الفزعه ياهل قطر

[سعيدالهاجري]

السلام عليكم ورحمه الله وبركاته

الموضوع فزعه واستشاره والي عنده واسطه يفزع لنا

سافرت علاج للمانيا انا والوالد في تاريخ 2 /2 /2015 وتعالج الوالد في المانيا واخذ علاج كيماوي واشعاع معه ورم في الجيوب الانفيه والراس واخذ العلاج وعطوه فتره لراحه الجسم ومن بعدها استكمال العلاج في تاريخ 20 /7/ 2015وتم الرجوع لدوحه في تاريخ 2 /5 /2015 المهم بعدها بشهر رحت للوزاره الصحه واخذت الاوراق والموافقه لرجعه وعطوني كتاب موجه لسفاره الالمانيه يطلعون لي فيزه طبيه ورحت لهم وبصمت ودفعت الرسوم وخلصت الاجراءت وتفاجئت بالرفض وكان السبب اني كملت 90 يوم في المانيا قالو مانعطيك فيزه الا بعد 180 يوم وانا عندي موعد لاستكمال العلاج والتقارير ماجوده والكتاب من وزاره الصحه راجعتهم قالو مانعطيك
الي يعرف ولا له طريقه ولا واسطه تكفون ابي استكمل علاج والدي والوقت قريب يعني معاد باقي على الموعد الا اقل اسبوعين

[نمر بن عدوان]

من الي قالك مانعطيك فيزا ؟

[سعيدالهاجري]

السفاره الالمانيه

[نمر بن عدوان]

جربت تقابل السفير او القنصل وتطلب استثناء لانك مظطر ؟

او لو طلعت فيزا شنغن من اي سفاره مثلا الفرنسيه تقدر تدخل فيها المانيا؟

[قلب صادق]

اسأل الله سبحانه في هذا الشهر الكريم وفي هذه الليالي المباركة ان يشفي والدك ويعافيك ويشفي جميع مرضى المسلمين

اخوي ما اعرف اذا تصلح هذه الفكرة او لا وهي ان تأخذ فيزا الى فرنسا ومنها تروح الى ألمانيا

[aloosh]

روح السفاره الالمانيه بتقارير وقابلهم واشرح لهم انها رحله علاجيه وهذا مهم
وراح يتم الموافقه عليك

[جارح]

مثل ماقالوا لك الاخوة حاول تقابل السفير او من ينوب عنه وإذا رفضوا مالك الا تلتف عليهم بفيزة الشنغل بس بتظطر تنزل فرنسا ومنها تدخل ألمانيا

[الحاقول]

سافر الى أي بلد اوروبي ثم الى المانيا

[سعيدالهاجري]

المشكله اني حجزت على المانيا فرانكفورت والاوراق الي طلعت من وزاره الصحه على المانيا

واخاف ماحصل حجز على فرنسا خبركم صيف والعالم بيسافرون وبعدين المشكله المحلق الطبي يمكن مايستقبلوني لاني مفيز على فرنسا

[سعيدالهاجري]

وجزاكم الله خير كلكم على تفاعلكم معي

[حسن]

روح الخارجيه عند السفير ابراهيم فخرو وهو بيخلصك انشاء الله

[الحياة الخالدة]

الله يسهــــــل أموركم و يشفي مريضكم
ما ضاقت إلا تفرج بإذن الله

[شالح بن هدلان]

الله يشفي ابوك ويبشرك بسلامته


الموضوع فيزه شنقل

روح سفريات وخله يطلع لك فيزه من آي سفارة أوروبية

حسب أسهل وأسرع سفارة ما هو شرط السفارة الألمانية

دام طلع لك شنقل تقدر تدخل اي بلد اوربي

نفس ما صار معاي كنت بسافر دورة في إيطاليا وتأخرت الفيزة في سفارة الإيطالية

وطلعت فيزة الألمانية ونزلت على طول في ميلان


وما عليك من ألي يقول اذ طلعت فيزه من دوله لازم تنزل فيها اهم شيء الشنقل

وموفق خير

[1908]

الله يشفي الوالد يارب
والله يعينك على المانيا وقوانينها الخايسه

[سعيدالهاجري]

الله يجزاكم خير وبيض الله وجيهكم

[وليف الشوق]

خاطب وزارة الخارجيه القطرية وصدقني ماراح يقصرون او خاطب السفارة القطرية في المانيا يسوون لك كتاب الى الخارجيه الالمانيه وصدقني راح تلقى النتيجه

[ساعي الخير]

راجعهم بالأوراق الطبية وإذا رفضوا هددهم بالمقاضاة، وإذا رفضوا مالك إلا الشنجن وإذا خلصت ارفع عليهم قضية جنائية وحق مدني أيضا واطلب تعويض.

[عبدالرحمن1]

السلام عليكم ورحمة الله وبركاتة عليكم
أخوي سعيد الهاجري هذي صارت معى أخوي حاول تكلم
فيها الخارجيه القطريه لان الموضوع حتا الشنغل ماراح يطلعونها
لك أصلا لانهم سستمهم واحد دول الشنغل كلم الخارجيه وهم بفهمونك وبيعطونك
كتاب وحاول أحد بعد يرسل كتاب من المكتب الطبي اللي في بون
والله يشفي الوالد شفاء لاسقم بعده

[qr95]

حاول تتواصل مع وزاره الخارجيه في قطر
اداره المراسم عند سعاده ابراهيم فخرو
هاتف رقم / 40111999 / أو 40111900

وبإذن الله مايقصرون

وأسال الله الشفاء لوالدك ولجميع مرضى المسلمين

[وحيد-الشوق]

الله يشفي ابوك ويبشرك بسلامته


الموضوع فيزه شنقل

روح سفريات وخله يطلع لك فيزه من آي سفارة أوروبية

حسب أسهل وأسرع سفارة ما هو شرط السفارة الألمانية

دام طلع لك شنقل تقدر تدخل اي بلد اوربي

نفس ما صار معاي كنت بسافر دورة في إيطاليا وتأخرت الفيزة في سفارة الإيطالية

وطلعت فيزة الألمانية ونزلت على طول في ميلان


وما عليك من ألي يقول اذ طلعت فيزه من دوله لازم تنزل فيها اهم شيء الشنقل

وموفق خير

اسمها شنجن وليس شنقل :) اذا جلس 3 شهور الي هي مدة الاقامة في الاتحاد الاوروبي ورجع الدوحة مايحق له يسافر او يدخل اي دولة اوروبية الا بعد 3 شهور وخلال ال6 الشهور مسموح لك 90 يوم متصله او متقطعه بس الواجب والمفروض يسوون له فيزا لأنه رايح علاج بس شنقول بعض هالالمان يحبون يعقدون ويصعبون الموضوع مرة رفضوا يمددون فيزتي مع اني كنت مرافق للعلاج يقولون بس واحد يقعد مع امك !!! مادري الي يقول هم بيصرفون علينا حسبي الله عليهم

اقترح عليك مثل ماذكروا لك الاخوان حاول تتصل في الخارجية او روح لمقر السفارة نفسه في فريج كليب اذا ماني غلطان وماتشوفونً مكروه

[معماري قطري]

اسمها شنجن وليس شنقل :) اذا جلس 3 شهور الي هي مدة الاقامة في الاتحاد الاوروبي ورجع الدوحة مايحق له يسافر او يدخل اي دولة اوروبية الا بعد 3 شهور وخلال ال6 الشهور مسموح لك 90 يوم متصله او متقطعه بس الواجب والمفروض يسوون له فيزا لأنه رايح علاج بس شنقول بعض هالالمان يحبون يعقدون ويصعبون الموضوع مرة رفضوا يمددون فيزتي مع اني كنت مرافق للعلاج يقولون بس واحد يقعد مع امك !!! مادري الي يقول هم بيصرفون علينا حسبي الله عليهم

اقترح عليك مثل ماذكروا لك الاخوان حاول تتصل في الخارجية او روح لمقر السفارة نفسه في فريج كليب اذا ماني غلطان وماتشوفونً مكروه

الله يستر انا جوازي في تمديد الاقامة 3 شهور بعد ما قربت اكمل 3 شهور

الله يشفي والدك يا سعيد ويوفقكم في سفركم .. الخارجية يقدرون يخلصونك بسرعة وألمانيا شغلهم السياحة العلاجية لازم ييسرون الأُمور

[بوسعود1122]

صحيح ، روح باريس او فينا ومنها روح المانيا

[سعيدالهاجري]

الله يجزاكم خير على تفاعلكم

انا رحت اليوم وقدمت كتاب لسفيره الالمانيه وقالو بنرد لك خبر بكره ويالله عسى خير ان شاءالله

[سعيدالهاجري]

والبنسبه اني اروح دوله اوربيه وادخل المانيا اعتقد ان السستم عندهم واحد
لانهم دول اتحاديه اي دوله اوربيه تعطيك رفض الدخول ماتقدر انك تدخل دوله اوربيه ثانيه

[حسن]

اقترح عليك خذها سياحيه لاتاخذها مرافق علاج بيحددون لك المده ولا تقدم كتاب الصحه
بتاخذها سنوات وانت كيفك

[نتفـه]

الله يسهل امورك يارب ويسخر لك الخير ويشفي الوالد ويقومه لكم بالسلامه يارب

[CH Engineer]

اخوي روح مكتب سياحي يضبط لك الموضوع حتى لو تنزل بدولة ثانيه

الله يشفي الوالد

[الوهاااااج]

بالتوفيق اخوي والله يشفيه

[محاسب طيار]

السلام عليكم اخوي سعيد المفروض اتروووووح الخارجيه وهم بيسلمونك كتاب لسفاره المانيا هاي رقم واحد وثانيا اتروح تاخذها من سفاره اوروبيه مثلا فرنسا اسهلك تنزل فرنسا ومنها على المانيا عقب والله يعينك على البهدله والخسائر والله يقووووم الوالد بالسلامه ويحفظكم ربي وترجعووون بالسلامه ويسلم امه محمد عليه الصلاه والسلام وشكرا على الاطاله

[سعيدالهاجري]

جزاكم الله خير

وابشركم مشت الامور وطلعت الفيزا من السفاره رحت لهم وعطيتهم الموعد وشرحت موضوعي للقنصل وتم الموافقه

[الحياة الخالدة]

جزاكم الله خير

وابشركم مشت الامور وطلعت الفيزا من السفاره رحت لهم وعطيتهم الموعد وشرحت موضوعي للقنصل وتم الموافقه

الله يبشرك بالخير و ييسر أموركم .. و يشفي الوالد

[مضارب دوسري]

الله يبشرك بالخير وبشفاء ابوك

الله يقومه بالسلامه

[FIRE FLY]

الله يبشرك بالخير ، وييسر أموركم ، يشافي الوالد ويعافيه ..

ان بغيت اي مساعدة في فرانكفورت في اللغة ولا اي شي، ابشر بعزك .. انا الحين في فرانكفورت.

[معماري قطري]

جزاكم الله خير

وابشركم مشت الامور وطلعت الفيزا من السفاره رحت لهم وعطيتهم الموعد وشرحت موضوعي للقنصل وتم الموافقه

مبروك انفراج الأَزمة .. هم شوي معقدين في نظامهم .. هلي وعدوهم الفيزا بعد اسبوعين وزوار ألمانيا من الخليج فوق المليون هالسنة .. بس ميونخ 150 الف

[FIRE FLY]

مبروك انفراج الأَزمة .. هم شوي معقدين في نظامهم .. هلي وعدوهم الفيزا بعد اسبوعين وزوار ألمانيا من الخليج فوق المليون هالسنة .. بس ميونخ 150 الف

مع انه موجة الحر هالسنة ذبحتنا، وأقوى من المرات الماضية ..:cry2:

[حسن]

جزاكم الله خير

وابشركم مشت الامور وطلعت الفيزا من السفاره رحت لهم وعطيتهم الموعد وشرحت موضوعي للقنصل وتم الموافقه

بشرك الله بالخير

[وليف الشوق]

الله يبشرك بالجنة عزالله ان الفرحة فرحتي وفرحة الناس كلها مش فرحتك وبس
والله يقوم الوالد بخير وبسلامه ويجعله ذخر لنا ولك ان شاءالله
عزالله انها بشارة

[بنت مريخ]

الله يشفي الوالد ويكشف مابه من ضر وجميع مرضى المسلمين

[وسمي2016]

جزاكم الله خير

وابشركم مشت الامور وطلعت الفيزا من السفاره رحت لهم وعطيتهم الموعد وشرحت موضوعي للقنصل وتم الموافقه

الله يسهــــــل أموركم و يشفي مريضكم
ما ضاقت إلا تفرج بإذن الله,,والحمد لله رب العالمين