تخفيض اجازات الاعياد الرسمية .... هل تؤيدها ...

[حرف]

اجازات الاعياد قد تصل لاكثر من 10 ايام مما يترتب عليها التأثير على الانتاجية

هل انت مؤيد لتخفيضها لثلاث أيام ؟
ام ترفض تخفيضها على ان تبقى على وضعهاالحالي ؟

[R 7 A L]

:telephone:


شكلك بتنضرب

[حرف]

ليش هذا بانع بانع يبي يقلص ساعات العمل اليومية

[qtr qtr]

بتزعل الناس اللي تسافر .. وانا مؤيد قرار التخفيض .

[بانغ بانغ]

ليش هذا بانع بانع يبي يقلص ساعات العمل اليومية

ههههههه الظاهر رمضان سوا شغل

ما يمنع انقلل الاجازات مؤيد

[السيف5]

لاتأثر على الانتاجية ولاهم يحزنون

الاجازات زينه تجدد النشاط

ارفض وبشده تقليلها

[captin]

مؤيد لتخفيض الاجازة وبقوة
المفروض ما تزيد على 4 ايام بمافيها الاجازة الاسبوعية لو صادفت اجازة العيد

كثرة الاجازات والكسل والربادة ولرقاد والسفر تؤدي
الى مجتمع غير منتج تتعطل فيه الكثير من المصالح
والاعمال .

[مخطط قطري]

معارض احنا من اقل دول العالم في الاجازات نبي اجازات اكثر

[مختلف جداََ]

تسلم على الموضوع.
بس ممكن سؤال ؟
ممكن تحدد أي قطاع بالضبط اللي متأثر سلباً بالإجازة ؟
وشكراً

[توشيبا]

الاجازه المفروض يومين

صدقوني راح نحس بطعم العيد ووناسته

[المخفي]

رافض و بشدة الي يبي يقدر يداوم في العيد ما عنده مشكلة

[CH Engineer]

شكلك بخيل ماتبي تسافر ولا تصرف

اسبوع لكل عيد غير اليوم الوطني والرياضي
وتقليل ساعات العمل اليوميه
الانتاجيه بالعمل ليس فالبقاء في المكتب
البقاء لظ،ظ* ساعات لحين الانتهاء من العمل ضروري لزيادة الانتاج و اذا مافي شغل الواحد يروح يشوف اهله احسن من القعده وضياع الوقت

[بشائر]

حياك الله اخوي حرف ..

أنا أقول لو يحذفونها خير شر أفضل :waiting:

[وحيد-الشوق]

صج اني كنت اداوم في العيد السنين الي راحت احيانا وماكنت استانس مثل باقي الموظفين :( لكن بالعكس ليش نتمنى تقليص الاجازة ترى الحين الشهر كأنه اسبوع يعني اسبوع اجازة او 10 ايام مع الويكند ولاشيء يذكر

انا ضد وبقوة خل الناس تفرح وتستانس :)

[لبى آلعرب]

اتمنى من حذف الموضوع هذا الي ماراح يضيف للمنتدى اي شي وبنسبه لصاحب الموضوع شوف لك موضوع هادف وموفيد

[راجي الْعفو]

المملكة إجازاتهم طويله

مع هذا مبدعين


الاجازه ما لها دخل بـــتقليل الإنتاجية

بل بالعكس ، تزيد من الإنتاجية

بوركت

[حمد بن سعد]

ان اشوف انه بس يوم العيد ايجازه وثاني يوم دوام احسن

[Abdulraman]

الظاهر ماعندكم موضوع تتكلمون عنه

[وليف الشوق]

انا اللي حبيت افهمه ليش وشلون يقلل من الانتاجيه دام ان هناك مناوبين على عدد ساعات العطل الرسميه مع اني ضد طول ايام الاجازات

(( الراحه مطلوبه لما لها فوائد لكن مش بالصورة اللي قد تصل الى اكثر من 10 ايام ))

وفي نفس الوقت ادقق على عدد ساعات العمل واللي اشوفه ان في وزارات دوامها من الساعه ( 07 ) الى الساعه ( 03) واحيانا يضطر الموظف يقعد اكثر من وقت نهاية الدوام

[بومحمد المطاوعه]

بعد ليش 4 ايام

لو مافي اجازه ابرك شرايكم

في ناس تداوم الي دواماتهم شفتات ويحصلون بدلات
مثل اوفر تايم او يجمع ايام في الرصيد الخاص

[Abdulraman]

لو بعد يكنسلون الاجازات السنويه بعد احسن

[eXpert*]

الظاهر كلمة (الإنتاجية) أصبحت كلمة الموسم ..

في كل سياق حديث يتم إدراجها ..

من يريد أن ينتج سينتج ولو هو على سرير وثير ، أصبح كل شئ إلكترونيّ ..

[بومحمد المطاوعه]

لو بعد يكنسلون الاجازات السنويه بعد احسن

ههههههه اي
احسن صح
ويخلون الدوام 24 نبات فيه

[حـ ن ـيـ ن]

ارفض وبشدة

[qr95]

الحمدلله ان الدوله ماتعتمد عليك في إصدار قراراتها
والحمدلله إن البعض مش صاحب قرار
السؤال اللي يطرح نفسه ؟
ليش وصل الحسد على أهل قطر لهذه الدرجه
ومايقول هالكلام إلا بعض الموظفين اللي يتبعون حق
مصرف قطر المركزي والبنوك وشركات النفط والغاز في الدوله
والأجانب اللي همهم حسد المواطن والتضييق عليه وللأسف هذا الواضح
ولكن اجازاتهم 3 ايام بس لهم راتب اساسي 4 مرات في السنه ولهم بدل اعياد يغطي
اكثر من إجازتنا حقت العيد
والشي الثاني البعض مايستفيد من إجازه العيد مثل الكادر التعليمي والمدرسات
ولكن أشوف إن صاحب الموضوع يشوف له موضوع انفع من هذا

[العنيده]

يمكن اقلها الناس بتقعد وتجتمع مع الاهل وتنسى سالفة السفر شوي بالاعياد ( وحده ماسافرت بالعيد :) ) ..
مااقدر أايد ولا ارفض .. لانه في اشغال يكون فيها ضغط وهالاجازه تريحهم ..
و في اشغال مثل البنوك وكم جهه الوحيده اللي اجازتها قليله بحكم اهمية المواصله عشان المصلحه العامه ..
بالنسبه لي ان جات طويله ارتحنا وان جات شوي لك الحمد ربي على كل النعم ..

[حرف]

الس زعلانيين ترا اقول هل تؤيد ام لا
متقلت اغلطوا وسبوا

[مهاجر]

طبعا ارفض وبشده وهالاجازه للعيد والعيد شعيره من الشعائر فالاسلام وجزاهم الله خير الدوله تعطينا هالاجازه وتكون فرصه في لمة الاسره سواء فالبلاد ولا برا البلاد وفي دول تحسدنا على هالاجازه وبعدين الاجازات في قطر محدوده اليوم الرياضي واليوم الوطني والعيدين وبس ..... في اوروبا يعطونهم فراس السنه 3 اسابيع والايستر اسبوعين ............

[الحاقول]

الاجازات عندنا قليله بشكل عام بالنسبه الى الدول الاوروبيه
وانت تريد تخفيض اجازات الاعياد
ونحن نريد المزيد من الاجازات
والاجازه نشاط جديد في العمل يعني مافيه اجازه
مافيه نشاط في العمل

[حسن]

انا اؤيد ذالك

لاسباب كثيره عده ذكرتها

:)

[مشاكل]

محد يبي تقليص الاجازة الا اللي مداومين فالعيد
احنا بس لو نترك الحسد شوي صدقوني بتشوفون المطر في عز الصيف وستعود الصحراء مروج وانهار

[حسن]

المشكله مع طول الاجازه زادت قطيعه الرحم في الاعياد وهملت الشعائر الدينيه بشكل كبير
حتى اهل سالزبورق تاذومن رمي المخلفات

[وطن]

لا أؤيد


العيد فرحة
:dance

[(ام عبدالله)]

بالعكس الاجازه قصيره نحتاج لزادتها ..
ضغط العمل على الموظفين يؤثر على ادائهم ..

[مشاكل]

لا أؤيد


العيد فرحة
:dance

ياسلااام :dance

[حليتان*]

اكيد لا

ع الاقل الواحد برتاح فهالحر يسافر يغير جو يشم هوووا وواذا ماسافر يجابل عياله وبيته يجتمعون ع الغدا والعشا كم يوم مثل الاسرة السعيده الي نشوفها فالرسوم المتحركه والمسلسلات التركيه

كل يوم راكب اصنصير الدوام ياريحة زقاير ياريحة صنه تيس وانواع الروايح الثانيه خل ينظف صدره وينعش نفسه يييييه

[حليتان*]

شباب ترا الي مداوم فالعيد وقال مؤيد ان يقللون الاجازه للكل

ترا اذا قللوها للكل مابتاخذون 3 ايام فالرصيد بدال اليوم ولا زياده فالراتب


فكر فيها عدل ههههههههه

[qatara]

طول السنه اجازات

1-وغير السنويه

2-والعرضيه

3-واعياد

4-والاداريه

5-والاضطراريه

6-والطبيه

7-والولادة

8-والرضاعه

9-وخميس وجمعه وسبت

شبقا للدوام السنه كلها خلصت .

====

الله يرحم ايام الشغل الصح

1-السنويه شهر

2-والعرضيه اسبوع

3- والاجازه الاسبوعيه الجمعه فقط

ولا غيرهم شي

[مختلف جداََ]

أيام الشغل الصح :
ما كان في إجازة عيدين

وكان الناس اللي تمرض ما تاخذ إجازة مرضية ( كانوا حديديين مب مثلنا الحين ).

و الحين صرنا نداوم الخميس ويحسبونه لنا إجازة .


لا تعليق الصراحة

[حرف]

لاتنسون اجازات الاعياد توصل عشر ايام

[PGR]

السلام عليكم ,,, اللي مؤيد خله يداوم محد بيقوله لا وخلونا احنا في اجازاتنا وشكراا

[ممنوع اللمس]

الحمد لله يارب انه الامر مب عندكم والا كان اجازتنا يوم واحد

وما اقول الا شكرا لكوكب الارض لانه متحملكم

قالو اي مؤيدين عن الرباده والكسل.. يداوم شهور وحاسدينه على عشر ايام

ياشين التفلسف شيناه

[بومحمد]

لاحول ولا قوة إلا بالله
بعض الأشخاص يطرحون مواضيع للجدال فقط ،، والمنتدى أصبح للمواضيع السلبية مع احترامي للكل ،
ونسبة قليلة جداً من المواضيع الهادفة والمفيدة للمجتمع ككل
أتمنى من الإدارة حذف المواضيع اللي مالها معنى

[بصمة قطرية]

صج خلصت المواضيع المفيدة الهادفة ..!!!
اش بقى بعد ما نزلتوا عنه موضوع ..!

[bus3od]

جيب لي دليل واحد ( تقرير او دراسة او اي شي ثاني موثوق طبعا خاص في قطر مب المريخ ) أن الاجازة خفضت الانتاجية و عقب بقول لك مأيد تخفيضها

باقي تقولون عجز الميزانية بسبة الاجازات

انصح بعمل قسم للفلسفه و نقل هالمواضيع هناك

[حرف]

وين حريه التعبير وين النقاش الهادف
اوكي اختلفتوا معي هذا شي طبيعي
اما الردود الاخيرة تدل على الجهل والطفاقه وضيق الفكر معقوله للحين فيه احد جذي

[بوخالد911]

لستُ مؤيداً بتخفيضها.

[وليف الشوق]

مؤيد لتخفيض الاجازة وبقوة

[مضارب دوسري]

احس المؤيدين
اما دواماتهم شفتات مثلي
او موظفي بنوك

وانا اقول يزيدون الاجازات لان الراحه تعطي تجدد نشاط

[الحياة الخالدة]

السلام عليكم و رحمة الله
غير مؤيدة للتخفيض .. احنا ما نصدق نحصل إجازة نشوف أهلنا و ربعنا .. ناخذ فيها راحة مثل العالم و الناس
نريح من ضغط الشغل .. و نرفه عن أنفسنا .. حتى لو سافرنا محد له شي عندنا

[حرف]

معارض احنا من اقل دول العالم في الاجازات نبي اجازات اكثر

وين اقل ؟
شوف كم اجازة العيد في الامارات والسعودية في العيد

[Dana’1]

لاااااااا ما أأيد أبدا بعد

[شيخ الديرة]

وين اقل ؟
شوف كم اجازة العيد في الامارات والسعودية في العيد

أبصملك بالعشرين ان انتاجيتهم أعلى لأسباب أخرى, أبحث عنها واكتب موضوع ثان

[NeverLand]

قاعدين لنا قعده حتى باجازة العيد؟

احنا من اقل الدول اللي مواطنينها ياخذون اجازات على فكره!!

مش ناقص غير تنزلون موضوع عن تقنين استنشاق الهوى وتوفيره بعد

شي لا يطاق!!

[moonبنتnight]

من قال أن أجازة العيد 10 أيام ؟

أجازة العيد 4 أيام عمل فقط لا غير .. والباقي من الله مب منه من أحد .. يوم الوفقة + 4 أيام العيد + أجازة نهاية الأسبوع ( الجمعة و السبت ) ..

هل تقلل من الانتاجية ؟
طبعا لا تقلل ودليل دراسة تحث الموظف على أخذ أجازة تجديد النشاط حتى تزيد أنتاجيته ..


الله المستعان ..

[كازانوفا]

ياريت تتطالب بتخفيض الاجارات وليس بالاجازات

[ya3coub]

والله لو 3 ايام للكل راضي او 10 ايام للكل ايضا راضي


اما القطاعات الي تتكلمون عنها 10 ايام اشوفها مبالغه احنا 3 ايام و رابع العيد بالدوام
إلا اذا صادف جمعه فقط يعطونا بداله السبت اجازة


احس لازم يكون في معادلة بحيث انه الفرق ما يكون هالكثر بين 3 ايام و ناس عندهم 10 ايام

[عثرة جواد]

ضد وبقوة

شوفو الدول المجاورة كلة اجازات ليش احنا

[ya3coub]

ضد وبقوة

شوفو الدول المجاورة كلة اجازات ليش احنا

الدول المجاولة عندهم ليلة الإسراء و المعراج و السنة الهجرية الجديدة و غيرها من الإجازات

بأغلب الخليج

[حرف]

من قال أن أجازة العيد 10 أيام ؟

أجازة العيد 4 أيام عمل فقط لا غير .. والباقي من الله مب منه من أحد .. يوم الوفقة + 4 أيام العيد + أجازة نهاية الأسبوع ( الجمعة و السبت ) ..

هل تقلل من الانتاجية ؟
طبعا لا تقلل ودليل دراسة تحث الموظف على أخذ أجازة تجديد النشاط حتى تزيد أنتاجيته ..


الله المستعان ..

اي نعم 10 ايام كان العيد يوم السبت فتكون الاجازة من الجمعه لين السبت في الاسبوع الثاني
وكل الوزارات تكون مغلقه وتاخر اشغالنا


المفروض الاجازة الرسمية بالاعياد 3 ايام على شان لما الاجازة 4 ايام ويصادف يوم بين اجازتين يصير اجازة

[بومحمد]

وين حريه التعبير وين النقاش الهادف
اوكي اختلفتوا معي هذا شي طبيعي
اما الردود الاخيرة تدل على الجهل والطفاقه وضيق الفكر معقوله للحين فيه احد جذي

لازم الناس تمشي على هواك وتوافقك الرأي علشان تكون مثقفة يعني
وانا بعد مستغرب من الناس اللي وصلها الحسد حتى على الإجازات ( أعوذ بالله )

[حرف]

لازم الناس تمشي على هواك وتوافقك الرأي علشان تكون مثقفة يعني
وانا بعد مستغرب من الناس اللي وصلها الحسد حتى على الإجازات ( أعوذ بالله )

خلهم يخالفون رأيي بس لاحد يتكلم عني كشخص
ماحد له شي عندي ولا لي شي عند احد

[JN000N]

خلف الله علينا
نداوم لين ليلة العيد
زين منهم يعطونا ف عيد الاضحى يوم عرفة اجازة

[بومحمد]

خلهم يخالفون رأيي بس لاحد يتكلم عني كشخص
ماحد له شي عندي ولا لي شي عند احد

شوف ياخوي
يقولك المثل من دق الباب جاه الجواب وانت بصراحة اللي فتحت على نفسك .. عيل هذا موضوع في ذمتك تخفيض إجازات الدولة الرسمية
وعلى فكرة شي طبيعي انك تلاقي مؤيد ومعارض لأي موضوع بالدنيا وناس ترد وتنتقد شي عادي لكن كشخصك محد يغلط وما شاء الله بصراحة هذا المنتدى يعج بالنخبة والحمدلله
المهم يعطيك العافية

[نمر بن عدوان]

خل العالم تستانس ياحرف الدوام الطويل والزحمه وضغوط الحياه محتاجه زيادة الاجازه مب تغليصها

[بعيد النظر]

صراحة انت فتحت على نفسك باب ..
في ذمتك ذمة .. انت مقتنع ان قلة الاجازات تزيد الإنتاجية ؟

[حرف]

خل العالم تستانس ياحرف الدوام الطويل والزحمه وضغوط الحياه محتاجه زيادة الاجازه مب تغليصها

تصدق حسيت اني صاحب قرار من بعض الردود ههههه
خلاص هذا اخر رد لي والله يسامح الي غلط علي