هل لي حق او لا مع مكتب الاستشاري ؟

[.Qa6ar]

السلام عليكم ورحمة الله وبركاته


لاهل الخبره والرأي ،، عندي مشاكل في البناء بخصوص بعض الاغلاط ،

ماعرفت من الصادق او الكاذب الاستشاري او المقاول ،، هل لي الحق اني

اطلب من الاستشاري تقرير يثبت ان هاذي الاغلاط ماعليها مشاكل في المستقبل لااني حسيت

ان الاستشاري والمقاول صاروا في صف واحد وانا في نهاية البنيان عظم وبلاستر .ومثال ذلك حفر في جسر الحمام لمروحة الشفط الحمام الطابق الثاني عزكم الله ، واصرارهم ان في بيب من قبل وهو اصلا مافي بيب مع ان هنالك شهود من العمال والمهندس اللي يشتغل مع المقاول هو منهم

مالكم في الطويله ولكن هاذي منها ، هل لي الحق اطلب تقرير او لا ؟

وشكرا

[معماري قطري]

عليكم السلام ورحمة الله وبركاته

صور كل اللي صاير وخذ نسخة من العقد وعقد الاستشاري والمواصفات وخذ كلام الاستشاري كتقرير مكتوب وموقع وباسم المكتب .. وروح للتخطيط اسئلهم شالاجراء؟ واحتمال يحولونك على محكمة مختصة .. وفيد الجميع بتجربك بس سو شغلك سكاتي ليدري الاستشاري أو المقاول.

[معماري قطري]

مشكلتنا في حل هذي المشاكل البسيطة وفي اثبات الحالة بواسطة مختصين محايدين من التخطيط يفترض .. في كثير من الدول هناك اشراف على الاشراف وتفتيشات دورية وتوثيق عقود وتدقيقها .. ومواصفات دنيا لازم يتقيد بها المقاول والمهندس وحتى المالك لأَن البناء ثروة قومية .. عندنا حتى الخرايط الانشائية ما يدققونها وتاركين الحرية للاستشاري والمقاول يلعبون على راحتهم.

[.Qa6ar]

بيض الله وجهك اخوي معماري دووم سبااق في الجواب عسى الله يوفقك
،، المشكله اانا مابيها توصل محاكم ولكن ابي حقي في الموضوع ، مابي حد يكذب علي
ويقول عادي ومافيها شي المفروض الاستشاري يكون في صفي ولكن اكتشفت ان هو خايف على نفسه بعد

[معماري قطري]

بيض الله وجهك اخوي معماري دووم سبااق في الجواب عسى الله يوفقك
،، المشكله اانا مابيها توصل محاكم ولكن ابي حقي في الموضوع ، مابي حد يكذب علي
ويقول عادي ومافيها شي المفروض الاستشاري يكون في صفي ولكن اكتشفت ان هو خايف على نفسه بعد

ووجهك أبيض يا اخوي .. ما تبي حد يكذب عليك وما تبي بنيانك يكون ضعيف وتكون فيه مشاكل مستقبلية .. صدقني انا احب اتابع البنيان وقضايا البنيان .. وفي بعض الدول مطورين يبنون عدد كبير ويبيعون .. سواءً شقق أَو بيوت أَو غيرها .. ومطور بناء في أمريكا كشفوا في بنيانه خلل بعد 10 سنين وطلبوه للاصلاح وصلح ودفع فلوس كثيرة غرامات وتصليح وأعلن افلاسه .. هناك الكل عارف حدوده ويسوي شغله صح .. عندنا يضحكون عليك لو قلت بتشتكي عارفين الخبراء القانونيين من وين جايين ووشي خبراتهم.

واحد من اللي دخل قضية وتعب وخسرها .. كان باني مجمع من 23 بيت ومع أول رشة مطر خرت 7 بيوت .. وعنده ضمان والمقاول ما رضى يصلح .. الخبراء القانونيين اقتنعوا إن السبب انشائي مع ان كل شيء واضح .. ومسكين رفع قضية على المقاول الرئيسي وكان مطلوب مبلغ للبنك كبير وقفوا دفعات البنك بأمر المحكمة بس في النهاية خسر القضية .. يقول بنود واضحة يفسرونها غلط .. ولو البنود غير موجودة في رأيي هناك أُصول العمل والبناء .. والمواصفات العامة للبناء هذه لو تم اثبات تجاوزها فعلى الاستشاري والمقاول مشكلة كبرى وعليهم اصلاح الخلل والتعويض وغرامات ثانية حتى ما تتكرر هذي الأُمور من ناس ثانيين.

[سعود.]

السلام عليكم ورحمة الله وبركاته


لاهل الخبره والرأي ،، عندي مشاكل في البناء بخصوص بعض الاغلاط ،

ماعرفت من الصادق او الكاذب الاستشاري او المقاول ،، هل لي الحق اني

اطلب من الاستشاري تقرير يثبت ان هاذي الاغلاط ماعليها مشاكل في المستقبل لااني حسيت

ان الاستشاري والمقاول صاروا في صف واحد وانا في نهاية البنيان عظم وبلاستر .ومثال ذلك حفر في جسر الحمام لمروحة الشفط الحمام الطابق الثاني عزكم الله ، واصرارهم ان في بيب من قبل وهو اصلا مافي بيب مع ان هنالك شهود من العمال والمهندس اللي يشتغل مع المقاول هو منهم

مالكم في الطويله ولكن هاذي منها ، هل لي الحق اطلب تقرير او لا ؟

وشكرا


اذا هم متاكدين منها . يكسرون جزء بسيط وتشوف بعينك افضل !!!!!