اختكم في الله محتاسه هالله هالله ساعدوني

[رمـــاد]

السلام عليكم ورحمة الله


يا جماعة احتاج مساعدتكم

انا عندي مبلغ زين وابي ارمم بيتنا وابني واكبر مجلس رجال وسوي مجلس حريم في الحوش واكبر المطبخ واغير بلاط الحوش

وانا والله مافهم في اسعار البنيان يعني الغرفة كم تاخذ والله مادري ومره بنية غرفة ونصبوا على بنيان رايح فيها وبعد فوق جذي خذوا مني احس مبلغ كبير على غرفة وحدة

ابيكم تنصحوني وين اروح واضمن اسعار مناسبة ما تكون غالية وايد ولا ابي رخيص بعد وايد بس اهم شي مابي نصب واحتيال

وابي احسن مكان حق بيبان خشب للغرف وباب للحوش كبير

والله لو حد يفيدني والله الله يجزاه خير في هالايام المباركة

[اشراقة الشمس]

الرسائل فل عندك اختي احذفي منها بطرشلك تفاصيل علي الخاص

[جبر ال جبر]

الله يوفقج بس اتمنى انج ماتتساهلين وتكونين نبيهه وحريصه هالمجال مع الاسف الغش والنصب فيه بابه واسع ونادر تحصل حد فيهم امين وحقاني

[aloosh]

اختي الرسائل عندك فل
وانا اعرف شركه شغلهم ممتاز جدآ وللامانه ما عنده غش رجل خايف الله في شغله
وليس بشهادتي بشهاده شركه اخرى جبتها تشيك على البيت بعد الانتها

افرغي صندوق الرسائل

[رجل تعليم]

من الأفضل أختي تكتبي في قسم الإستفسارات ستجدين تفاعلا كبيرا هنالك إن شاء الله
والله يوفقك

[بوNasser]

من الأفضل أختي تكتبي في قسم الإستفسارات ستجدين تفاعلا كبيرا هنالك إن شاء الله
والله يوفقك

جزاك الله خير

والأفضل بعد طرح الاستفسار في هذا القسم

منتدى النقــــــــــاش الإقتصــــــــــادي / قسم أعمال البناء والديكور

وبالتوفيق ان شاء الله

[MLAAS]

الرسايل مليانه

[وحش الصناعات]

اللي يطرشلح عالخاص ومايعلن عالعام تأكدي من اسم الشركه في قسم اعمال البناء ومب غلط لين سألتي عن شركة بتشتغل بيتح ولو كان ملحق ولا اي شي آخر،،
لانه للأسف البعض يستغل هالفرصه ولاينظر لكلامج المكتوب بس يبي يجمع اكثر عدد من البناء ولا يوجد لديه ايدي عامله ماهره ويأجر عمال باليوميه لايفقهون العمل من الاساس وفوق هذا راح ياخذ أرخص المواد في السوق ويبني فيها.
كلامي موجه لضعاف النفوس المنتشريين فالسوق هالايام وبشوف العين دخلت الفلل الكبيره الى الصغيره واخرها الملاحق ... نهب وسرقه عيني عينك لاذمه ولاضمير واستغلال عدم فهم الكثير في البناء ومراحله.

[ashhal_q]

اختي اول شي ...
كتبي كل الاعمال الي تبيها على ورقه
عندك الدليل والملاحق مع الجرايد
اتصلي على اكثر من شركه وعطيهم نسخه من المطلوب
خليهم يقدمون عرض سعر
طبعا كل واحد لازم يرفع المقاسات
قارني بين عروض الاسعار
وشوفي الفروقات
وتقدرين تحصلين الانسب
بس لاتستعجلي
وشوف سعر القطع بروحه وسعر المصنعيه
لان القطه ممكن اني تشترينهم بروحك من السوق او من برا البلاد
اهم شي لاتستعجلين
وعند توقيع العقد قسمي المبلغ 3 اقسام
وخذي شيك تامين وكتبي عقد وحطي في العقد شرط جزائي للتاخر

ويارب الفرج

[معماري قطري]

أَي شركة اختي مهما كانت مستحيل تسوي ترميم صح وباتفاق مسبق واضح الا تكون الميزانية مفتوحة

لتحديد الأَعمال تحتاجين عقد واضح وحدود شغل واضحة من مواصفات ورسوم دقيقة وتفاصيل شغل وتركيب .. وتحتاجين انتي راي فني يوضح لج الصورة كاملة .. كثير نرمم شيء معين وننسى شيء ثاني مهم.

لا تنسين تحتاجين بناء وممكن تحتاجين هدم بعض الأجزاء ووصلها بالأجزاء الجديدة .. شوفي مكتب زين ويستحسن تشوفين حد عنده خبرة في التصميم الداخلي وفي المعماري والعقود .. بس قبلها حددي متطلباتج بوضوح قد ما تقدرين .. ولو تبين مساعدة في التحديد إن شاء الله حاضر بس لازم تكون عندي فكرة عن البنيان وحالته.

مع تمنياتي بالتوفيق

[معماري قطري]

اللي بغيت اقوله تحتاجين استشاري يحدد الأعمال والعقد ويساعد في المناقصة ويشرف على الشغل

[الهديل]

الله يوفقج