إستفسار عن عــلاج العقــم .. خارج قطــر ؟

[أسير الاسهم]

السلام عليكم


عنـدي واحـد من الربـع متـزوج صار له 6 سنيـن والله ما كتب يجيـهم عيال لحد الآن

المـهم الرجال تعب من المواعيــد هنا في الدوحـة ( مستشفى حمـد ) كل 3 او 4 شهـور موعد ونفس التحاليـل ونفس الكلام يتكرر .. مافي تقـدم فالموضوع

قالوا له هنا بنحـاول نسوي انابيــب وانت وحظك .. وعطوهـم موعد على آخـر السنه

المهـم ماهو مقتنـع في شغلهـم لانه بصـراحه محد مدحهـم .. والمسـأله مهي سهلـه يروح يجـرب في عمـره معاهـم .. هالموضـوع مو سهل أي خطأ فيها فقدان الأمــل


الرجـال يسألنـي ويـن يروح يعـالج .. وهـل الدولـة بتسـفره يتعـالج برا والا كيف ؟

شنو الشروط اللي يطلبونهـا منهم عشـان يوافقون على علاجـه برا للزوج والزوجـه .,, سواء اللجنـة الطبيـة والا الديـوان .. ؟

وهل من الممكن انه يلـزمونه بالعلاج هنا وانه يجـرب في مستشفـى حمـد .. والا في مثـل هالامور يوافقـون ويخلونـه يروح بـرا ؟


ياليــت اللي عنـده خبــره في هالأمـور يفيدنــا .. سـواء في موضوع العلاج برا .. واجراءاتها .. وأيضـأ الدول اللي تنصحـونه يروح لها


وتسلـمون من كل شــر

[peace-qtr]

الله يرزقه يالذرية الصالحة ويرزق كل محروم

اخوي بخصوص مستشفى حمد تراهم شطار في الانابيب

واحسنهم دكتور شحاته شي جذي
عملياته ناجحة وكل اللي ماجاهم عيال بعد ماسوو عملية الانابيب عنده
الله رزقهم الحمدالله

اعرف ظ¤ حالات ماشالله .. كلهم عنده

توكل على الله بس حاول تقدم الموعد اذا يصير ..

والله يرزق الجميع ان شالله

[aloosh]

امريكا هم الافضل في ها التخصص
والله يرزقة الذرية الصالحه

[حرف]

وايد من جماعتنا عيالهم انابيب معالجين في مستشفى حمد
خله يتوكل على الله ويعالج في ديرته وعند هله

[سعود.]

فية وحدة تعالج ( شعبي ) في سوق واقف اسمها ( ام حمد )

سبق لها وان عالجعت ( العقم ) معروفه يجونها من برا قطر يتعالجون عندها ....
ولدي كان فيه ( ربو ) من عمره شهرين . طواري الاطفال السد والمستشفى الاهلي وكذا مستشفي خاص ماعرفوله . تشافي بأذن الله عندها .

[الهديل]

يلزم الاستغفار وياخذ بالاسباب
يمدحون الدكتور شحاته في مستشفى حمد

[بوحمد1]

لا شعبي ولا غيره يلزم الاستغفار ويقوم بالاسباب سواء حمد ولا غيره لان الموضوع رزق من الله

الله يرزقهم ويرزق المسلمين اجمعين

[مخطط قطري]

الله يرزقه الذريه الصالحه ونعم الدوله تعالج في الخارج يقدم على الديوان والله ييسرها له ويرزقه الذريه وحسب ماسمعت في مستشفى في لندن متخصص في مثل هالامور

[حـ ن ـيـ ن]

الله يرزقهم ، إذا العقم بسبب الزوج يسافر لأمريكا ...

[حـ ن ـيـ ن]

ولابأس باستخدام الأدوية الشعبية

[أسير الاسهم]

الادويـة الشعبيــه ما جربها .. بس اللي عرفتـه ان المشكلة فالزوج ..

والدكتـور اللي هو يتابـع معه في حمـد أعتقـد شحاتـه اللي تتكلمون عنـه


الانابيـب عمليـة ماهي سهلـه بالنسبـه للرجال يبي المكان الافضـل ما يبي حد يجرب فيه

امريكـا وين ؟

لنـدن وين ؟

أسماء المستشفيـات الله لا يهينـكم

[وليف الشوق]

ياخوي انا عندي 2 من اصدقائي واحد منهم راح لندن وبعد سنه جاه مولود والثاني راح امريكا والحين عنده 3 عيال تبارك الرحمن وعلى حساب الدوله وسؤوالي اهو اذا كان العلاج موجود في الدوحه ليش الدوله ترسلهم للخارج ؟ يمكن حالتهم تختلف !! لكن انت عشان تيقن تماما من ان حالتك بسيطه او تستدعي السفر لازم تمر على عدة مراحل مع الدكتور واذا الاستشاري شاف ان حالتك تستدعي السفر فأعتقد راح تروح اما انت قاعد تقول وتبرر امور غيبيه وانك مش واثق منهم او او من هالكلام فاعتقد ياخوي ماعندك حق في هالموضوع لكن اللي ابيه منك او من صاحب الحاله يسعى في مستشفيات الدوله واهم اللي يقررون نوعية الحالة ومن جدوى علاجها لكن مابيك تزعل من كلامي اذا انت حاط عذر عشان السفر هذا الموضوع يخصك ومانتدخل فيه لكن وقبل كل شي تابع الحالة مع الدكتور وفي البرنامج اللي حاطه لك وبعدين قدم تقريرك للجنه او للديوان

[وكر الذيب]

طال عمرك المستشفى الاول الولايات المتحدة الامريكية تحديدا هو مستشفى مايو كلنيك في منيسوتا كنت اتعالج هناك مش عن العقم . بس شفت ناس واجد تتعالج من دول مجاورة من السعودية والكويت عن العقم ونتائجهم بفضل الله كانت مذهلة ورجعوا لبلادهم بعد متابعة عملية الانجاب كاملة يعني يحط في بالة انة يمكن يقعد في الخارج لمدة سنة تقريبا وفي ناس ثلاث اشهور ورجعوا حسب الحالة , وفية بعد مستشفى في وشنطن يمدحونة المرضى بس مايحضرني اسمة .
وتقدر تخلي خويك يتواصل مع المكتب الطبي في واشنطن ويعرف التفاصيل اكثر وهم عندهم عندهم خلفية اكثر مني بافضل الدكاترة والمستشفيات . وبالنسبة للعلاج في الخارج عن طريق الديوان الاميري خلة يطلع تقرير مفصل من مستشفى حمد فقط (مش من مستشفيات خاصة ) عن حالة الرجال ويقدمة في الديوان الصغير ( ديوان المساعدات ) وربي يسهلها . واسئل الله له الشفاء ولجميع أمة محمد .

[حـ ن ـيـ ن]

الادويـة الشعبيــه ما جربها .. بس اللي عرفتـه ان المشكلة فالزوج ..

والدكتـور اللي هو يتابـع معه في حمـد أعتقـد شحاتـه اللي تتكلمون عنـه


الانابيـب عمليـة ماهي سهلـه بالنسبـه للرجال يبي المكان الافضـل ما يبي حد يجرب فيه

امريكـا وين ؟

لنـدن وين ؟

أسماء المستشفيـات الله لا يهينـكم

إذا المشكلة في الزوج انصحك بأمريكا في كليفلاند

[الجـــوديّ]

وبعد ممكن ألمانياً .. مستشفى الجامعة في بون

فيه ناس الله كتب لهم هناك

والافضل أن يتم التقديم على 3 مستشفيات في دول مختلفة ...

علشان ما يتعطل .. اما عشان فيزا او موافقة مستشفى .. او تشخيص مبدئي للطبيب

صديقتي تمت سنة تقريبا تنطر موافقة مستشفى امريكا وما جاتها

ولما قدمت على المانيا جاتها الموافقة بسرعة .. وتمت هناك لين الولادة

والحمدلله الله رزقهم بولد عمره سنتين الحين .

[حقيقه]

اذا الطبيب المعالج له كتب له تقرير يوضح فيه انه يحتاج علاج في الخارج بيقدمه ع الللجنه الطبيه ويوافقون ماله داعي الديوان

والدكتور شحاته للنساء مش للرجال

وفيه اللي سافرو كل الدول ومانجحت معاهم بالرغم من توفر كل التقنيات وافضل الاستشاريين
وفيه اللي حالتهم صعبه وجربو في الدوحه وانجحت

والله الموفق

[أسير الاسهم]

أعتقـد الدكتور هنا فالدوحـة قال له لا انطر لازم نسوي أنابيب لك واذا ما نجحت ذيك الساعه ابدا فكر فالعلاج برا ..

والرجال خايف من التجارب اللي ما عاد ترقع برا عقب


الله يعينـه ويزيل همه ويرزقه والمسلمين أجمعيـن

[حـ ن ـيـ ن]

أعتقـد الدكتور هنا فالدوحـة قال له لا انطر لازم نسوي أنابيب لك واذا ما نجحت ذيك الساعه ابدا فكر فالعلاج برا ..

والرجال خايف من التجارب اللي ما عاد ترقع برا عقب


الله يعينـه ويزيل همه ويرزقه والمسلمين أجمعيـن

للأسف هذا الحاصل لابد من التجربة أولا هنا بغض النظر عن عمر المريض أو المريضة*...

الله يرزق الجميع بالذرية الصالحة ...

[R 7 A L]

خله يجرب هنا وان شاءالله ربي يرزقه
واذا نوى يسافر ف افضل مستشفى حالياً للرجال في نيويورك

[Locale]

اهني العمليات ولله الحمد ناجحه لايتردد
شحاته او حتى القطريات ممتازات وتعاملهم حلو
الله يرزقه

[Qtr37]

على حسب طبيعة المشكلة
في مستشفى في البحرين اعتقد اسمه الذرية
يمكن الدكتور اسمه بركات
ممكن تسألون هناك احسن