جواز سفر اوريدووو !!! ابي حل

[نااادر]

السلام عليكم ورحمة الله وبركاته


عندي مشكلة مع اوريدو طلبت تشغيل جواز السفر في اوروبا في تاريخ 22/7 و وصلني مسج التفعيل و شغلت التلفون وبعد 3 ايام قطعوا الجوال

وبعد التواصل معاهم طلعت الفاتورة 7,000 ريال !!

ليش قالوا استخدام النت120 ميغا بايت !!

لما شيكت على جواز السفر طلع الانترنت باقي فيه 50% طيب آيش المشكلة


الموظف الاول قالي بنسوي شكوى

الثاني قال أكيد عن طريق الخطا خلاص افتح الانترنت و بتنحل المشكلة

طلبت منه يرسل لي شي رسمي رفض

اليوم اللي بعده اتصلت فيهم و المصيبة الموظف يقول انت طلبت جواز السفر تاريخ 22 قلت صح
قال بس انت استخدمت الانترنت تاريخ 21 !!!

قلت مش صحيح الكلام

قال خلاص لما ترجع الدوحة راجع فرع اوريدو و بيحلون لك المشكلة


طيب انا مسافر
قال أسف ما اقدر أساعدك !!!


ابي حل الله يجزاكم خير

[رجل الجزيرة]

فيه عضو إسمه: أحب قطر أو احب قطر

أذكر هو كان يرد على الأعضاء بس أشوفه قليل ما يدخل فالأفضل تتواصل معه على الخاص.

[7llo]

الشيخ هاي الله يسلمك جوالك يكون شابك على شبكه ثانيه ويخصم من الفاتوره مثال : يعني الحين مسافر اي دوله في العالم والدوله الي انت رايحها فيها 3 مشغلين خدمه او 4 نفس اوريدو وفودافون وشركه ثالثه مهما كان اسمها واوريدو عاملين عقد مثل مع شركه وحده بس من الدوله الي انت رايحها لازم تخلي جوالك اختيار نوع الشبكه يدوي وتشبك على الشبكه الي اوريدو عامله معاها العقد عشان مايخصم من فاتورتك ( او حل ثاني انا دوم اسويه في سفراتي واريح مخي لما اسافر اخذ معاي كرت هلا واخذ معاي 3 كروت 100و100و100 وماعبيهم الا لما ابي افعل الخدمه اعبي كرت واحد بو 100 وافعل الخدمه ومايكون فيه رصيد عشان لو الجهاز شبك على شبكه ثانيه مايخلص الرصيد والاسبوع الي بعده اعبي الكرت الثاني بو100 وعلى هذا الحال لين ترجع قطر , سوي جي واشتري راحتك )

[R 7 A L]

الله يعينك ياخوي
انا بعد ما احسبوا علي 3000 ريال وماكلمت الا مكالمتين فقط صرت حذر
ما اسافر لأي دولة في العالم الا وأخذ شريحة البلد الي اروح له

[ita(10)lia]

صارت معاي نفس المشكلة في امريكا
ودفعت ظ¥ظ*ظ*ظ* ريال
بس عقب ما رديت الدوحة .. اشتكيت وطلع فارق التوقيت سبب المشكلة وعقب شهر ردوا لي الظ¥ظ*ظ*ظ* كرصيد

[جبر ال جبر]

صارت معاي نفس المشكله وانحلت بس تاكد من مشغل الشبكه هل مع جواز اريدو او لا

[aloosh]

حد ياخذ اريدو في سفر الله يهديك
لما توصل البلد بذات اروبا عندهم شركات وعروض خياليه

لما رحت المانيا رحله علاج انا خذيت انا والمرافقين من نفس الشركه وكانت الاتصالات من نفس الشركه مجان واذا بتتصل على شركه ثانيه يحسبون عليك شي بسيط

وامريكا بعد فيها عروض اسيا ما جربتها


فا نصيحه اول ما تنزل بلاد خذ لك خط منها

[dream~qa]

نفس المشكلة صارت معاي ولما كلمت الموظفة قالت لي المفروض تفعلين الخدمة عن طريق الاتصال بنا مب عن طريق المسج المهم الموظفة كان شكلها مب فاهمة شي عن الخدمة وانا قررت ما استخدم خدمة جواز اوريدو مرة ثانية

[مـراحـب]

محد فاهم منهم شي

المفروض يعطوني لسته بأسماء الشبكات بكل دولة

[للصبر اخر]

صادفتني هالمشكله وكان الخلل في تنقل الشبكه من مشغل لـ اخر
لابد من تفعيل الوضع اليدوي
واول ماتوصل البلد يوصل لك مسج بالشركات اللي تشغل خدمة جواز قطر ولازم تكون الشبكات ثابته وماتتغير عشان ماينخصم عليكم

[نااادر]

المشكلة مب مثل مافهمها البعض انه تنقل بين الشبكات


المشكلة. انهم يقولون انك شغلت الجوال في آليوم اللي قبل تفعيل الجواز

و اقسم بالله ان هالكلام مب صحيح أبداً

[اتصالات_103]

السلام عليكم ورحمة الله وبركاته


عندي مشكلة مع اوريدو طلبت تشغيل جواز السفر في اوروبا في تاريخ 22/7 و وصلني مسج التفعيل و شغلت التلفون وبعد 3 ايام قطعوا الجوال

وبعد التواصل معاهم طلعت الفاتورة 7,000 ريال !!

ليش قالوا استخدام النت120 ميغا بايت !!

لما شيكت على جواز السفر طلع الانترنت باقي فيه 50% طيب آيش المشكلة


الموظف الاول قالي بنسوي شكوى

الثاني قال أكيد عن طريق الخطا خلاص افتح الانترنت و بتنحل المشكلة

طلبت منه يرسل لي شي رسمي رفض

اليوم اللي بعده اتصلت فيهم و المصيبة الموظف يقول انت طلبت جواز السفر تاريخ 22 قلت صح
قال بس انت استخدمت الانترنت تاريخ 21 !!!

قلت مش صحيح الكلام

قال خلاص لما ترجع الدوحة راجع فرع اوريدو و بيحلون لك المشكلة


طيب انا مسافر
قال أسف ما اقدر أساعدك !!!


ابي حل الله يجزاكم خير

أخوى، يمكنك التواصل مع شؤون المستهلكين بهيئة تنظيم الاتصالات، عبر تويتر @craQATAR أو من خلال الخط الساخن لحماية المستهلك : 103

[ممنوع اللمس]

اصلا فاشل وبسرعه النت يخلص
غير التخبيط بالشبكات

[عزووز قطر]

والله جواز أوريدو مامنه فايدة
جربته 4 مرات وكل مرة تجيني فاتورة فوق الألفين مع ان سفراتي كلها ماتتعدى اسبوع

شركة موبايلي السعودية عندهم خدمة للتجوال انترنت لامحدود بـ 350 ريال .. أتمنى من اوريدو يسوون هالباقة اللي بتوفر علينا وعليهم الكثير من الشكاوي والمشاكل اللي تصير

[mE mYself & i]

صادفتني نفس المشكله مع اوريدوو والحين حولت على فودافون وبسافر الشهر الجاي وبجرب