خبراء الهند .... وينكم

[بومحمد55]

أبي اروح الهند لمدة 14 يوم مع الأهل

اللي عنده خبره عن الأماكن السياحية هناك مثل بنغلور - دلهي - ميسور وغيرها

الفنادق الراقية ، واذا في سائق مع سيارة يكون معانا

لاتبخلون علي بخبرتكم

[manaya]

السلام عليكم أخوي

رحت كيرلا اخر شهر يناير ... حجزت 8 أيام 7 ليالي عن طريق ريجنسي .. بلد جميله ونظيفه ومرتبه وناسها ودودين ورخيصه

اخذت من ريجنسي الاتي:
- سيارة بسائقها طول الرحلة مع الجولات السياحية (استقبال من مطار كوتشي)
- اول قريه كانت جبلية اسمها مونار (كان حجزي يومين بفندق mountain club) - كوخ على جبل نظيف ومرتب غرفتين نوم بحماماتهم وصاله صغيره مع فطور في مطعم الفندق
- ثاني مدينه اسمها تيكادي (حجزت يومين بفندق green woods) - جناح مستقل مع مسبح خاص معزول شامل فطور في مطعم الفندق وفي غرف بالفندق نفس الافلام كوخ على شجره
- ثالث شي منطقة اسمها ألبي (كان الحجز ليلة في غرفه على مركب اسمها house boat) - فكرة جميله مع فطور وغدا وعشا يطبخهم في المركب نفسه بس مافي كهرباء ولا مكيفات من 7 الصبح الى 7 المسا
- رابع شي نزلت في مدينة كوتشي ( يومين بفندق crown plaza ) - وخمس نجوم نظيف ومرتب وما عليه كلام مع فطور

شيك على الفنادق بالنت

التكلفه للفنادق والسيارة مع السائق والجولات طول المده كانت 6000 ريال

حجزت طيران على القطرية دايركت خذت التكيت مع عرض اليوم الوطني خصم 40 % بـ 1600 ريال للشخص
في عندك جت ايرويز تروح دايركت ورخيصه
غيرهم لازم تارنزيت

اشجعك تروح وناسه ومافي زحمه ناس في الشتا

[ماجد البدر]

بنقلور وميسور قراب من بعض ممكن السكن في بنقلور التنقل الى ميسور حلوه وفيها قصور المسلمين والي قاوموا الاستعمار وفيها شلالات روعه
افضل فنادق على الاطلاق في بنقلور The Leela Palace ليلا بلس شي خرافي عبارة عن قصر فخم راقي والاكل فيه من كل الاذواق ونظيف جدا وموجود في بوكنج
و لو رايحين للعلاج فيه مستشفات كثيرة جدا
عندي رقم سايق ممكن يفيدكم جدا يتكلم عربي مكسر شوي على انجليزي امين جدا وشهادة لله مالي مصلحه معاه غير انه يستاهل كل خير سايق ودليل سياحي ويعرف غالب المستشفات ممكن ارسل الرقم للي يبيه للاسف مخرزن في تلفوني مش معاي الحين :shy:

[مبتدئه]

الرسائل عندك تجاوزت الحد المسموح من الاستقبال..حبيت اساعدك هناك شخص في الهند من الدوحه ممكن يفيدك ويساعد في رحلتك لميسور وبنقلور

[مبتدئه]

ممكن تضيف وتس 00917760874727

[ماجد البدر]

الرسائل مفتوحه الان
على العموم هذا رقم السائق 00919844356055
نواز

[بومحمد55]

الله يجزاكم خير ماقصرتو