الى متى .... وكل في حاله لاهي

[بانغ بانغ]

الثقافة التكنولوجية والتي غزت المجتمع ليست الا تغييرات جذرية في ثقافة وفهم الناس للتكنولوجيا ... والتي قد تؤدي لعقوق الكتروني للوالدين وللمجتمع :

الولد في صوب
المرة في صوب
الرجل في صوب
البنت في صوب
الصغير في صوب

وكلهم في مكان واحد سواء في بيت او مطار او مطعم او سيارة او سفر او او او او " تحسبهم جميعا وعقولهم شتى "

ليش مافي توعية من الجهات المختصة بخطورة هالشي وتأثيرها على افراد المجتمع خاصة انها اصبحت عادة اجتماعية رسمية من حيث صلة الرحم والمعايدات ومعظم المظاهر الاجتماعية كالتعازي .... حيث تتم عن طريق المسجات والوسائل الاخرى .

تحياتي للجميع عقب فترة انقطاع بسيطة ...

[R 7 A L]

الحمدلله على السلامه

[بانغ بانغ]

الحمدلله على السلامه

الله يسلمك طال عمرك ونتشرف بك والاخوان كلهم ...

رأيك ايهمني صراحة في الموضوع وقت ما تكون قادر اتعلق

تحياتي لك

[حسن]

الحمدلله على السلامه

وكل عام وانت بخير

وين هل الغيبه الطويله الصراحه عليك حق مايسير تختفي مره حده
على العموم من طول الغيبات جاب الغنايم
تحدثنا كثيرا وكثيرا
الصراحه انا اعتبرها قله ثقافه وانعدام مفهوم الاخلاق والتربيه السليمه عند الكثير
والمال الزايد يعلم الفساد الكامل

هذه رؤيتي ولو انها تزعل لكن حقيقه

[بانغ بانغ]

الحمدلله على السلامه

وكل عام وانت بخير

وين هل الغيبه الطويله الصراحه عليك حق مايسير تختفي مره حده
على العموم من طول الغيبات جاب الغنايم
تحدثنا كثيرا وكثيرا
الصراحه انا اعتبرها قله ثقافه وانعدام مفهوم الاخلاق والتربيه السليمه عند الكثير
والمال الزايد يعلم الفساد الكامل

هذه رؤيتي ولو انها تزعل لكن حقيقه


الله يرحم والديك بوعلي وانت بخير وسلامة ان شاء الله

من جهة كلامك صحيح بخصوص قلة الثقافة ومفاهيم التواصل مع الناس بس للاسف التقليد الاعمي هو اللي خرب تفكير بعض الناس ... طبعا انا ما اعمم بس مجموعة كبيرة الله يهديها متاثرة بالهشي

[R 7 A L]

ياخي حتى الاباء والامهات في صوب

شلون تبي الولد ولا البنت مايكون في صوب اذا الاهل كلهم في صوب
المشكلة عندنا مثل ماقلتوا الثقافة
الثقافة معدومه عند الاغلبية في مجتمعاتنا العربية
هذي حقيقة
واكبر دليل كل ماطلع برنامج شف الناس يهبون فيه الامن رحم ربي

[حسن]

الله يرحم والديك بوعلي وانت بخير وسلامة ان شاء الله

من جهة كلامك صحيح بخصوص قلة الثقافة ومفاهيم التواصل مع الناس بس للاسف التقليد الاعمي هو اللي خرب تفكير بعض الناس ... طبعا انا ما اعمم بس مجموعة كبيرة الله يهديها متاثرة بالهشي

تصدق يابنغ
اروح المانيا ياخي ماشفت واحد يمشي ماسك تلفون ومندنع براسه مثلنا
عندنا شي فضيع
من شوي وانا على التويتر صوره واحد رجله مبتوره في حادث بسبب رساله تلفون
وحط على رجله الصاحيه لازق ممنوع استخدام التلفون علشن يحذر العالم

يجبنا البعض يقول مجلسكم حيوي في نقاش فيه تجاذب فيه معايا
فيه كل شي
قلت ليش
قال ياخوك كل مازرنا حد في مجالسهم كلن لاهي بتيلفونه في يده كانك قاعد بين طرشان
يقول عندك اكشن لايف

تصدق لو قطع النت عندنا بتشوف حرب عصابات في الشوارع
وضرب ومضارب في كل مكان
ههههههههه

[ابوالكلام]

اهلا في عوامل كثيرة موثرة اولا مؤسسات الدولة او الهيئات المتخصصة في شؤون الطفل والاسرة ثانيا التعليم والمناهج. ثالثا. الاسرة. رابعا الاعلام والصحف. شكرا

[الحياة الخالدة]

الحمد لله على السلامة أخوي

[العنيده]

احيانا لما انتبه اني قاعده مع اهلي والكل حتى انا بالفون احاول انزله وابتكر اي نقاش
بس كل اللي الاقيه ( اها , ايه , اممممم ) ولا تظل الرؤوس تنظر للاسفل :rolleyes2:

ثقافة الاستخدام للاجهزه شوي معدومه وانا منهم اعترف ..
اتمنى هالشي مايكبر لان الفجوات تكبر بين العائله حتى الاصدقاء .. يصير لكل شخص مجتمع خاص فيه
الله يرحم ايام تليفون البيت اقلها كلنا قاعدين حوله :nice:

[aloosh]

اذا صلح حال الاب والام صلحو الاعيال:)

[بانغ بانغ]

اهلا في عوامل كثيرة موثرة اولا مؤسسات الدولة او الهيئات المتخصصة في شؤون الطفل والاسرة ثانيا التعليم والمناهج. ثالثا. الاسرة. رابعا الاعلام والصحف. شكرا

كلامك عين الصواب بس للاسف محد ايفعل آلية التثقيف

انا كنت في بلد اسيوي( بلد التكنولوجيا ) والله ما حصلت الناس امبهدلة نفسها مع الجوالات مثل البعض عندنا ... وقت الشغل شغل والاتصال اتصال واللعب لعب والعائلة عائلة

تحياتي لك

[بانغ بانغ]

الحمد لله على السلامة أخوي

الله يسلمك مشرفتنا الغالية

[بانغ بانغ]

اذا صلح حال الاب والام صلحو الاعيال:)

اي والله .. من كذا حتى احنا محتاجين من ايثقفنا للأسف .

[بانغ بانغ]

احيانا لما انتبه اني قاعده مع اهلي والكل حتى انا بالفون احاول انزله وابتكر اي نقاش
بس كل اللي الاقيه ( اها , ايه , اممممم ) ولا تظل الرؤوس تنظر للاسفل :rolleyes2:

ثقافة الاستخدام للاجهزه شوي معدومه وانا منهم اعترف ..
اتمنى هالشي مايكبر لان الفجوات تكبر بين العائله حتى الاصدقاء .. يصير لكل شخص مجتمع خاص فيه
الله يرحم ايام تليفون البيت اقلها كلنا قاعدين حوله :nice:

اصبتي في كبد الحقيقة

[بصمة قطرية]

هالأجهزة سلاح ذو حدين ..
وإحنا في زمن التكنولوجيا ..
مساير العصر غصباً عنا عشان نكون طبيعيين
و ما نكون متخلفين في نظر البعض ..!!
المشكلة لما يكون الشي ( ولع ) ..
والواحد ينسى عمره و ينشغل عن اللي حوله ..
نستخدم البرامج ما فيها شي بس بعقل و بحدود
يعني في أوقات معينه ..
المصيبة في اللي صارت هالبرامج بمثابة توثيق لكل
لحظة في حياته فصارت حياتهم مكشوفه لكل ..!!
نقدر نتحكم في أنفسنا و عيالنا إذا بغينا ..
ما في شي أسمه ماقدر ..

تحياتي لك
والحمدلله على السلامة ،،

[Charisma]

مرحبا اخوي بانغ ونورت المنتدى ..

ياما حذرنا في مناقشات سابقه ،، الموضوع للأسف في ازدياد مستمر ،، مع ظهور برامج ووسائل تقاطع اجتماعيه جديده وفي تجدد مستمر .. نهايتها " توحد ألكتروني ".. و"عزلة أجتماعيه" .


المطلوب : توعية أولياء الأمور بخطورة أضرار التساهل في تعاطي الأبناء مع التكنولوجيا بكل أشكالها .. الرسالة توجه لرب الأسرة في المقام الأول وهو المسؤول عن تطبيقها .


شكرا على الطرح المهم.

[بنت شرق]

اي والله .. من كذا حتى احنا محتاجين من ايثقفنا للأسف .

ما اعتقد التثقيف ينفع ،،لاحظ بالشغل فيه تعاميم وقرارات ،،،بعدم السماح باستخدام الجوال طول وقت الدوام ،،،ومحد يلتزم
لاسباب كثيرة ،،،الجوال بات مسلي ،،،وجاذب ،،،وايونس ،،،فصعب تقطع على الناس الاقبال على شي احبوه وتعلقوا فيه ،،واستفادوا منه البعض،،

[شموخ دائم]

,

,


مرحبا


شكرا على الموضوع وحمدالله على السلامه

هذا دور البيت ودور الاهل خاصه الوالدين

اسمح لي اخذكم في رحله

ونعمل مقارنه بين الماضي والحاضر



في اعتقادي الشخصي احنا نبالغ برده فعلنا على الامور الي ما كنا نسويها وحنا صغار
ونفكر ان الامور الان غلط وهي في الحقيقه امور عاديه جدا

نرجع للذاكره يوم كان جيلنا صغار
هل كنا ( مثاليين ) وطول الوقت مع اهلنا !!!

كنا نجي من المدرسه ونطلع الى المغرب
نلعب على البحر او نلعب في البر
المهم في المحصله النهائيه ما كنا ( مع اهلنا ) قضينا النهار في لعب بعيد عن البيت

والبنات كانوا اما بغرفهم مع ( المجلات ) او مع التلفزيون او مع التلفون الارضي للبيت مع صديقاتهم
وما كانوا مع اهلهم
وهذي الامور المتاحه للتسليه بذيك الفتره

وكانوا الاهل يقولون عنا ان احنا ( جيل ) ما يتحمل المسئوليه وجيل فاسد وجيل زمن الرفاهيه
كانوا يسمونا جيل
( البرتقال والتفاح ) وجيل التلفزيون والمجلات والفيديو

لان ما كنا نساعدهم او نجلس معاهم
احنا جيل مختلف عنهم
الله يعطيهم الصحه والعافيه ورحمه الله على الاموات منهم

وطلع منا الوزراء وطلع منا المدراء وطلع منا رجال بمعنى الكلمه وسيدات فاضلات بالمجتمع

نفس الحكايه تتكرر اليوم
الاولاد زمنهم هذا زمن الانترنت وزمن برامج التواصل زمن مختلف جدا جدا وزمن فيه الرفاهيه مافيه ولله الحمد
لهم حياتهم ولهم اصدقائهم ولهم هواياتهم ولهم عالمهم

وبيطلع منهم الوزراء وبيطلع منهم المدراء وبيطلع منهم رجال بمعنى الكلمه وسيدات فاضلات بالمجتمع

لا نبالغ كثير ترى احنا ما كنا في ( المدينه الفاضله )
الوضع الان في تصوري افضل من السابق
والصغار الان في منتهى الذكاء وعقلهم يسبق سنهم

دائما كل جيل يفكر انه الجيل الجديد جيل تعبان والجيل السابق افضل
:)

وهذا غير صحيح

كل الحكايه انه زمن مختلف وله رجاله

كل المطلوب منا ان احنا ( نراقب الوضع عن قرب ) ومانترك الامور سايبه
نخصص وقت لكل شي
وقت الاكل له وقته
واللعب له وقته
والدراسه لها وقتها
والجلسه مع الاهل في صاله البيت لها وقتها

انا اعتقد اليوم ( ان الاهل ) مقصرين مع الابناء
ترى الاهل هم مبتعدين ( كل وقتهم في العمل )

الصغار اليوم هم ضحيه ابتعادنا عنهم
تركناهم مع العابهم
المفروض احنا نقرب منهم ونطلع معاهم
حياه البيت ما عادت تجذبهم
والصغار يحبون الطلعات
واحنا مشغولين عنهم في اعمالنا


ان شاء الله البركه فيهم وهم مستقبل هذه البلد

,

,

[بانغ بانغ]

هالأجهزة سلاح ذو حدين ..
وإحنا في زمن التكنولوجيا ..
مساير العصر غصباً عنا عشان نكون طبيعيين
و ما نكون متخلفين في نظر البعض ..!!
المشكلة لما يكون الشي ( ولع ) ..
والواحد ينسى عمره و ينشغل عن اللي حوله ..
نستخدم البرامج ما فيها شي بس بعقل و بحدود
يعني في أوقات معينه ..
المصيبة في اللي صارت هالبرامج بمثابة توثيق لكل
لحظة في حياته فصارت حياتهم مكشوفه لكل ..!!
نقدر نتحكم في أنفسنا و عيالنا إذا بغينا ..
ما في شي أسمه ماقدر ..

تحياتي لك
والحمدلله على السلامة ،،

الله يسلمك من الشر ان شاء الله

صحيح كلامك ... احنا لازم نتعايش مع التكتولوجيا بالقدر اللي يخدمنا مب اللي ايونسنا

كثير من الناس اللي توهم عرفوا التكنولوجيا الرقمية ....... احين اتلاقونهم مايهدون الجوال بسبب هالبرامج المتوفرة ...

التثقيف مهم بس صعب تطبيقه لان كل الناس شغالة عليه

تحياتي لك

[بانغ بانغ]

مرحبا اخوي بانغ ونورت المنتدى ..

ياما حذرنا في مناقشات سابقه ،، الموضوع للأسف في ازدياد مستمر ،، مع ظهور برامج ووسائل تقاطع اجتماعيه جديده وفي تجدد مستمر .. نهايتها " توحد ألكتروني ".. و"عزلة أجتماعيه" .


المطلوب : توعية أولياء الأمور بخطورة أضرار التساهل في تعاطي الأبناء مع التكنولوجيا بكل أشكالها .. الرسالة توجه لرب الأسرة في المقام الأول وهو المسؤول عن تطبيقها .


شكرا على الطرح المهم.

الله يحييك الشيخ والمنتدى امنور بوجودك طال عمرك

اتصدق في ناس واقسم بالله ايسوون قروبات وايطرشون مسجات كل 5 دقايق طول اليوم ..... لا وموظفين في الحكومة

اعنبوا ما عندكم شغل او اهل او بيوت

طول اليوم مسجات ... هاي طبعا اللي عاشوا طول عمرهم مع التكنولوجيا البسيطة واحين هالبرامج اللي تفضح حياة الناس العبت فيهم لعب

اصبحت هي المتنفس اليومي واسهل طريقة للي يبغي ايعرف ايش قاعد ايصير حواليه

اول الواحد اذا ما كلم رفيجه يومين .... كان يتعنى وايروح له اما الحين ايشوفه اونلاين على الخط ولا يتواصل معه لانه مب فاضي يقطع البرامج اللي هو لاهي فيها.

تحياتي

[بانغ بانغ]

,

,


مرحبا


شكرا على الموضوع وحمدالله على السلامه

هذا دور البيت ودور الاهل خاصه الوالدين

اسمح لي اخذكم في رحله

ونعمل مقارنه بين الماضي والحاضر



في اعتقادي الشخصي احنا نبالغ برده فعلنا على الامور الي ما كنا نسويها وحنا صغار
ونفكر ان الامور الان غلط وهي في الحقيقه امور عاديه جدا

نرجع للذاكره يوم كان جيلنا صغار
هل كنا ( مثاليين ) وطول الوقت مع اهلنا !!!

كنا نجي من المدرسه ونطلع الى المغرب
نلعب على البحر او نلعب في البر
المهم في المحصله النهائيه ما كنا ( مع اهلنا ) قضينا النهار في لعب بعيد عن البيت

والبنات كانوا اما بغرفهم مع ( المجلات ) او مع التلفزيون او مع التلفون الارضي للبيت مع صديقاتهم
وما كانوا مع اهلهم
وهذي الامور المتاحه للتسليه بذيك الفتره

وكانوا الاهل يقولون عنا ان احنا ( جيل ) ما يتحمل المسئوليه وجيل فاسد وجيل زمن الرفاهيه
كانوا يسمونا جيل
( البرتقال والتفاح ) وجيل التلفزيون والمجلات والفيديو

لان ما كنا نساعدهم او نجلس معاهم
احنا جيل مختلف عنهم
الله يعطيهم الصحه والعافيه ورحمه الله على الاموات منهم

وطلع منا الوزراء وطلع منا المدراء وطلع منا رجال بمعنى الكلمه وسيدات فاضلات بالمجتمع

نفس الحكايه تتكرر اليوم
الاولاد زمنهم هذا زمن الانترنت وزمن برامج التواصل زمن مختلف جدا جدا وزمن فيه الرفاهيه مافيه ولله الحمد
لهم حياتهم ولهم اصدقائهم ولهم هواياتهم ولهم عالمهم

وبيطلع منهم الوزراء وبيطلع منهم المدراء وبيطلع منهم رجال بمعنى الكلمه وسيدات فاضلات بالمجتمع

لا نبالغ كثير ترى احنا ما كنا في ( المدينه الفاضله )
الوضع الان في تصوري افضل من السابق
والصغار الان في منتهى الذكاء وعقلهم يسبق سنهم

دائما كل جيل يفكر انه الجيل الجديد جيل تعبان والجيل السابق افضل
:)

وهذا غير صحيح

كل الحكايه انه زمن مختلف وله رجاله

كل المطلوب منا ان احنا ( نراقب الوضع عن قرب ) ومانترك الامور سايبه
نخصص وقت لكل شي
وقت الاكل له وقته
واللعب له وقته
والدراسه لها وقتها
والجلسه مع الاهل في صاله البيت لها وقتها

انا اعتقد اليوم ( ان الاهل ) مقصرين مع الابناء
ترى الاهل هم مبتعدين ( كل وقتهم في العمل )

الصغار اليوم هم ضحيه ابتعادنا عنهم
تركناهم مع العابهم
المفروض احنا نقرب منهم ونطلع معاهم
حياه البيت ما عادت تجذبهم
والصغار يحبون الطلعات
واحنا مشغولين عنهم في اعمالنا


ان شاء الله البركه فيهم وهم مستقبل هذه البلد

,

,



الله يحييك ويسلمك ان شاء الله

كلامك عين الصواب ... التقصير من عندنا والابناء اكيد يبغون ايسدون الفراغ العاطفي اللي ايعيشونه حواليهم

نعم تتغير الأزمنة والاحتياجات تتغير ولكن تبقى النفوس اللي يجب ان لا تتأثر بهالمتغيرات

من فترة صارت مشاجرة في احد مطارات دول خليجية وضرب ومعارك لان واحد كان ايصور سنابشات ( والله مادري شيسمونه ما عرفته الا من اليهال ) والظاهر صور اهل مسافرين وقاموا عليه .

هذي برامج مفيدة للي يبغي يستفيد منها بس للأسف الناس قاعدة تسئ استخدامها .

اسمح لي لاني خرجت عن الموضوع اشوي واشكر مداخلتك الطيبة

تحياتي