استفسار بشأن تاجرات الاطعمه في الانستقرام

[brwnzya]

السلام عليكم ورحمه الله
طبعا الجميع يلاحظ انتشار تاجرات لبيع الحلويات والاكلات المختلفه ابتداء من العصاير ليييين تجهيز البوفيهات الكامله عن طريق الانستقرام. يعني يكون الطلب والتعامل كله بالنت والواتس اب مع شخصيات مجهوله بنسبه للزبون. و التسائل هنا هل يوجد رقابه علي الاخوات التاجرات في الانستقرام وغيره وهل تطبق عليهم شروط و معايير النظافه والسلامه الى تطبق علي المطاعم و غيره من متداولين الاطعمه وهل لديهم سجلات تجاريه و تتم الرقابه عليهم وعلى الاطعمه الي يبعونها و كذلك اتسائل اذا هناك رقابه على الاسعار و نوعيه الاطعمه المقدمه و هل هناك كشف طبي للعاملات لديهم و اذا كان هناك جولات تفتيش من قبل البلديه كما هو الحال بالنسبه للمطاعم والكافتريات و غيره وفي حال لا سمح الله كان هناك حالات تسمم او اطعمه فاسده يكون في اجراءات متبعه او المسأله غير مقننه. لان الانتشار اصبح غير طبيعي و من كل الجنسيات في البلاد و مع احترامي للجميع بس كيف يتم حمايه المستهلك وكيف يضمن مستواى النظافه و يتحقق من وجود رقابه علي الاطعمه وعلي الاسعار. وخاصه ان في الفتره الاخيره كل يومين نسمع عن مطعم تم اغلاقه و كافتريا تم اغلاقه لعدم الالتزام بالمعايير الصحيه هذا واهم عليهم رقابه فما بالكم بالي ماعليه رقابه. ياليت لو حد عنده فكره يفيدنا اذا عليهم رقابه او لا واذا اديهم سجلات تجاريه او لا و اذا عليهم حملات تفتيش او لا.

[حسن]

المفروض يكون لهم قانون وتفتيش من البلديه وحمايه قانونيه للاثنين البايع والشاري


والفروض احنا تكون عندنا ثقافه كيف نحارب وستاعد الدوله في التنظيم

مهب كل شي نبي الحكومه توقف معانا

مثل السعوديه سوا حمله على المراعي غصب نزل سعره يعجبني ثقافه الشعب السعودي في الشراء
من قل المدخول وراتبهم نازله يفكر مليون مره قبل لا يشتري

[أبورودي]

بمنتهي السهولة يمكن لعائله كامله الاصابه بالتسمم نتيجه تلوث الطعام
ومصدر الطعام مجهول

[qtr qtr]

اخوي سوال لك .. هل سمعت حد من اللي اشتروا الاكل بانواعه عن طريق الانستغرام او بمعنى اصح من البيوت صاده تسمم ؟

الاكل اللي فالبيوت بشكل عام انظف من المطاعم وهذا كلامنا احنا نقولها يازين اكل البيت .ولان وبالاخير صاحبة الشأن تهتم بنظافة مطبخها من جميع النواحي لان فانهايه هاذي مطبخها واغراضها وفبيتها وراح ياكلون اهلها من نفس المكان والاكل فما ااعتقد ان راح يكون في شي مخالف .. وغير الخدم اصلا يفحصونهم فالقمسيون الطبي قبل الاقامه وكفيلها ماراح يخليها فالبيت اذا كان فيها مرض .

اللي مشكك في اكلهم لا يشتري منهم وياكل من اكل المطاعم .

[qtr qtr]

في مره قاموا مفتشي البلديه بأخذ عينات الاكل وفحص طريقة التخزين من الحريم اللي يبيعون فالمناسبات الوطنيه انبهروا بنظافة اكلهم والطريقه الصحيه بحفظ الاكل . وهذا كلام واحد اعرفه وهو مسوؤل كبير .

[غايه الطواش]

مايمنع يكون عندهم سجل تجاري وتفتيش بين وفتره والثانيه

[ابوالكلام]

اهلا انا اشوف ان القانون لمثل هذه الناس سوف يكون تعسفي فالافضل يتركون لان اصحاب التجارة لهم نفوذ في بلدنا وهالفئة ممكن ان تسبب لهم خطر في المستقبل فتوقعو في المستقبل يسن قانون تعسفي بحقهم نفس حالات اخرى صارت عندنا شكرا

[qatarman8008]

الصراحة هذي تجارة الانستقرام والبرامج الثانية سوت ثورة حقيقية في مجال التجارة المربحة والبسيطة..
لا ايجار محل 20 الف بالشهر ولا بلدية وتفتيش وتجديد رخصة ورواتب عمال وفواتير كهربا.. ولاشي..
هي مشكلتها الوحيدة انها غير مضمونة عند اول تعامل.. يعني لازم تتعامل معاهم مرتين وثلاث عشان تتاكد ان شغلهم فعلا نظيف ومرتب..
انا عن نفسي صراحة تعاملت بحذر مع هذه الاعلانات وحتى اليوم ارى النتائج ايجابية..

[A-Alansari]

مايحتاج رقابه الي يبي يشتري يشتري والي خايف لايشتري

وتقدر تشوف الي يبيعون اكل في الانستقرام وتشوف ردود الناس

وانا صراحه ماعمري سمعت احد تسمم من الانستقرام

في النهايه اكلهم انظف بوايد من المطاعم خصوصا انه هاي مطبخ البيت متسحيل يكون شي فيه وصاخه لانه هم نفسهم بياكلون منه + هي ماتبي تخسر زباينها فأكيد راح تهتم في نظافة الاكل لانه لو تسمم واحد بس من اي تاجره راح ينتشر الخبر وراح يخرب عليها شغلها كله

فاعتقد هم احرص من المطاعم في النظافة

[ضوى]

مايحتاج رقابه الي يبي يشتري يشتري والي خايف لايشتري

وتقدر تشوف الي يبيعون اكل في الانستقرام وتشوف ردود الناس

وانا صراحه ماعمري سمعت احد تسمم من الانستقرام

في النهايه اكلهم انظف بوايد من المطاعم خصوصا انه هاي مطبخ البيت متسحيل يكون شي فيه وصاخه لانه هم نفسهم بياكلون منه + هي ماتبي تخسر زباينها فأكيد راح تهتم في نظافة الاكل لانه لو تسمم واحد بس من اي تاجره راح ينتشر الخبر وراح يخرب عليها شغلها كله

فاعتقد هم احرص من المطاعم في النظافة

اتفق تماما مع هذا الرد

[غريب الدّار]

على حسب علمي ان المسألة سوف يتم تقنينها قريباً باذن الله

[بومحمد المطاوعه]

المفروض يكون في تفتيش ويكون في رقابه ,,

اولآ للنظافه

وثانيآ للأسعار الخرافيه من البعض

[دااانة قطر]

المفروض يكون في تفتيش ويكون في رقابه ,,

اولآ للنظافه

وثانيآ للأسعار الخرافيه من البعض



صح كلااامك

[Mbarkaji]

اخوي سوال لك .. هل سمعت حد من اللي اشتروا الاكل بانواعه عن طريق الانستغرام او بمعنى اصح من البيوت صاده تسمم ؟

الاكل اللي فالبيوت بشكل عام انظف من المطاعم وهذا كلامنا احنا نقولها يازين اكل البيت .ولان وبالاخير صاحبة الشأن تهتم بنظافة مطبخها من جميع النواحي لان فانهايه هاذي مطبخها واغراضها وفبيتها وراح ياكلون اهلها من نفس المكان والاكل فما ااعتقد ان راح يكون في شي مخالف .. وغير الخدم اصلا يفحصونهم فالقمسيون الطبي قبل الاقامه وكفيلها ماراح يخليها فالبيت اذا كان فيها مرض .

اللي مشكك في اكلهم لا يشتري منهم وياكل من اكل المطاعم .
كلام ممتاز

Sent from my SM-N910C

[Mr 3idany]

اخوي سوال لك .. هل سمعت حد من اللي اشتروا الاكل بانواعه عن طريق الانستغرام او بمعنى اصح من البيوت صاده تسمم ؟

الاكل اللي فالبيوت بشكل عام انظف من المطاعم وهذا كلامنا احنا نقولها يازين اكل البيت .ولان وبالاخير صاحبة الشأن تهتم بنظافة مطبخها من جميع النواحي لان فانهايه هاذي مطبخها واغراضها وفبيتها وراح ياكلون اهلها من نفس المكان والاكل فما ااعتقد ان راح يكون في شي مخالف .. وغير الخدم اصلا يفحصونهم فالقمسيون الطبي قبل الاقامه وكفيلها ماراح يخليها فالبيت اذا كان فيها مرض .

اللي مشكك في اكلهم لا يشتري منهم وياكل من اكل المطاعم .


كلامك عين العقل والله انه اكل هالناس اللي في الاستغرام صحيح حزات يبالغون ف الاسعار شوي مب وايد

لكـــن عالاقل الواحد ياكل شي نظيف وفرش مب صارله شكثر مخزن ><"

[ya3coub]

امس اول مرة اطلب الأسعار خيالية و مبالغ فيها جدا و فوقها بعد التوصيل ب50 للمندوب


بس بصراحة احلى حتى من بعض المطاعم و اماكن الإختصاص

الله يوفقهم يا رب و يمكن كباداية قبل ما يفتحون مشاريع أكبر انا ادعم كل اكل نظيف بالإانستقرام و احب أجرب بس تبقى مشكلة الأسعار الخرافية

[بومحمد المطاوعه]

امس اول مرة اطلب الأسعار خيالية و مبالغ فيها جدا و فوقها بعد التوصيل ب50 للمندوب


بس بصراحة احلى حتى من بعض المطاعم و اماكن الإختصاص

الله يوفقهم يا رب و يمكن كباداية قبل ما يفتحون مشاريع أكبر انا ادعم كل اكل نظيف بالإانستقرام و احب أجرب بس تبقى مشكلة الأسعار الخرافية

هذي المشكله
الاسعار خياليه

لو اكل في فندق 9 نجوم يمكن ارخص

[أم محمد 90]

مادري ليش احس الموضوع نابع عن حسد !!

[بريق الحق]

مادري ليش احس الموضوع نابع عن حسد !!

احسني الظن ياختنا فالله

[أم محمد 90]

احسني الظن ياختنا فالله

صدقني حاولت , ولكن من النك (برونزية) وعدد المشاركات القليل وخصوصا انها مارجعت تتابع الموضوع وترد على الردود

عرفت ان في قلبها حجوه وعيونها على التاجرات اللي يبيعون اكل , واحتمال ودها تسوي هالشي ومو عارفه من وين تبدأ


الله العالم ., عموما الواحد يدرس الجوانب قبل كل شي وانا من نكها وعدد مشاركاتها وعدم رجوعها للموضوع مرة اخرى للمشاركة

فهمت انها دخلت قطت الحجوه وكتبت اللي ف خاطرها وطلعت واظنها قرت الردود ومافكرت ترد .


:) احب لاخيك ماتحب لنفسك

[الزعــــــيم]

يجب رقابه على الأطعمة وعدم المتجارة بالأكل الا بترخيص أصلن متى يصير رقابه من الجهات المسؤولة على مواقع التواصل الأجتماعي كان ارتحنا من الغش بكل مكان

[brwnzya]

ام محمد حبيت اقول لج علي نياتكم ترزقون وكلا علي قدر نيته يلقى توافيقه و من طريقه ردج واضحه شخصيتج ومن تحليلج للامور و اقول جزاج الله خير :victory:

[حمد جاسم 123]

كلامج صحيح. الحين الاستجرام كله تاجرات. وكل وحده تقول الزود عندي.

[asad100]

استغفر الله العظيم ، محد خلا حد في حالة

خلو الناس تسترزق ، شغل بيوت شي مرتب ونظيف ومتعوب عليه مستحيل يكون برخيص

ياخي اللي مايبي المطاعم ماليه البلد

[OREO]

يستاهلون خواتنا التاجرات و الشخص اللي بيشتري منهم هو المسؤول الاول والاخير عن سلامة الاكل لان محد غصب المشتري يشتري بالغصب ،،،

ربي يرزقهم اكثر و اكثر ان شاءالله

يستاهلون بنات بلادنا

[<اضرب واشرد>]

يستاهلون خواتنا التاجرات و الشخص اللي بيشتري منهم هو المسؤول الاول والاخير عن سلامة الاكل لان محد غصب المشتري يشتري بالغصب ،،،

ربي يرزقهم اكثر و اكثر ان شاءالله
يستاهلون بنات بلادنا

http://www.majalatouki.com/content/uploads/2011/12/AdelEmam5.jpg

[دولة قطر.]

الحين ما القيتووو موضوع الا موضوع التاجرات في الاستغرام وناقدين عليهم طيب هم حريم يصرفون ع اعيالهم فيهم اللي حدها الزمن وفيهم المحتاجة وبعدين الحريم في البيوت ماعد يطبخون المعظم منهم موظفات والخدم هم اللي يطبخون ناهيكم عن طباخهم ومشاكلهم لا احد يحط عينه ع رزق احد الرازق الله وعيى الله يرزق الكل واللي ما يبي يطلب خلاص لا يطلب واللي طلب وتسمم من الاكل يبلغ عن المكان اللي كل منه وانتهينا انتو شوفو المطاعم اللي كم مرة سكروها في قطر وبعد ناكل منها لا احد يقول لا ع الاقل خواتنا يبيعون يبون الرزق ويخافون من اي شي يسبب لهم بان ينقطع رزقها والله يرزقكم كلكم

[مختلف جداََ]

لين الحين تلتون و تعجنون في هالموضوع !!!!
هالتاجرات اللي يبيعون أكل منهم ؟

( خواتنا و بناتنا ). الله لا يبارك في اللي يفكر يضيق عليهم . و محد يضايق منهم إلا شخص حاقد و حاسد . أو صاحب مطعم خايف يأثرون على تجارته . على بالكم سهله الوحده تقلب بيتها مطعم . صدقوني أغلبهم إذا مب كلهم حادتهم ظروفهم ولا شلهم بعوار الراس. اللي يقول سجل و رخصة و ما أدري شنو أقول له هذي تطبخ في بيتها تعتقد بيتها أو مطبخها مصدر مرض؟؟؟

بس

في نفس الوقت ما يمنع يكونون معروفات للجهة المختصة بمعنى أي وحده تبي تبيع من بيتها مالها إلا تروح تسجل اسمها و رقم تلفونها و اسم الحساب مالها فقط لا غير ( بدون رسووووم ).
و تكون بيانتها الشخصية سرية ولا يتم الكشف عنها لأي شخص. إلا في حالة واحدة لو صار شي لا قدر الله في المستقبل يعرفون من اللي سوت الأكل .

يعني لا يجون صوبها خير شر إلا في حالة شكوى من العميل فقط.

غير كذا محد يضايقها ولا بزيارة ولا بتحديد سعر. من واجبنا كلنا نوقف معاهم ، بس في حالة حصول أمر ما لازم الجهة المختصة تقدر توصل لهم بسهوله .

والله من وراء القصد .

[كازانوفا]

الحمدلله سمعتهم طيبه واكلهم طيب

[لبيبة]

السلام عليكم ورحمة الله وبركاته

من منطلق اني اثق في نظافة اكل البيوت اللي يسوونه التاجرات، اي حد عنده حسابات التاجرات في انستغرام يرسل لي اللي مجربينهم واكلهم زين، وجزاكم الله خير.

[مختلف جداََ]

محد شكك في نظافة أكلهم . احنا نطلب وايد من عند تاجرات

[البحار00]

عيل مرمرة إسطنبول الي نظيف

قبل أسبوعين كلت منه انا وعيال

الله لايراويكم ثاني يوم ترجيع الله يعزكم ومغص

[موظف ((حكومي]

انا صابتني جرثومه من مرمره سطنبول

[خزامئ]

حمدلله محد قد شكاء من شغلي والله يرزق كل تاجره
مابعد شفت مثل مطعم اسطنبول كل يوم متسمم حد منه