعني مب غلطان
-------
بعض محققين الحوادث عندنا يذكروني ابهذاك الطويل ابو البنيه الي في المحقق كونان الي امسوي عمره فاهم وعارف شالسالفه وفي الاخير وين مايطقها عويه وهو ولا يدري شاللومي
-------
المشكله ان المحققين الي شفتهم كلهم مش قطريين
تدرون ايش الفرق بين المحقق القطري وغير القطري؟
القطري هذا خريج العديد وسيلين والربع الخالي والخراره يعني فاهم الدروله والسواقه عدل ومستحيل احد يألف عليه او يخترع عنده حادث والي بيألف قصه ترى بيصيده وبيحكر له ومابتعدي عليه
-------
واعذروني على الاطاله وشكرا لكم

[بريق الحق]

شنقول وشنسوي
الله يعينك والله يصلح الحال

[JN000N]

القطري هذا خريج العديد وسيلين والربع الخالي والخراره يعني فاهم الدروله والسواقه عدل ومستحيل احد يألف عليه او يخترع عنده حادث والي بيألف قصه ترى بيصيده وبيحكر له ومابتعدي عليه

الوصف الوصف :happy:

[kuwari]

الله كريم

[مابدل العادات]

اييييييييييييييييييييييييه شنقول ولا شنخلي ربك كريم ربك كريم

[بـن شـهـوان]

كان كلمت الضابط
لك حق اذا تشوف نفسك مب غلطان انك تكلم الضابط
ولك حق ايضا اذا ماقتنعت فكلام المحقق والضابط انك ترفع الموضوع قضيه
ويمنعون صرف الاوراق اذا انت رفعتها قضيه

وللعلم فوق المحقق ضابط وفوق الضابط رئيس قسم وفوقهم كلهم المدير ومساعده
وكلهم قطريين وكلنا ندري ان هل قطر مع الحق ويتشغلون بذمه
المشكلة القطري عجزان يطالب بحقه او يستحي
عكس الاجنبي اللي ممكن يوصل الموضوع لاكبر شخص عشان ياخذ حقه

تكلم ياخوي واذا لك حق ان شاءالله بتاخذه

[بو عمر]

حمد الله على سلامتك أخي الفاضل، و معوض خير بالنسبة للتصليحات.

لكن صراحة من وصفك لتصرفات تلك السيدة شيء يقهرً. محاولة التجاوز بلا أخلاقيات، ثم تعمد الدعم، ثم الهرولة لإدارة المرور و تنسيق كذبة مع زوجها لتضليل العدالة ينم عن شخصيتين غير سويتين. و هما بحاجة لدرس أخلاقي حتى يتعلما أن الأمور لا تدار بهذا الشكل بهذا البلد.

على قولتك كان السير واقف، وكثير من شوارع البلاد الآن مزودة بكاميرات أمنية مثبتة بأعمدة الإنارة أو أعلى الإشارات. و حسب ما تطالعنا الصحف فإن النظم (البرامج) الأمنية على كمبيوترات وزارة الداخلية يمكنها استرجاع التسجيل حال ما تطلب الأمر ذلك. ارجع للمكان الذي تم التعدي عليك فيه و إن لاحظت إحدى كاميرات الأمن فأنصحك بأن تحاول إثبات عدم خطأك فيما صار و أن تلقن هذين الزوجين الغير أمينين درساً أخلاقياً عسى أن يراجعا سلوكياتهما مع الكل.

الله يحفظك

[LSBU]

صدق اخوي والله محققين الحوادث في ادارة المرور يبي لهم دورات تاهيلية وتعامل عدل مع خلق الله
يليت وزير الداخلية بنفسة يطب عليهم وياخذ عينات من الحوادث الي تتسجل ويشوف الاخطاء الي تصير عندهم الله و اعلم لو كانت بعمد او مش بعمد

[7llo]

لاتسكت عن حقك وقوله هي غلطانه وحول موضوعك للنيابه

[العنيده]

ايه عادي المهم سلامتك .. لو طلبت اللي ارفع منه بما ان الحق معاك افضل .. الفكره ان احنا نسكت عن حقنا لازم تتغير ..

[شبح الصمت]

السلام عليكم اخوي سبحانك ..

الحمد لله على سلامتك ..

بس مفروض ما تسكت عن حقك هذا اول شيء اذا انت واثق انك مش غلطان كلش ليش ما رفعتها قضية وخلها تاخذ مجرأها ..

او انك طلبت الضابط مسؤول المحققين تكلمه تشرح له الموضوع ما اقتنع عقب ارفعها قضية وخل موترها يخيس ولا يتعدل .. !!

عندك خيارات كثيرة

نبي نعرف انت اش سويت هل رضيت انك تصلح لها بكل سهولة أو اتخذت اجراء ثاني ..

عن نفسي انا لو حصل لي هالموقف نفسك والله ما اسكت دامني على حق لو شيصير محقق والا غيره مع احترامي للعساكر لكن في قانون في محاكم تاخذ حقي اذا انك تحس انه هالشخص متعاون معاهم ولفقو لك التهمه طبعاً حسب كلامك انه مرتبين الوضع وحسب ما فهمنا ..

[امل الحياه]

كنت ماشي في طريقي ابامان الله وجات وحده سيارتها جنها سيارة مستر بن وتبي تتجاوز سيارتي
يمكن هي كانت فاكره عمرها في رالي باريس داكار ومادري من قص عليها وقال لها انها لو تجازتني انها بتفوز بالمركز الاول وبتعتلي المنصه الرئيسيه وبتحصد الالقاب مثل ناصر العطيه


:tease: :tease: والله مشهد يضحك وش نقول بس صار بقطر كل شي من القهر تضحك

[Dmy Enabi]

في ناس بدون ضمير ولاذمة ولاخوف من الله
صار لي نفس الموقف بس مع قطري متجاوز وداش يمين ومافتحت له لا ويسوي نفسه مايجوف
دعمني يوم قلت له ليش شفيك ،قال ماجفتج وهوصار له 5 دقايق يجدم الموتر ،الكذب ببيزة عقب قال عادي التأمين يصلح
آنا أجوف بلاوي الي يسوقون أكثر من المحققين بالعكس متعاونين جدا
كان الله في عونك

[البارع]

القطري خريج سيلين والربع الخالي والخرارة ومدري شنو ؟؟؟

ياهل قطر شرايكم في ذي العباره

[ضوى]

القطري خريج سيلين والربع الخالي والخرارة ومدري شنو ؟؟؟

ياهل قطر شرايكم في ذي العباره

ماشوف فيها شي تعبير شبابي ، وهم عارفين بعض والمقصد واضح للكل انه ماشاء الله عليه القطري حريف في السواقة وفاهم

[البارع]

ماشوف فيها شي تعبير شبابي ، وهم عارفين بعض والمقصد واضح للكل انه ماشاء الله عليه القطري حريف في السواقة وفاهم


وجهة نظر على العين والراس

بس في ان؟؟؟

[مختلفة عقليا]

السلام عليكم

انا شخصيا اشوفهم متعاونين بغض النظر عن الجنسيه بس شي صار قدامي

وحده متحجبه اتكلمه وهو يقول لها انتي الغلط واللي داعتمها كاشفه هي من القهر قالت له لازم افصخ العبايه عشان اتصدق ., !!

وعقب قالت مو اول مره .,

كنت بتدخل واقول لها شتسوي بس اللي معاي قالي لا .,

القانون قانون ., لا تسكت عن حقك .,

واخوي حسن انا بمزاجي اوخر مو ملزومه واذا ما وخرت يعني شرانيه .,

تخيل اعطى مجال واضحك لهم ويتمون يلحقوني ناقصه انا هههههههههههههههه

ويسلموو

[شبح الصمت]

وكان مفروض اول ما ادعمتك توقف او تاخذ رقمها وتتصل العمليات تقول لهم في وحده ادعمتك وعقب تروح تبلغ عليها فالمركز لاجل اطلع اورقه

ولو جات قبلك والا ما جات يطلعوون البلاغ انك انت متصل قبل ..

[المارونـــي]

حولها قضيه اول شي
الشي الثاني داعمتك من الخلف وانت غلظان ؟ قوية هذي

[Fahad Alqahtani]

وكان مفروض اول ما ادعمتك توقف او تاخذ رقمها وتتصل العمليات تقول لهم في وحده ادعمتك وعقب تروح تبلغ عليها فالمركز لاجل اطلع اورقه

ولو جات قبلك والا ما جات يطلعوون البلاغ انك انت متصل قبل ..








هذا المفروض واي شخص يندعم يكلم العمليات ويعظيهم رقم الموتر وهل يقدر يتحرك من مكان الحادث او لا علشان يكون في السليم .

[بومحمد المطاوعه]

اذا ماعجبك المحقق
روح للضابط
واذا ماعجبك الضابط روح لرئيس القسم

واذا محد اعجبك
حول الموضوع محكمه

ليش تتساهل ياخوي ,,,

الحمدلله على السلامه
ولو بدالك ما اسكت عن حقي

[بومحمد المطاوعه]

القطري خريج سيلين والربع الخالي والخرارة ومدري شنو ؟؟؟

ياهل قطر شرايكم في ذي العباره


طبعآ مب الكل

ويقصد ان القطريين يعرفون اشلون يحققون ويعرفون الصح من الخطأ
وماعتقد بتشوف قطري
يصف ضد الحق

الا الشواذ والعياذ بالله

[ضوى]

هذا المفروض واي شخص يندعم يكلم العمليات ويعظيهم رقم الموتر وهل يقدر يتحرك من مكان الحادث او لا علشان يكون في السليم .

امس واحدة دعمتني واهي الغلطانة حكت سيارتي من اخرها لاولها ، كلمت التحقيق قالها حركوا من الشارع لا تعرقلون السير ، حركنا وقفنا بمواقف قريبة ساعة ننطر وفي الاخير قال حركوا واي وقت تعالوا المرور ، قلت له سيارتي متضررة ومب متفاهمين من الغلطان ، قالي اهم شي انتوا بخير وان شاء الله خير واخذت رقم سيارتها وتلفونها وحركنا وعلى اساس اليوم نروح المرور عاد مدري بيحط الغلط علي والا عليها ، انا اشوف هي غلطانة ، انا ماسكة الحارة الوسطى والاشارة فاتحة وانا ماشية في امان الله ماوعيت الا بالخبطة اللي جاتني عاليمين تقولي الشارع مسكر عاليمين ولازم اطلع حارتج قلت لها تخبطيني لازم تطلعين تقولي مانتبهتي ، اقولها مافي اشارة منج ولا اي شي يدل على طلعتج قبل لا تدعميني انتي طلعتي وانا ماشية ، عاد شنقول قدر الله وماشاء فعل

[LSBU]

المفروض ياهلونهم بصراحة محتاجين وايد تأهيل للاسف اسلوب رايح فيها وعادي يحط الخطاء عليك وهو مش عليك قد يكون جهل منة بالقانون او انة ماعجبة شكلك

[غايه الطواش]

الشوارع فيها كاميرات
ان كان لك حق ارفع قضيه واطلب التصوير , مادري ليش حسيت بمبالغات وكلام وجمل بالموضوع ماله داعي تكتبها

[ضوى]

الشوارع فيها كاميرات
ان كان لك حق ارفع قضيه واطلب التصوير , مادري ليش حسيت بمبالغات وكلام وجمل بالموضوع ماله داعي تكتبها


كاميرات خرطي

واحد عند اشارة سباير وكاميرا خبطني وشرد جدام عين الفزعة وطلب ريلي الكاميرات وان شاء الله وان شاء الله لين خاب ثنانا طلعنا ورقة تصليح ضد مجهول وصلحتها على حسابي والله يعوض علينا ، وايد مستاءة من هالشي وهذي سقطة لإدارة المرور والفزعة اللي كانت وراي وشافت الضربة ولا سوت اي شي مع اني لحقت راعي السيارة لكنه كان محترف واختفى

[بريق الحق]

معوضه خير ضوى

[A-Alansari]

كاميرات خرطي

واحد عند اشارة سباير وكاميرا خبطني وشرد جدام عين الفزعة وطلب ريلي الكاميرات وان شاء الله وان شاء الله لين خاب ثنانا طلعنا ورقة تصليح ضد مجهول وصلحتها على حسابي والله يعوض علينا ، وايد مستاءة من هالشي وهذي سقطة لإدارة المرور والفزعة اللي كانت وراي وشافت الضربة ولا سوت اي شي مع اني لحقت راعي السيارة لكنه كان محترف واختفى

تحملي تلحقينه مره ثانيه :omg:

بس سجلي رقمه وروحي المركز بلغي وبيجيبونه غصب

[ضوى]

تحملي تلحقينه مره ثانيه :omg:

بس سجلي رقمه وروحي المركز بلغي وبيجيبونه غصب
عراوي قديم ، والرقم طويل ولا اقدر اصور ولا اقدر احفظ ، وحفظت ثلاث ارقام ولون السيارة وعطيتهم اياه ومافادوني انا لحقته بشارع رئيسي قلت انه بيوقف لما اليت له لكن للاسف كان متعمد الهروب ، واللي يقهر الفزعة وراي وتمشي وراي وشافته وهو خابطني ولا حركت ساكن

[عثرة جواد]

السلام عليكم


اخوي الشوارع كلها مراقبة ...خل يشوفون الحادث وبين

لاتتنازل عن حقك

الله يعينك

[خوي الدرب]

بابتعد عن الكلام النظري وباعطيكم مثال وانتوا احكموا
----------
امس صار لي حادث غريب وكنت انا الطرف الاول في الحادث والطرف الثاني كان من بطولة واخراج سيده شاميه وهي غير مؤهله حتى لدفع عربة في جمعية الميره التعاونيه
----------
كنت ماشي في طريقي ابامان الله وجات وحده سيارتها جنها سيارة مستر بن وتبي تتجاوز سيارتي
يمكن هي كانت فاكره عمرها في رالي باريس داكار ومادري من قص عليها وقال لها انها لو تجازتني انها بتفوز بالمركز الاول وبتعتلي المنصه الرئيسيه وبتحصد الالقاب مثل ناصر العطيه
--------
جان زين لو تبي تتجاوزني والسير ماشي ’
المشكله ان السير واقف والا وغصب تبي تدخل جدامي
--------
اول ماشفت حركتها قلت هذا يمكن واحد من الشباب الطايش المراهق ولما امعنت النظر في المركبه طلعت وحده مقيمه في قطر
صحيح ان القطري اوقات يحس انه غريب في بلاده
-------
انا عاد ماعطيتها الطريق لكنها كانت لي بالمرصاد
هرنت ابسيارتها مدده طوووويله وقامت اتاشر ابيدها واتلوح وانا اشوفها من المرايه الخلفيه لكني سكت عنها
وفي الاخير حبت ترجع ورى سيارتي وادعمتني
-------
المشكله ان عقب ادورها كنت ابيها توقف لكنها ماوقفت واشردت عني
ورجعت ادورها وماحصلتها
-------
عقب رحت مركز مدينة خليفه علشان اقدم بلاغ ضد مجهول
لكني فجاه لقيت سيارتها وحصلتها اهي وزوجها معاها وكانت سيارتها ماشاء الله امدعمه من ثلاث جهات هههههههه قلت هذي اكيد خبيره بالحركات الاستعراضيه والبهلوانيه
-------
وجانا المحقق وكان واحد اصلع ماعنده شعر وانا من شفته قلت بس هذا النابغه الي عندهم
وقلت له اشلون صار الحادث وعقب هي قالت اشلون صار الحادث,
المشكله ان القصه الي قالتها هي كلها مفبركه ومالها أي اساس من الصحه
بس الظاهر ان وقت ماهربت مني وقت الحادث في شخص معين هو الي كان يلقنها الفلم الي لازم اتقوله حق المحقق ههههههههه
-------
الغريب ان المحقق ماقالي ولا كلمه الا بعدين لما سالته قالي طبعا انت الغلطان
اهاا انا الغلطان صرت الحين ؟ أي وهو ماقال الا الصح انا غلطان ونص
وعلشان جذي مره ثانيه انا كان لازم اجيب لي وحده من هالبنات ( الشقراوات والحسناوات) واخليها تقعد محلي علشان اصير مهب غلطان
ومره ثانيه لازم احلف كذب وااايد على المحقق علشان يحس اني صادق ويطلعني مب غلطان
-------
بعض محققين الحوادث عندنا يذكروني ابهذاك الطويل ابو البنيه الي في المحقق كونان الي امسوي عمره فاهم وعارف شالسالفه وفي الاخير وين مايطقها عويه وهو ولا يدري شاللومي
-------
المشكله ان المحققين الي شفتهم كلهم مش قطريين
تدرون ايش الفرق بين المحقق القطري وغير القطري؟
القطري هذا خريج العديد وسيلين والربع الخالي والخراره يعني فاهم الدروله والسواقه عدل ومستحيل احد يألف عليه او يخترع عنده حادث والي بيألف قصه ترى بيصيده وبيحكر له ومابتعدي عليه
-------
واعذروني على الاطاله وشكرا لكم
اسمع يالحبيب
حصل لي مثل موقفك وحاول المحقق السوداني أن يضيف في الحادث شيء لم يكن فيه
فرفضتها وخليتهم يرفعونها قضية
ولما حضر المحقق السوداني الجلسة الاولى وشاف ان الحق بيصير ضده
ماحضر الجلسة الثانية وبعدها اكتشفنا انه استقال وهرب فاغلق القاضي ملف القضية
ولم يسجل علي شيء
فلا تتردد في رفض التحقيق والمحقق

[ya3coub]

للأسف هالحركات تصير من كبار السن و ايضا من الحريم

و الواحد يطالع اشوه في تئمين و شي يقهر بس اذا انت تشوف و تقعد تنزل مستواك و تكذب اخوي التصرف الي قمت فيه وايد ناس نفسك انطالع من هول الصدمة.

و الكذب و التأليف و الحلفان و حرمة او رجال بكبر الوالد بتقعد جدام الضابط او المحقق تكذبه بكل كلمة انت تعترض مرة و اتشوف الي جدامك شيسوي

[السكين]

الحوادث المبهمة ‘ مشكلة ولازم تراجع فيها وتطالب بحقك وإن طال ، تحس بفرحة غير طبيعية لما تاخذ حقك ولا تحط ببالك ضياع وقت بالعكس كل شخص يغلط وياخذ جزاه بيحاسب المرة الثانية وهكذا.

لي عتب بسيط أتمنى تاخذه بوساعة صدر وطالعة من القلب بكل مودة وحب ، أولاً أسلوبك ووصفك وتعليقاتك وكثير من مبالغتك والتدقيق على الجنسيات والأجناس أتمنى أن تراجع نفسك فيها بمواضيعك مستقبلاً .

ورمضان كريم

[بومحمد المطاوعه]

ورمضان كريم

رمضان مبارك وليس كريم

الكريم الله تعالى
اكرمنا برمضان وجعل هذا الشهر شهر مبارك فيه وخير ورحمه

ف لذالك نقول
رمضان مبارك

تحياتي لك:)

[معماري قطري]

ما قلت الا الصحيح .. هي دعمت سيارتك من ورا آتخيل صح؟

دعمني مرة باكستاني كان يطالع ربعه عند الدكان ومستانس .. عنده باجيرو ومركب حديد على الصدام شلخ الرديتر مع إِن الدعمة بسيطة وسرعته حول 20 بس كان مفهي ومب منتبه لي .. جانا المحقق رياض .. طبعاً رياض أبيض وايد وبلبل قطري بعدين عرفت انه باكستاني أَقول له هو كان غافل وسويت له هرن وانتبه متأخر يقول اثنينكم غلطانين وكل واحد يصلح سيارته .. زين حاط حديد والمفروض الحديد ممنوع قال لا هذا مسموح .. شرطتنا صج يحتاجون دورات.

أذكر قبل منعوا أريل الموتورلا ويمسكون السيارة اللي مركب عليها صاحبها ويشيلون الأريل .. مسكوا واحد قال لهم انا ساكن في الشمال واروح بيتنا مسرع وتستوي اشارة التلفون ضعيفة .. وكان مركب أريلين قال هذيلا يصفون الاشارة لأريل التلفون الصغير .. يقول قال لي الشرطي اوكي تفضل ليسنك وسامحنا .. يقول انا فيني ضحكة ما طلعتها الا في السيارة من غباء الشرطي.

[ابوالكلام]

انا عن رايي اغلب رجال الشرطة يحتاجون الى دورات مكثفة للتعامل مع الجمهور وما هو دوره شكرا

[حليتان*]

حمد الله على سلامتك أخي الفاضل، و معوض خير بالنسبة للتصليحات.

لكن صراحة من وصفك لتصرفات تلك السيدة شيء يقهرً. محاولة التجاوز بلا أخلاقيات، ثم تعمد الدعم، ثم الهرولة لإدارة المرور و تنسيق كذبة مع زوجها لتضليل العدالة ينم عن شخصيتين غير سويتين. و هما بحاجة لدرس أخلاقي حتى يتعلما أن الأمور لا تدار بهذا الشكل بهذا البلد.

على قولتك كان السير واقف، وكثير من شوارع البلاد الآن مزودة بكاميرات أمنية مثبتة بأعمدة الإنارة أو أعلى الإشارات. و حسب ما تطالعنا الصحف فإن النظم (البرامج) الأمنية على كمبيوترات وزارة الداخلية يمكنها استرجاع التسجيل حال ما تطلب الأمر ذلك. ارجع للمكان الذي تم التعدي عليك فيه و إن لاحظت إحدى كاميرات الأمن فأنصحك بأن تحاول إثبات عدم خطأك فيما صار و أن تلقن هذين الزوجين الغير أمينين درساً أخلاقياً عسى أن يراجعا سلوكياتهما مع الكل.

الله يحفظك

ياخوي ما يشوفون الكيمرات

من كم يوم عند اشارات دحل الحمام افتحت الاشاره وماشي انا فالسيد اليسار بروح سيده جا واحد من السيد الي فالوسط ولف على سياره قدامي مره وحده وخذ الاشاره يسار وطبعا الي قدامي ضرب بريك من قلب وانا محاسب له وضربت بريك وجا الي وراي دعمني

طبعا الغلط عليه هو والرجال قال انا غلطان بس المستهتر الي لف على خلق الله لازم يتحاسب طلعوه من الكيمرات قاله لا مالنا خص فالكيمرات !!!!!!!!


عيل ليش حاطنهم!

[شبح الصمت]

ياخوي ما يشوفون الكيمرات

من كم يوم عند اشارات دحل الحمام افتحت الاشاره وماشي انا فالسيد اليسار بروح سيده جا واحد من السيد الي فالوسط ولف على سياره قدامي مره وحده وخذ الاشاره يسار وطبعا الي قدامي ضرب بريك من قلب وانا محاسب له وضربت بريك وجا الي وراي دعمني

طبعا الغلط عليه هو والرجال قال انا غلطان بس المستهتر الي لف على خلق الله لازم يتحاسب طلعوه من الكيمرات قاله لا مالنا خص فالكيمرات !!!!!!!!


عيل ليش حاطنهم!



الحمد لله على سلامتك ياخوي


وتدري انه لو ماسك المسار اليسار وتبي تكمل سيده والسيارة الي فالوسط لفت عليك وادعمتك انك انت غلطان ..

شوف المسار اليمين يقدر يكمل سيده

المسار الي فالوسط تكمل سيده وتلف يسار

المسار اليسار فقط تلف يسار


هذه معلومات تعلمتها من كثر ما كنت ادعم قبل

هاهاهي

[حليتان*]

الحمد لله على سلامتك ياخوي


وتدري انه لو ماسك المسار اليسار وتبي تكمل سيده والسيارة الي فالوسط لفت عليك وادعمتك انك انت غلطان ..

شوف المسار اليمين يقدر يكمل سيده

المسار الي فالوسط تكمل سيده وتلف يسار

المسار اليسار فقط تلف يسار


هذه معلومات تعلمتها من كثر ما كنت ادعم قبل

هاهاهي



اشاره يالحب مب دوار ههههههههه

[النهار]

اشاره يالحب مب دوار ههههههههه

حتى لو اشاره يالشمالي السيد اليسار لازم تكوع مالك حق تروح سيده الي في الوسط يحق له يروح سيده ويلف يسار
من شهرين واحد دعمني كنت في النصف بلف والاخ جاي مسرع يبي يروح سيده قام يعاي قلت له لاطولها وهي قصيره خل التحقيق يجي
وتعرف من الغلطان وانا كنت طايفه وضارب اشاره اني بلف المحقق قال له انت غلطان الوسط مسموح والي على اليسار لا
بس المصيبه يجيك واحد ماسك اقصى اليمين ويبي يلف يسار هذي ودك تنزل له وتدوس في بطنه

[ضوى]

ابشركم

طلع الغلط عليها قبل لا تكمل كلامها وقبل لا اتكلم انا قالها الغلط عليج ومايحتاج تكملين

الحمد لله والمنة

[بريق الحق]

الحمدلله
معوضه خير الغلطانه

[بومحمد المطاوعه]

السواقه في الدوحه

تحتاج ليسن رالي ,,,

[A-Alansari]

السواقه في الدوحه

تحتاج ليسن رالي ,,,

ليسن رالي + جمس صدام صب :victory:

[بومحمد المطاوعه]

ليسن رالي + جمس صدام صب :victory:

اي والله
ومرفع بعد

[.قطر.]

وزيد عليهم قلص نص متر عشان اللي فيه خير يلصق فيك من ورا :anger1: