>>>>>> ياريتني ماناحسته <<<<<<<

[qtr qtr]

السلام عليكم ورحمة الله وبركاته

الله يتقبل منا ومنكم صيامنا وقيامنا وصالح الاعمال .

راح اتكلم عن قصه معبره

شاب في مقتبل من العمر فيه صفه عنيده اللي هو المناحس وقت السواقه .. يعني يمسك الخط السريع ومايفتح او يترك مجال للي وراه يعدي الشيطان راكب راسه للاسف .. المهم في مره من المرات كان هذا الشاب ماشي على خط اليسار كالعاده والشخص اللي وراه كان مستعجل يعطيه ليتات وهرنات لكن ما عطاه مجال يعدي لدرجة زادت نحاسته بطول الطريق .. وفجأه السياره اللي وراه خف السرعه . والشاب كمل طريقه وهو يضحك لانتصاره .. المهم فأخر النهار جاه خبر بوفاة ابو رفيجه وراح الشاب يقوم بالواجب واثناء حديثه مع رفيجه قال ويش سبب وفاة ابوك الله يرحمه .. قال الوالد تعب واخذه اخوي فسيارته عساس يوديه الطواري فالوقت الفلاني على خط 22 فبرايروفالطريق كان فيه شخص الله يسامحه مناحس اخوي وماعطاه مجال يعدي تم فتره يناحس اخوي وابوي كان تعبان واايد ولكن فجأه طاح ابوي فحضن اخوي ووقف على جنب وكان ابوي مايتحرك ولا يتنفس وكمل طريقه للطواري وبعد ماوصل دخلوه للعنايه المركزه وسوله ضغط وصدمه كهربه وتنفس لكن مافي فايده وتوفى الله يرحمه بسبب جلطه فالقلب .. هنا الشاب انصعق واسترجعت ذاكرته فاللحظه اللي كان وراه وناحسه ومافتح له الطريق وسأل رفيجه ويش نوع سيارة اخوك لربما يكون مب اخوه اللي كان يناحسه فقال له نوعها ولونها .. وفي هاذي اللحظه الشاب .. .....................

فاصل قصير ونعود لكم

*
*
**
*
*
*
*
**
**
**
عدنا

فاللحظه هاذي الشاب فرح ان مب اخوه اللي كان وراه ويناحسه ... ولكن الشاب تم يفكر ويقول كم شخص ناحسته ومافتحت له الطريق كم شخص توفى بسببي من بعد الله سبحانه وتعالى كم عطلت شخص شغله كم مسافر راحت عليه الطياره وغيرها من هالامور ..
فتعهد الشاب انه ماراح يناحس حد فالطريق وراح يترك المجال لغيره يعدي ليتجنب التسبب بضرر غيره بجميع الاحوال .

القصه هاذي جايبها من مخي سريع سريع وهي رساله لكل سائق سياره من جميع الجنسيات والاعمار رجل او امرأه ليبتعد عن المناحسه وقت السواقه وترك مجال لغيرك يعدي اذا عندك مجال تفتح له الطريق تحسبا لوقوع ضرر بسببك .

اللهم احفظنا واحفظ جميع المسلمين من كل شر ومكروه

واعذروني على سرد القصه بطريقه عشوائيه

[طير حوران]

خيالك طيب

شكرا الله يعطيك العافيه

[حسن]

المشكله انه الجنسيات المقصوده للاسف ماتدخل منتدي شبكه الاسهم
دائما اذكر وخصوصا اللي متابعيني

جمله ان الوافدين غيرو قانون المرور غصب على اداره المرور
وهذه حقيقه
بالنسبه للقصه لو نحاسني مثل هذه قصتك كان هو راح من صيد امس
دائما الف علي اللي مايفتح له لفه بسيطه تنبيه بس اخليه يضرب بريك
ويغير سرعته يعني بالعربي تكه وتنبيه هذه حركتي

شكرا على القصه ولكن للاسف لن تغير شي


هذه الحقيقه

[المحاميه]

حسبالي صج :anger1:

بس اشوى انها من راسك

زين فيه حل
يطلع يمين يطوف السياره عقب يرجع يسار ويدعس

اشرايك فالحلول

بس اشكرك على القصه المعبره يمكن حد يعتبر

[حسن]

حسبالي صج :anger1:

بس اشوى انها من راسك

زين فيه حل
يطلع يمين يطوف السياره عقب يرجع يسار ويدعس

اشرايك فالحلول

بس اشكرك على القصه المعبره يمكن حد يعتبر

انتي تسوقين سياره !

[المحاميه]

لا ماسوق بس جي اقترح

[qtr qtr]

خيالك طيب

شكرا الله يعطيك العافيه

الله يعافيك اخوي ومنور المنتدى طول غيابك

[qtr qtr]

المشكله انه الجنسيات المقصوده للاسف ماتدخل منتدي شبكه الاسهم
دائما اذكر وخصوصا اللي متابعيني

جمله ان الوافدين غيرو قانون المرور غصب على اداره المرور
وهذه حقيقه
بالنسبه للقصه لو نحاسني مثل هذه قصتك كان هو راح من صيد امس
دائما الف علي اللي مايفتح له لفه بسيطه تنبيه بس اخليه يضرب بريك
ويغير سرعته يعني بالعربي تكه وتنبيه هذه حركتي

شكرا على القصه ولكن للاسف لن تغير شي


هذه الحقيقه

والله يا خوي حسن فئة الوافدين الاسيويين هم اكثر الناس اللي معرقلين الطريق وسببوا ازمة الزحمه والعفيسه ... ولو في حد من الاخوان يتطوع بترجمة القصه للغة الاوردو والانجليزي وينقلها في منتداهم ومواقعهم يسوي خير لنا لعل هالقصه تجيب نتيجه وتغير ثقافتهم فالسواقه.

وان شاءالله راح نحاول انغير ثقافتهم بشتى الوسائل ..

[qtr qtr]

حسبالي صج :anger1:

بس اشوى انها من راسك

زين فيه حل
يطلع يمين يطوف السياره عقب يرجع يسار ويدعس

اشرايك فالحلول

بس اشكرك على القصه المعبره يمكن حد يعتبر

اذا سيارة الاسعاف ماتحصل مجال تعدي من هالزحمه الا بعد معاناه وتلفلف عالعالم والرماجات وصوت الانذار .. فما بالج بسياره شخصيه .. وحلج مقبول بس ممكن تؤدي لعواعقب ومخاطره .

________________

شاكر لكم لمروركم ومشاركتم الطيبه

[كيلو حديد]

والله يا خوي حسن فئة الوافدين الاسيويين هم اكثر الناس اللي معرقلين الطريق وسببوا ازمة الزحمه والعفيسه ... ولو في حد من الاخوان يتطوع بترجمة القصه للغة الاوردو والانجليزي وينقلها في منتداهم ومواقعهم يسوي خير لنا لعل هالقصه تجيب نتيجه وتغير ثقافتهم فالسواقه.

وان شاءالله راح نحاول انغير ثقافتهم بشتى الوسائل ..

صادق اخوي
الله يبعد عنا الضغط والقولون العصبي لانهم يرفعون الضغط الف
الي يضايق في تاس يمشون وراهم وعادي لا يهرنون ولا ليتات وماشين وراهم عادي
المفروض يكون هناك قانون يخالف الي يمشون على راحتهم بالخط السريع

[رهج السنابك]

شكلك من الناس المسرعين وتقعد تزعج الي قدامك بالفلاشات عشان يفتحون لك الطريق وتنبط جبدك وتحسه نحيس الي مايفتح لك :)

[يوسف0]

عاد مايجوز فاليوم 100 سيارة عندها حاله طارئة

الناس تمشي بالسرعة القانونية وزحمة وخذلك كل دقيقتين واحد مستعجل :rolleyes2:

الخلل مش فالأجانب

[qtr qtr]

صادق اخوي
الله يبعد عنا الضغط والقولون العصبي لانهم يرفعون الضغط الف
الي يضايق في تاس يمشون وراهم وعادي لا يهرنون ولا ليتات وماشين وراهم عادي
المفروض يكون هناك قانون يخالف الي يمشون على راحتهم بالخط السريع

فالمانيا مكلمني واحد فالدوام يقول عندهم رادار حق اللي يمشي اقل من السرعه القانونيه بالحاره الاخيره فياريت يطبقونها عندنا .

[qtr qtr]

شكلك من الناس المسرعين وتقعد تزعج الي قدامك بالفلاشات عشان يفتحون لك الطريق وتنبط جبدك وتحسه نحيس الي مايفتح لك :)

لا والله بالعكس انا من النوع اللي عنده صبر لين مايوصل حد الصبر ذيك الساعه اتحول الى مارد لان البعض فعلا ينرفزون الواحد ويطلعونه من طوره بسبب بلادة سواقتهم التعبانه .


عاد مايجوز فاليوم 100 سيارة عندها حاله طارئة

الناس تمشي بالسرعة القانونية وزحمة وخذلك كل دقيقتين واحد مستعجل :rolleyes2:

الخلل مش فالأجانب

اخوي يوسف الموضوع مب وقت الزحمه والذروه بعد فالايام العاديه اللي الشوارع تكون نص نص يجيك واحد ماسك التلفون وعلى حارة اليساره ويمشي 60 والناس وراه زحمه وقدامه الشارع فاااضي او اسيوي او حرمه مععطين اشاره يسار واللفه او الدوار على بعد كيلوين واكثر ومعرقل السير .. وغير الملاقيف اللي يخففون ويتفرجون عالحادث .

الشكر لكل من ابدى وشارك برايه وللمشاهدين الكرام .

[العنيده]

صح الموقف خيال بس احس ممكن يكون واقع .. الله يسامحهم
المشكله اللي يمسك المسار اللي على اليسار بدون مايفهم ضوابطه ..
والشخص اللي يمسك اي خط مع تجاهل كل اللي حواليه ويسوق سواء مسرع او سلحفاه :) الله يصلحهم يارب

[eXpert*]

المشكلة عندنا كل الناس مستعجلة ما عدنا نعرف من اللي عنده حالة طوارئ ..

[العقل المدمر]

لا المناحس زين ولا الهرن والليت بعد زين
ان كان في مجال يطوف نطوفه والله يسهل دربه
اما اذا زحمة والشارع واقف والاخ مصر يمشي 200
اكيد بنناحسه بعد وين بنطير كلنا لعيونه
فالنهاية المناحس غلللط لكن هالتوتر اللي يسببونه المسرعين غلط اكبر
والحوادث كلها منهم من سرعتهم ومن كثر مايخرعون العالم
اللي عنده ظرف واللي متأخر على طيارته واللي بيته يحترق هاي خلاص اقدار
يتوكل على الله مب يسوي حوادث ويذبح اوادم عشان خاطر يلحق على اللي يبيه
لو مات مريض فهاي يومه ولو طارت طيارته فالله مو كاتب له يسافر
اذا في الحديث : ((إذا أتيتم الصلاة فامشوا وعليكم السكينة والوقار، فما أدركتم فصلوا وما فاتكم فأتموا))
والاستعجال للصلاة وهي اهم شي مكروه مع انهم كانوا يمشون على ريولهم فشلون فالسيارات الخطرة ؟

[وطن]

فعلا ممكن تصير هذي الحالة
وحالات غيرها

محد له حق يسكر الشارع و يعيق طريق حق
القانون هو اللي يحاسبه لو مسرع


بس لو جاكم نفس اللي جاني
مسرع وملزق وفلاشات
عطيته اشارة اني بفتح في اقرب فرصة
وفعلا فتحت له
و يلزق واحد وراه
و انا مسكت اليسار مره ثانية
على امل هالاخوان بيفتحون الطريق بسرعتهم

وطلعوا الاثنين متناحسين
والحبيب يسكر الخط ع اللي وراه ويسوق ستين و مافي مجال اي حد منا يتجاوزه يمين !!!
والخط قدامه فااااااااااااااااااااااااضي

هذا ما تتحسفون انكم عطيتوه الطريق !!

[مهاجر]

اكثر حوادثنا من السرعه ,, اللي عنده حالة طارئه معاه حق بس الاغلب يهالوه وجايينك طيران وعلى اساس محد غيرهم فالشارع وهذا اكبر غلط ...

[أم محمد 90]

الموضوع طيب , ولكن كلنا عندنا عقل ونفكر ونشوف اكيد ,,

عفواً خصوووصا شارع 22 فبراير ,,

انا عن نفسي افتح المجال اذا كنت ماسكه يسار للفئات التالية :

اللي جاي مسرع من بعيد ويميني فاضي

اللي احترم نفسه وديم لي وانا فعلا اقدر اعطيه مجال

ما افتح مجال للفئات هذي :

اللي انا اسوق 120 ع الخط والشارع اصللاا زحمة ع يميني وهو جايني بسرعه 140 ومعلق اريل طويل برج ايفل ومخفي كامل وحركات ان انا الصية ويلا وخري (فئة الكروزرات اللي مايحترمون اصحاب السيارات الاخرى)


اعطيه بريك صعيدي يمكن 3 مرات وفجاة يخف , اوكي ادري غلط وممكن يدعمني خل يدعم هو داعمني من ورى وسيارة خايسة مثل سيارته مستحيل مامنه تامين سنع وبيدفع من جيبه وهو يضحك عاد تعال شوف صدام الالماني بكم .


ف رمضان سويتها ضربت بريك كان زحمه ع الخط وكلنا نسوق بسرعه 100 ويميني زحمة ويجيني البلشتي من وراي وامي وياي ويلززززق فيني ويكبس واقوم اعطيه بريكات ف ويه ويعصب ويدش ف ويه اللي ع يميني ويقطه قدامي غصب كان بيدعمني وتم يناحسني انا شسويت خفييييييت يمكن بديت اسوق 60 وانا ماسكه النص انطره يباااعد

المشكلة ان بعد وين صادني عند دوار جسر الشمال وحاول يجي قدامي ويناحس وانا مطنشة له وامي عصبت تبي تهاوشه قلت لها يمه بزر واغلب الظن ليسن ماعنده هاي لو اشتكيتي عليه بيطلع ماعنده ليسن ولا كجه وماخذ موتر اخوه اللي اكبر منه وعباله راكب ماي باخ ..


افف اشكال تجيب الدودة الزايدة :omen2:

[وطن]

أم محمد
انتي ناحستيه الله يهديج

هالأشكال محد يخاشرهم
نكبر عقولنا عنهم أحسن

[العساس]

والي يمسك ابريك في الخط السريع اذا شاف رادار ....لا وحق الشارع الثاني.


يارباااااااااااااااااااااااااااااااااااااااااااااا اااااااه.
مالذي يحدث.
هذا وحي من الخيال.
بومممممممممم
حرقهم
احرز في مرماهم.

يا الهي

[أم محمد 90]

أم محمد
انتي ناحستيه الله يهديج

هالأشكال محد يخاشرهم
نكبر عقولنا عنهم أحسن

وطن فديت عمرج لاحظي قلت ان احنا نسوق سرعه الشارع وزحمه ومافي مجال يميني مفروض يحترم نفسه وينطر لين مايجي مجال ابسط شي بريك ف ويهه عشان خشمه يدش فالسكان ويركبون له اريل بدال خشمه << شريه:mad:

[العساس]

:weeping:

[Qtr37]

اخوي مهاجر انا رايي مخالف لرايك
صحيح السرعه خطره
لكن من رايي البطئ ايضا يسبب حوادث ويمكن اكثر من السرعه بعد

قلت هالكلام قبل وبرجع اقوله مره ثانيه

اغلب الناس وانا منهم زهقوا من الزحمة ومن الشوارع ( انا اتكلم عن اللي مجبورين يسوقون والمشاوير اللي بيروحونها ضروريه ) وممكن تكون روتينيه، فما فيها شي لما نفرح ان الشوارع هالايام فاضيه مثلا وجميل ان نختصر الوقت ونستعجل او ع الاقل نمشي بسرعه قانونيه :)
ممكن جدا نقضي وقت اقصر في الشوارع والسيارات لو بعض الجاليات يشغلون مخهم ويسوقون عدل ><

وانا دايما احط في بالي الخط السريع اتركه للي ممكن يكون مستعجل وعنده حاله طارئه ممكن بسبتها يعدي الرادار بعد

ما اقول غير يا زينها الشوارع هالايام وليتها دايما جذي ��

[وطن]

وطن فديت عمرج لاحظي قلت ان احنا نسوق سرعه الشارع وزحمه ومافي مجال يميني مفروض يحترم نفسه وينطر لين مايجي مجال ابسط شي بريك ف ويهه عشان خشمه يدش فالسكان ويركبون له اريل بدال خشمه << شريه:mad:

ايه تصير يكون مافي مجال
بس عطيه اشارة يمين
انج بتفتحين له بأقرب فرصة

مب تعطينه بريك و تعصبينه زود
:)

حتى لو ماشيه بالسرعة القانونية
هو يمكن عنده ظرف
نلتمس له العذر
حتى لو انه ماله عذر

[qtr qtr]

ايه تصير يكون مافي مجال
بس عطيه اشارة يمين
انج بتفتحين له بأقرب فرصة

مب تعطينه بريك و تعصبينه زود
:)

حتى لو ماشيه بالسرعة القانونية
هو يمكن عنده ظرف
نلتمس له العذر
حتى لو انه ماله عذر

هذا المفروض اللي يسوونه .. عنده ظرف ماعنده ظرف طايش محد يعلم فيهم غير الله سبحانه وتعالى عندك مجال تفتح له عطه مجال ماعندك مجال اكيد راح يتفهم اللي وراك انك ماعندك مجال ولكن البعض يمشي حبه وربع ويقول ماعندي مجال افتح له والخط قدامه فاضي زين اسرع شوي مب تاخذ راحتك .

[عثرة جواد]

ههههههه

تذكرت اول مابديت اسوق لو حد يبي يعدي ارتبك وماقدر اوخر

وعطيهم الدينجر ههههه

بس تعلمنا ولله الحمد .....بس يقهرون الي يلصقون يخلون الواحد يرتبك

شكرا ع القصة

والله يهدي الجميع

[العقل المدمر]

الحين اغلب الناس لو شافوا اجانب بلبس مب عدل راحوا كلموهم وقالوا بلادنا وقانون واحتشام ومادري شنو
بس حزة السواقة لا مالكم شغل فيه حتى لو يسوق 200 القانون يحاسبه مب انتوا انتوا بس توخرون وانتوا ساكتين
مع ان السرعة ممكن توصل اعاقات مدى الحياة او حتى تنهي حياة ناس فالوقت اللي الاجنبية هاذي ممكن تسلم فيه وتتوب

[وطن]

الحين اغلب الناس لو شافوا اجانب بلبس مب عدل راحوا كلموهم وقالوا بلادنا وقانون واحتشام ومادري شنو
بس حزة السواقة لا مالكم شغل فيه حتى لو يسوق 200 القانون يحاسبه مب انتوا انتوا بس توخرون وانتوا ساكتين
مع ان السرعة ممكن توصل اعاقات مدى الحياة او حتى تنهي حياة ناس فالوقت اللي الاجنبية هاذي ممكن تسلم فيه وتتوب

اختي قانونياً ما يحق لنا نحاسبه ع السرعة
الدولة تحاسبه
وحطت رادارات

وقانونياً لو ما فتحنا له الطريق علينا مخالفة
وأتمنى تطبيقها فعلياً
عشان اللي يسكرون الطريق بسرعة 60-80 يتخالفون
سواء مقيمين أو قطريين

[بانغ بانغ]

المناحس في الشوارع من اكبر المشاكل اللي اتودي في خمسين داهية

خاصة اليهالو اللي ما يبين من ورا الكرسي الا قحفيته

هذول ودك تمسك الواحد فيهم وتخليه يخدم اعمال اجتماعية جدام الناس

والقهر اللي ايجيك خرط من بعيد وتكبس .... واتحس انه بوغاتي ... ويطلع عراوي

لازم المرور اتوقف لهم وقفة لان بالفعل اينرفزون وياما صطرنا كم واحد ....

الله يهديهم بس

[العقل المدمر]

اختي قانونياً ما يحق لنا نحاسبه ع السرعة
الدولة تحاسبه
وحطت رادارات

وقانونياً لو ما فتحنا له الطريق علينا مخالفة
وأتمنى تطبيقها فعلياً
عشان اللي يسكرون الطريق بسرعة 60-80 يتخالفون
سواء مقيمين أو قطريين

انا ماقلت بروح احاسبه بس لما امشي عالسرعة المفروض انا اللي ملتزمة بالقانون يعني انا اللي معاي الحق
مب يجي هو يتحلطم هني ليش ما وسعنا له الطريق ومشينا عالسرعة القانونية
يعني قانونيا اذا الاخ شاخط 200 انا والستين الف اللي جدامي نتخالف عشان ما وسعنا حق صاحب السمو ؟
عيل ليش حاطين لي سرعة محددة حق الشارع لازم ماتجاوزها ؟
وبعدين اذا الشوارع اغلبها سرعتها 80 شلون بيخالفون عال 60 و 80 ؟

[qtr qtr]

انا ماقلت بروح احاسبه بس لما امشي عالسرعة المفروض انا اللي ملتزمة بالقانون يعني انا اللي معاي الحق
مب يجي هو يتحلطم هني ليش ما وسعنا له الطريق ومشينا عالسرعة القانونية
يعني قانونيا اذا الاخ شاخط 200 انا والستين الف اللي جدامي نتخالف عشان ما وسعنا حق صاحب السمو ؟
عيل ليش حاطين لي سرعة محددة حق الشارع لازم ماتجاوزها ؟
وبعدين اذا الشوارع اغلبها سرعتها 80 شلون بيخالفون عال 60 و 80 ؟

اذا كان عندج فرصه توسعين له الطريق ويش المانع انج ما تفتحين له ؟ نحاسه ولا ايش بالضبط ؟ بغض النظر عن السرعه القانونيه .

[العقل المدمر]

اذا كان عندج فرصه توسعين له الطريق ويش المانع انج ما تفتحين له ؟ نحاسه ولا ايش بالضبط ؟ بغض النظر عن السرعه القانونيه .

تكلمت في ردي الاول وقلت افتح له الطريج اذا الشارع فاضي (او خفيف)
وطبعا السبب مو اني خايفة على مشاعره لا
عشان امشي وراه والطريج مفتوح لي انا بعد :shy:
اما اذا جدامي ستين الف واحد لا طبعا مافتح له
ليش انقع ورا الخط الوسطي اذا مب كل هالستين الف بيفتحون له
وطبعا الشيوخ غالبا يسوونها وقت الزحمة وكلن لايعة جبده يبي يوصل مكانه
واذا عنده ظروف حضرته مب سوبر مان اللي بيغير القدر ومكتوب عليه ينطر مع العالم
وغالبا لو الشارع فاضي انا اشوفهم يتجاوزون مايبون ينطرون حتى حد يفتح لهم

[أم محمد 90]

المناحس في الشوارع من اكبر المشاكل اللي اتودي في خمسين داهية

خاصة اليهالو اللي ما يبين من ورا الكرسي الا قحفيته

هذول ودك تمسك الواحد فيهم وتخليه يخدم اعمال اجتماعية جدام الناس

والقهر اللي ايجيك خرط من بعيد وتكبس .... واتحس انه بوغاتي ... ويطلع عراوي

لازم المرور اتوقف لهم وقفة لان بالفعل اينرفزون وياما صطرنا كم واحد ....

الله يهديهم بس

اي والله انا استغرب اذا انا سيارتي المانية و 8 سلندر وامشي ع خط الدائري السادس الجديد 150 !
يجيني كروزر قديم او عراوي مشطف لي اقول هااا كم يسوق هذي مستحيل اقل من 180 ؟

[وطن]

انا ماقلت بروح احاسبه بس لما امشي عالسرعة المفروض انا اللي ملتزمة بالقانون يعني انا اللي معاي الحق
مب يجي هو يتحلطم هني ليش ما وسعنا له الطريق ومشينا عالسرعة القانونية
يعني قانونيا اذا الاخ شاخط 200 انا والستين الف اللي جدامي نتخالف عشان ما وسعنا حق صاحب السمو ؟
عيل ليش حاطين لي سرعة محددة حق الشارع لازم ماتجاوزها ؟
وبعدين اذا الشوارع اغلبها سرعتها 80 شلون بيخالفون عال 60 و 80 ؟

اختي اذا في مجال تفتحين له
بس اذا مافي طبعا لا ما تضغطين على نفسج

بس قانونياً
لازم تفتحين له لو طاير فوق 200
محد له حق يسكر الطريق على حد

القانون يقول الخط النص للسرعة القانونية واليمين البطيء
واليسار للي مستعجل

انا اذا ماشيه ع السرعة القانونية اخذ خط النص
ولو واحد قدامي بطيء اتجاوزه و ارجع خطي

بس اذا مسرعة و ع اليسار
ما أتمنى يجيني حد يناحسني :)

[العقل المدمر]

اختي اذا في مجال تفتحين له
بس اذا مافي طبعا لا ما تضغطين على نفسج

بس قانونياً
لازم تفتحين له لو طاير فوق 200
محد له حق يسكر الطريق على حد

القانون يقول الخط النص للسرعة القانونية واليمين البطيء
واليسار للي مستعجل

انا اذا ماشيه ع السرعة القانونية اخذ خط النص
ولو واحد قدامي بطيء اتجاوزه و ارجع خطي

بس اذا مسرعة و ع اليسار
ما أتمنى يجيني حد يناحسني :)

القانون والعقل يقولون الوسط حق السرعة القانونية
بس بعض الجنسيات قالبين الوسط ابطأ خط صار سرعته 80-60
يعني انا عشان اوسع حق حضرة سي السيد لازم اضرب بريك فويهه والقى لي فجة بينهم لاني اكون ماشية 100 او اكثر
عاد تصدقين مرة صادفني اليسار والوسط بطيء ومشيت 140 عاليمين .. شوارعنا مقلوبة :tease:
واقول للمرة المليون اذا في مجال نوسع اكيد بنوسع ولو انهم غالبا ماينطرون هم بروحهم يتجاوزون
اما اللي يجي فالزحمة يكبس .. يستعبط ذيه خل ياخذ له طيارة ويفكنا

[بريق الحق]

سوال ياجماعه ممكن حد يحط لي القانون الي يقول ان فالي فالنص السرعه المتوسطه واليمين البطيء هذا في اي قانون ؟؟

[العقل المدمر]

سوال ياجماعه ممكن حد يحط لي القانون الي يقول ان فالي فالنص السرعه المتوسطه واليمين البطيء هذا في اي قانون ؟؟

انا ماطالعت ولا قانون
بس بالعقل .. اليمين كله مخارج ومداخل والشاحنات مسارها يمين شي طبيعي يكون بطيء
بس الوسطي ليش يكون بنفس البطء ؟ .. واليسار معروف انه سريع .. انزين الوسطي ماله خص صح ؟
وعشان جي استنتجنا ان الوسطي يعني سرعة متوسطة وشكراً :shy:

[بريق الحق]

للعلم بس الي يكع بريك متعمد هذا فالقانون شروع فالقتل
صارت حق واحد من الربع وانسجن عليها

[الهديل]

لا حول ولا قوة الا بالله
الله المستعان
فعلا الجنسيات الاسيويه يمشون ببطى بس لا ننسى انهم توهم متعلمين السواقه عندنا
يعني ما عندهم خبره
و يخاف على سيارة الكفيل لانه بيتحاسب عليها
غير ال هي سيارته و هو حر فيها و ابن البلد ومدرب على شوارعها

[يوسف0]

للعلم بس الي يكع بريك متعمد هذا فالقانون شروع فالقتل
صارت حق واحد من الربع وانسجن عليها

اي قانون اي خرابيط مزاجيه وحتى في المخالفات حق ناس وناس

ولا جفت او عرفت القانون من يوم خذت الليسن لين يومك تعلمت من التجارب وسوالف الربع واذا حد عنده خبر عن مكان قوانين المرور المتغيره كل ثانيه يخبرني يجزاه ربي كل خير

وشلون عرفوا ان رفيجك كع بريك فوجه واحد ابي اعرف عشان اكع بريك صح :) ؟

وان شاء الله مب اكثر من يوم سجن؟

[بريق الحق]

اي قانون اي خرابيط مزاجيه وحتى في المخالفات حق ناس وناس

ولا جفت او عرفت القانون من يوم خذت الليسن لين يومك تعلمت من التجارب وسوالف الربع واذا حد عنده خبر عن مكان قوانين المرور المتغيره كل ثانيه يخبرني يجزاه ربي كل خير

وشلون عرفوا ان رفيجك كع بريك فوجه واحد ابي اعرف عشان اكع بريك صح :) ؟

وان شاء الله مب اكثر من يوم سجن؟

الموضوع فتح تحقيق واصلن الرجال اعترف وقال انه كع بريك متعمد
لا انسجن مده

[أم محمد 90]

الموضوع فتح تحقيق واصلن الرجال اعترف وقال انه كع بريك متعمد
لا انسجن مده

لان اعترف واذا ماعترف؟

[بريق الحق]

لان اعترف واذا ماعترف؟

فيها حلف على القران اختي في مثل هذي الامور

[وطن]

لان اعترف واذا ماعترف؟

اختي في محكمة مرورية

لو واحد غلط على واحد في الشارع
يروح يشتكي عليه

ويجيبونه و يسألونه
ولو ما جا تتحول نيابة

:)

[بريق الحق]

اختي في محكمة مرورية

لو واحد غلط على واحد في الشارع
يروح يشتكي عليه

ويجيبونه و يسألونه
ولو ما جا تتحول نيابة

:)

اول امس واحد داش يقول هذا الشخص قاعد يكع بريكات في ويهي والاخ عنده فيديو ان الشخص متعمد اصبح الموضوع اخطر من قبل يوم يكع بريك ويقول ولحد طلع قدامي وتمشي على المرور

[غير البشر]

الي مستعجل يروح الخط اليمين البطئ معظم الوقت فاضي :rolleyes2::secret:

[وطن]

اول امس واحد داش يقول هذا الشخص قاعد يكع بريكات في ويهي والاخ عنده فيديو ان الشخص متعمد اصبح الموضوع اخطر من قبل يوم يكع بريك ويقول ولحد طلع قدامي وتمشي على المرور

ما تمشي ع المرور
في تحقيق اخوي
وفي حلف مثل ما قلت

والله كان خاطري أبلغ على اللي متناحس مع اللي وراه
ومسكر علينا الخط بسرعة 60
بس جذي نحاسه !!!

بس للأسف ما صورته ولا خذت رقمه



الي مستعجل يروح الخط اليمين البطئ معظم الوقت فاضي :rolleyes2::secret:
يالله حيّه

[qtr qtr]

الموضوع فتح تحقيق واصلن الرجال اعترف وقال انه كع بريك متعمد
لا انسجن مده

اشكرك ببريق الحق عالتوضيح ونورتنا بهالنقطه المهمه والخطيره بنفس الوقت وتحملي ام محمد تكعين بريك راح اسجل رقمج وبشتكي عليج .

الشكر لكل الاعضاء عالمشاركه والحوار الطيب وبداء نقاط كنا غافلين عنها ومن لديه قانون يتكرم يسدحه عندنا للتوعيه .

[غير البشر]

ما تمشي ع المرور
في تحقيق اخوي
وفي حلف مثل ما قلت

والله كان خاطري أبلغ على اللي متناحس مع اللي وراه
ومسكر علينا الخط بسرعة 60
بس جذي نحاسه !!!

بس للأسف ما صورته ولا خذت رقمه



يالله حيّه


الله يحيييييييج ويبقيج وطن
تطلعين وتختفين عسى المانع خير ان شاء الله

[وطن]

الله يحيييييييج ويبقيج وطن
تطلعين وتختفين عسى المانع خير ان شاء الله

ابد مشغولة مع مواقع التواصل الاجتماعي :funny:

[qtr qtr]

ومازلنا نعاني من هالفئه البارده وكثرة الشكاوي والمواضيع عليهم .. الحل بسيط يا ادارة المرور الكاميرات اللي فالشوارع ارجو تفعيلها ومراقبة الشارع من الفئه اللي تسبب الزحمه على الخط اليسار .. وضع رادارات للسرعات المنخفضه صدقوني ولا واحد راح يمشي على هالخط من الفئه البارده النحيسه المفهيه .. وراح يفيد للحالات الطارئه من الاسعاف والدفاع المدني والفزعه .

والله قمت اتجنب واتكيسل اطلع اخلص مشاويري . عندي اشغال مهمه ولكن يوم اشوف الزحمه ارد البيت ومرات غصب اخلصها بعد رفع ضغطي مليون ..