هل فيه متابعه للي يأجرون بيوت للناس بدون وجوووود......

[الصغيره]

اخواني اخواتي

والله ما جاء على بالي يوم بكتب بهالموضوع لكن شاء الله وكلمت اسره محتاجه ازورهم لوجه الله وصفوا لي البيت ووصلت استقبلتني الام عند الباب الخارجي قالت البيت مقسم وفيه اكثر من عائله قلت كم قالت يمكن خمس او ست عوائل لا اعلم هي تقول ...دخلت خلفها البيت شعبي صغير مقسم تقسيمات تفتقر لوسائل السلامه الصراحه اذا صار حريق لقدر الله راحت بها عوائل مسكينه


العايله تسكن بغرفه مع شيء يسمونه مطبخ بس ما يدل عليه لو يصير حريق لقدر الله العايله بتموت لان المطبخ بواجه الغرفه قلت فيها شباك تهربون منه لوحدث مكروه قالت لا قلت طيب الطوفه ذي قالت خلفها عائله قلت وذي قالت خلفها عائله

الصراحه لما فتحت الموضوع باحدى القروبات قالوا الله بالخير هذا عادي هذا تاجير بالباطن قلت كيف قالت واحد ياجر ويقسم البيت وياجره باجار اعلى على عوائل كثيره وهكذا


بذمتكم هذا معقول وحنا بهذا العصروين المسوولين ؟؟؟


ياليت به قانون يحمي هالعوايل ويعاقب الموجر ويكون الاجار بهذا الشان له شروط تضمن سلامة المستاجرين

[نايم سهران]

مرحبا أختي ،،

بالفعل هذا الي صاير وذبح الناس وهذا من أهم الاسباب الرئيسية الي رفعت الايجارات ،،، لان اذا البيت يسوى 10 آلاف ريال مثلاً ، بيجي واحد بيقول حق المالك بعطيك 15 ألف أكيد المالك بيوافق ، والمؤجر يأجر بالباطن ويدخل 20 و 30 ،،

بالفعل الوضع صار سيئ جداً والناس صار همها كثر مايرفعون الايجار يرفعونه ولا يشوفون أوضاع الناس ولا في قلوبهم رحمه بدون استثناء ،،

جميع الملاك وأصحاب العقارات كل يوم يتكلمون عن ارتفاع إيجار المحلات التجاريه وغلائها وانه لازم تنحط قوانين وإجراءات ،، و ما يشوفون نفسهم وكم رافعين على العالم ،،

يبغون قوانين تحميهم وعادي هم يأكلون الناس أكل ماعندهم مشكله ،!!!

يا أصحاب العقارات والملاك اذا تشتكون من غلاء ايجار المحلات التجاريه ،، راجعوا نفسكم وشوفوا انتو كم رافعين على الناس وكم عائلة ساكنه في بيت واحد ،،

الدنيا محد راح يأخذ منها شي غير كفن واحد وعملك الصالح ،، أرحموا من في الأرض علشان تشوفون رحمته سبحانه وتعالى ،

وشكرا

[وطن]

هالوضع صار له فترة
فرجاننا اختربت و صارت زحمة بسبب هالبيوت المأجرة بالباطن
والواحد يخاف تصير حريقة او شي عندهم
و تأثر ع الجيران
من كثر شغل الخشب اللي مقسمين به وبانيين ملاحق بعد منه بعد !!



بس لين افكر
مساكين رواتبهم على قدهم هالعوايل من وين يدفعون اجارات غالية !!
يكسرون خاطري

لازم يشوفون لهم حل
فريجنا لحد الحين يمكن فيه 4 او 5 بيوت مقسمة
اتكلم عن شارعين فقط مب الفريج كامل
يعني لو نلف الفريج كامل بنلاقي بلاوي

الشارع يتسكر من كثر سياراتهم اللي تصف عند البيت

[شبح الصمت]

اول شيء الله يجزاج خير ويكتب اجرك ..

ثاني شيء لو مش هالتقسيم الناس ما قدرت تاخذ لها حجر ه..

هذا هو الوضع الحالي ..

شقه غرفتين وصالة وحمام تكرمون اقل شيء 4 آلاف
وهالعائلة لي راتبها يمكن ما يتجاوز المبلغ المذكور

وين يآجر والا وين يصرف والا وين يجمع ..!!


من عشر سنين قالها لي واحد ولين الحين ترن في اذني قالي على هالوقت
الي راتبه اقل من 10 آلاف ريال ما راح يقدر يعيش مش معناته انه المبلغ ما يكفي

لا يعني من امور حياة
ايجار بيت + مصاريف عائلية + قسط بنك


الله يرزق الجميع

[عاشق العديد]

بيت واحد وللاسف مقابلني مشتكي عليه وع العوايل الي عنده يمكن فوق 11 مره

[GENIUS]

في منطقتي السكنية منزل جديد ووصلته الكهرباء منذ اسبوعين تقريبا يعني استلم شهادة اتمام بناء بعد تفتيش ومعاينة البلدية لكن مالذي يحصل حاليا : انقلب البيت لورشة عمل من جديد تكسر حوائط وفتح حوائط وفتح ابواب جديدة وبناء غرف اضافية فوق السطح وفي الحوش يعني السالفة واضحة تقسيم في تقسيم وعلى فكرة الفيلا جديدة لم تؤجر بعد يعني المالك مشارك ام لا . الله اعلم

[وطن]

اول شيء الله يجزاج خير ويكتب اجرك ..

ثاني شيء لو مش هالتقسيم الناس ما قدرت تاخذ لها حجر ه..

هذا هو الوضع الحالي ..

شقه غرفتين وصالة وحمام تكرمون اقل شيء 4 آلاف
وهالعائلة لي راتبها يمكن ما يتجاوز المبلغ المذكور

وين يآجر والا وين يصرف والا وين يجمع ..!!


من عشر سنين قالها لي واحد ولين الحين ترن في اذني قالي على هالوقت
الي راتبه اقل من 10 آلاف ريال ما راح يقدر يعيش مش معناته انه المبلغ ما يكفي

لا يعني من امور حياة
ايجار بيت + مصاريف عائلية + قسط بنك


الله يرزق الجميع

اللي أعرفه ان القانون ما يخلي الرجال يجيب عايلته اذا راتبه اقل من 10 الالف

[الكفــــــو]

للأسف وايد تجار وسماسرة يفعلون هالشيء ضاربين بالقوانين و سلامة السُكان عرض الحائط

مخالفين بذلك قانون تنظيم المباني رقم 4 لسنة 1985 والذي يضع حدًا لظاهرة تقسيم الفلل السكنية .

لاعذر لهم سواءً المؤجر أو المستأجر ( أخذو بعين الإعتبار وقوع حريق لاقدر الله في أحد المداخل الرئيسية )

ناهيكم عن إيذاء الجيران بكثرة الحركة في الدخول و الخروج + كثرة السيارات + إمتلئ خزان الصرف الصحي

( أجلكم الله ) حيث تصميمه و سعته عكس الموجود مما يستبب بإنتشار الروائح والمياه الملوثة .

[شبح الصمت]

اللي أعرفه ان القانون ما يخلي الرجال يجيب عايلته اذا راتبه اقل من 10 الالف



تقصدين فوق الـ 7500

[شبح الصمت]

في منطقتي السكنية منزل جديد ووصلته الكهرباء منذ اسبوعين تقريبا يعني استلم شهادة اتمام بناء بعد تفتيش ومعاينة البلدية لكن مالذي يحصل حاليا : انقلب البيت لورشة عمل من جديد تكسر حوائط وفتح حوائط وفتح ابواب جديدة وبناء غرف اضافية فوق السطح وفي الحوش يعني السالفة واضحة تقسيم في تقسيم وعلى فكرة الفيلا جديدة لم تؤجر بعد يعني المالك مشارك ام لا . الله اعلم



بالراحة مشارك اشلون واحد بيرضى على بيته انه يتكسر ويتعدل عقب ما بناه ..

واشكره شغله تجاري مش حالك حالك يمشي

[وطن]

تقصدين فوق الـ 7500




لا لا 10 الالف

لأن قالوا لي عن حالة
ما وافقوا لهم على اقامة الابن معاهم لان راتب الزوج اقل من 10
لازم يرجع البلاد

[شبح الصمت]

لا لا 10 الالف

لأن قالوا لي عن حالة
ما وافقوا لهم على اقامة الابن معاهم لان راتب الزوج اقل من 10
لازم يرجع البلاد



الله واعلم وطن

[مرتبش]

في منطقتي السكنية منزل جديد ووصلته الكهرباء منذ اسبوعين تقريبا يعني استلم شهادة اتمام بناء بعد تفتيش ومعاينة البلدية لكن مالذي يحصل حاليا : انقلب البيت لورشة عمل من جديد تكسر حوائط وفتح حوائط وفتح ابواب جديدة وبناء غرف اضافية فوق السطح وفي الحوش يعني السالفة واضحة تقسيم في تقسيم وعلى فكرة الفيلا جديدة لم تؤجر بعد يعني المالك مشارك ام لا . الله اعلم

في الفريج يمكن 10 فلل بنفس الطريقة.. وبعد معلقين اعلان شكبره غرف وستوديوهات للاجار

[حسن]

اللي اعرفه القانون الاخير لا يسمح بالتقسيم
!!

ماعلينا من راعي البيت قطري !! ام اجنبي !!
وهل القطري يعلم بالتقسيم !! ام لا يعلم به !!
هل الهدف مادي وضرب قوانين الدوله بعرض الحائط ام هناك غبن !!

مثل اسواق الفرجان لما طرحت موضوعها شلون القطري يستغل الاجنبي برفع الايجار
والمفروض هؤلاء يتم ضبطهم وتغريمهم مع التشهير بهم في الجرايد المحليه اسوه باصحاب الشركات
علشان يتسنعنون غياب الضمير والاهداف الماديه فقط للاسف اصبحت واضحه بشكل بشع
كان قطر كنز فقط وطز في الغيره الوطنيه

استنكر هذا التصرف وا قول في نفسي هذولا هل اقطر !!

مستحيل

[عاشق العديد]

اللي اعرفه القانون الاخير لا يسمح بالتقسيم
!!

ماعلينا من راعي البيت قطري !! ام اجنبي !!
وهل القطري يعلم بالتقسيم !! ام لا يعلم به !!
هل الهدف مادي وضرب قوانين الدوله بعرض الحائط ام هناك غبن !!

مثل اسواق الفرجان لما طرحت موضوعها شلون القطري يستغل الاجنبي برفع الايجار
والمفروض هؤلاء يتم ضبطهم وتغريمهم مع التشهير بهم في الجرايد المحليه اسوه باصحاب الشركات
علشان يتسنعنون غياب الضمير والاهداف الماديه فقط للاسف اصبحت واضحه بشكل بشع
كان قطر كنز فقط وطز في الغيره الوطنيه

استنكر هذا التصرف وا قول في نفسي هذولا هل اقطر !!

مستحيل

شرايك يابوعلي انه جاري هو ساكن معاهم ويجون ربعه عنده لين الصبح وغير الناس الي ساكنين معاه .. وماجر لجميع الجنسيات الي شفتهم سودانين ومصري وقطريه مع اخوها وفلسطيني .. وهو وربعه وغير الهنود الي خمسه بغرفه ..
زهقت منه وزهقت من كثر ما اشتكي عليه ولا في أي فايده اسمع من هني وطلع من هناك ..

[حسن]

شرايك يابوعلي انه جاري هو ساكن معاهم ويجون ربعه عنده لين الصبح وغير الناس الي ساكنين معاه .. وماجر لجميع الجنسيات الي شفتهم سودانين ومصري وقطريه مع اخوها وفلسطيني .. وهو وربعه وغير الهنود الي خمسه بغرفه ..
زهقت منه وزهقت من كثر ما اشتكي عليه ولا في أي فايده اسمع من هني وطلع من هناك ..

ياحبيبي بس لك انت

:)

ودي اصدق بس قويه جدا قويه

اللي اعرفه انه ممنوع نهائي تقسيم البيت والبلديه على طول تتخذ الاجراء معاهم
شلون تشتكي علىهم وماياخذون الاجراء مستحيل امب باسيبل
صحيح في بلديات تكون خارجه عن قانون الوزاره ولكن عادي ارفع الامر الى الوزاره

زين خلني نعرف وين هذه المنطقه علشان نعرف المشاهدين هذه البلديه اللي خارجه عن الوزاره
بالنسبه لي اعرفها

لكن ابيك انت يابوحمود تذككر المنطقه

خخخخخخخخخخخخ


ياله ئول بئى

ياحسين

:telephone:

[وطن]

ياحبيبي بس لك انت

:)

ودي اصدق بس قويه جدا قويه

اللي اعرفه انه ممنوع نهائي تقسيم البيت والبلديه على طول تتخذ الاجراء معاهم
شلون تشتكي علىهم وماياخذون الاجراء مستحيل امب باسيبل
صحيح في بلديات تكون خارجه عن قانون الوزاره ولكن عادي ارفع الامر الى الوزاره

زين خلني نعرف وين هذه المنطقه علشان نعرف المشاهدين هذه البلديه اللي خارجه عن الوزاره
بالنسبه لي اعرفها

لكن ابيك انت يابوحمود تذككر المنطقه

خخخخخخخخخخخخ


ياله ئول بئى

ياحسين

:telephone:

يقول المثل

ان حبتك عيني :)

[حسن]

يقول المثل

ان حبتك عيني :)

شلون يعني هل تقصدين هناك مؤامره !!

:telephone:

[وطن]

شلون يعني هل تقصدين هناك مؤامره !!

:telephone:

خل عنك المؤامرات

المثل واضح

اللي له واسطة يقدر يتجاوز القانون و لا يتم ازالة مخالفاته :)

[حسن]

خل عنك المؤامرات

المثل واضح

اللي له واسطة يقدر يتجاوز القانون و لا يتم ازالة مخالفاته :)

لا لا لا

موكذاااااااا ياوطن مستحيل بخصوص البيوت

اخبر البلديه شده له شده والله طلعت العالم وبس عن طريث شكوى يعني مهب عن طريق محكمه
وهو المفروض يجب ان يكون عن طريق القضاء هو اللي يفصل علشان ماتدخل فيها
الواسطات والمحسوبيات

بس اكيد بيكون هناك تجاوازات هذا في كل مكان

وحتى هذولا بعض الناس وين يحصلون مساكين سكن في ضل الجشع الكبير
اللي اصاب ملاك العقارات

[وطن]

مو هذا هو
مساكين وين يلاقون سكن

اللي مصبرني على اللي فريجنا انهم عوايل بس

[حسن]

مو هذا هو
مساكين وين يلاقون سكن

اللي مصبرني على اللي فريجنا انهم عوايل بس

شوف بالنسبه لي عندي حل وازلي وابدي وتادبي لملاك العقارات

[sultan01]

الناس هم يبون كذيه محد مجبور على شي ، عندي بيت 3 غرف محد رضى ياخذه الا بشرط يقسمه بينه وبين ربعه " عوايل " شنسوي لهم يعني هم الي يبون

[JN000N]

اول شيء الله يجزاج خير ويكتب اجرك ..

ثاني شيء لو مش هالتقسيم الناس ما قدرت تاخذ لها حجر ه..

هذا هو الوضع الحالي ..

شقه غرفتين وصالة وحمام تكرمون اقل شيء 4 آلاف
وهالعائلة لي راتبها يمكن ما يتجاوز المبلغ المذكور

وين يآجر والا وين يصرف والا وين يجمع ..!!


من عشر سنين قالها لي واحد ولين الحين ترن في اذني قالي على هالوقت
الي راتبه اقل من 10 آلاف ريال ما راح يقدر يعيش مش معناته انه المبلغ ما يكفي

لا يعني من امور حياة
ايجار بيت + مصاريف عائلية + قسط بنك


الله يرزق الجميع

غالبا هالعايله مب قطريه ومب مواليد
شلون دخل عايلته قطر مب زياره!
لازم يكون راتبه يتعدى لمت معين عشان يقدر يجيب هله ويقعدهم ف البلاد

فريجنا السيارات اكثر من البيوت عشر مرات كل بيت واقفين عنده ست سيارات او اكثر بسبة الفلل المأجره بالباطن


عموما اختي الصغيرة
هاي كله من الاخر اقولج (ممنوع)
واحنا عين الحكومه لو ما شافت هالاشيا احنا نشوفها ونبلغ
لا تقولون حرام ومساكين
فكرو لو صج صار حريق او بلوه واحترق البيت وتضررو العوايل والجيران!

[JN000N]

الناس هم يبون كذيه محد مجبور على شي ، عندي بيت 3 غرف محد رضى ياخذه الا بشرط يقسمه بينه وبين ربعه " عوايل " شنسوي لهم يعني هم الي يبون

قول الاجانب
مافي قطري يرضى يسكن مرته وعياله في بيت اجار مقسم مع رفيجه

[معماري قطري]

لا لا لا

موكذاااااااا ياوطن مستحيل بخصوص البيوت

اخبر البلديه شده له شده والله طلعت العالم وبس عن طريث شكوى يعني مهب عن طريق محكمه
وهو المفروض يجب ان يكون عن طريق القضاء هو اللي يفصل علشان ماتدخل فيها
الواسطات والمحسوبيات

بس اكيد بيكون هناك تجاوازات هذا في كل مكان

وحتى هذولا بعض الناس وين يحصلون مساكين سكن في ضل الجشع الكبير
اللي اصاب ملاك العقارات

حسن انته مش انته وانته جعان خذ لك سنكرز وركز شوي وفكر .. صراحة كله تجاوزات .. حتى في المدارس والتأجير التجاري .. المدارس من أبسط شروطها سعة الشارع جدامها وصلاحية المبنى .. تشوف المبنى كله أسقف شينكو حتى فوق السطح ومؤجر روضة أطفال مب مدرسة بعد وتقدم شكوى ولا حد يعطيك وجه .. ليش؟ ببساطة لو تعرف من صاحب المبنى والبزنس بتعرف إن السبب خارق.

مع إن الأرض اللي جنبي انباعت ب 350 الف وتقسمت لثلاث بيوت وكنت قادر اشتريها قبل بس ما فكرت صح.

[معماري قطري]

في ألمانيا العرب يأجرون شققهم للعرب بدون عقد وبدون تقسيم لأَن ممنوع التأجير لشقق سكنية حتى لو ملكك

وفي لندن اعتقد كذلك

[كيلو حديد]

الله واعلم وطن


اللهُ أعلم
لأن كتاباتك تعجبني ما تحملت الواو :nice:

[رهج السنابك]

لو يسمحون بالقانون بناء فلل مقسمة شقتين او ثلاث بطريقة نظامية مع مراعاة قواعد الامن والسلامة في التصميم كان انحلت مشاكل بعض الاسر المقيمة الفقيره الي في منهم عامل نظافة وطباخ ومدرس و سكيورتي الخ

[حسن]

حسن انته مش انته وانته جعان خذ لك سنكرز وركز شوي وفكر .. صراحة كله تجاوزات .. حتى في المدارس والتأجير التجاري .. المدارس من أبسط شروطها سعة الشارع جدامها وصلاحية المبنى .. تشوف المبنى كله أسقف شينكو حتى فوق السطح ومؤجر روضة أطفال مب مدرسة بعد وتقدم شكوى ولا حد يعطيك وجه .. ليش؟ ببساطة لو تعرف من صاحب المبنى والبزنس بتعرف إن السبب خارق.

مع إن الأرض اللي جنبي انباعت ب 350 الف وتقسمت لثلاث بيوت وكنت قادر اشتريها قبل بس ما فكرت صح.

هلا هلا

حيالله معماري قطري قود انتاك

مانبي نوسع الدائره اكثرما الجحر مستاسع

:)

الموضوع يتكلم عن التقسيمات وهذا ممنوع ولكن ماهو البديل
عادي لما يجيك مسؤل ويقول ممنوع زين شنهو البديل يقعد يحك خشمه
السنوات الاخيره يعني بعد السعينات جاتنا طفره اقتصاديه وبشريه كبيره
ودخلت الدوله في الاسياد والمعارض وغيرها
مما تسبب بطفره سكانيه وتركيبيه جديده علينا لم نستوعبها
فاسببت لنا الكثير من الا نحنائات والالتوائات والمشاكل الكثيره
واصبح الكل يصارخ من كل صوب
مما اضطر الى وضع قوانين لوقف الارتفاع الهستيري في كل المجالات
وكبح التضخم والحد من الارتفاع الغير طبيعي بزياده حبتين
ولكن كلها تعتبر مسكنات بنادول وليست حلول جذريه
وهذه النتيجه

كان ام الجماجم مايتسحلونها الوافدين وتتاجر زين

:)

[qatarman8008]

بيت واحد وللاسف مقابلني مشتكي عليه وع العوايل الي عنده يمكن فوق 11 مره

ابشرك ولا بيصير شي..
لان كثير من التجار منتفعين من الايجار بالباطن..
الفلة الحين لو ايجارها 15 الف لعايلة وحدة ولا احد بيستاجرها..
لكن يقسمونها لاربع او خمس عايلات ويدفع كل واحد منهم خمس الاف..
يطلع له مبلغ 20 او 25 الف بالراحة..

[وحيد-الشوق]

صراحه شيء يفشل عندما تصدر هذي التصرفات في بلدنا ومن القطري نفسه معقول الناس همها الفلوس وبس !!!

[بوخميس]

تدرون من وين بدت المشكلة.

- أول شيء قانون الاستقدام يطلب (10) آلاف ريـال لرب الاسرة اذا يبغي يجيب أسرته ويسو لهم إقامة، أو (8) آلاف إذا جهة عمله توفر له سكن. القانون هذا ضاربين عليه سيفون، سواءً من الكفلاء القطريين أو المدراء الأجانب في الشركات، وحتى بعض الدوائر الحكومية. يعطون شهادات راتب للمكفولين بالراتب المطلوب، لكن في الحقيقة يكون راتبه (3-4) آلاف ريـال. فوين بيسكن أسرته؟! وخاصة بعد 2006 قمنا نشوف هالظاهرة.

- السوريين اللي في الدوحة سمحت لهم الدولة يجيبون أسرهم بتأشيرات زيارة من 2011 وهذيلة شروطهم غير عن شروط الاقامة، ففي آلاف السوريين دخلوا قطر بعلم الحكومة، وهي تعرف انهم ما راح يقدرون يدفعون ايجارات ولا يعلمون عيالهم. عشان جي روح الجمعيات الخيرية وصندوق الزكاة تحصلهم واقفين طوابير عليها حق المساعدات.

- في اجانب صاروا هوامير بسبة البيوت المقسمة، مر علي بعض الاشخاص مأجرين 4 - 5 بيوت، ويقسمونها ويسكنون فيها عشرات العوايل، وآخر الشهر يستلم دبل الايجار اللي هو يدفعه.

الحل:

- تفعيل قانون منع التقسيم والتعديل في البيوت.

- تفعيل قانون الاستقدام، وأي شخص مخالف يتم ترحيل أسرته.

- رفع الوعي عند الملاك القطريين، بأنهم يشترطون أن البيت ما تسكنه إلا أسرة وحدة بس.

[JN000N]

^ النقطه الثانيه والثالثه متاكد منهم؟

بالنسبه للنقطه الاولى صارت مشاكل لبعض القطريين اللي عطو العمال الاجانب شهادة راتب اكثر من الي يستلمونه (يخدعون الدوله عشان خاطر الاجانب) وعقب مايضمن الاجنبي ويجيب هله يروح يشتكي على كفيله ان مايعطيه راتبه كامل وبحكم الشهاده الي عنده ك دليل ان راتبه اكثر

عيل لو نتكلم عن الاجانب المواليد ف احدى الوظايف وشلون قانون الموارد مرسوم رسام لهم ولصالحهم شبتسوون؟

[معماري قطري]

هلا هلا

حيالله معماري قطري قود انتاك

مانبي نوسع الدائره اكثرما الجحر مستاسع

:)

الموضوع يتكلم عن التقسيمات وهذا ممنوع ولكن ماهو البديل
عادي لما يجيك مسؤل ويقول ممنوع زين شنهو البديل يقعد يحك خشمه
السنوات الاخيره يعني بعد السعينات جاتنا طفره اقتصاديه وبشريه كبيره
ودخلت الدوله في الاسياد والمعارض وغيرها
مما تسبب بطفره سكانيه وتركيبيه جديده علينا لم نستوعبها
فاسببت لنا الكثير من الا نحنائات والالتوائات والمشاكل الكثيره
واصبح الكل يصارخ من كل صوب
مما اضطر الى وضع قوانين لوقف الارتفاع الهستيري في كل المجالات
وكبح التضخم والحد من الارتفاع الغير طبيعي بزياده حبتين
ولكن كلها تعتبر مسكنات بنادول وليست حلول جذريه
وهذه النتيجه

كان ام الجماجم مايتسحلونها الوافدين وتتاجر زين

:)

طلعت تتكلم ألماني .. اليوم واحد علمني كلمة ونسيتها مب متفرغ للألماني حدي شوية انجليزي

الحلول موجودة يا اخوي يطورون نظام التخطيط بما يتناسب مع الزيادة السكانية .. والمتوقع ضعف الحالية خلال 7 سنين .. وليش ما يكون التقسيم مسموح بشروط خاصة ومن المالك؟ وليش ما يسمحون بأَدوار متعددة متكررة.

إِخوي بو بروق انا من زوار الأُردن من 1999 وسنة 2001 وسنة 2006 وسنة 2013 في 99 كانت عمان شبه فاضية وفي الصيف يكون فيها شوية ضغط وزحمة .. زياراتي لكورسات دراسية لفترات تصل لست شهور وكنت اكمل وراها الاجازة الصيفية هناك.

استغلالهم للأرض صح وبناؤهم متعدد أدوار تقريباً غالبيته شقق .. عرفت عائلة فلسطينية ساكنين كلهم في بيت كبير من 4 أدوار الجد وعياله وأحفاده .. وعدد سكان الأُردن 5 ملايين أغلبهم في عمان .. وجاتهم أَعداد مهولة في البداية من العراق ومن الفلسطينيين اللي رحلو من الكويت وغلا العقار عندهم وتضاعف في فترة بسيطة .. حتى الايجارات زادت .. بسبب هذي الهجرات الجماعية وبأعداد كبيرة جداً.

كانت الحكومة تشتغل على حلول سريعة مثل جسور وتحويلات سهلة بدل الاشارات .. بنوا جسر معلق في فترة قياسية .. وحفروا نفق من طابقين في جبال صخرية بالتفجير المدروس .. وكان عقد المقاول 4 شهور و10 أيام وعليه غرامات كبيرة وكذلك مكافآت لو خلص بسرعة .. خلص قبل الموعد ب 20 يوم مثل ما سمعت .. وسلم المشروع كامل بالزراعة وبكل شيء .. فريق التفجير فريق مختص من أمريكا.

عندنا كم ياخذ المشروع وبكم يسونه والمقاولين يشتغلون بآليات قديمة بالية والواحد العادي بشوف عينه يحس إِن الشغل رخيص وايد .. شوف مثلاً الستي سنتر وهو مشروع خاص شكثر عمال كانوا يشتغلون فيه .. اللي عرفته إِن المالك معين استشاري انجليزي يتابع المشروع كمدير مشروع وهناك مكتب استشاري كاستشاري مشرف ومقاول عام تحته عدة مقاولين بالباطن .. تم انجازه على أفضل وجه بس الحين اخترب أو خربوه بقلة المواقف وتعقيد الخروج وخطورته لو صار حريق لا قدر الله.

لنروح بعيد .. شوف المول اللي في شارع المرقاب حق الشيخ حمد بن جاسم بن جبر .. خلاص اكتمل وللحين أشغال ما جهزوا الشوارع حوله .. العكس في دبي كان بناء برج خليفة يتم وكان مول دبي ينبني وكانت المنطقة كلها تطور بشبكة جسور وشوارع حديثة متكاملة .. وما اتخيل بعد ما خلص أول مشروع كانت الطرق للحين يشتغلون فيها .. وما اتخيل يسطون على المواقف يسون فيها محلات مثل اللي صاير في فيلاجيو وفي الستي سنتر.

هي اجراءات صح وتخطيط صح ونفوز ببلد مريح للسنوات القادمة وتقل الزحمة ومشاكل الاسكان بحلول واقعية .. مب كل أهل قطر عندهم 40 مليون حق فيلا ولا 5 ملايين حق شقة 100 متر في اللؤلؤة.

نجي للقروض .. هذي المفروض تيسر للمحتاج للبناء ونظام البناء متعدد الأَدوار هو الحل المناسب .. مع توسعة وترتيب الشوارع والمناطق الحديثة ومع خدمات متكاملة وسريعة.

اختربت سالفة الاسكان يوم تهمش دور المواطن واحتكرت الشغلة شركات كبيرة تبني غالي ولجهات معينة مثل بروة وازدان والمتحدة للتنمية .. المواطن ممكن يبني بنيان رخيص نوعاً ما ويؤجره برخيص لفئة بسيطة من الناس .. وممكن يقسم لو كان التقسيم مقنن ومضبوط باشراف حكومي وأَي مخالفة تزال ويغرم المخالف .. ولا يحق لشخص أجنبي يؤجر بالباطن.

التأجير بالباطن فتح الباب لشغلات غش كبيرة وهي التجارة بالسمسرة فتحصل واحد في سيارته يدور وعنده كتلوجات يدلل على شغل غيره .. ويكلمك وكأَن الشركة له ويتفق معاك على مبلغ كبير .. والبعض يصدقه وبعدها يجيب عمال غير مؤهلين ويدفع لهم نص المبلغ ويمكن أقل والباقي حلال عليه.

طولت لأن الموضوع قاهرني وسامحوني ان أسأت أو أخطيت

[الصغيره]

اشكركم على التفاعل


معليه ياجر ان شاء الله كيف مايبي بس يامن هالارواح يراعي امور السلامه


يعني نسكت لحد ما تحترق عوايل وبعدها نتكلم


الصراحه شفت بس قسم من عدة اقسام عورني قلبي البيت كنه بيوت الحمام مكتظ


الامر ماينسكت عليه الصراحه

[بعيد النظر]

اختي جزاج الله خير على حرصج ..
بس للاسف من يحس او يسمع ..


صعب جدا تنحل هـ المشكلة ..
لان اغلب المقيمين الحين ساكنين في مثل هـ البيوت ..\
فريجنا اخر سنتين .. صار 80 % فلل مقسمة !



والله يعينهم على الحياة اللي اضطرو يعيشونها !

[عاشق العديد]

ياحبيبي بس لك انت

:)

ودي اصدق بس قويه جدا قويه

اللي اعرفه انه ممنوع نهائي تقسيم البيت والبلديه على طول تتخذ الاجراء معاهم
شلون تشتكي علىهم وماياخذون الاجراء مستحيل امب باسيبل
صحيح في بلديات تكون خارجه عن قانون الوزاره ولكن عادي ارفع الامر الى الوزاره

زين خلني نعرف وين هذه المنطقه علشان نعرف المشاهدين هذه البلديه اللي خارجه عن الوزاره
بالنسبه لي اعرفها

لكن ابيك انت يابوحمود تذككر المنطقه

خخخخخخخخخخخخ


ياله ئول بئى

ياحسين

:telephone:

مشتكي فالشرطه وقايلهم كل شي ولا سوو شي .. ومره وحده فقط جاني واحد قال انا براقب البيت ومادري وشو وخبر خير ياريال ..
لين يومك موجودين ولا طلعو ولا شي .. وادليك البيت واخليك تراقب عنده بعد ..

[معماري قطري]

اشكركم على التفاعل


معليه ياجر ان شاء الله كيف مايبي بس يامن هالارواح يراعي امور السلامه


يعني نسكت لحد ما تحترق عوايل وبعدها نتكلم


الصراحه شفت بس قسم من عدة اقسام عورني قلبي البيت كنه بيوت الحمام مكتظ


الامر ماينسكت عليه الصراحه

معاج حق والناس أرواحهم أمانة لدى المسؤولين عن هذا الشيء .. والحلول لازمة .. بيوت أهل قطر أغلبها كبيرة ومكلفة ولازم ايجارها يكون متناسب .. وقابلية التقسيم موجودة بس تكون بأُسس صحيحة.

[معماري قطري]

وعيال الكثيرين اللي مكدسين في روض عبارة عن فلل صغيرة غير مؤهلة هذي شالحل معاها .. ببساطة تحضر لجنة تفتيشية فجأة ويتجهون لكل غرف المبنى الصغير ويشوفون التوسعات الغير نظامية وكم ياهل مسكنينهم عشش فوق السطح.

هل لازم ننتظر كارثة فيلاجيو ثانية حتى نتحرك؟ شوفو روضة جونيورز وغيرها كثير من روض ومدارس.

[الكاسر99]

ممنوع منعاً باتاً التقسيم ولا احد يقول البلديه ماتسوي شي

انا توني مشتكي والباديه جات وشافت البيت اللي مشتكي عليه راح يتصلون في المالك

لان قانون التقسيم في البيوت ممنوع


والقانون من رئيس مجلس الوزراء على ما جاني

ولا احد يقدر يتحدى قوانين الدوله

وانا انتظر راي واجراءات البلديه لان الجار اللي جنب بيتي

بيته شعبي قديم عمل فيه دور ثاني وفتح عند باب بيتي

باب خارجي سالته قلت له وش هذا الباب قال لي

مدخل للشقق اللي فوق

يعني يبي يسكن في البيت
اربع عوايل تحت اثنين وفوق اثنين

وراح اتابع لين تاخذ البلديه حقي في هذا الجار

اللي لا احترم حق جيرانه ولا شي همه الفلوس فقط