شرايكم بهالصورة

[الحياة الخالدة]

http://cdn.top4top.net/i_863db783850.jpg (http://up.top4top.net/)


السلام عليكم و رحمة الله
هاذي صورة كيكة في واجهة أحد الكوفي شوبات

احتجت وحدة من المواطنات على وضع مجسم للحذاء عليها و كانت تتناقش مع الموظفين تبي تسجل احتجاجها عند مدير المطعم أو الكوفي شوب

سؤالي : هل كانت المواطنة مبالغة في ردة فعلها والا هي بالفعل على حق ؟؟

[غريب الدّار]

http://cdn.top4top.net/i_863db783850.jpg (http://up.top4top.net/)


السلام عليكم و رحمة الله
هاذي صورة كيكة في واجهة أحد الكوفي شوبات

احتجت وحدة من المواطنات على وضع مجسم للحذاء عليها و كانت تتناقش مع الموظفين تبي تسجل احتجاجها عند مدير المطعم أو الكوفي شوب

سؤالي : هل كانت المواطنة مبالغة في ردة فعلها والا هي بالفعل على حق ؟؟



وين مجسم الحذاء؟

واحتجاج الأخت المواطنة كان على وشو بالضبط؟

[R 7 A L]

معها حق المواطنة
هذولا ماعزوا النعمة
والمواطنة انكرت المنكر جزاها الله خير

[الحياة الخالدة]

وين مجسم الحذاء؟

واحتجاج الأخت المواطنة كان على وشو بالضبط؟

انا مادري إذا الصورة طالعة عندك عدلة والا منسدحة .. بس اذا ممكن تشوف الموضوع بالجوال

مجسم الحذاء موجود على كيكة الشوكولاته الموجودة
و احتجاجها كان من منطلق تكريم النعمة .. بمعنى ما يجوز يحطون جوتي ( الله يعزك ) على نعمة الله .. حتى لو كان مجسم

[النهار]

الكل عرف ينزل صور انا الوحيد لين الحين http://www.up.7cc.com/uploads/1437647741381.gif (http://www.up.7cc.com/)

[النهار]

مالها حق يوم ابي اودي كيك للاعب اودي له باري مثلا

[غريب الدّار]

انا مادري إذا الصورة طالعة عندك عدلة والا منسدحة .. بس اذا ممكن تشوف الموضوع بالجوال

مجسم الحذاء موجود على كيكة الشوكولاته الموجودة
و احتجاجها كان من منطلق تكريم النعمة .. بمعنى ما يجوز يحطون جوتي ( الله يعزك ) على نعمة الله .. حتى لو كان مجسم

الصورة كانت منسدحة فعلا :)
بالجوال واضحة

بس المجسم هذا عبارة عن جوتي صجي ولا عبارة عن كيكة بعد؟

اذا كان جوتي صجي (وانا استبعد هالشي لانه بيكون سوء تصرف وغباوة من المحل انه يحط جوتي صجي)
فمن حق المواطنة انها تتكلم وتبين لهم خطأهم كنصيحة

بس اذا كان كيكة :
فأعتقد ماعندها سالفة ابد ويمكن تكون فاضية (أقول يمكن)

لأن يمكن راعية الكيكة طلبت هالشي وفي النهاية حتى لو كان مجسم فهو اكل

يعني الحين اذا سويت كيكة على شكل اسد هل يحرم اكله؟

[رجل تعليم]

أعتقد الخلل في الزبون الذي سيقبل بتناول شيء على شكل حذاء
نعم من حقها أنها تحتج عليهم

[رجل تعليم]

الكل عرف ينزل صور انا الوحيد لين الحين http://www.up.7cc.com/uploads/1437647741381.gif (http://www.up.7cc.com/)
بسطة جدا أخوي
افتح مثلا موقع الثعلب لرفع الصور من الجوال واختر الصورة المرغوب تحميلها وانتظر لين يعطيك رابط الصورة ثم انسخه وحطه في المنتدى وستقاسمنا صورك ببساطة

[OREO]

أولا حرية شخصية كون مايضر المجتمع و ما يتعارض مع الدين ...

ثانياً اذا كلامها صحيح عيل ليش ما تعارض على الكيكات اللي بوطوابق اللي فوقهم المعرس والعروس ..

سوري لكن المواطنة غلطانة من وجهة نظري و تعدت على خصوصية الناس

[OREO]

كثير من محلات الرياضة تضع صور الاحذية على لافتاتها ونحن نمر من تحتها ... هل هذا يعني قدر النعال اجلكم الله اعلى من قدرنا ؟

ارحمونا يا عقلاء

[الدوحي7]

صوره عاديه،، وتعتمد على ذوق الى معطي الهديه ومستقبلها ،،ونوع احترامهم حق بعض،، اذا كفار عادي عنده جوتي الله يعزكم،، وشكرا

[عيسى111]

كثير من الحلويات على شكل حذاء

وهذا نوع موجود من سنين وكثير اللي كلوا منه

http://lirak.free.fr/images/DessertChatiMatiAlshamiya.jpg

[OREO]

http://cdn.top4top.net/i_863db783850.jpg (http://up.top4top.net/)


السلام عليكم و رحمة الله
هاذي صورة كيكة في واجهة أحد الكوفي شوبات

احتجت وحدة من المواطنات على وضع مجسم للحذاء عليها و كانت تتناقش مع الموظفين تبي تسجل احتجاجها عند مدير المطعم أو الكوفي شوب

سؤالي : هل كانت المواطنة مبالغة في ردة فعلها والا هي بالفعل على حق ؟؟

ماقلتي هل الموضوع هذا منقول او حضرتي الحادثة بنفسج و ايش رايج بالموضوع كونج صاحبة الطرح ؟

[الحياة الخالدة]

ماقلتي هل الموضوع هذا منقول او حضرتي الحادثة بنفسج و ايش رايج بالموضوع كونج صاحبة الطرح ؟

لا ياخوي انا حضرت الحادثة بنفسي
كنت بالصدفة أشرب كوفي بنفس الكوفي شوب مع قريبتي
و سمعت صوت وحدة قطرية تتناقش بصوت مسموع مع الموظفات و تحتج على وجود الكيكة المذكورة .. و كانوا الموظفات يناقشونها أن هالشي عادي و هي تقول لهم ما يصير .. و كانت مصرة تكلم المدير أو المسؤول

بالنسبة لي ما انتبهت للكيكة الموجودة إلا بعد ما سمعت النقاش
قريبتي كان رايها إن شي عادي
و بالنسبة لي شخصياً لا أحبذ وجود مثل هالمجسمات .. لكن لو شفتها على الواجهة ما اعتقد كانت بتجيني الجرأة أروح أحاججهم فيها و اطالب بإزالتها

في النهاية تبقى المسألة وجهة نظر
و حبيت أشوف رأي الناس فيها .. فالتقطت الصورة

[STAR]

بالغت برده فعلها....

[H H]

شكلها كانت فاضيه شوي الله يحفظها

[OREO]

لا ياخوي انا حضرت الحادثة بنفسي
كنت بالصدفة أشرب كوفي بنفس الكوفي شوب مع قريبتي
و سمعت صوت وحدة قطرية تتناقش بصوت مسموع مع الموظفات و تحتج على وجود الكيكة المذكورة .. و كانوا الموظفات يناقشونها أن هالشي عادي و هي تقول لهم ما يصير .. و كانت مصرة تكلم المدير أو المسؤول

بالنسبة لي ما انتبهت للكيكة الموجودة إلا بعد ما سمعت النقاش
قريبتي كان رايها إن شي عادي
و بالنسبة لي شخصياً لا أحبذ وجود مثل هالمجسمات .. لكن لو شفتها على الواجهة ما اعتقد كانت بتجيني الجرأة أروح أحاججهم فيها و اطالب بإزالتها

في النهاية تبقى المسألة وجهة نظر
و حبيت أشوف رأي الناس فيها .. فالتقطت الصورة

يزاج ربي كل خير على الرد .. وانا شخصياً اشوف الامر عادي وكون هالشئ مايخالف الدين وغير محرم شرعاً فماله داعي المواطنة تسوي كل هالبلبلة

[مرتبش]

مبالغة

[الحياة الخالدة]

يزاج ربي كل خير على الرد .. وانا شخصياً اشوف الامر عادي وكون هالشئ مايخالف الدين وغير محرم شرعاً فماله داعي المواطنة تسوي كل هالبلبلة

أجمعين أخوي أوريو
أنا اللي سمعته منها إن اللي بيشوف الكيكة على الواجهة بهذه الصورة .. بيعتقد ان فيها إهانة للنعمـــــة .. و هالشي مب حلو في حق بلدنا
كون قطر دولة مسلمة
أنا طلعت من المحل و هي تكلم المسؤول .. و مادري شصار عقب

[حـ ن ـيـ ن]

هل لها حق أم لا ؟ لا أعلم ...

لكن النفس لا تقبل أكلها...رب لك الحمد ...

[qatarman8008]

طبعا اللي بينزل السوق بيشوف اشياء كثيرة ليست من الدين وليست من الاخلاق في شيئ..
مثل هذا الديكور اللي مسويينه حق كيكة..
يعني ما عاد فيه الا جوتي..؟؟ كرمكم الله..
لكن الواحد ما يقدر يحتج ويشتكي على كل شي في السوق..
اولا لان المنكر كثير.. كم الواحد بيتم يحتج ويشتكي..
الشي الثاني ان اتساع واختلاف اراء الناس..
يعني يمكن تكون هالكيكة من مواطن او مواطنة طالبينه بهالصورة..


اعطيكم مثال اخر على احتقار النعمة وهي..
لما يدخلون مجموعه من اللشخاص للمطعم ويطلبون طلبات ما ياكلون حتى نصها وفي بعض الحالات ما ياكلون حتى ربعها..
هذا ما نحتج عليه بعد..؟؟

[بشائر]

حياج الله اختي الحياة الخالدة ..

بالنسبة لي ما أرضى بهالنوع من الكيك .. المسألة مسألة ذوق ورقي بحت .. ومبدأ ..
احتجاج المواطنة كان في محله .. فيه إهانة للنعمة .. وللي بيرضى ياكل من هالكيكة ..

من جهة أخرى شيطانية ممكن يستغلها البعض الشرير كرسالة مهداة للبعض الشرير الآخر في حرب هادئة كيكية ... شو هالحكي أعوذ بالله منك يابليس..

هالنوعية من البشر ما بتلاقين لفضولها حد .. اليوم بيشوفونا سكتنا على كيكة الجواتي عزكم الله .. بكره بيتجرؤون أكثر .. لين ما يكون لصوتنا أي صدى مسموع ..
مثلا ..شفت صور في النت للكيك مقرفة ..الحمد لله ماوصلت عندنا هالثقافة للحين - دامنا نرفض قالب الجوتي وانتوا بكرامة - فمازلنا بأمان ..
شفتها على شكل ( طفل رضيع مذبوح ) ( مرحاض أجلكم الله ) ( ملابس ...) :rolleyes2:
تماما مثل بعض المطاعم النادلات يلبسون تنانير سودا لين الركبة مع كولون أسود غامج (هيلا هوب) ... وكل مالها مع الأيام والشهور التنورة تقصر ..
والغامج حبة حبة يشف لين ما نتعود على الوضع :unsure:
تكنيك ياماما .. بس على من ؟!:)

[ابن الجزيرة]

الاحتجاج فيه مبالغة

ان كانت تريد الاحتجاج مافيه داعي لرفع الصوت ولا حتى لاستدعاء المدير

تسجل احتجاجها في دفتر الاحتجاجات ان وجد

او تكلم احد العاملين ...وتغادر ...مافيه لزوم رفع الصوت وشوفوني انا احتج!!

[.قطر.]

وعليكم السلام ورحمه الله وبركاته
:omen2:
انا اشوف تعطيهم الملاحظه وهم يشوفون شغلهم
او تفهمهم ان الجوتي ماينحط ع النعمه
او اذا كان الجوتي مب صجي مافي مشكله

:)

[aloosh]

ذكرتوني بمقطع حاطين الكيكه على شكل كائن حي يقطعون منه ويصيح :)

النعمه زواله


اجل اكل كيك على شكل جوتي حتى لو رياضي:)

[بنت شرق]

وعليكم السلام ورحمه الله وبركاته
:omen2:
انا اشوف تعطيهم الملاحظه وهم يشوفون شغلهم
او تفهمهم ان الجوتي ماينحط ع النعمه
او اذا كان الجوتي مب صجي مافي مشكله

:)

ممكن اضيف اقتراح ،،،ممكن تقترح عليهم يحطون كاس ،،،رياضي ،،او درع او ملعب ملابس رياضية ،،،فيكون مقبول ذوقيا
لكن المبالغة مش حلوة ،،،بالنهاية هو ذوق ،،،

[المحاميه]

أولا حرية شخصية كون مايضر المجتمع و ما يتعارض مع الدين ...

ثانياً اذا كلامها صحيح عيل ليش ما تعارض على الكيكات اللي بوطوابق اللي فوقهم المعرس والعروس ..

سوري لكن المواطنة غلطانة من وجهة نظري و تعدت على خصوصية الناس

نعم هذا الرد يمثلني
كل واحد كيفه
اشعليها هي محد جبرها تاخذ هالكيكه يه

عيل خل تحتج اللي عليهم علم الصليب او ناس مفصخه الخ

[معماري قطري]

الكل عرف ينزل صور انا الوحيد لين الحين http://www.up.7cc.com/uploads/1437647741381.gif (http://www.up.7cc.com/)

سهلة اخوي النهار .. تروح موقع تنزيل ولو ما عندك تضغط على أي صورة في المنتدى بيطلع لك رابط الموقع مضاف له رابط الصورة .. وفيه شرح لطريقة التنزيل في منتدى السفر والسياحة على ما اعتقد موضوع مثبت

[معماري قطري]

بالنسبة لهذا التصرف .. أَشياء كثيرة نشوفها ما تعجبنا ولا نحتج الا على شيء قوي

التجسيم والتصنيم في الاسلام حرام للانسان والحيوان .. أما النبات والجماد يستخدم من بدايات الاسلام .. كان كلمت العضيد وسئلتهم شالحل في هذي الحالة أو قدمت شكوى

[المحاميه]

ياناس

هالمحلات تنفذ الكيكات على حسب طلب الزبون

[.قطر.]

ممكن اضيف اقتراح ،،،ممكن تقترح عليهم يحطون كاس ،،،رياضي ،،او درع او ملعب ملابس رياضية ،،،فيكون مقبول ذوقيا
لكن المبالغة مش حلوة ،،،بالنهاية هو ذوق ،،،
اقتراحاتج تناسب الكيك اما ذيلا والله شي غريب اشدعوه مالقوا الا يحطون جوتي :omen2:

[.قطر.]

ياناس

هالمحلات تنفذ الكيكات على حسب طلب الزبون

عيل حد يجيب لنا رقم الزبون/ـه ونعطيه الاخت اللي انتقدت الكيك وتتفاهم معاه/ـا وتفك المحل من الحنه :omen2: :tease:

[المحاميه]

شدراني
شذنب المحل
هم بس ينفذون

[الحياة الخالدة]

سؤال :
الحين لما الزبون يوصي على كيكة .. هل يسوونها و يجهزونها و يخلونها له على صوب
والا يرزونها على الواجهة ( في الفاترينة ) كنوع من الدعاية و عرض المنتجات ؟؟

يعني هالكيكة كانت محطوطة و مكشوفة فما اعتقد انها حق حد موصيهم يسوونها و بيجي ياخذها و هي بهالطريقة

[المحاميه]

ساعات تكون للعرض بناء على طلب زبون سابق
وساعات يحطونها شوي عشان يصورونها ويرزونها فالانستا
وساعات يحطونها شوي لين يغلفونها ويستلمها صاحبها

[وحيد-الشوق]

الشرهه على صاحب الكيكه قدر وجهه حتى الجوتي حطوه عالكيك عقول فارغه !!

[قطريه ماركه]

و الله هالكييك العبوا في شكله و صاروا يألفووون واايد
زين سووت فيهم و الا قللللت الافكار اسوي كيكة على شكل حذاااااء :secret:

[bohilal191]

سؤال يطرح نفسه الجوتي الله يعزكم حقيقي ولا مصنوع من الشوكولاته

[الحياة الخالدة]

جزاكم الله خير جميعاً

أخوي الدوحة : الجوتي الله يعزك مصنوع من الشوكولاتة

[الحياة الخالدة]

و للتوضيح : البنت ما كانت تصارخ إنما مثل ما قلت كانت تتكلم بصوت مسموع .. و الكوفي شوب كان تقريباً فاضي
و اعتقد أنها احتدت شوي في الكلام مع الفليبينيات لأنهم كانوا رافضين يعطونها رقم المسؤول أو المدير .. و يدافعون عن وجهة نظرهم و يحاولون يقنعونها أنه شي عادي
يعني ما نقدر نحط في ذمتنا إنها سوت هالشي لمجرد الاستعراض أو غرض سيء

[حرف]

لاحول ولاقوة الا بالله
جوتي جوتي ياناس وتقولون مافيها شي
الله يستر لا يخسف بنا الله الارض على رضانا بالشي

[<اضرب واشرد>]

الكيكة (أم جوتي) مايقبلها أكثر الناس، وعرضها في وسط المحل بهذي الطريقة كعينة لأعمالهم .. خطأ وفيه إساءة وسوء تقدير للأدب (يمكن غير مقصودة منهم)
الكيكة أم جوتي ممكن تكون مقبولة لو لاعب عازم ربعه ، يعني يحبون هالسوالف ، أو ياهل فاز بمباراة في نادي أو مدرسة ، أو تكريم لحذاء اليمنية اللي فلعت الحوثي.
يعني حالات خاصة الواحد يشوف فيها (الجوتي) شيء كبير وله رمز ومعنى. ومع ذلك أجزم أن كثير من هؤلاء الخواص (لاعبين إلخ) مايقبلون ياكلون كيكة على شكل حذاء/جوتي/نعال/زنوبة، وهذي فطرة سليمة فيهم.

والصراحة أحس أني ماعندي سالفة وأنا أكتب اللي كتبته، ولولا أن المشاركات بلاش كان ماشاركت :nice:

[الحياة الخالدة]

الكيكة (أم جوتي) مايقبلها أكثر الناس، وعرضها في وسط المحل بهذي الطريقة كعينة لأعمالهم .. خطأ وفيه إساءة وسوء تقدير للأدب (يمكن غير مقصودة منهم)
الكيكة أم جوتي ممكن تكون مقبولة لو لاعب عازم ربعه ، يعني يحبون هالسوالف ، أو ياهل فاز بمباراة في نادي أو مدرسة ، أو تكريم لحذاء اليمنية اللي فلعت الحوثي.
يعني حالات خاصة الواحد يشوف فيها (الجوتي) شيء كبير وله رمز ومعنى. ومع ذلك أجزم أن كثير من هؤلاء الخواص (لاعبين إلخ) مايقبلون ياكلون كيكة على شكل حذاء/جوتي/نعال/زنوبة، وهذي فطرة سليمة فيهم.

والصراحة أحس أني ماعندي سالفة وأنا أكتب اللي كتبته، ولولا أن المشاركات بلاش كان ماشاركت :nice:

ترا محد مجبور على المشاركة ياخوي

[مواقف النجادة]

مالها حق يوم ابي اودي كيك للاعب اودي له باري مثلا

وديله كورة ..

اللي ما يعز النعمه الله ما يعزه

[<اضرب واشرد>]

ترا محد مجبور على المشاركة ياخوي

مشرفتنا الطيبة

الموضوع مافيه شيء بالعكس، كنت أقصد: حسيت أني ماعندي سالفة وأنا أكتب 3 سطور أشرح فيها أشياء (بديهية)
الخلاصة: البعض يشوف الكيكة ما احترمت النعمة، والبعض يشوفها ما احترمت زباين المحل وضيوف الحفل، والبعض يشوفها ما احترمت الأثنين، والبعض يشوفها مافيها شيء.

وأنا رأيي أن الحذاء في عرفنا ، إذا ذكرناه نسبقه بـ (تكرمون،الله يعزكم)
فمن ناحية الأخلاق والعرف .. التصرف مرفوض

الأكل نعمة، نشكر الله ونحمده عليها
والحذاء انكرم السامع عند ذكره
وهذان لايجتمعان إلا عند سفيه

[الحياة الخالدة]

مشرفتنا الطيبة

الموضوع مافيه شيء بالعكس، كنت أقصد: حسيت أني ماعندي سالفة وأنا أكتب 3 سطور أشرح فيها أشياء (بديهية)
الخلاصة: البعض يشوف الكيكة ما احترمت النعمة، والبعض يشوفها ما احترمت زباين المحل وضيوف الحفل، والبعض يشوفها ما احترمت الأثنين، والبعض يشوفها مافيها شيء.

وأنا رأيي أن الحذاء في عرفنا ، إذا ذكرناه نسبقه بـ (تكرمون،الله يعزكم)
فمن ناحية الأخلاق والعرف .. التصرف مرفوض

الأكل نعمة، نشكر الله ونحمده عليها
والحذاء انكرم السامع عند ذكره
وهذان لايجتمعان إلا عند سفيه

جزاك الله خير على التوضيح

[OREO]

و للتوضيح : البنت ما كانت تصارخ إنما مثل ما قلت كانت تتكلم بصوت مسموع .. و الكوفي شوب كان تقريباً فاضي
و اعتقد أنها احتدت شوي في الكلام مع الفليبينيات لأنهم كانوا رافضين يعطونها رقم المسؤول أو المدير .. و يدافعون عن وجهة نظرهم و يحاولون يقنعونها أنه شي عادي
يعني ما نقدر نحط في ذمتنا إنها سوت هالشي لمجرد الاستعراض أو غرض سيء

سؤال يطرح نفسه !!!

هل الشوز نعمة ام لا ؟

وثاني شئ هل المقصد من هذه الكيكة اهانة لجهة معينة او كرامة انسان او اهانة دين معين ؟


يا اختي الحياة الخالدة هل تقبلين هدية شوز ام لا ولماذا ؟



البعض اجوبتهم ارتجالية في اعتقادي و بدون مايشوف من جميع النواحي و شخصيا اتخيل اني لاعب كورة و احب الكورة بشكل خيالي و خاصة اني احب براند معين من لبس الرياضة و ام العيال جابتلي كيكة عليها النوعية من هذا الشوز لان فعلا تعنيلي الكثير والخ .. هلى هي اهانة كرامتي ام حبنا فيني؟

شخصيا اعتبر هذا الشئ يعود على نية الشخص و الشوز بحد ذاته نعمة و بعطيج مثال ثاني ،،، تخيلي صاحب مزعة اهدى مزارع حمار الله يعزج لان المزارعين بحاجة له و الحمار له قدر عندهم و هل هذه الهدية من صاحب المزرعة للزراع تعتبر اهانة ؟؟؟؟

دائما لازم نصفي النية قبل ما نتهم الاخرين و ردي هذا ما اقصد حد من الاخوه لكن مجرد توضيح ,,

[الحياة الخالدة]

سؤال يطرح نفسه !!!

هل الشوز نعمة ام لا ؟

وثاني شئ هل المقصد من هذه الكيكة اهانة لجهة معينة او كرامة انسان او اهانة دين معين ؟


يا اختي الحياة الخالدة هل تقبلين هدية شوز ام لا ولماذا ؟



البعض اجوبتهم ارتجالية في اعتقادي و بدون مايشوف من جميع النواحي و شخصيا اتخيل اني لاعب كورة و احب الكورة بشكل خيالي و خاصة اني احب براند معين من لبس الرياضة و ام العيال جابتلي كيكة عليها النوعية من هذا الشوز لان فعلا تعنيلي الكثير والخ .. هلى هي اهانة كرامتي ام حبنا فيني؟

شخصيا اعتبر هذا الشئ يعود على نية الشخص و الشوز بحد ذاته نعمة و بعطيج مثال ثاني ،،، تخيلي صاحب مزعة اهدى مزارع حمار الله يعزج لان المزارعين بحاجة له و الحمار له قدر عندهم و هل هذه الهدية من صاحب المزرعة للزراع تعتبر اهانة ؟؟؟؟

دائما لازم نصفي النية قبل ما نتهم الاخرين و ردي هذا ما اقصد حد من الاخوه لكن مجرد توضيح ,,
أخوي أوريو : جزاك الله خير على التوضيح
و كلامك في محله .. الرك على النية أكيد
لكن الناس لها بالظاهر

يعني : و بالمرة بجاوب على سؤالك لي بخصوص لو ان حد أهداني ما ذكرت
أولاً عمري ما تلقيت هالهدية .. بس لو جاتني من شخص قريب لي و علاقتي فيه زينة ما بيكون فيها شي

لكن لما يكون المهدي غريب .. و هناك نوع من الخلاف بيني و بينه فلا شك أني بعتبرها إهانة
و الأمر كذلك بالنسبة لأي شي ثاني
نعتمد على العلاقة بين الناس لو كانت طيبة أو لا
و على نية الشخص الللي يتصرف هالتصرف لو كانت نيته سليمة و صافية أو إن له مقصد ثاني من التصرف أو الحركة اللي سواها

[OREO]

أخوي أوريو : جزاك الله خير على التوضيح
و كلامك في محله .. الرك على النية أكيد
لكن الناس لها بالظاهر

يعني : و بالمرة بجاوب على سؤالك لي بخصوص لو ان حد أهداني ما ذكرت
أولاً عمري ما تلقيت هالهدية .. بس لو جاتني من شخص قريب لي و علاقتي فيه زينة ما بيكون فيها شي

لكن لما يكون المهدي غريب .. و هناك نوع من الخلاف بيني و بينه فلا شك أني بعتبرها إهانة
و الأمر كذلك بالنسبة لأي شي ثاني
نعتمد على العلاقة بين الناس لو كانت طيبة أو لا
و على نية الشخص الللي يتصرف هالتصرف لو كانت نيته سليمة و صافية أو إن له مقصد ثاني من التصرف أو الحركة اللي سواها

بالضبط مثل ما تفضلتي و هذا هو المقصد و يزاج ربي كل خير

[Dana’1]

اتوقع إنها طلبيه لزبون أجنبي أو عربي يقلد الأجانب هههه
لأن بصراحه الأجانب هم الي عندهم طواري عجيبه غريبه( لا عالبال ولا عالخاطر) فعادي جدا نشوف كيك بكجسم
وانتو بكرامه (جوتي ، كلب ، زواحف وحشرات) لا بعد يزينون الكريما ببعض الحشرات المجففه!!


هذا المحل الأهم بالنسبه له الربحيه فبيسوي اي مجسم مطلوب ماراح يوقفه شي على ما اعتقد

وكثير اشياء مانتقبلها هي عند غيرنا عادي
تلاقين الأجنبي يسمي كلبه على اعز صديق عنده من زود المحبه!
ونتلاقين عربي يسمي أغلى حصان عنده على شخص يحبه ويعزه




^_^

[Abdullah_89]

الجوتي الله يكرمكم مجسم وينأكل
مالوم المحل ألوم اللي طلب الكيكه وماحصل الا مجسم جوتي يسوي عليه الكيكه
هالكيكات 3d يسوونها وتفننون فيهنا ألحين كل المحلات ولو توديلهم صورة اي شي يسوون لك عليه مجسم

[kuwari]

اشوفه عادي

[bohilal191]

جزاكم الله خير جميعاً

أخوي الدوحة : الجوتي الله يعزك مصنوع من الشوكولاتة

مادام الجوتي مصنوع من الشوكولاتة أكيد اللي طلب هالتصميم عنده مناسبة رياضية ويمكن على نياته وماعنده علم انها إهانه وشكرا

[حليتان*]

الحياه عادي اشوفها


ياخي في عضو ذكر العروس والمعرس الي يحطونهم ع الكيك اتوقع هالكلام من زمان بس بعد اتوقع انهم كانو يلبسونهم جواتي!! ما اظن بيحطونهم حفي !

[المحاميه]

الحياه عادي اشوفها


ياخي في عضو ذكر العروس والمعرس الي يحطونهم ع الكيك اتوقع هالكلام من الزمان بس بعد اتوقع انهم كانو يلبسونهم جواتي!! ما اظن بيحطونهم حفي !

من الزمان شنو؟؟؟

[المحاميه]

الجوتي الله يكرمكم مجسم وينأكل
مالوم المحل ألوم اللي طلب الكيكه وماحصل الا مجسم جوتي يسوي عليه الكيكه
هالكيكات 3d يسوونها وتفننون فيهنا ألحين كل المحلات ولو توديلهم صورة اي شي يسوون لك عليه مجسم

:nice:

[حليتان*]

من الزمان شنو؟؟؟

من زمان بس الاف واللام متلقفين ههههههه