احد يركب ارضيات الفينيل

[ام يوسف]

السلام عليكم ورحمة الله و بركاته احتاج مساعدتكم عندي ارضيات فينيل و محتاجه احد يركبهم لي اللي يعرف محل او عمال تركيب لا يبخل علي الله يجزيكم خير

[معماري قطري]

كنا نتعامل مع المسند وتركيبهم جيد وعندهم نوعيات راقية وكذلك العبيدلي .. المسند عندي رقم مدير التسويق بس من زمان يمكن تغير وهو أكيد يقدر يساعد أو يدبر حد أو هم يركبون .. اسمه عبدالغفور هندي يتكلم عربي زين 55502497

[ام يوسف]

الله يجزاك خير اخوي

[معماري قطري]

ويجزيج ربي بما دعيتي اختي ام يوسف والله يوفقج ارضيات الفينيل عملية وتطورت كثير عن قبل .. بعضها تجي مثل الخشب وتكون عازلة عن الكهرباء أَو الشحنة الكهربية.

مهم التركيب عدل ووصل القطع ببعض بلحمها بالطريقة الصحيحة .. تعتبر حل سريع وسهل بلصقها على الأرضيات القديمة لتغييرها.

[حسن]

مايبيلها شي بسيطه تركيبها وكل واحد يقدر يركب

اخبر محل العمودي في الزاويه عند دوار الساعه ولها ماده خاصه صمخ سعرها حروه 85 ريال استخدمها بنفسي

شوفي محل العمودي عنده من يركب

[جرس الإغلاق]

احلى موضوع

كنت داخل اسال عن الأرضيات

كما ذكر الآخوان العبيدلي والمسند والعمودي يبيعون



سوالي اي احسن نوع اقصد صناعة اي بلد ؟

ومن وين تنصحون اي محل

وجزاكم الله خير

واسمحي لي اختي على التطفل على الموضوع

[معماري قطري]

الثلاث محلات عندهم بضاعة متميزة وكل محل يختلف عن الثاني حسب النوعية

المسند آذكر شفت عندهم نوعيات حديثة وقطع كبيرة .. في النهاية اختيار الشخص العادي يكون لمنطقة صغيرة وفي الغالب يختار الأفضل كشكل ومواصفات .. اللي بياخذ يهتم بمواصفة عدم الاشتعال بسهولة وهذي تجربتها سهلة قطعة بسيطة ونجرب شلون تشتغل .. بعضها تطلع غازات مميتة وبعضها ما تحترق وتطفى لو حاولت تشعلها .. الصيني الابتعاد عنه غنيمة.