ابي احداو مكتب يسوي لي فيزة لندن الالكترونية

[لما]

اذا عندكم ارقام مكاتب
يسوونها لي
وهل لازم مقابله

[غير البشر]

مرحبا اختي لما

لا طبعا ماعليها رسوم ولا مقابله ولا بصمه ولا حجز فنادق
فقط حجز تذكره مؤكد والامور طيبه ان شاء الله

مكاتب كثيره منهم جميع مكاتب السفريات ومكتب المعجم جنب مكتبه الجامعه في فريج كليب
المكاتب كثيره وتعبيه الطلب من النت

بس اهم شي قبل الرحله بــ 48 ساعه
اذا اقل لو دقيقه وارسلتي الايميل ماراح يقبلون الفيزا

ملاحظه اخيره وقت السفر وانتي بالطياره وتحديدا قبل الهبوط بمطار هيثرو
راح يعطونج المضيفات بطاقات تعبين فيها بيانات المسافرين الي معاكم
لاتاخذينها ولا تعبينها فقط ورقه الفيزا الي عندج تكفي عن البطاقه
ماراح يطلبونها منج بالمطار فقط راح يطلبون نسخه مطبوعه من الفيزا الالكترونيه


وبالتوفيق ان شاء الله

[لما]

الله يحزاك الف خير ممكن أرقامهم لأَنِّي برا الدوحه

[لما]

طيب ممكن اعرف كم المده لين تطلع مافي سريع يوم مثلا

[غير البشر]

العفو الله يسلمج
ويجزاج بمثله ان شاء الله

اختي الفيزا هذي سريعه مافي اسرع منها
بمجرد تعبين الطلب وترسلينه في نفس اللحظه تطبعين الايميل وتكون فيزتج صالحه للسفر
بس ان شرطهم ان ترسلين الطلب قبل موعد الاقلاع بــ 48 ساعه

مكتب المعجم 44877505
سفريات ريجنسي 44344444
سفريات المتحده 44866280

وحبيت اضيف لج ملاحظه
حتى وانتي خارج البلد وحابه تروحين لندن وماعندج فيزا
تقدرين تعبين الفيزا وانتي مسافره وتطبعين الطلب
ومن الدوله الي انتي فيها تروحين لندن

يعني مثلا انتي في باريس وماعندج فيزا
تقدرين تعبين الطلب وانتي بفرنسا قبل السفر بيومين
بس تذكرن بالطلب انج بتروحين لندن عن طريق القطار تذكرين محطه القطار ورقم الرحله
او اذا بالطياره تذكرين لهم طريقه الوصول من مطار شارل ديغول

هذا مثال للتوضيح فقط
يعني مايحتاج ترجعين الدوحه وتسافرين لندن


تحياتي

[Mohammed2]

موقع
www.visa4uk.fco.gov.uk

من هالموقع تسوين الفيزا بسهوله وبلاش

[لما]

اذكر فيه صفحه في المنتدى شرح للطريقه
اذا احد عنده ماعرفت

[شذى الورد]

اذكر فيه صفحه في المنتدى شرح للطريقه
اذا احد عنده ماعرفت
أختي صندوق الرسائل عندك مليان :rolleyes2:

[لما]

فضيته

[لما]

فيه حد من بنات المنتدى حاب يساعد قد سواها ابي اسافر بالعيد والمكاتب مسكره

[Qatari 1980]

أختي خطواتها بسيطه جداً .. بس أهم شي تعبين البيانات بشكل دقيق خاصة الاسم و التواريخ و مواعيد السفر
اذا عندك أحد من الأخوان .. خله يراسلني على الخاص وأنا أتواصل معاه بالتلفون وأخلصها له في نفس الوقت
أهم شي يكون عنده صورة الجواز و حجز التذكرة الي راح تسافرون عليها .

وكل عام وأنتم بخير

[لما]

طيب عندك الموقع حطه لي عشان اجرب

[الدحيل 16]

اختي هل للحين تحتاجين مساعدة فموضوع الفيزا؟

هذا الموقع، سوي لج اكاونت، والباقي سهل لكن يبيله تكونين دقيقه فالاسامي والحروف

https://www.visa4uk.fco.gov.uk/home/welcome

اذا تبغين مساعدة لا تتردد

بالتوفيق

[Kbusiness]

راسلوني خاص اساعدكم في كل امور الفيزا

[Bomohd]

بعد التوقيع والاعتماد اكتشفت حرف خطأ
حاولت التصحيح فلم يقبلها البرنامج
هل أعمل طلب جديد وهل سنواجه مشاكل فى المطار

[الدحيل 16]

سو طلب جديد أفضل وأسلم لك اخوي

[Bomohd]

ماعندي مشكلة باسوي طلب جديد
بس القديم مايسبب مشاكل فى المطار

[الدحيل 16]

لا أخوي ما يسوي. خذ معاك صورة من الطلب الجديد وبس.

اكلمك كتجربة شخصية واتمنى لك رحلة سعيدة

[Bomohd]

لا أخوي ما يسوي. خذ معاك صورة من الطلب الجديد وبس.

اكلمك كتجربة شخصية واتمنى لك رحلة سعيدة

مشكور أخوي ويزاك الله خير

[صفقه]

كل ما احاول أسجل في الموقع ينرفض التسجيل مع اني حاولت عدة مرات والسبب غير واضح ... ممكن حد يفيدني يا أخوان ؟

[قطريه ماركه]

كل ما احاول أسجل في الموقع ينرفض التسجيل مع اني حاولت عدة مرات والسبب غير واضح ... ممكن حد يفيدني يا أخوان ؟

المكتب اللي بتاخذ منه التذاكر بيسوي لك الفيزا بكل سهولة
مووفق

[صفقه]

المكتب اللي بتاخذ منه التذاكر بيسوي لك الفيزا بكل سهولة
مووفق



انا حاجز التذاكر بنفسي مو عن طريق مكتب !!!

[صفقه]

الحمدلله تم حل المشكله