من جرب سواقه للبيت؟

[Jspec]

السلام عليكم

جماعة الخير
انا قريب بحتاج سواق للبيت بحكم انه اكبر عيالي راح يبداء يدخل الصف الاول ابتدائي وبحكم عملي (اسبوع في البحر واسبوع اوف) ماودي اجيب سواق

لكن ابي اقدم على سواقه فلبينيه بحيث انها تساعد الشغاله الاولى في امور البيت وايضا تاخذ الولد من البيت الى المدرسه والعكس

ف بغيت راي اللي مجربين ... هل منهن نفعه ولا وجع راس؟؟؟

ياليت تنوروني بارائكم

[رهج السنابك]

اذا تبيها بس حق مشوار واحد للولد خذ بنظام الليموزين اوفر لك
اذا المدرسة قريبه من البيت يمكن ياخذون عليك ظ¢ظ*-ظ£ظ* ريال باليوم الواحد

[رهج السنابك]

عشرين الى ثلاثين ريال

[Jspec]

قواج الله اختي

بس انا ابيها على كفالتي علشان تساعد الخدامه الاولى في امور البيت

[qatarman8008]

السواقة افضل واحشم واستر وانظف ومن كل النواحي احسن من السواق..
مشكلة الفلبينيات اللي عندهم رخصة سواقة محلية بتشرطون..
كان عندهم شهادة دكتوراة في الطاقة النووية..
يعني يوقعون عقد عمل مو باقل من 3000 شهريا..
ولازم يوم اجازة في الاسبوع..
الحل الثاني انك تشوف لك وحدة كانت تسوق في الفلبين وتجيبها على كفالتك وتدربها سواقة وتطلع لها ليسن..
بس اهم شي لاتشرد ..!!

[ANONYMOUS]

ماعتقد تساعد اللي ف البيت

لان انت جايبها سواقه مش ساقه + شغاله + طباخه


الحين الشغالات بدو يفتحون .. وخوصا في عصر النت وحقوق الانسان ..


عشان كذا تلاقي هروب للشغالات ..

قريب تروح ايام الشغاله السوبرومن اللي تطبخ وتغسل وتكوي وتقعد مع العيال وتسوق وتغسل السياره وتتسقي الزرع وتلقح النخل :nice:


المهم اللي عنده زي هالمواصفات لايقصر معها 4000 شوي عليها

[qrt_trading]

ياخوي لا تتهور انا مره جبت شغالة فلبينية وكانت زينه ولما قلت لها ابيج تتعلمين اتسوقين وبازيدج اشوي افرحت وقالت أوووووكيييييي، لكن مسودة الويه من وراي قايلة لكل شغالات بيتي وبيت أهلي أنها بتستغل الفرصه لما أتخلص من توصيل اليهال راح اتلفف في الشوارع اتدور لها بوي فرند لانها ما تعيش بلا بوي فرند او أكثر من واحد وما صدقت كلامهم وسألتها ما أنكرت على طول رجعتها للمكتب.

[حليتان*]

بل زين علمو عليها ^^^

[حـ ن ـيـ ن]

الأفضل سائق

[بو راشد 1]

اخوي،

السائقة افضل، صار لي اكثر من 10 سنوات معاهم (4 سواقات، المشكله ما يطولون عندك) اجيبهم من الفلبين اصلا يسوقون، ادخلهم مدرسة السواقة ياخذون الليسن و الامور طيبه، المشكله ان الحين المرور وايد مشددين في الاختبار على الحريم، الخامسة دخلتها مدرستين سواقة وفي كل المحاولات ترسب. و كذلك سواقة اخوي بعد ترسب (اسباب الرسوب المكتوبة: عدم التركيز، عدم الانتباه، .....الخ). يعني عشان تاخذ الليسن بالراحة بتم 6 شهور ما تسوق بسبب الزحمة على مدارس السواقة و تاخير موعد الاختبار من المرور. بالتوفيق.

[qatarman8008]

اخوي،

السائقة افضل، صار لي اكثر من 10 سنوات معاهم (4 سواقات، المشكله ما يطولون عندك) اجيبهم من الفلبين اصلا يسوقون، ادخلهم مدرسة السواقة ياخذون الليسن و الامور طيبه، المشكله ان الحين المرور وايد مشددين في الاختبار على الحريم، الخامسة دخلتها مدرستين سواقة وفي كل المحاولات ترسب. و كذلك سواقة اخوي بعد ترسب (اسباب الرسوب المكتوبة: عدم التركيز، عدم الانتباه، .....الخ). يعني عشان تاخذ الليسن بالراحة بتم 6 شهور ما تسوق بسبب الزحمة على مدارس السواقة و تاخير موعد الاختبار من المرور. بالتوفيق.

السبب الرئيسي ان هم في المدرسة مايعلمونها عدل من اول تسجيل 40 حصة..
يعطونهم مدرب او مدربة مايفهم ويمشيهم على كيفه وكل مرة نفس الشارع ونفس الطريج..
وبعد ماترسب يجددون لك بالف وخمس اسبوعين..
وبعد ماترسب يقولون لك بنغير المدربة..!!
يعني السبب كله من المدربة في الاصل وهم يدرون بس يبون فلوس زيادة اشلون يجيبونها ..؟؟

لكن باعلمك شالطريقة..
الطريقة انك من اول يومين تسالها وين سقتوا واي شارع رحتوا..
اذا شفت ان الطريق والمناطق تتغير من الاسهل للاصعب فاعرف ان فعلا فيه تعليم..
والا فلازم تحتج عند ادارة المدرسة وتغير المدربة من لحظتها..
الحل الثاني انك تجيب سواقة فلبينية مثلها تعلمها السواقة اسبوعين او ثلاث..
يعني عالاقل تدش المدرسة وهي مفتحة اشوي..

[Jspec]

بو راشد قواك الله

الشيخ السواقات اللي جربتهم قبل هل كانوا يشتغلون في البيت بعد؟؟؟
انا بيتي صغير وحتى لو اشتغلت سواقه بالكثير بيكون عندها 3 مشاوير في اليوم (مدرسه صباح والظهر ..... ويمكن طلعه للاهل اذا انا مب موجود في البيت) يعني بتكون ماعليها ضغط