توكيل لمحامي

[طموح قطري]

السلام عليكم

ممكن تساعدوني يا اخواني في تعليمي طريقة عمل توكيل لمحامي في قضية

المحامي طلب مني التوكيل وقال سويه في وزارة العدل بس ماعرفت شالاوراق المطلوب وهل لازم شهود

واي نوع من التوكيلات اسوي ،،

[وليف الشوق]

اول شي تروح وزارة العدل وعند الباب الرئيسي تلقى الطباعين وتكتب البيانات في الفورمه مقبل 10 ريال على مااعتقد وبعد تصعد ماادري اي طابق تروح للمدير يوقع لك على الفورمه المطبوعه وتروح الصندوق تدفع الرسوم بالطاقه مب كاش وبعدين تروح الاستعلامات يعطيك التوكيل وفالك طيب والامور هذي ماراح تاخذ منك اقل من نص ساعه ولاتنسى تاخذ صورة من التوكيل عندك

ملاحظه صغيرة : لازم يكون عندك اسم المحامي كامل مع ان اكثر الطباعين يعرفون اسماؤهم من واقع خبرتهم بالمراجعين والتوكيلت لكن احتياط اخذ الاسم كامل

[حسن]

وزاره العدل مثل ماقالك وليف الشوق وبيانات المحامي
وامورك طيبه 5 دقايق وانت خالص
اخبر توقع عن احمد المراغي

بالتوفيق

[دايموند]

نوع التوكيل قضايا...

[وليف الشوق]

نوع التوكيل قضايا...

والله يذكرك بالشهادة راح يسألونك وش نوع التوكيل لان التوكيل انواع وانت قولهم قضايا

[طموح قطري]

اخواني مشكورين

بس استفسار اخر وين مكان مكتب خدمات وزارة العدل الي بمسيمير دورته مالقيته

[النهار]

ياخوي مكانهم مايضيع
تخلي النادي العملي على يمينك وسوق الغنم بيكون على يسارك
تروح سيده تجيك اشاره بعد روح سيده تجيك اشاره ثانيه جديده وعلى يمينك بتكون مدرسه الصناعه
بعد روح سيده يجيك دوار ويمينك بتحصل خزنات وقود مجمع امسيمير مقابلها على طول