ظاهره انتشار السائقات من الجنسيات الاسيويه المسترجلات

[brwnzya]

السلام عليكم ورحمه الله وبركاته.
لاحظت في الفتره الاخير وبشكل كبير انتشار ظاهره الخادمات المسترجلات بين العائلات القطريه والغريب و المثير للاستنكار هي ان اغلب الاسر التي تجلب هذا النوع من العماله اسر محافظه و سيدات منقبات و يظهر عليهم مظاهر الالتزام الديني. و انا اجد في الموضوع كثير من التناقض حيث انهم يبررون وجود السائقه المسترجله افضل من وجود رجل غريب في المنزل 😂😥 يعني وجود سائق رجل وفي غرفه خارج المنزل و ناخذ الحذر والاحتياطات و نحافظ علي حدود الحلال والحرام. او ادخال مسترجله داخل المنزل و في غرف البنات و تتكشف علي الحريم في المنزل و ندخل افكار وسلوكيات ومنظر منافي للدين والعادات والتقاليد وقد تؤثر علي سلوكيات المراهقات في المنزل و حتى قد يصل الامر الي اقامه علاقات غير اخلاقيه و محرمه مع احدى افراد الاسره او الخادمات الاخريات و اجد كذلك ان هذي الاسر تساهم في ادخال افكار محرمه و منافيه للدين ولاخلاق والعادات والتقاليد في المجتمع. وكلنا نعلم ان هذا النوع من النساء المتشبهات بالرجال ملعونات فكيف يسمع رب الاسره لنفسه بادخال ملعونه في بيته وبيت حريم المنزل و يدفع لها راتب كما اتسأل كيف تسمع وزاره الداخليه لمكاتب الاستقدام بجلب هذا النوع من المتشبهين من العماله للبلاد.

[حسن]

العائلات يبون جذي

:)

الدعوي من زمان خربانه

:)

[رهج السنابك]

اسيويات مسترجلات؟
ماقد شفت هندية بوية

ممكن قصدج فلبينيات

ع العموم كل فيه خيره وشره والعايله اللي تجيبهم هم ادرى بحدود التعامل

صرنا نخاف من المسترجله اكثر من الرجال نفسه!! زمن عجايب

[brwnzya]

اسيويات مسترجلات؟
ماقد شفت هندية بوية

ممكن قصدج فلبينيات

ع العموم كل فيه خيره وشره والعايله اللي تجيبهم هم ادرى بحدود التعامل

صرنا نخاف من المسترجله اكثر من الرجال نفسه!! زمن عجايب

في من الجنسيه الهنديه والفلبينيه شوف عيني في المستشفيات و المجمعات و الجمعيات و حتى في الصالونات والفلبين في جنوب شرق اسيا يعنى الفلبينيات اسيويات بعد

[حرف]

اعوذ بالله حرام ياجماعة الي تقولون ترمى رمي الناس والظن فيهم حرام الي يقول قمة التناقض منقبات وعندهم والي يقول العوايل تبي هذا استغفروا ربي لا يبلاكم في انفسكم واهلكم

[MAZEN37]

مع احترامي للكاتب
لكن على اي اساس صارت ظاهره ومنتشره
ممكن حاله شفتها لكن لا تعمم وما لاحظ شيء من هالقابيل
الحمدلله الناس واعيه لتصرفاتها

[وليف الشوق]

انا راضي واهو راضي ومالك ياقاضي

احسن عشان مااحد يتجرأ ويتعدى على اي عائله
على الاقل يلقون احد يدافع عنهم في ظل غياب ولي الامر

عاشوا

[شالح بن هدلان]

ما هو ضروري ان كل الآسيويات الي يسوقون مسترجلات ولا اغلبهم

يمكن النظرة لهذا الجانب هي الغلط

بس اشهد انك تعمقت في الغير المباح وفصلته ..!

[HADi]

ماعمري شفت مثل هالنوعيات في قطر

ولكن بوفلبن الله يكفينا شرهم رجالهم نسوان ونسوانهم رجال ..

[qtr qtr]

شلون يعني مسترجله .. هل يعني شكلها نفس الرجال كملامح وجهها ومب حلوه تعتبر مسترجله ؟
او ان تصرفاتها ولبسها بنفس اسلوب الرجال ؟

[sweet qatar]

خدامتنا الفلبينية من عمر

شكلها و ديزاينها كنها صبي ..

ولما تدخل معاي في صالون أو تدخل علي وحد عندي

يفزون البنات يتغطون ههههههههه

بس هي لا هي بوية ولا عمرنا شفنا منها حركات ماصخة

وشفت وايد فلبينيات يشبهونها



أختي تري مب شي هين تدخلين في نوايا الناس .. وإن عاجبهم الوضع

الله يحفظ الجميع

[ضوى]

السؤال اختي

كيف عرفتي انها مسترجله !؟

[ضوى]

وايد بالغتي ووايد هولتي الموضوع

[brwnzya]

مو القصد انهم سواقات يعنى مسترجلات و المنظر شفته في اكثر من مكان يكونون لابسين ملابس رجال و قصه شعرهم قصه رجاليه و حتى المشيه وكل تصرفاتها تدخل المكان ماتعرف هذي رجال او حرمه

[المليارديرة]

قصدك ان فيه طلبات خدم بويات ؟؟ طلب الخدم حظ ونصيب هذا اولا
وبعدين ماعمري شفت لا في بيتنا ولا في بيوت اهلنا وربعنا ولا في حضره سوالف الحريم ان فيه بويات خادمات ،،

يعني تبين الخدامه تلبس فستان وتحط ميك أب ولا تلبس ليقنز [emoji3]


Sent from my iPad using Tapatalk

[الحياة الخالدة]

أنا مادري شاللي يرضي الناس
لا عاجبهم الحريم يسوقون بروحهـــــم
ولا عاجبهم يطلعون مع سايق
ولا عاجبهم يحطون سواقات حريم

رضا الناس غاية لا تدرك
و الأغلبيــــــة ينتقدون لمجرد الانتقاد و التطنز من غير وضع حلول مجدية
يعني بنتقد بس عشان اللي يقرا يضحك و يقول : إي والله و انت صادق

[<اضرب واشرد>]

أنا مادري شاللي يرضي الناس
لا عاجبهم الحريم يسوقون بروحهـــــم
ولا عاجبهم يطلعون مع سايق
ولا عاجبهم يحطون سواقات حريم


حنا مالنا خص ، ولا انتقدنا .. كاتبة الموضوع (بنت) واسمها brwnzya
حلوا مشاكلكم بينكم :tease:

[الحياة الخالدة]

حنا مالنا خص ، ولا انتقدنا .. كاتبة الموضوع (بنت) واسمها brwnzya
حلوا مشاكلكم بينكم :tease:

وانا ما اتهمت الرجال بكلامي ياخوي
أنا قلت الناس .. و الناس رجال و نساء
صح والا انا غلطانة ؟؟

[معماري قطري]

قبل كان الخدم رجال وبعض العبيد يتم اخصاؤهم لخدمة العائلات وهذا من زمان قديم

الوقت الحالي يوجد الكثيرين من الآسيويين سواءً متأًنثين من الرجال وهؤلاء يا كثرهم في صالونات الرجال .. أَو مسترجلات من النساء في صالونات النساء .. والفئتين يفترض ممنوعين من العمل في الصالونات.

الطامة الأَكبر هي وجود متحولي الجنس وهم من يغيرون جنسهم بعملية .. فهذه فئة جنسها مسجل غير وهي في الأَصل غير فهل من فحوصات طبية لدينا تثبت الهوية الجنسية لهؤلاء؟ أَتمنى تفعيل هذه الفحوصات ليعرف من يطلب الجنس الحقيقي والميول لدى هؤلاء سواءً سائقين أو عاملين قطاع عام أو خاص.

[شروووق]

لحول... ترا مو كلهم مسترجلات بعض الحريم تجيكم دفشه خشنه يابسه مافيها طراوه حتى زمن اول لما يشوفون وحده بالمواصفات ذي يقولون يمه مدرى شلون شكلها كنها ريال

[Mohammed2]

الحل :)

ان البنات كلهم يشتغلون في بيوتهم مع امهاتهم بدون خدامه فالبيت
والاب والاخوان يشتغلون طبعا في مكان شغلهم وهم اللي يوصلون اهلهم وين مايبون بدال السواقين :)

لاخدم ولادريوليه ولاخساير ولامشاكل :)


وبس والله :)

[Rosy]

ستغفر الله العظيم ,,
رضا الناس غاية لا تدرك، ورضا الله غاية لا تترك،
فاترك ما لا يدرك، وأدرك ما لا يترك.

[حسن]

الحل :)

ان البنات كلهم يشتغلون في بيوتهم مع امهاتهم بدون خدامه فالبيت
والاب والاخوان يشتغلون طبعا في مكان شغلهم وهم اللي يوصلون اهلهم وين مايبون بدال السواقين :)

لاخدم ولادريوليه ولاخساير ولامشاكل :)


وبس والله :)

ذكرتني باسم شركه اخوي

أرض الأحلام

[حليتان*]

أنا مادري شاللي يرضي الناس
لا عاجبهم الحريم يسوقون بروحهـــــم
ولا عاجبهم يطلعون مع سايق
ولا عاجبهم يحطون سواقات حريم

رضا الناس غاية لا تدرك
و الأغلبيــــــة ينتقدون لمجرد الانتقاد و التطنز من غير وضع حلول مجدية
يعني بنتقد بس عشان اللي يقرا يضحك و يقول : إي والله و انت صادق

نفس ردي مادري شلون اصلا احكمت انها بويه اصلا عاداتهم غير عنا لبسهم كلش غير
اذا مثلا ع الشنب اظن ان عندهم عادي
كذا مره اروح محل او كنتاكي وطخته احصل الفلبنيه الي ع الكاشير فيها شنب تلوع جبدي منهم ليش مادري


انزين بما ان الدريول تم انتقاده ومايصير يدز قاري الجمعيه والسايقه المسترجله بعد مايصير تنكشف ع الحريم عادي احط دريول اخواني !

[راجي الْعفو]

ذكرتني باسم شركه اخوي

أرض الأحلام

هل صار حلم بعد ماكان هو الاصل عند الرجال الاوليين ؟


يجيب الله خير ..

[R 7 A L]

نفس ردي مادري شلون اصلا احكمت انها بويه اصلا عاداتهم غير عنا لبسهم كلش غير
اذا مثلا ع الشنب اظن ان عندهم عادي
كذا مره اروح محل او كنتاكي وطخته احصل الفلبنيه الي ع الكاشير فيها شنب تلوع جبدي منهم ليش مادري


انزين بما ان الدريول تم انتقاده ومايصير يدز قاري الجمعيه والسايقه المسترجله بعد مايصير تنكشف ع الحريم عادي احط دريول اخواني !

الحل لازم انواكب التكنالوجيا والتقنيات الحديثة وانجيب سواقين الييين هههههه ولاسيارات بدون سواق