يدي تتلصق

[الحياة الخالدة]

السلام عليكم و رحمة الله و بركاته

ياتني هدية : بخور لبان معطر بالمسك و العنبر
الغرشة كانت ملفوفة بالنايلون عشان ما تسرب
البان كان مشرب وايد .. فطبعاً تسرب العطر على الغرشة من برة

المهم مسكت العلبة و فتحتها عشان أجرب البخور
و تلصق العطر في يدي و أصابعي

رحت غسلتها بالماي و الصابون كم مرة .. بس للحين يدي تتلصق .. حتى يوم نشفتها بالكلينكس تنتف الكلينكس و تلصق في أصابعي
فرحت غسلتها و خليتها تنشف بروحها

ألحين كل شي أمسكه تلصق أصابعي فيه
حتى أنحرج أسلم على حد

شسوي ؟؟
ما جربت مسحات الكحـــــول

[الحياة الخالدة]

تهقـــــون هاذي حوبة الحمام
يوم فكرت مجرد تفكير أحط لهم لزقات الفيران ؟؟!!

http://www.qatarshares.com/vb/showthread.php?609032-%D4%C7%E1%CD%E1-%E3%DA-%C7%E1%CD%E3%C7%E3-%C7%E1%E3%C4%D0%ED

بس والله ما سويت لهم شي .. كان مجرد تهديد :(

[المهاجر]

عليكم السلام ورحمة الله وبركاته

احتمال هذا تنبيه من الله عشان اللي قلتيه حتى لو ماسويتيه

ماعليج شر والله يحفظج يارب

شوفي خذي زيت زيتون وافركي به يدج وباذن الله بيروح

[الحياة الخالدة]

عليكم السلام ورحمة الله وبركاته

احتمال هذا تنبيه من الله عشان اللي قلتيه حتى لو ماسويتيه

ماعليج شر والله يحفظج يارب

شوفي خذي زيت زيتون وافركي به يدج وباذن الله بيروح

الله يجزاك خير أخوي المهاجر
بس هذا أصلاً كان اقتراح من شخص .. يعني حتى الفكرة مب فكرتي :(

إن شاء الله بجرب زيت الزيتون

[المهاجر]

الله يجزاك خير أخوي المهاجر
بس هذا أصلاً كان اقتراح من شخص .. يعني حتى الفكرة مب فكرتي :(

إن شاء الله بجرب زيت الزيتون

ويجزاج بمثله يارب

حتى لو كان اقتراح من اي حد يمكن حد قراه وراح نفذه

ويمكن هذا تنبيه من الله وانتي جزاج الله خير انج ذكرتينا بالموضوع وربطتي الامر فيه

جربي وعطينا النتيجه

اخبر استعملت زيت الزيتون مع سوبر جلو وكانت النتيجه ممتازه

[لبيبة]

وعليكم السلام ورحمة الله وبركاته،

لازم مادة زيتية، زيت او كريم.

لوشن جونسون الوردي للأطفال، ممتاز ، افركي يدينج به وخليه فيهم علشان يطلعه.

الفازلين بعد زين.

[الحياة الخالدة]

يزاج الله خير أختي لبيبة

جاري التنفيذ

ما قصرتو

[وطن]

جربي الأسيتون
او السنيتايزر


او استخدمي زيت زيتون
بيذوب اللبان اللي لزق في ايدج

[panda]

هذا هو اللي قالك جاء يكحلها عماها هههه

[النهار]

احسن شي استعملي الكاز او الكحول

[الحياة الخالدة]

جزاكم الله خير جميعاً

الحمد لله استعملت كريم جرجنز و فركت يدي فيه لين راح التلزق

و راح أمسح الغرشة بكبرها بالكريم عشان ما يتلصق في يدي مرة ثانية

رحم الله والديكم

[وطن]

و والديج :victory:


الحمدلله ان طار و افتكيتي

[لبيبة]

ورحم الله والديج، الحمدلله راح، لأنه فعلا شعور مزعج ومحرج.

[بريق الحق]

الرمل زين ترى

[الحياة الخالدة]

الله يجزاكم خير

بريق الحق : ما عندنا رمل في البيت