تسجيل الدخول

مشاهدة النسخة كاملة : منتجات sherdz للحريم والرجال


الخيالة
20-07-2015, 10:35 AM
دورت في امازون مافي كل الأنواع للرجال و للحريم بعد
حد عنده فكرة من وين اقدر اشتري هالمنتجات؟
نفس الماركة sherdz

يستخدم حق اللي يسوون رياضه في حال حد بيسأل حق شنو عبارة عن فيتامينات و البروتين
اذا عندكم فكرة خبروني
aloosh
20-07-2015, 05:48 PM
الخياله ابتعدي عن منتجات الرياضه فهي اغلبها مضرته اكثر من المنفعه

فيه شركات عالميه بس اسعارهم نار جدآ
الخيالة
25-07-2015, 12:35 PM
بس هالمنتج معروف المشكلة ماعرف شلون اطلب
ع العموم مشكور اخوي
aloosh
25-07-2015, 06:21 PM
هذا موقعهم اختي

http://www.shredz.com/

وطلبي وشوفي بعد ما تضيفين طلباتك وعند الدفع اقري بعنايه الشحن لقطر متاح او لا او تحتاجين عنوان في امريكا مثلا
وانا بزودك بالعنوان اختي
الخيالة
25-07-2015, 06:31 PM
اممممم يعني شغلانه :(
ع العموم شكرًا
في اقرب فرصه بجرب و ان احتجت بخبرك اخوي




اللي عندهم فكرة غير هالماركة شنو اللي زين بعد حق الرياضه من هالبروتيين و الفيتامينات؟؟
سواء تمارين هوائية او شد او استخدام الأوزان
aloosh
25-07-2015, 09:40 PM
بسال لك مدرب له تاريخ في كمال الاجسام والفيتماينات والبروتين بكره ارد لك

يارت طرشين لي رساله خاصه بالنوع اسال لك
الخيالة
26-07-2015, 09:30 PM
مشكور اخوي
Al Basha
26-07-2015, 09:42 PM
On
optimum nutrition .. عالمياً الأفضل .. أسعارهم شوي غاليه بس جداً ممتازه .. شوفي لو تقدرين تاخذين من امازون أو بالدوحة لأنه المنتجات متوفره .. أغلب المواقع العالمية ومنها bodybuilding.com وغيرها الكثير يصنفونها على انها الافضل ..
eXpert*
27-07-2015, 08:10 AM
الشركة حديثة العهد ،، و أسعارها مبالغ فيها ..

أعتمدت على رياضييون ذوي أجساد رياضية عالية الجودة للتسويق عن منتجاتها مقابل نسبة مبيعات أو توزيعات لمنتجات الشركة .

يعني أغلب اللي يظهرون في دعايات الشركة أساسا أجسامهم جاهزة.

أتفق مع الباشا فيما أقترح .
أم محمد 90
27-07-2015, 12:49 PM
هلا اختي الخيالة ,

غريبة مالقيتيها ف امازون وانا طالبتها من هناك ؟!


هذا الرابط

عندج مجموعة النساء لحرق الدهون وشد الجسم

وعندج البرنامج المتكامل الشهري (حرق شد جمال كل شي مع وصفات اكل )

http://www.amazon.com/gp/product/B00ITK5H06?psc=1&redirect=true&ref_=ox_sc_sfl_title_2&smid=ALYDWV8ZP3JX8

http://www.amazon.com/Quick-Weight-Supplements-Women-Month/dp/B00Y070DVA/ref=sr_1_4?s=hpc&ie=UTF8&qid=1437990418&sr=1-4&pebp=1437990423575&perid=1BK9TEY2727CBYQSKJ80


أول شي : انصحج تسوين فحص لجسمج تشوفين فيتامينات جسمج شلون

الحبوب هذي عبارة عن بوست للجسم تعطيه طاقة بحيث انه يسرع من الحرق اكثر ,
(رفع مستوى الأيض للبدء في فقدان الدهون )

انا وحدة العب رياضه مع اني اركض ع الجهاز بس ما اعرق (واااايد) يعني عرق خفيف

لما بديت استعمل حبوب البرنر والتونر لا تشوفين شلون صرت اعرق اعزج الله والله فانيلتي تصب عرق
قبل مافي اراكض اناقز اتمرن اعرق خفيف بس صوب الجبين وتحت الاذن
الحين لا صرت اصب عرق وهاي شي زين
وتجيني طاقة اني العب رياضة زيادة قبل امشي ساعه واتعب العين اوصل لين ساعه ونص على سرعه 6.5
حاليا صار لي 11 يوم

بخصوص الوزن ,انا وزني ثابت صار له 10 شهور ومن خذت هالحبوب وشديت حيلي ف التمرين نزلت كيلوين
دائما اخر 5 كيلو هي العنيدة ههههه ولاحظي ان عندي زيادة وزن بس 5 كيلو

يعني اللي عندها زيادة اكثر بتضعف اكثر

الحبوب اشوفها مفيدة ولكن سوي فحص اول وشوفي مستوى الايض عندج شلون ..

واذا اي سؤال ثاني انا حاضرة .
أم محمد 90
27-07-2015, 01:01 PM
الشركة حديثة العهد ،، و أسعارها مبالغ فيها ..

أعتمدت على رياضييون ذوي أجساد رياضية عالية الجودة للتسويق عن منتجاتها مقابل نسبة مبيعات أو توزيعات لمنتجات الشركة .

يعني أغلب اللي يظهرون في دعايات الشركة أساسا أجسامهم جاهزة.

أتفق مع الباشا فيما أقترح .

الشركه انشهرت لانها سوت مسابقة تربح فيها 10 الاف دولار لما تسوي تحدي الثلاثين يوم وتصور نفسك ف اليوم الاول واليوم رقم 30

وناس وايييييد فرق وياهم وتغيرت اجسامهم لان التحدي ساعدهم

طبعا الرابح للجائزه هو صاحب افضل نزول وزن وتحول جسم .
الخيالة
28-07-2015, 07:19 PM
شكرًا للجميع


ام محمد انا مب متينه بس ابي أقوي عضلاتي واتمرن حق صحتي مب شي ثاني فيتامينات جسمي كل شي اوك بس فيتامين دال شوي ناقص

مشكوره بشوف الرابط الحين