شاشة الايفون انكسرت , شالحل ؟

[مهاجر]

عندي شاشة الايفون 6 انكسرت من الجنب , وين افضل مكان ابدلها لاني سمعت ان مافي شاشات اصليه فالسوق :rolleyes2:

حد يفيدني بحل .....

وتقبل الله طاعتكم

[وليف الشوق]

نصيحتي بيعه على وضعه واخذ لك واحد جديد وحتى لو لقيت شاشه اصليه يكفي ان جهاز مفكوك ويمكن ماراح يكون عملي مثل الاول
انا حاليا في امريكا اخذت من شركة ابل ستور 3 اجهزة ايفون 6 ذهبي 64 غيغا وخبروني اي مشكله او خلل بالجهاز سواء من عندك او طاح او انكسر تقدر ترجعه وتاخذ جديد
وفعلا بعد فترة مااحتجت الا جهازين ورديت واحد وعطوني الفلوس بالكامل عن طريق بطاقة البنك واللي اقصده من كلامي ماراح الضمان عندك ينفع لان الخلل مش بالجهاز من سوء الاستخدام

[bohilal191]

عندك ستارلنك يبدل الشاشة بس للأسف عقب فترة مع الاستعمال الشاشة تقوم من مكانها عن تجربة فأحسن لك اذا كان جوالك حجم 16 بيعه واشتر جديد اما اذا 64 بدل الشاشة احسن لك وكل ماتقوم الشاشة من مكانها وده ستارلنك ويثبتها مره ثانية وبالتوفيق

[aloosh]

الايفون 6 عسى ما يطيح لو طيحه بسيط انكسرت الشاشه
بدلتها مره وزي الفل

عندك في شارع معيذر التجاري محل اسمه اورنج اتعامل معاه كذا ايفون منكسر للبيت وشغله تمام

[قطر88]

السلام عليكم اخوي ترى كل السوق مافي اصلي كله كوبي 1، ويقول لك اصلي

المهم امس انا مبدل شاشة أيفون 6 400 وممتازة جدا كنها اصليه

المحل العيد موبايل في ازغوى بالضبط ورى معرض الساده للسيارات

والله يوفقك :victory::nice:

[مشـــــاعر]

.

مافي شي أصلي للأسف ..
عندك محل الفخامة اللي فالريان وايد يمدحونه بس ماجربته للأمانة !!

[بعيد النظر]

الوكرة المطار السد الغرافة ام صلال الخور ..
كل المناطق يبدلون فيها شاشات وكوبي ون ..

اللي يفرق بس الاضائة .. هذي اللي لاحظته ..

والسعر على حسب المكان .. تبلش ب 400 - 700

[مهاجر]

جزاكم الله خير عالردود .....

وشكلي بمر على محل العيد دامه انه صوبنا ومجرب :)

[alq6ry]

الشيخ تقدر تتصل ب شركة ابل الرقم القطري وتتواصل معاهم
عادي يبدلون لك الشاشه او يعطونك جديد .. جرب ومب خسران
شي لان في ناس شكثر سوو الحركه

[مهاجر]

الشيخ تقدر تتصل ب شركة ابل الرقم القطري وتتواصل معاهم
عادي يبدلون لك الشاشه او يعطونك جديد .. جرب ومب خسران
شي لان في ناس شكثر سوو الحركه

شورك طيب , كلمتهم وقالوا لي لازم ترسله لاقرب محل معتمد من ابل وعندهم اكثر من محل فالامارات والسعوديه , والفال يفتحون لنا محل معتمد

[ضوى]

توني مصلحة شاشة بنتي ايفون 6 ب450 الاصلية وقال التقليد ب350 مافي فرق بس ماذكر اسم المحل في النصر اظن

[(ام عبدالله)]

خذ الاصليه افضل .. التجاريه لونها فاتح زياده وبعضها ما تركب عدل في السد محل الجابر يسولك اياها وانت جالس

[حمد جاسم 123]

محل باريس في الغرافه

[ضوى]

تلفون بنتي قامت الشاشه مرة ثانيه وتركيبه خرطي محل ال شريم ، ورديت صلحتها في تركيا ماشاء الله عليهم نفس السعر واصليه 450ليره حروه الخمسميه وال شريم ب450 ريال وتركيب خرطي

[Bo Turky]

بما ان عندي محل تلفونات وكذا مره انكسر تلفوني او تلفون اليهال وبدلت الشاشات
وماينفعون كلش
انصحك انك سوا بدلتها او لا بيعه مستعمل وزيد مبلغ وخذ لك واحد جديد
ايفون 6 بالذات اذا تبطل خلاص ما يسوا وكل فتره تطلع لك فيه عله

[فلوس]

عندي ايفون 6 مقفل على t mobile بحسبه لك ب1300 خذه قطع غيار

[Aljoker]

مافي شاشات اصليه في السوق.. كلها كوبي على 400 او 450.. ستارلنك يبدلها ب1400 بس اصليه واذا ماركبها لك صح وطاحت يحقلك الضمان يبدلون لك التلفون كامل
انا انصحك اذا عندك حد رايح لندن يبدله لك ب 80 باوند تقريبا 460 ريال في محل ابل اذا لحد الحين علئ الضمان وماتوقع الضمان خلص لان ماصارله سنه من نزل التلفون.. بس انا انصح بالاصليه لان ركبت كوبي من فتره ب 450 واحترق التلفون كامل وراح الضمان وشريت واحد جديد لان راح الضمان

[Dana’1]

عندناا ماعندهم إلا الخرطي للأسف
يوم انكسرت شاشة الايباد ،،، شريت من النت اصلي وركبته بنفسي

في أمريكا ميني ايباد بنتي متكسر من يومه بقطر واظن غيرته مع ابوها وتكسر غير إن اطرافه مطعوجه،،، المهم اغتنمت الفرصه إني قريب من أبل
والله خذوه من غييير أسئلة ضمان ومن أي محل وخرابيط
وقالوا لك حلين تعدلين الشاشه بس هو مطعوج وبيبقى مطعوج طبعا
او ناخذه ونعطيك جديد بنفس سعة الذاكره ،،، بأقل من نص سعره تقريبا سعر تركيب شاشه من برا،، طبعاوافقت على طول
وعطيتهم جوال شاشته مكسوره بس بشكل خفييف جدا
قالت لي اووو هذا مشموخ وإحنا المشموخ نعدله مجانا عالضامان خصوصا اذا شمخه وحده
ابتسمت وقلت لها رائع بس الي بالجوال شمختين ابتسمت وقالت شفت وحده وهي تغمز وتضحك قلت اروع واروعين ههههه
والله ارسلته لفوق شوي واستلمه جديييد

شركة أبل تعاملها رااااااااقي جدا جدا في خدمة العملاء


ليت ربعنا يتعلمون