بشويش ياطفاش !!!!!!

[حسن]

السلام عليكلم ورحمه الله وبركاته

عيدكم مبارك جميعا

(مسرحيه بشويش )

اليوم عصرا قالت بنتي الصغنونه يبا نبي نروح مسرحيه بشويش
قلت لها ماطلبتي شي

رحت احجز التذاكر في كتارا

الصراحه شباك واحد للحجز والطابور طويل وموظف واحد مصري وحالته حاله
وبطئ جدا ومغلط بالعالم بالفلوس
يعني بالمصري مابيقمعش
وينفخ عليك بزقارته وهو قاعد في البراد داخل لا احترام للناس ولا احترام للطابور
وكل شوي يتكلم بجواله
وكل شخص ياخذ حول ال5 دقايق شي فضيع
مستغرب كيف هذه الاداره ماتدري عن الناس للاسف
والاسعار جدا مبالغ فيها مهب لهذه الدرجه عاد قالو احنا اعلى رواتب بس مهب جذي
بشويش
علينا مسؤلين

الظاهر الرواتب العاليه بتظهر علينا اغلى من سوق الحراج

تذاكركم جدا عاليه ياجماعه الخير مسرحيه اطفال من 400 وال 700

شدعوه

:eek5:

الى مسرحيه اطفال والمفروض يحطون اسعار معقوله

القطري ماعنده بير بترول في بيته

الصراحه شي ينرفز

وعيدكم مبارك وبشويش علينا

:)

[دايموند]

ياخي لا تروح وخلهم يخسروون
اشدعوة تذكرة مسرحية ب 700 ريال!!

[..عاشق قطر..]

انا سمعت من 150 وطالع

[الغريب70]

هلا اخوي حسن وعيدك مبارك.
واسأل العلي القدير ان يحفظ لك الصغنونه ويبلغك فيها وتشوفها عروس..امين
بصراحة السعر مبالغ فيه واستغلالي وايد وانا مع اخوي دايموند في انك لو ماشريت ولا رحت اصلا ابرك لك ..كان شفت بدائل ثانيه لان مسرحيات الاطفال هالايام بلا هدف وتهريج.
وكل عام وانت بخير

[(ام عبدالله)]

هلا اخوي حسن وعيدك مبارك.
واسأل العلي القدير ان يحفظ لك الصغنونه ويبلغك فيها وتشوفها عروس..امين
بصراحة السعر مبالغ فيه واستغلالي وايد وانا مع اخوي دايموند في انك لو ماشريت ولا رحت اصلا ابرك لك ..كان شفت بدائل ثانيه لان مسرحيات الاطفال هالايام بلا هدف وتهريج.
وكل عام وانت بخير

تهريج .. جزاك الله خير جبتها باختصار

[الحاقول]

شاهدت طفاش في سما دبي في رمضان
طبعا البركه في اليهال
ووجدت جميع حلقاته متشابهه
وبعيد عن الواقع الحالي
,وكلام فاضي و مكرر

[MAZEN37]

لا تلوم فريق المسرحيه
امسك ساس المشكله وهي الجهه المنظمه
لانه مافي منافس ولا مسرحيه غيرها
اذا دخلنا بالاستغلال
غير انه ما بيكون في ابداع للطرح وهدف للمسرحيه مثل ما ذكروا الاخوان قبلي
كل عام وانتم بخير

[المحاميه]

وين كلامك
احنا ف خير
وفلوسنا تكفي
وتبيهم يقصون الرواتب

يالله اشرب
وخل يقصون راتبك بروحك
ويتبرعون فيه للمحتاج

عشان مره ثانيه ماتقول كلام الا وانت دارس الموضوع من جميع النواحي يامستر

[حرف]

من الجهه المسئولة ؟

[النهار]

وانا مفتكر التذاكر فري ( بلاش ) قلت بودي المراء تشوف المسرحيه :eek5: خلاص هونت بوديها سوق واقف
صوب شجاع كباب وجرير :rolleyes2:

[aloosh]

ايش تهدف له المسرحيه
هل فيها توعيه للاطفال هل تناسب كل الاعمار او سن معين
اذا تذكره ب 700 ريال اوديها اشتري لها العاب ابرك:)
وترى الحين مسارح الاطفال لسحب جيوب الاباء

شخصيات لا تمت لنا بصله لبسينها

الله يذكر مسرحيات المدارس:)

[مخطط قطري]

ياريال طفاشوه لعب في العالم هذا الاطفال لسانهم اعتوى صارت لهجتهم بحرينيه من كثر مايتابعونه وناهيك انه اوقات يتكلم برعونه ويمثل انه بنت وهذا شي خطير ويخرب النشء انا توقعت سعر التذكره ب20 و30 ريال هذا الطبيعي اما بهالاسعار وفيه تذاكر الصف الاول 1500 المفروض يقاطعون المسرحيه

[دنيا الاسهم]

من زين تمثيلة طفاش ،، بدون هدف وبعيد عن الواقع الحالي
غير الهبال اللي يسوية ،، اللي يتابعة من اليهال يزيد غباء الصراحة نصيحة الي عيالة معلمهم ومربيهم لا يخليهم يتابعونة

[OREO]

من يطلع طفاشىوا ؟؟

[العساس]

ياجماعة الرجال يقول طابوووووووور......يعني ماشية المسرحية من الاخر

[aloosh]

يعني ما يقدرون يسون مسرح لطفل في قطر يناسب العادات والقاليد علما انه يوجد عندنا كتاب جيدين
المسرحيات الاطفال بالعاده لتوعيه وزرع الخير والعادات والقاليد

[السيف5]

ياجماعة الرجال يقول طابوووووووور......يعني ماشية المسرحية من الاخر

الناس تدور اي شي تونس عيالها بالعيد

لكن اسعار التذاكر اعتبره نهب وين نشتكي عليهم

[h9466]

زين خبرتنا بوعلي كنت ناوي أوديهم ،،،،خلاص اكس على بشويش،،،

[الحاقول]

الهدف من المسرحيه تجاري .. وليس ترفيهي للصغار

[حسن]

زين خبرتنا بوعلي كنت ناوي أوديهم ،،،،خلاص اكس على بشويش،،،

ابرك لك وافتكيت من الطابور والحر والاستهبال

اكره شي لما احس ان القطري انسان تافهه عند البعض وعمليه استغلاله
وصدقني لو عرضت في البحرين كان ماشفت هل الأسعار
هناك يعرفون وين يحطون فلوسهم كلشي عليه بيل
استغلال بشع
وغباء ودلع منتشر

كله علشان أن الحكومه ماقصرت خلت القطري من أعلى رواتب في العالم
ينظرون لنا الغير بهذه الطريقه

:(

[h9466]

اللي قهرني من كلامك يابوعلي اللي يبيع التذاكر ،،زين صبرت عليه وما بهدلته،،،لو مكانك والله ما استحمل هالأشكال بعطيه كلمتين في العظم

[معماري قطري]

وين كلامك
احنا ف خير
وفلوسنا تكفي
وتبيهم يقصون الرواتب

يالله اشرب
وخل يقصون راتبك بروحك
ويتبرعون فيه للمحتاج

عشان مره ثانيه ماتقول كلام الا وانت دارس الموضوع من جميع النواحي يامستر

حلوة يالمحامية في الصميم حسن بيختفي الحين ولا بيقدر يرد

[بوراشد82]

وين كلامك
احنا ف خير
وفلوسنا تكفي
وتبيهم يقصون الرواتب

يالله اشرب
وخل يقصون راتبك بروحك
ويتبرعون فيه للمحتاج

عشان مره ثانيه ماتقول كلام الا وانت دارس الموضوع من جميع النواحي يامستر

عظمة على عظمة يا ست

[العساس]

الناس تدور اي شي تونس عيالها بالعيد

لكن اسعار التذاكر اعتبره نهب وين نشتكي عليهم

الحل مقاطعة اي شي زاد عن حده ......عقب تلقاها مجانا

[العساس]

الحل مقاطعة اي شي زاد عن حده ......عقب تلقاها مجانا




ولو مجان محد راحها........ههههههههههه

[Azizuk]

حلوة يالمحامية في الصميم حسن بيختفي الحين ولا بيقدر يرد


أصلا اول مره ينتقد شي

وإلا العاده كله يمدح ويشدخ في جميع الأمور

يمكن يوم حس بالحر والنطره في الطابور

نزل موضوع ينتقد الأسعار والتنظم

[وليف الشوق]

اليوم عصرا قالت بنتي الصغنونه يبا نبي نروح مسرحيه بشويش
قلت لها ماطلبتي شي


يوم انك تقول للبنت ماطلبتي شي وجيت المكان وتوهقت بالسعر ليه مااستحملت ونفذت وعدك لها ؟ هههههههههههه وفوق هذا قاعد تنفخ على الرجال وماخليت كلمة ماقلت عنه ههههههههههه
بس عجبتني كلمة عصرا" ههههههههههههه



رحنا وطي الحين يحذفني من الموقع ههههههههه

[المحاميه]

اللي قهرني من كلامك يابوعلي اللي يبيع التذاكر ،،زين صبرت عليه وما بهدلته،،،لو مكانك والله ما استحمل هالأشكال بعطيه كلمتين في العظم

ليش
الريال زين منه نتحمل الوضع
هذا جزء???





حلوة يالمحامية في الصميم حسن بيختفي الحين ولا بيقدر يرد


عظمة على عظمة يا ست

العفو
بعض مما لديكم :shy:



ولو مجان محد راحها........ههههههههههه


صادق
من نحن :weeping:

[رجل مثالي]

ياخي لا تروح وخلهم يخسروون
اشدعوة تذكرة مسرحية ب 700 ريال!!


كلامك صحيح اي مسرحية بهذا السعر يقاطع على طول ايش 700 ريال المفروض من خمسين الى 100 فقط اشدعوة مسرحية شكسبير أرخص 50 ريال وين وزارة التموين قصدي التجارة قصدي الى مسؤولين عن الاسعار ووين ادارة كتارا عن هذا الموظف البطئ و الى امسفه للناس ليش في مصر جان طلعوه من الشباك ووووو

[ابن الجزيرة]

طريقة امتصاص الأموال الزائدة وإعادة تدويرها في السوق لتحريك عجلة الاقتصاد الوطني

[محب قطر 64]

هو ما في وزير ثقافة يعالج الموضوع بالعمل على تكثيف المسرحيات الهادفة والترفيهية
يقدر ويقدر

[ya3coub]

الي رايح مع ذوي الإحتياجات الخاصة مالهم مواقف !!! نزلهم و حرك صف بالمواقف الي تحت الأرض !!!
الزحمة لما طلبت التذاكر صحيح و تأخرت وايد تقريبا 40 دقيقه عدم المعرفة بخصوص اماكن كراسي ذوي الإحتياجات الخاصة + و عدم الشفافية و التناقض بالتلفون و الشباك خصم ذوي الإحتياجات الخاصه "مرة خصم مرات ببلاش و مرات لا عادي يمشي عليهم نفس السعر للمسرحيات"

و كوني مرافق دفعت 1500 عالفاضي لا مقتنع فيها ولا استمتعت و توقعتها اتكون احسن

السيناريو ما عليه خلاف بتكون مسرحية وطنية احسن لو كان الكادر بالكامل قطري حتى لو حطوها بمهرجان قطر للاعمال المسرحية.


اما تجيب ممثلين من البحرين و لهم عمل فكاهي كان على مدار شهر رمضان الناس تبي تضحك اكثر و كانت متوقعه شي افضل.

ولا تعتبر مسرحية اطفال !!!

[حسن]

طريقة امتصاص الأموال الزائدة وإعادة تدويرها في السوق لتحريك عجلة الاقتصاد الوطني


هلا هلا

حيالله رجل الجزيره الحمدلله على السلامه وعيدك مبارك

اربك دعيت لي بالتوفيق

:)

كلامك في شي من الصحه بس اذا الفلوس بتروح في جيب الدوله
ولكن اذا كانت بتتصدر مااستفدنا من طفاشوه وشلته شي غير
الخساير

:(

[معماري قطري]

أصلا اول مره ينتقد شي

وإلا العاده كله يمدح ويشدخ في جميع الأمور

يمكن يوم حس بالحر والنطره في الطابور

نزل موضوع ينتقد الأسعار والتنظم

صادق كله عنده الحياة حلوة بس شكله انصاد وراح ابروق

[حسن]

صادق كله عنده الحياة حلوة بس شكله انصاد وراح ابروق

الكيل بمكيالين

:)

مستانس انت غيرك يامعماري على الهجوم على

هاهاها
افرحو غنو ارقصو طبلو

:tease:

الصراحه مادري عن شنهو تتكلمون انا اتكلم عن الاستغلال وانتو تتكلمون عن موضوع اخر
اذا جاك غانم هده في المرين بلازا

هاهاها

[معماري قطري]

الكيل بمكيالين

:)

مستانس انت غيرك يامعماري على الهجوم على

هاهاها
افرحو غنو ارقصو طبلو

:tease:

الصراحه مادري عن شنهو تتكلمون انا اتكلم عن الاستغلال وانتو تتكلمون عن موضوع اخر
اذا جاك غانم هده في المرين بلازا

هاهاها

هههههههههه انت تدري حكومتنا تزيد الرواتب من جهة وترتفع الأسعار من جهة ومثل ما قلت ياليت المستفيدين قطريين .. كلهم لفو وفلوس تتصدر برا.

وشدراك إن غانم بيجي؟ انا طفشت والله وتعبت من المشاوير وأمس سلمت السيارة وحاجز غيرها الاسبوع الجاي والله يستر وتطلع زينة .. ربعنا ما خلوا شيء لا سيارات ولا فنادق ولا شقق .. حتى الشوارع استوت زحمة .. 150000 بس من الخليج لميونخ بس.

شعندهم غير المارين بلاتز .. أسواقنا أفضل وأكبر وأسهل