اعلان نتائج الثانوية اليوم

[قريب]

اعلنت جريدة الراية في عددها الصادر 02/07/2015 ان المجلس الاعلى سيعلن نتائج الثانوية العامة على موقعه الالكتروني اليوم والله يوفق الجميع ..

[بن غيث]

الله يوفقهم بأذنه تعالى .. ويفرح قلوب اهلهم

[ضوى]

الله يفرح قلبنا بنجاح عيالنا ياااارب

[الشمالي111]

الله يوفقهم ويفرح قلوبهم عقب هالتعب

[الاعرابي]

لو يحطونها مثل ايام قبل في الجرايد والله لها طعم واحلى

[الزعفراني]

الساعه 12 الظهر اليوم

https://nateeja.sec.gov.qa/

شيكوا هالموقع

[مفكر قطري]

ليحين ننطر و الله يعين

[السوق الحر]

النتائج طلعت وموجودة اون لاين

https://nateeja.sec.gov.qa/Publish.aspx

[حسن]

انشاء الله ناجحين كلهم

ونبارك لهم

مقدما

[QtrGate]

93744

[حليتان*]

ماسمعت ان في حد ناجح ليحن

[عاشق العديد]

ماسمعت ان في حد ناجح ليحن

انا بعد شسالفه كل الي اسئلهم راسبين

[حـ ن ـيـ ن]

نسبة النجاح 72% !! صدمة

والناجحين نسبهم ضعيفة !!!!

[ممنوع اللمس]

كل ماكلم حد يقولي راسب
شسااالفه

[جارح]

نسبة النجاح 72% !! صدمة

والناجحين نسبهم ضعيفة !!!!

نسبه الرسوب هذة السنه بالذات ارتفعت بصفوف النقل والشهادة الثانوية وكذلك من نجح فمعدلاتهم لاتكفيهم للبعثات وخلافه الا قلة قليلة من الطلاب حصلوا على معدلات جيدة ويعتبرون بمصاف النخبة بين جميع الطلاب
نريد ان نعرف ماهي الأسباب لما حصل هذا العام من رسوم وتدني في معدلات الدرجات للطلاب الناجحين
هنالك حلقات مفقودة هل النسب السابقة كانت تجمل على حساب الكراسي
هل فعلا طلابنا هاذا هو مستواهم الأكاديمي
هل الخلل بالكادر التدريسي ام الطالب ام من وضع الاختبارات ام من قام بالتصحيح وتنقيح النتايج
يجب ان تكون هنالك وقفات جادة من اعلى شخصية بالحكومة الرشيدة لمسألة اصحاب القرار بالسلك التعليمي عن الأسباب التي أدت لهذا المستوى
ملاحظة مهمة جدا استخلصتها من بعض النتايج كعينة عشوائية
لماذا الرسوب متركز بالكيمياء بالذات التأسيسي والرياضيات والإنجليزي لهذة الدرجة فيها صعوبة هذة المواد لم يستطع الطلاب اجتيازها

[الحياة الخالدة]

بالفعــــل .. هذا ما سمعناه
هناك نسبة رسوب كبيرة

[ابن البيطار]

اغلب الي كانوا جايبين 85% وفوق في الامتحان السابق اليوم نتايجهم 75% وتحت وهم بنفسهم مستغربين مع ان ادائهم في الامتحان الحالي افضل وتوقعوا يطوفون 85% مب العكس.

[ضوى]

اسالوا اللي صحح الامتحان هالسنه

[Dexter]

والله المفروض كل طالب يقدر يروح مدرسته ويشوف امتحانه

وقتها بيبين من الي انظلم ومن الي مستحق درجته بدون عوار راس

[حليتان*]

انا بعد شسالفه كل الي اسئلهم راسبين

واحد من الشباب فالفصل الاول نسبته 77 والحين عليه 3 مواد !!!
مع ان كان متوقع ان يجيب اكثر من 77 !!

[حليتان*]

والله المفروض كل طالب يقدر يروح مدرسته ويشوف امتحانه

وقتها بيبين من الي انظلم ومن الي مستحق درجته بدون عوار راس

اوكي بيشوف درجته بس اشلون بيقارن بين اجاباته واجابات ربعه

لازم يكون في اجتماع وبحضور اولياء الامور والطلاب ومعرفة من المخطي ومن الصح


ترا هذي سنه وتحديد مصير للطلاب !

[ابوالعبد]

يعني معقوله يصير خلل من وزاره؟ تعرفون كم واحد يراجع التصحيح ؟؟ فوق 4 مدرسين اي غلط او غيره اسئلوا عيالكم ليش مايذاكرون ليش الاجنبي شاطر دافور ويجيب علامات كامله

بنحطوها في المجلس الاعلى بقولكم سلامتكم شوفوا عيالكم مايدرسون ولا شي مطيحين في كتارا ولا المجمعات وحزت الحزه يدرس وقت الاختبار وينهم طول السنه !!!! المختصر هذه نتيجه

كل واحد حصد ومافي شي غلط

[ابوعلي]

اغلب الي كانوا جايبين 85% وفوق في الامتحان السابق اليوم نتايجهم 75% وتحت وهم بنفسهم مستغربين مع ان ادائهم في الامتحان الحالي افضل وتوقعوا يطوفون 85% مب العكس.


صدقت اخوي

الحمدلله ولدي نجح ولكن مثل ماقلت النسبة نزلت

[الحياة الخالدة]

صدقت اخوي

الحمدلله ولدي نجح ولكن مثل ماقلت النسبة نزلت

بالمبارك نجاح ولدك يا بوعلي

[حـ ن ـيـ ن]

المشكلة هي أن الأختبار الخارجي واحد فقط وعليه 70ظھ

أما الإختبارات الداخلية وهي من المدرسة والطلاب متعودين على أسلوب أسئلة مدرسي المادة فشيء طبيعي نسبهم

تكون عالية ...

[رجل الجزيرة]

ولدي اخوي في الثانوية العامة جايب في نصف الفصل فوق 90 % والحين 76 % ويش السبب يا المجلس؟

[ابوعلي]

بالمبارك نجاح ولدك يا بوعلي

الله يبارك فيج يالحياة وعقبال المناسبات الحلوة عندكم ان شاء الله

الحمدلله على كل حال بس نجاح من غير طعم للوضع الي صاير ان النسبة تكون مرتفعه وعقب نتفاجئ ان في اعلان النتايج النسبة اقل

[رجل الجزيرة]

صدقت اخوي

الحمدلله ولدي نجح ولكن مثل ماقلت النسبة نزلت

بالمبارك ويستاهل.

[Dexter]

اوكي بيشوف درجته بس اشلون بيقارن بين اجاباته واجابات ربعه

لازم يكون في اجتماع وبحضور اولياء الامور والطلاب ومعرفة من المخطي ومن الصح


ترا هذي سنه وتحديد مصير للطلاب !

والطالب شعليه من اجابات ربعه؟!

يشوف امتحاناه بعد التصحيح ويشوف وين الأغلاط وكم نقص على كل غلط ويحسب درجته بنفسه وبيبين اذا درجته متطابقة مع الموجود او لا.

جذي احنا في الجامعة، بعد كل امتحان تقدر تروح حق الدكتور وتشوف على شنو نازل وماتطلع من مكتبه الا وانت عارف الي لك وعليك.

المفروض هالقدر من الشفافية يكون في المدارس بعد.

[رجل الجزيرة]

يعني معقوله يصير خلل من وزاره؟ تعرفون كم واحد يراجع التصحيح ؟؟ فوق 4 مدرسين اي غلط او غيره اسئلوا عيالكم ليش مايذاكرون ليش الاجنبي شاطر دافور ويجيب علامات كامله

بنحطوها في المجلس الاعلى بقولكم سلامتكم شوفوا عيالكم مايدرسون ولا شي مطيحين في كتارا ولا المجمعات وحزت الحزه يدرس وقت الاختبار وينهم طول السنه !!!! المختصر هذه نتيجه

كل واحد حصد ومافي شي غلط

تفضل:





فيصل محمد المرزوقي ‏@marzoqi_w · 2h2 hours ago
View translation
@SEC_QATAR
هل نتخيل حجم الفاجعة 2424 طالب قطري راسب لن يكون لهم مكان في الجامعة
+
عدد الطلاب المتدنية نسبتهم !

اننا امام كارثة وطنية.