الغبقات الرمضانيه التي تقيمها الجهات الرسميه بالدوله ؟

[حمد 2002]

السلام عليكم ورحمه الله وبركاته

الغبقات الرمضانيه التي تقيمها الجهات الرسميه بالدوله ؟

تقيم الكثير من الادارات بالدوله غبقات رمضانيه لموظفيها في افخم الفنادق بالبلاد !!

رأيكم

هل تلك الغبقات ضروريه ام لا ؟ ومارأيكم بها بشكل عام ؟

ملاحظه يرجى عدم نقل الموضوع لقسم الخيمه الرمضانيه ،،

[حسن]

مادري ماسمعت ماشفت

فمااقدر احكم

يمكن يدورون الاجر


:)

[حمد 2002]

مادري ماسمعت ماشفت

فمااقدر احكم

يمكن يدورون الاجر


:)

لا اسمع لا ارى لا اتكلم هههههه

بوعلي اتصدق والله كل ماجوف اسمك ارتاح نفسيا ،، سبحان الله المحبه من الله والله ،،


شكرا لمرورك يا امبراطور الكتاب المخضرمين ،،

[راجي الْعفو]

وعليكم السلام و رحمة الله و بركاته ..

يرجع للهدف منها ..

تحياتي للكاتب المبدع

[H H]

مثل هالمناسبات ضروري تُقام بشكل دوري , لها تاثير كبير على نفسيات الموظفين
وتعارف الموظفين من مختلف الادارات وايضاً احتكاكهم برؤسائهم الي ماتشوفهم الا فالتلفزيونات.

مالاحظت كيف النفسيات فالدوام ثاني يوم بعد مثل هالمناسبات ؟

وعلى فكره هالشي يُقام في كل مكان , حتى فالقطاع الخاص الي يعضون عالريال ومايفكونه تلقاهم حريصين على مثل هالمناسبات
لانها ترفع الاداء وترفع الانتاجيه عند الموظفين بشكل كبير.

[مخطط قطري]

بنسبة للجهات اخوي حدد لانه مثال اغلب الوزارات ماتسوي غبقات فكيف ادارة داخل وزارة مثال انا مره رحت فندق الشرتون لقيت الخطوط الجوية القطرية ومحطوط انه الضيافة لمدة 3 ايام هذا الشي الوحيد لي شفته وفي الجرايد اشوف انه وزارة الخارجية هي لي تقييم غبقات رمضان بس مش لموظفينها لا بس حق رؤساء البعثات الدبلوماسية.

[بومحمد المطاوعه]

ياريال

غبقه ويقولون لك الحضور الساعه 9

ليش يابووي
ههههههههه

انا جهه عملي سوو غبقه في الأنتر

بس مارحت

[ضوى]

كان في غبقه من كم يوم من جهه عملنا في حدا هالفنادق ، بس طبعا ماعندي سالفه اروح ، بس اتوقع مثل هالغبقات تألف بين الموظفين وتقربهم وتعرفهم على بعض بحيث لواحد احتاج شي منا اداره ثانيه يخلص اموره وهو بمكتبه وهالشي انا مستفيده منه في التعرف عالموظفات في الدورات او اللقاءات التعريفيه

[بومحمد المطاوعه]

كان في غبقه من كم يوم من جهه عملنا في حدا هالفنادق ، بس طبعا ماعندي سالفه اروح ، بس اتوقع مثل هالغبقات تألف بين الموظفين وتقربهم وتعرفهم على بعض بحيث لواحد احتاج شي منا اداره ثانيه يخلص اموره وهو بمكتبه وهالشي انا مستفيده منه في التعرف عالموظفات في الدورات او اللقاءات التعريفيه

هههههههههه والله صدقتي

البعض يستغل ترى في هالشي
يعني تحصلين المعامله تمر عليه مايخلصها

واذا شاف شخص مثلآ في مكان او مثل ماقلتي في غبقه ولا عزيمه
تحصلينه يخلص اموره بسرعه

انزين خلص اموره بسرعه حتى لو ماتعرفه ,,
وين المشكله

والمشكله الثانيه تبدأ الغبقه 9
ولين 11 مافي اي احد

صعبه اشوي
الوقت غلط

وقت التراويح
بعض المساجد 9 ونص تخلص وخبرج بعضهم ماياكلون عدل الا بعد التراويح

يعني الغبقه من صوب الدوائر الحكوميه بالعربي مب لنا القطريين

[غايه الطواش]

عمري مارحت غبقات الشغل ولا بروح
في خيم ومسخره ،بيتي أبرك لي
مادري احس بعض المدرا مايعرفون
السنع

[JN000N]

بالنسبه للادارات الثانيه ماعرف بالنسبة لادارتنا مره وحده سووها وانا كنت توني يديده وماحضرت طبعا
كان في حد من الخيم الرمضانيه وكل الموظفين والموظفات معزومين
الترتيب كان عن طريق موظف معانا مره وحده سواها عقب اجوفه فتر
العام والسنه يحنون يبون غبقه قلتلهم لا تشاوروني ماراح اجهز لكم شي

بالنسبة لغيرنا يمكن حلو يكون في غبقات وتجمعات بين المدرا والموظفين
بس كوضعنا ف الشغل احنا اولريدي متداخلين ف بعض ومافي فروقات كبيره بين الموظفين والمدرا ف ماله داعي اجوف سالفة التجمعات والتعارف
كبنت قطريه وهذي وجهة نظري الخاصه ما لي حاجه في تعارف مع موظفين ولا عشا ولا غبقه ولا ريوق

[بومحمد المطاوعه]

عمري مارحت غبقات الشغل ولا بروح
في خيم ومسخره ،بيتي أبرك لي
مادري احس بعض المدرا مايعرفون
السنع

اذا كانت العزيمه اختلاط

صحيح
مايعرف السنع

والمفروض ماتكون للنساء

بس للشباب

اما نساء وغبقات مع الف بنت ومدراء ومهزله وضحك وتكركر

فالدوام مب مرتاحين من هالمصخره بعد نروح غبقات وفيها جذي

الله المستعان

مالها داعي الصراحه

[بومحمد المطاوعه]

^
^
^

البعض
اقصد

[عثرة جواد]

السلام عليكم

انا شفت هاي النوع من الغبقات الصراحة كلش مب حلوة خصوص ف شهر الخير


وبعدين نظام الطاولات غير لائق كنك قاعد ف مدرسة ويهك بويه الشخص الي قدامك

مافيها خصوصية ..والا فيها ذوق ,....

وبعدين شنو الهدف منها شنو يعني تالف بيهم ....

ف الف طريق وطريقة لتاليف بين الموظفين مش به طريقة

عساك ع القوة .

[عاشق العديد]

بو ياحمد الموظفين الاداره العمال كلهم يقولون لي ليش ماتجي أجواء وايد حلوه قلت لهم يبه خلكم هناك وانا فبيتي مرتاح ..

احس مالها معنى اسراف ع الفاضي

[حسن]

اذا كانت العزيمه اختلاط

صحيح
مايعرف السنع

والمفروض ماتكون للنساء

بس للشباب

اما نساء وغبقات مع الف بنت ومدراء ومهزله وضحك وتكركر

فالدوام مب مرتاحين من هالمصخره بعد نروح غبقات وفيها جذي

الله المستعان

مالها داعي الصراحه

النساء النساء احلى واجمل الكائنات


:)

بومحمد بتقولك وانت شعليك ياخي مالك خص فيني لا انت ربي ولا ولي امري

كيفي

لسان حال اكثير منهم بقوه عين ولا استحياء

وش تقول لها يابومحمد

:telephone:

[بومحمد المطاوعه]

النساء النساء احلى واجمل الكائنات


:)

بومحمد بتقولك وانت شعليك ياخي مالك خص فيني لا انت ربي ولا ولي امري

كيفي

لسان حال اكثير منهم بقوه عين ولا استحياء

وش تقول لها يابومحمد

:telephone:

الله يهديهم ويستر عليهم يارب

زمن الفتن يالذييب
بتشوف الأخس والاخس
الا من رحم ربي


ثبت عن النبي صلى الله عليه وسلم أن النساء هن أكثر أهل النار فعن عِمْرَانَ بْنِ حُصَيْنٍ عَنِ النَّبِيِّ صَلَّى اللَّه عَلَيْهِ وَسَلَّمَ قَالَ:
(اطَّلَعْتُ فِي الْجَنَّةِ فَرَأَيْتُ أَكْثَرَ أَهْلِهَا الْفُقَرَاءَ وَاطَّلَعْتُ فِي النَّارِ فَرَأَيْتُ أَكْثَرَ أَهْلِهَا النِّسَاء)َ .
رواه البخاري 3241 ومسلم 2737 .


يعلهم يتعضوون

[لـبـيـه]

اصبحت عرف وعاده في كل ارمضان

بس المضحك المبكي في الشركات اكثر الحضور للفطور من غير المسلمين بحكم ان اغلب وليس الكل يحب يفطر مع اهله في بيته او يكون متكيسل يروح

[طموحي عالي]

انا من عرفت دوامي واحنا كل سنه لازم غبقه
صح احنا البنات مانروح
لكن الشباب يرحون
وبالعكس مفيده جدا لتقارب بين الموظفين

[دايموند]

اذا كانت العزيمه اختلاط

صحيح
مايعرف السنع

والمفروض ماتكون للنساء

بس للشباب

اما نساء وغبقات مع الف بنت ومدراء ومهزله وضحك وتكركر

فالدوام مب مرتاحين من هالمصخره بعد نروح غبقات وفيها جذي

الله المستعان

مالها داعي الصراحه

وليش مايكون يوم مخصص للنساء؟

اغلب القطاع الخاص واللنوك يسوون غبقات وتكون للاسف مختلطة
لذا اغلب البنات )السنعات مايروحون منهم انا السنعه فديتني

[ولد الرياان]

بالعكس مفيدة من جهة التعارف على الموظفين لي معاك في ادارة ثانية والمدراء خارج اجواء العمل وانا شخصيا حريص على حضور مثل هذي المناسبات لكي تعرف الناس على نفسك وزيادة التعارف اذا مانفعتك ماظرتك طبعا معا احترام شهر رمضان والابتعاد عن المسخره لي صايره في بعض الخيم والحمد الله انه الجهة لي اعمل فيها مقدره هذا الشي واجواء جميله وهاديه

[*محمد*]

فيه وزارة الغبقة بس للمدراء
:nice:

الموظف المسكين محروم من المكافات التشجيعية حتى الغبقات ما يعزمونه :secret: