إلى خــــــبراء شفروليه (( كومارو)) ممكن رأيكم ..

[السفير العربي]

أرغب في شراء كومارو مستعمل قير عادي ( موديل 2013 ) فما افضل نوع من الأنواع الثلاثة [اس آس - أر آس - زِد ال 1 ) ..
أرجو ممن لديهم الخبرة التفضل برأيه للاسترشاد به ..


تقبل الله صيامكم وقيامكم ،،،

[mubarak2006]

اخوي الموتر بيتغير شكله كليا،، مانصحك،،،الصراحة الشكل الحالي من الداخل لاتعليق

[السفير العربي]

اخوي الموتر بيتغير شكله كليا،، مانصحك،،،الصراحة الشكل الحالي من الداخل لاتعليق

اشكرك على ابداء رأيك ..

[qtr qtr]

نصيحه ابعد من الكمارو .. ياتاخذ موستنج او تشالنجر اذا تبي جوده وقوه وصناعه امريكيه .

[َQernas_Qtr]

تبي نصيحتي وخر عن الجيده !

[العتوي]

صباح الخير اخوي
اول شي افضلهم بيكون زد ال 1
كقوه وشكل واوبشن اكثر بيكون من البقيه
والكل تقدر تستخدمهم استخدام يومي
بس كنصيحه يا تاخذ اس اس او زد ال 1 لاتقرب صوب الار اس
وبنسبه للجيده انا افضلها عن الفورد والدوج مع اني من محبين الدوج لاسباب كثيره
تقريبا سيرفسهم بكل مكان وافضلهم اللي ع خط الوكره
وبنسبه لقطع الغيار كل الوكالات الثلاث نفس المعاناه مع انه الجيده افضل منهم وهاي وجهه نظري

[السفير العربي]

أشكر كل من أبدى رأيه وكان بودّي لو طرح الأخوة أسباب الأبتعاد عن الجيدة مثلما أوضح الأخ العتوي ..

[qtr qtr]

سبب الابتعاد عن الكمارور الجوده الداخليه سيئه كله بلاستك وتسمع اصوات جرجعه .. الشي الثاني صناعتها استراليا مب امريكا .. البدي مب نفس قوة الشالنجر والموستنغ واقواهم فالبدي الالشالنجر بديه حديد محترم .. نازله عن الارض راح تتلعوز فالمطبات .. مافيها راحه عكس الشالنجر راحه ووسع وماتحس انك فالارض قاعد وكراسيها مريحه والموستنغ اقل راحه وسعه من الشالنجر ولكن افضل من الكمارو..

وهذا بحكم تجاربي جميعها ووقع اختياري عالشالنجر .

[العتوي]

بواضح نقطه بخصوص الجوده انا اشوفها جيده وعلى البدي انها اقوى انا اشوف الكل نفس الشي ولو تلاحظ الجالنجر والموستنق اثقل من الكمارو عساس جي يمكن البدي يمكن شوي اقوى وبنسبى للمطبات انا امشي سيده ع المطبات وعادي تروح عادي اهم شي يكون ع الراحه الجالنجر والموستنق ارفع من الكمارو وبالعكس انا اشوف الكمارو مريحه بس للامانه ماجربت الموستنق والجالنجر ويمكن تكون اريح

[qatarik]

بتوفيق

[السفير العربي]

للأمانة أرائكم تكوّن خبرة أستند عليها ، الأن أستطيع المفاضلة بينهما على هدى ..
أشكركم جميعاً على إسهاماتكم ،،، وجزاكم الله خير ..

[معماري قطري]

ذكرتوني بالشالنجر جربته العام أجار في أمريكا .. طبعاً الستة سلندر .. كأنه بيت عريض وغير مريح .. هالوقت ذيه السرعة محدودة جداً والدوسات السريعة صعبة بسبب الزحمة .. والجيات عملية حق قطر ومرغوبة من الكل