مطلوب شراء ارض

[الهديل]

السلام عليكم
ناوي اشتري ارض في ام صلال علي لان ام صلال محمد الاسعار فيها مرتفعة :omg:غير ان الاراضي غير متوفره
اذا ممكن تفيدوني كم السعر الحقيقي للفوت في ام صلال علي اذا كان الشارع 16 و واجهة الارض 15

[الوسيط العقاري]

الاراضي متوفره

الأسعار مابين 330 الى 360

حسب الموقع المساحة والواجهه

[سعود.]

السلام عليكم
ناوي اشتري ارض في ام صلال علي لان ام صلال محمد الاسعار فيها مرتفعة :omg:غير ان الاراضي غير متوفره
اذا ممكن تفيدوني كم السعر الحقيقي للفوت في ام صلال علي اذا كان الشارع 16 و واجهة الارض 15

هذا رابط من وزارة العدل بالاسعار الاخيرة للاراضي

http://www.moj.gov.qa/d-4-last-wek.php

[الهديل]

مشكور اخوي سعود
استفدت كثير من الرابط
الاسعار معقولة بس الاسعار الي نسمع الوسطاء يتكلموا عنها بعيدة كثير عن اسعار التدولات الاخيره

[الهديل]

ما شاء الله الي شراء ارض 1077 م في ام صلال محمد سعر الفوت ب 258.7 ريال
الله يبارك للبائع و الشاري
ليش انا لما اروح اسال عن ام صلال محمد يقولوا لي الفوت من 370 الى 400
:telephone:

[سعود.]

ما شاء الله الي شراء ارض 1077 م في ام صلال محمد سعر الفوت ب 258.7 ريال
الله يبارك للبائع و الشاري
ليش انا لما اروح اسال عن ام صلال محمد يقولوا لي الفوت من 370 الى 400
:telephone:

لان الوسيط بيستفيد اكثر كل ماارتفع سعر الارض !!

[الهديل]

ايه بس كذا بيتضرر البايع والشاري
لان البائع ما راح يبيع بسرعة واحيانا الواحد يبي يبيع بسرعة محتاج سيولة
والشاري طبعا بيتاخر في الشراء على ما يجمع فلوس اكثر يكون سعر الفوت زاد و هكذا

[busnaidah]

المشكلة إنه كل من هب ودب يشتغل من غير مكتب ولاترخيص. صدقني بلاوي اللي أنا شفته في شهر. المفروض وضع حد ومعايير للشغلة.

مثال:- المالك طالب 4 مليون والدلال يقول له واللي يجيب لك أكثر يقول له المالك بعطيك نص المبلغ الزايد. يعرضها ب 4,5 ويطمع في ال 250 ألف الزيادة والمالك يتضرر لأنه مب عارف إن الأخ مب راضي يبيع ب 4 مليون لأنه ماراح يطلع المبلغ اللي في خاطره

5 وسطاء يدشون في الصفقة وكلن يبي يأكل قد مايقدر.

الوسيط يدبس المستثمر بعقار بسعر غالي ويوهمه إنه العقار بيرتفع سعره وإنه فايدة العقار من المضاربة مب من الإجار. مثل اللي يشتري سهم على أمل إرتفاع سعره بغض النظر عن التحليل الأساسي للسهم.

توجه الملاك للوسطاء اللي بالشنطة لأنه يوهمه إنه عنده مستثمرين مثل فلان وفلان ولا يشترون إلا بتوصياته. بعض الوسطاء مب هامه يمشي سلعة المالك لأنه ماعليه إيجار مكتب ولا رواتب. الملاك عندهم عزوف عن التعامل مع الشركات والمكاتب المرخصة لأسباب مجهوله.
أي واحد ممكن يطلب عقارات ويبيع عن طريق إعلان وبدون أي مسؤلية.
مع الوقت اللي ماشي بالقانون يطفش ويخلي هالشغلة.
إيش فايدة الترخيص إذا كل من هب ودب يشتغل بهالشغلة بدون قيود ولاغرامات تردع هذي الظاهره.
أزيد الأسباب ولا كافي.

المشكلة مشتركة بين عدة جهات ولاتوجد جهه مسؤولة عن هذي المشكلة.

[الهديل]

busnaidah معاك حق في كل كلمة قلتها
الوسطاء سبب في ضرر البائع والشاري
ما همهم تسويق العقار وما يضرهم اذا تاخرت الصفقة المهم كم بيطلع لهم من البيعة
و الغريب ان الوسيط ما يوصلك للبايع هو يتفاصل معاك في السعر وكان العقار ملكه هو

بس ايش الحل لهذه المشكلة

[الهديل]

انا مش ضد الوسيط الي يكسب عمولته المتعارف عليها من غير من يضر اي طرف
بس الشغله صارت اغلبها نصب واحتيال

[الهديل]

Qatar wolf
اعذرني ما قدرت ارد عليك في الخاص مشاركتي ما وصلت 50
انا للحين ما عينت ارض
و ابي ارض في منطقة ام صلال لانها قريبه من مدارس العيال وتكون مساحتها في حدود 500 متر علشان اقدر على ثمنها