الشباب فاطرين !!!

[حسن]

السلام عليكم ورحمه الله وبركاته

موضوعي عن الشباب الفاطرين

!!!

امس كنت واقف عند دكان فريجنا العصر ولا اثنين في جي استاندر
اشوفهم فاطرين وقاعدين يتعلجون
ووقبل اياام بعد نزلت الحلاق ولا الموتر شغال والبيسي عند القير وعلبه المارلبورو الاحمر موجوده
ونازلين الحلاق العصر

وكل هذه الفئه بين 18 الى 22 ينه تقريبا

استغربت الصراحه واحنا في شهر رمضان وهل بيعود عليهم حيين ولا ضحايا حوادث
ياريت بعض الاباء والاخوه الكبار ينصحون عيالهم اخوانهم ويثقفونهم بالدين
وهذا شهر فضيل

الله يهدي هل الشباب ويصلحهم وخصوصا فئه الاستندارت وسبير علاق


مانقول الا الله يهديكم


وشكرا

[غريب الدّار]

اللهم آمين


بس يابو علي صعب الواحد يحكم عليهم انهم فاطرين عمد مثلا ان عن مرض

طبعا الظاهر يوحي بانهم فاطرين عمد (وقد يكون هذا الصحيح) لكن الله اعلم بهم

مع اني اعتقد ان القانون يجرّم الإفطار عمدا في رمضان بس مادري عن كيفية تطبيق النص

وانت يابو علي ذكرت فئة عمرية يكثر فيها الطيش
فما بالك باللي يكون اكبر من جذيه ومتزوج وعنده عيال وعادي عنده يفطر!!!!!!!!!!!!!! ؟؟؟؟


الله يهدي الجميع


طرى على بالي سؤال للمختصين (وانت معاهم يابو علي :) ) :
قانونا هل يجوز سؤال أي واحد افطر في نهار رمضان عن سبب افطاره؟ لاني على حسب علمي في نص في قانون العقوبات يعاقب على الإفطار عمدا جهرا في نهار رمضان

[بريق الحق]

مفطرين وليس فاطرين

[حسن]

اللهم آمين


بس يابو علي صعب الواحد يحكم عليهم انهم فاطرين عمد مثلا ان عن مرض

طبعا الظاهر يوحي بانهم فاطرين عمد (وقد يكون هذا الصحيح) لكن الله اعلم بهم

مع اني اعتقد ان القانون يجرّم الإفطار عمدا في رمضان بس مادري عن كيفية تطبيق النص

وانت يابو علي ذكرت فئة عمرية يكثر فيها الطيش
فما بالك باللي يكون اكبر من جذيه ومتزوج وعنده عيال وعادي عنده يفطر!!!!!!!!!!!!!! ؟؟؟؟


الله يهدي الجميع


طرى على بالي سؤال للمختصين (وانت معاهم يابو علي :) ) :
قانونا هل يجوز سؤال أي واحد افطر في نهار رمضان عن سبب افطاره؟ لاني على حسب علمي في نص في قانون العقوبات يعاقب على الإفطار عمدا جهرا في نهار رمضان

هلا هلا

مرحبا بغريب الدار

والله ماكتبت الموضوع الا انا متاكد حتى من اشكالهم يبين عليهم
تعرف شباب اللوفر يعني مسوين نفسهم
ومن اشكالهم البيئه عندهم خربانه كلش اعرف قصاتهم واسلوبهم
وخصوصا اذا في ظهره سبير علاق ومنزل خشم الموتر

اما بخصوص الافطار زمان ايام الشقدري كان اللي يصوم ويشوفونه ينسجن في العاصمه
وينهد ليله العيد
هذاك الاول يوم كلنا على بعضنا مانتجاوز ال 20 الف ام الحين وبعد هل الوافدين من كل حدب وصوب
وهل الملل اي سجن يكفيهم

!!!

مااعتقد مطبق هذا عندنا عقبل هل المولات والناس المزيانه

:)

شكرا لمرورك الكريم

:)

[نايم سهران]

معلقين التيس

[حرف]

ليش مانهيت عن المنكر ونصحتهم ؟

[حسن]

مفطرين وليس فاطرين

هلا هلا

حيالله بريق الحق

يارجال كله واحد المهم المعني ولا فاطر بن سهل ابرك منهم على الاقل فيها حليب مهب هذولا

شكرا لمرورك الكريم

اتمنى لك افطارا شهيا


:)

[حسن]

معلقين التيس

شكلك تعرف بوخميس

:)


كل رمضان يقولك معلق التيس بس هل السنه يوم سئلت عنه قالو لي صايم
قلت الله يهديه ويصلحه

هاهاها

سبحان مغير الاحوال

:victory:

[حسن]

ياريت ننصحهم فالسر ونحاول نتخذ اجراء خير امبدال الحش وعرض الامر عالملأ والبربره الزايده

اللهم اني صايمه

هلا هلا

كيفك خيتو المحاميه

:)

انا نصحتهم في السر والحينى في العلن كتابه

هل الايام اشوفك ماتفارقين قسم الشريعه

:)

الهادي الله يالمحاميه

:victory:

[فريج شرق]

السلام عليكم ورحمه الله وبركاته

موضوعي عن الشباب الفاطرين

!!!

امس كنت واقف عند دكان فريجنا العصر ولا اثنين في جي استاندر
اشوفهم فاطرين وقاعدين يتعلجون
ووقبل اياام بعد نزلت الحلاق ولا الموتر شغال والبيسي عند القير وعلبه المارلبورو الاحمر موجوده
ونازلين الحلاق العصر

وكل هذه الفئه بين 18 الى 22 ينه تقريبا

استغربت الصراحه واحنا في شهر رمضان وهل بيعود عليهم حيين ولا ضحايا حوادث
ياريت بعض الاباء والاخوه الكبار ينصحون عيالهم اخوانهم ويثقفونهم بالدين
وهذا شهر فضيل

الله يهدي هل الشباب ويصلحهم وخصوصا فئه الاستندارت وسبير علاق


مانقول الا الله يهديكم


وشكرا

اخوي هم وذمتهم دع الخلق للخالق اذا بنراقب الناس ما راح نخلص:nice:

[بومحمد المطاوعه]

معلقين التيس

ههههههههه

الله المستعان

[بومحمد المطاوعه]

الله يجزاك خير بوعلي

ياخي والله مادري شاقول

غير الله يهديهم

البعض بالعماله يفطر
والبعض يضن ان شي حلو
والبعض مريض

الله اعلم بحالكم

[ya3coub]

انا حاليا بوسط الأكل الكنتين مفتوح
و صوت المايكرو ويف و اطباق رايحة و اطباق اتية بالمكاتب و انا اشم و اسمع بس :( لأنه حزة استراحة الغدى



نرجع للموضوع للأسف هالفئة مصخوها و بزيادة السنة اشوف وايد شباب بالعلن ياكلون ولا كأنه في شي غلط يسويه او محرم.
و اذا عن المريض و المستشفى الحمد الله طلعت من المستشفى و لازم افطر و حدي نص قلاص ماي مع الدوى بكل ندم و كملت صيامي و لله الحمد إلى اليوم ما صادني شي بلا ادوية بلا كل 8 ساعات مضادات.


الواحد ما يعرف الصحة او القدر شنو خاش له بالمستقبل و هاي فرصه ما تنعاد إلا بالسنة مرة يا بو علي الي عنده صحته لا يتهاون بالصلاة او الصيام او القيام بأي عمل يلقى منه اجر مضاعف.

[حسن]

اخوي هم وذمتهم دع الخلق للخالق اذا بنراقب الناس ما راح نخلص:nice:

هلا هلا

تقصد هم وذمتهم ولا ننصحهم !

يمكن

شكرا لمروك

[حسن]

الله يجزاك خير بوعلي

ياخي والله مادري شاقول

غير الله يهديهم

البعض بالعماله يفطر
والبعض يضن ان شي حلو
والبعض مريض

الله اعلم بحالكم

هلا هلا

حيالله بومحمد شكرا على تذكيرك ورسائلك المميزه

هذه المشكله لنا تشوفهم غير مبالين بعظمه هذ الشهر الفضيل


الله يهديهم ويهدي اهاليهم يعلمونم ونصحونهم

شكرا لمرورك الكريم

تحيه خاصه لك

:)

[المحاميه]

سبحانك اللهم وبحمدك اشهد ان لا إله إلا أنت استغفرك واتوب إليك

المعذره
امتنع عن الخوض
اللهم اني صايمه

[أم محمد 90]

سبحان الله , بعض الناس من نظرة يفسر مواقف وصحيح المثل يقول كلن يرى الناس بعين طبعه !!

الاربعاء \شريت عصير وماعجبني وماشربته ولما وصلت البيت خليته بالسيارة وقمت ثاني يوم مستعجلة رحت الدوام وبعد الدوام مريت على رفيجتي الا تقول هاا عصييير صدتج فااااااطرة < ان صايدة السالفة

قلت لها شليه امسكيه امسكته شافته حااااااار ويبين انه قديم وصار طبقتين

قلت لها مال امس بس عيزانه احذفه . تقول وييي حسبتج فاطرة


يعني انت لانكك طليت في موتر شفت بيبسي وزقاير يعني فااااطر ؟؟

يخي يمكن مال السحور ومارتب سيارته !

احسنو الظن واتقوا الله فاللي تقولونه عن الناس ......

يعطيك العافية .

[حسن]

انا حاليا بوسط الأكل الكنتين مفتوح
و صوت المايكرو ويف و اطباق رايحة و اطباق اتية بالمكاتب و انا اشم و اسمع بس :( لأنه حزة استراحة الغدى



نرجع للموضوع للأسف هالفئة مصخوها و بزيادة السنة اشوف وايد شباب بالعلن ياكلون ولا كأنه في شي غلط يسويه او محرم.
و اذا عن المريض و المستشفى الحمد الله طلعت من المستشفى و لازم افطر و حدي نص قلاص ماي مع الدوى بكل ندم و كملت صيامي و لله الحمد إلى اليوم ما صادني شي بلا ادوية بلا كل 8 ساعات مضادات.


الواحد ما يعرف الصحة او القدر شنو خاش له بالمستقبل و هاي فرصه ما تنعاد إلا بالسنة مرة يا بو علي الي عنده صحته لا يتهاون بالصلاة او الصيام او القيام بأي عمل يلقى منه اجر مضاعف.

هلا هلا

حيالله اخونا يعقوب الحمدلله على السلامه

عيل تشم ريحه الاكل الحين

انه العذاب النفسي ياساده
هاهاها

وسلامات ماتشوف شر وهل الفتره كان هناك جرثومه منتشره بسبب اسهال شديد

للاسف لما تشوف شباب في عمر الورد والزهور ويجاهر بتلك المعصيه
بدون احسان الذنب والضمير

وش ترتجي منه

:(


اي الله فرصه الله العالم تتكرر عليك ولا لا انت صاحي ولا مريض

الصحه نعمه

الله يهدي الشباب

شكرا لمرورك الكريم


تحياتي

[بومحمد المطاوعه]

سبحان الله , بعض الناس من نظرة يفسر مواقف وصحيح المثل يقول كلن يرى الناس بعين طبعه !!

الاربعاء \شريت عصير وماعجبني وماشربته ولما وصلت البيت خليته بالسيارة وقمت ثاني يوم مستعجلة رحت الدوام وبعد الدوام مريت على رفيجتي الا تقول هاا عصييير صدتج فااااااطرة < ان صايدة السالفة

قلت لها شليه امسكيه امسكته شافته حااااااار ويبين انه قديم وصار طبقتين

قلت لها مال امس بس عيزانه احذفه . تقول وييي حسبتج فاطرة


يعني انت لانكك طليت في موتر شفت بيبسي وزقاير يعني فااااطر ؟؟

يخي يمكن مال السحور ومارتب سيارته !

احسنو الظن واتقوا الله فاللي تقولونه عن الناس ......

يعطيك العافية .

خخخخخخخ

والله نفس الشي

قبل صلاه العصر
وقفت عن الزباله الله يعزج ويعز الجميع

وقطيت قوطي بيبسي مال امس

لاني طلعت في هالموتر بعد مارجعت من الدوام ف موتري الثاني

الا واحد وقف جنبي قال افااااااااا بومحمد

معلق التيس :nice:

قلت له لا
بعلق العقال على ظهرك الحين

هذي القوطي من امس فالموتر
تبي اطلعه من الزباله واخليك تشوفه بارد ولا حار
مع ان فيه نص

هههههههههه قال اتغشمر اتغشمر

يعني استغفرالله البعض
ينتظر منك شي

على طووول يعلق بشي غلط

الله يهديهم

[بومحمد المطاوعه]

هلا هلا

حيالله بومحمد شكرا على تذكيرك ورسائلك المميزه

هذه المشكله لنا تشوفهم غير مبالين بعظمه هذ الشهر الفضيل


الله يهديهم ويهدي اهاليهم يعلمونم ونصحونهم

شكرا لمرورك الكريم

تحيه خاصه لك

:)

اللهم امين

الشكر لله ياخوي

[aloosh]

اخوي حسن مو شرب والمأكل اللي يفطر
البصر السان

والله يصلحهم ان شاء الله ويستر على امته

[هجمة مرتدة]

الرجال يقول لكم . . الشباب قاعدين يتعلجون . .
يعلجون لسانهم مثلاً ؟!
ولا يعلجون مسواك ؟؟
حسب فحوى الموضوع، الشباب مب صايمين . .
الله يهدي الجميع !

[monatee]

اعتقد الصلاه مايعرفونها يات على الصوم تبيهم يصمونه

وشوف الانستقرام ،، ماتحلى لهم السياحه في لندن و اوروبا الا في رمضان
واشكره يصورون اكلهم بالنهار والامور طبيعيه عندهم :/

الله يهديهم بس

[رهج السنابك]

اي وفي اكبر شيبان بالاربعين وفاطرين والحياه حلوه يقولك مايصبر عن الزقاره

[qatarman8008]

توه اليوم العصر اسمع برنامج افتاء على صوت الخليج..
يقول الشيخ ان السفر للضرورة هو فقط الذي يجوز فيه الفطر في نهار رمضان..
اما سفرا الدلع والسياحة وعشان اصور في الانستقرام هذي والله اعلم انها لا تجوز..

[الحياة الخالدة]

اعتقد الصلاه مايعرفونها يات على الصوم تبيهم يصمونه

وشوف الانستقرام ،، ماتحلى لهم السياحه في لندن و اوروبا الا في رمضان
واشكره يصورون اكلهم بالنهار والامور طبيعيه عندهم :/

الله يهديهم بس

يمكن شيعة ماشين على فتوى المعمــــــم

https://www.youtube.com/watch?v=XYtXWqpsRDg

[7llo]

ههههههه مصدوم منهم عشان عند الدكان ؟ ، السنه الي طافت ماكان لي خلق اروح الدوام رحت الصبح عند الربع في المجلس كانو 3 وانا الرابع دخلت عليهم الساعه 10 الصبح الحبايب ضرب بيتزا وفطاير من الصبح اقولهم يالربع مايصير يقولون مانقدر انصوم مانستحمل بدون زقاير كلمتهم بس مش مقتنعين خليتهم على راحتهم بس الي قاهرني انهم مش صغار يعني اعمارهم 29 و 32 و35

[جارح]

لاحول ولا قوة الا بالله العلي العظيم ونسأل الله الهداية لمن تهاون في المحرمات كيف يفكر من يفطر عامدا متعمدا بدون عذر شرعي يجيز له هذا الافطار نسال الله العفو والعافية ندعوك يا الله رحمتك تسبق عذابك وصفحك يسبق سخطك ولا تعاقبنا بما فعل السفاء منا انك عفو غفور حليم ودود رحيم رؤوف بعبادك

[بومحمد المطاوعه]

يمكن شيعة ماشين على فتوى المعمــــــم

https://www.youtube.com/watch?v=XYtXWqpsRDg


ههههههه ردج من النوع الفخم
:tease:

يقولون يقبضون خط بوسمره علشان يعلقون التيس
ههههه
الله يصلح حالهم بس

[al-obaidly]

ايام تلثيمه وفطاير ستراند

[بوخميس]

شكلك تعرف بوخميس

:)


كل رمضان يقولك معلق التيس بس هل السنه يوم سئلت عنه قالو لي صايم
قلت الله يهديه ويصلحه

هاهاها

سبحان مغير الاحوال

:victory:

:omg::eek5::anger1:

[OREO]

على خط من الخطوط الخارجية تحصلون المواتر تكثر قدام المجالس اللي على الشارع الرئيسي فترة نهار رمضان و مافي مجلس والا معلق التيس و البعير وماشاءالله وتبارك الرحمن كل واحد كأنه بغل واعمارهم في اربعينات و الخمسينات و يقولك الحياة حلوة ،، الحياة حلوة يا جليل الحيا ...

[راجي الْعفو]

وعليكم السلام ورحمة الله و بركاته

نسال الله العافية و السلامة ..


أتمنى التمعن في هذا الكلام !! :

قال الحافظ الذهبي –رحمه الله -:

وعند المؤمنين مُقرّر: من ترك صوم رمضان بلا عذر بلا مرض ولا غرض فإنه شر من الزاني والمكَّاس ومدمن الخمر ،


بل يشكون في إسلامه، ويظنون به الزندقة والانحلال. !!!

هم على خطر عظيم جداً ، الله يعافينا و يهديهم

[puree]

هذا ولا شي بالنسبة اللي قاعد يصير يوميا من بداية رمضان اول يوم في برنامج البري سكوب

بلاوي الدنيا تصير وفوق كل هذا يصورون نفسهم وهم يفطرون ولا بعد كلن كاتب اسمه الكامل !

ادخلوا الحين وشوفوا بعيونكم

[Dana’1]

يـا الله الردود صادمه حسيت إن هالمظر مألوف خصوصا الي ذكر المجالس والافطار بها!!
اللطامه إن مافيه تستر على هذا الذنب العظيم!

[R 7 A L]

هذولا مثل القطو العود ( فاتهم القطار ) المفروض يصورهم الواحد وينزل صورهم يفضحهم قدام خلق الله

[غريب الدّار]

وعليكم السلام ورحمة الله و بركاته

نسال الله العافية و السلامة ..


أتمنى التمعن في هذا الكلام !! :

قال الحافظ الذهبي –رحمه الله -:

وعند المؤمنين مُقرّر: من ترك صوم رمضان بلا عذر بلا مرض ولا غرض فإنه شر من الزاني والمكَّاس ومدمن الخمر ،


بل يشكون في إسلامه، ويظنون به الزندقة والانحلال. !!!





اللي يفطر رمضان شر من الزاني ومدمن الخمر؟
ومشكوك في اسلامه بعد؟؟


هالكلام من وين ؟
وش دليله ؟
ادري من الامام الذهبي
بس الذهبي وش دليله؟

[أم محمد 90]

بالنسبة لي اللي صايم وبدون صلاة اسوء من اللي فاطر :)

الاول ينافق ربه ، الثاني صريح .

[R 7 A L]

بالنسبة لي اللي صايم وبدون صلاة اسوء من اللي فاطر :)

الاول ينافق ربه ، الثاني صريح .

مرحبا ام محمد
لاتحسنين صورة المفطر في نهار رمضان وماعنده عذر

[Dexter]

اللي يفطر رمضان شر من الزاني ومدمن الخمر؟
ومشكوك في اسلامه بعد؟؟


هالكلام من وين ؟
وش دليله ؟
ادري من الامام الذهبي
بس الذهبي وش دليله؟

يمكن لان الصوم من اركان الاسلام الخمسة؟:)

مادري شرايك انت؟

[غريب الدّار]

يمكن لان الصوم من اركان الاسلام الخمسة؟:)

مادري شرايك انت؟

هاذي فتوى من عندك ؟

ماعرفنا من معانا يبه ؟
:)
علشان نعرف صاحب الفتوى

على فكرة اول مرة اشوف فتوى تبتدي بكلمة يمكن

وعلشان احنا في رمضان وابي اكسب فيك اجر لان شكلك (والله اعلم) معلوماتك ضحلة في هالجانب :) شوف :
أي عقوبة لأي فعل او تشديدها او تخفيفها لايمكن يصدر الا من الرسول عليه السلام

لسبب:
(ان هو الا وحي يوحى)

[حسن]

هذا ولا شي بالنسبة اللي قاعد يصير يوميا من بداية رمضان اول يوم في برنامج البري سكوب

بلاوي الدنيا تصير وفوق كل هذا يصورون نفسهم وهم يفطرون ولا بعد كلن كاتب اسمه الكامل !

ادخلوا الحين وشوفوا بعيونكم

شنهو هذا بعد البري سكوب يطلع !!!

لاحول ولا قوه الا بالله وبعد وصلت فيهم هذه الجراءه
مصيبه والله

لاحول ولا قوه الله بالله

انصدمت من اللي اقراه من بعض الردود وانا اقول ولن ابهاتهم وين اخوانهم ينصحونهم

شكرا لمرورك الكريم

[حسن]

اعتقد الصلاه مايعرفونها يات على الصوم تبيهم يصمونه

وشوف الانستقرام ،، ماتحلى لهم السياحه في لندن و اوروبا الا في رمضان
واشكره يصورون اكلهم بالنهار والامور طبيعيه عندهم :/

الله يهديهم بس

لا حول ولا قوه الابالله

ربنا لاتؤاخذنا بما فعل السفاء منا

انا اعرف هل السفرات وايش وراها وخصوصا اوربا وغيرها هناك مؤدبين ومحترمين
لكن ربعنا مهب وجه ادب وحشمه
مايخافون من الله يفتكرون في الناس

ردود صادمه والله

والقادم ادهى وامر

شكرا لمرورك

[أم محمد 90]

مرحبا ام محمد
لاتحسنين صورة المفطر في نهار رمضان وماعنده عذر

ما احسنها , بس احنا حاطين عيوننا على الفاطر بدون عذر ومايصوم ونسينا اللي مفكر ان الصوم فقط امتناع عن اكل وشرب وهو عارف ان الصوم لازم مع صلاه وعباده .


ع الاقل المفطر عارف انه مفطر ولازم يصوم ومع ذلك فطر

والصايم بلا عبادة وصلاة عارف انه لازم يصلي ولكن يقضي يومه نوم .



اغلب الناس ف رمضان جدولهم سهر لين الاذان ونوم لين اذا المغرب ف اليوم التالي.



هذي النقطة اللي ابي اوصلها .

وفالنهاية الاثنين غلط ومحاسبين عند الله .

[حسن]

ههههههه مصدوم منهم عشان عند الدكان ؟ ، السنه الي طافت ماكان لي خلق اروح الدوام رحت الصبح عند الربع في المجلس كانو 3 وانا الرابع دخلت عليهم الساعه 10 الصبح الحبايب ضرب بيتزا وفطاير من الصبح اقولهم يالربع مايصير يقولون مانقدر انصوم مانستحمل بدون زقاير كلمتهم بس مش مقتنعين خليتهم على راحتهم بس الي قاهرني انهم مش صغار يعني اعمارهم 29 و 32 و35

لاحول ولاقوه الابالله

يعني الوضع منتشر وبكثره

هذا دليل ان المجتمع عندنا اصبح هش خارو علشان جذيه يروحون الكورنيش العصر قبله الصائمين
ويضيعون وقت ويتفرجون على العالم

مااصدق هذا الموضوع طلع المستخبي

الحمدلله الله لا يبلانا

غياب القدوه والمجالس اللي فيها خير

واصبح القبله الكورنيش
مالت اقول بس

شكرا لمروك الكريم

[Rider]

للاسف غياب التربية من جانب الوالدين ورفقة السؤ هذي النتيجة اقسم بالله هؤلاء وغيرهم خل يصبيه مرض خطير ولا حادث تحصل في هذا الوقت عرف الله ويارب ويارب سبحان الله تحتاج ربك في اذا تبغي شي واذا انت بصحتك ناكر الجميل

[حسن]

ما احسنها , بس احنا حاطين عيوننا على الفاطر بدون عذر ومايصوم ونسينا اللي مفكر ان الصوم فقط امتناع عن اكل وشرب وهو عارف ان الصوم لازم مع صلاه وعباده .


ع الاقل الفاطر عارف انه فاطر ولازم يصوم ومع ذلك فطر

والصايم بلا عبادة وصلاة عارف انه لازم يصلي ولكن يقضي يومه نوم .



اغلب الناس ف رمضان جدولهم سهر لين الاذان ونوم لين اذا المغرب ف اليوم التالي.



هذي النقطة اللي ابي اوصلها .

وفالنهاية الاثنين غلط ومحاسبين عند الله .

شدعوه

هذا رمضان عندهم بس

:eek5:

لا مجتمعاتنا رايحه في خرايط امها

اخ لو علي لخليت صيامهم دبل زام
:)

[حسن]

هذولا مثل القطو العود ( فاتهم القطار ) المفروض يصورهم الواحد وينزل صورهم يفضحهم قدام خلق الله

هلا هلا

حيالله رحال عودا حميدا والحمدلله على السلامه

سلامات

وين هل الغبه ياخوك
:)


اللي مايخاف الله تفتكر بيحسب حق الناس

بعض الاجيال خساره فيه القاز مهب بترول


شكرا لك

تحياتي

:)

[Dexter]

هاذي فتوى من عندك ؟

ماعرفنا من معانا يبه ؟
:)
علشان نعرف صاحب الفتوى

على فكرة اول مرة اشوف فتوى تبتدي بكلمة يمكن

وعلشان احنا في رمضان وابي اكسب فيك اجر لان شكلك (والله اعلم) معلوماتك ضحلة في هالجانب :) شوف :
أي عقوبة لأي فعل او تشديدها او تخفيفها لايمكن يصدر الا من الرسول عليه السلام

لسبب:
(ان هو الا وحي يوحى)

لا مب فتوى... اقول لك شرايك في الاخير وتقول لي فتوى؟ :secret:

بس شفيك مستغرب ان الفاطر ذنبه عظيم ومشكوك في اسلامه؟

يعني تكفى تبي تقول لي ان الي ما يصوم بتحصله كل يوم في المسيد؟

وكأن الصيام شيء عادي ممكن الواحد يصلي ويزكي ويخاف ربه بس ما يصوم! :rolleyes2:

[المخفي]

معذورين عليهم العذر الشرعي

[المحاميه]

لا مب فتوى... اقول لك شرايك في الاخير وتقول لي فتوى؟ :secret:

بس شفيك مستغرب ان الفاطر ذنبه عظيم ومشكوك في اسلامه؟

يعني تكفى تبي تقول لي ان الي ما يصوم بتحصله كل يوم في المسيد؟

وكأن الصيام شيء عادي ممكن الواحد يصلي ويزكي ويخاف ربه بس ما يصوم! :rolleyes2:

هو قصده ان مانفتي في مصير الناس
كلنا نتفق ان الصوم واجب على الجميع الا اذا فيه عذر شرعي
لكن انت ماتعرف كيف بيحاسبه رب العالمين ولا تعرف مصيره
ف من الافضل مانخوض ف امره
ونقول الله يهديه

[المحاميه]

انصدمت من الردود
كارثه
التهاون في امور الدين
لا حول ولا قوة الا بالله
الله يهديهم وينور بصيرتهم

[راجي الْعفو]

اللي يفطر رمضان شر من الزاني ومدمن الخمر؟
ومشكوك في اسلامه بعد؟؟


هالكلام من وين ؟
وش دليله ؟
ادري من الامام الذهبي
بس الذهبي وش دليله؟

هلا اهوي غريب ..

مافي شك ان اللي يفطر في رمضان اشد جرما من الزاني و شارب الخمر ..

لان هذي معاصي وان كانت من كبائر الذنوب و خطيرة ، و لكن جُرمها اقل مرتبة من ترك الصيام ..

لان الصيام ركن من اركان الاسلام ..

والعلماء اللي كفروا تارك الصيام بسبب انه ركن من اركان الاسلام مثل ما جا في الحديث ..

[بشائر]

صج مصيبة لو كانوا متعمدين .. الله يهديهم ويصلحهم
ولا حول ولا قوة إلا بالله ..

[durra]

بنت اخوي الله يحفظها، عمرها 8 وصامت رمضان..
ومرة بالشغل، صادفت شخصية ذو منصب يدخن سيجارة برمضان..
واخوي بلغ على بريطاني كان ياكل مجاهرة في رمضان وبلغ عنه وكتبوه تعهد..
لو كل انسان شاف فاطر مجاهرة في نهار رمضان ولو كان اخوه وبلغ عنه، كان خفت كثير من المناضر الي شفتوه.. يتفضح في الدنيا ويتعاقب ويمكن يتوب، احسن ما يتعاقب في القبر ويوم الحساب..