خل من حقنا ارجاع السلعه واخذ ثمنها؟

[jasjar85]

هل من حقنا كمستهلكين القدرة على ارجاع السلع واخذ ثمنها لان بعض المحلات يمكنك الاستبدال ولا يمكنك الارجاع!

[البهتري]

في قانون قديم (البضاعة المباعة تستبدل وتسترجع)

[qatara]

في قانون قديم (البضاعة المباعة تستبدل وتسترجع)

واذا صار فيها خلل او غش

شدعوا ماترجع

[وطن]

تقدر ترجع في معظم المحلات
بس اظن ما تأخذ كاش
تستبدل بشي عندهم
او يعطونك فاتورة بالمبلغ تستخدمه بعدين


ما اعرف نظام كل المحلات

[A-Alansari]

في محلات ترجع و تبدل

وبعضها بس تبدل

وبعضها لاتبدل ولاترجع

يعتمد على المحل وسياسته

[المهاجر]

نعم من حقك اخوي ترجعها وتسترجع فلوسك او تستبدلها على كيفك

اذا تبين ان فيها خلل او عيب او انها غير مطابقه للمواصفات اللي انت تبيها

وهذا نص الماده في قانون حماية المستهلك

• المادة 5
يلتزم المزود بإرجاع السلعة مع رد قيمتها أو إبدالها أو إصلاحها بدون مقابل في حال اكتشاف عيب فيها أو كانت غير مطابقة للمواصفات القياسية المقررة أو الغرض الذي تم التعاقد عليها من أجله.

وفي حالة رفضه تقدر تشتكي على الشكره عند حماية المستهلك وهم بيتخذون الاجراءات القانونيه معاه

وعقوبتها في حالة رفضه ارجاع المبلغ وثبوت ان السلعه معيبه او غير مطابقه للمواصفات

الحبس مدة لا تجاوز سنتين، وبالغرامة التي لا تقل عن (3,000) ثلاثة آلاف ريال

ولا تزيد على (1,000,000) مليون ريال، أو بإحدى هاتين العقوبتين

يجوز بقرار إداري مسبب من مدير الإدارة المختصة، إغلاق المحل أو المكان الذي وقعت فيه المخالفة،

وذلك بصفة مؤقتة لمدة لا تزيد على شهر

[الزعــــــيم]

في محلات ومحلات بعض المحلات ترجع وبعضها لا على حسب السياسه وميزانيه الشركة وتقدر تتصل على حماية المستهلك وتشتكي عليهم شكرررررررررا لك