نطالب الدولة بتحديد سعر المصنعية للذهب

[المخفي]

التلاعب في الذهب كبير وقت ارتفاعه المحلات ترفع السعر لحظة بلحظة و عند نزوله تزيد في المصنعية و سعر الذهب لزيادة هامش الربح

لذلك نطالب الدولة بتحديد سعر المصنعية و ربط اسعار الذهب في المحلات بالاسواق العالمية

[حمد بن سعد]

كلامك صحيح اخوي نتمنى من الدولة تحديد سعر المصنعية

[OREO]

التلاعب في الذهب كبير وقت ارتفاعه المحلات ترفع السعر لحظة بلحظة و عند نزوله تزيد في المصنعية و سعر الذهب لزيادة هامش الربح
لذلك نطالب الدولة بتحديد سعر المصنعية و ربط اسعار الذهب في المحلات بالاسواق العالمية

الدولة ما تقدر تتدخل في هالامور لان النوعية هذه من الذهب كماليات و مهب سلع اساسية ..

[(ام عبدالله)]

كلامك عدل 100%

جزاك الله خير

[H H]

اؤيد وبشده !!

وسالفة ان في نقص فالذهب وقت الهبوط ومانلقاه متوفر ووقت الارتفاع نلقاه متوفر هذي ماعاد تمشي!
وياليت يكثرون نقاط بيع الذهب (السبايك) وتزيد الرقابه عليهم.

[Qtr37]

صحيح من زمان وانا ادور مثل هالموضوع
ع الاقل حماية المستهلك خاصة ان في ذهب يكون للاسثمار وليس للزينة واللبس
وكثير من الكماليات لها اسعار محددة وحتى لو كانت كماليات من حق الناس تشتريها بأسعار معقولة مب 90 ريال مصنعية ع الغرام

[H H]

صحيح من زمان وانا ادور مثل هالموضوع
ع الاقل حماية المستهلك خاصة ان في ذهب يكون للاسثمار وليس للزينة واللبس
وكثير من الكماليات لها اسعار محددة وحتى لو كانت كماليات من حق الناس تشتريها بأسعار معقولة مب 90 ريال مصنعية ع الغرام


:eek5:

متاكد من هالرقم ؟ :eek5:

[JN000N]

والله صج يبيله حد يراقبهم الحراميه

انا اروح البحرين اشتري ذهبي ابرك لك من هني

عيل يوصل الجرام 112 يقولك لا 118 لان فرق الدولار وفرق مادري شنو هاي غير المصنعيه!!
عسى ما شر
وسبحان الله وقت الذهب مرتفع وواصل 132 والا غيره يعطيك الرقم بالضبط مثل ماهو وان زاد زاد نقطه وين فرق الدولار وهالخرابيط عيل؟

ترى صج ما ابالغ انا وهلي وجماعتنا كلنا نروح البحرين نشتري ذهب ونرجع
اول شي متوفر اشكال وانواع ويزوغ القلب شحلوه ذهبهم ويعطيك السعر مثل ما هو ولو عطاك مصنعيه ما مصنعيه ما يبوقك

اما هني بوق عيني عينك

[Riku3]

الحين حتى في فرق صرف العملة يبوقونك ..

قبل العيد كنت ابي دولارات ويورو .. الدولار معروف سعر البيع 3.65 وتقدر تحصله اقل شوي لو تعرف حد .... واليورو كان نازل سعره وانا محتاج 5000 يورو .. رحت اول صراف قالي 4.270 ما ارتحتله .. رحت اللولو في المطار وفيه صرافيين 2 .. الاول قالي 4.250 والثاني نفس الشي بس يوم انسحبت واحد وقفني وقالي كم تحتاج ؟ .. قلتله 5000 يورو .. قالي تعال بنعطيك بـ 4.150 .... بعد ما ارتحت ..

رحت صراف الفردان صرفت بـ 4.007 !!! ..... حسبي الله ونعم الوكيل سعر الصرف المفروض ثابت وهم يتلاعبون بأسعار قديمة .

[Qtr37]

:eek5:

متاكد من هالرقم ؟ :eek5:

اي متأكدة من بعض المحلات يقولك شغل من البلاد الفلانية ومصنعنا غير
واقل شي 50 ريال واذا كلش كلش نزل 30 ريال مصنعية وهذا نادر
حتى النيرات اللي بنشتريها تباع مع سعر مصنعية وجمارك وغيرها يعني نروح واحنا مستانسين ان الذهب نازل ونلقى نفسنا ما استفدنا شي!!

هنا تلقى سعر الذهب لكل عيار
http://qatar.gold-price-today.com/

عيار 21 سعره تقريبا 112 اليوم
تبي تشتري شي من المحلات الصغيره العادية يقولك 160 مع المصنعية
روح محل اكبر ومعروف اكثر شوي بيقولك 180 عشانك عميلنا :)

[العابد]

كلامك صحيح
هناك مبالغة جدا في أسعار المصنعية
فصار شراء الذهب خسارة بكل حال
مجرد تشتري ذهب مباشرة ينزل من كل جرام أربعين ريال أقل شي
فصار الذهب لا يصلح أبدا للاستثمار

[h9466]

مؤيد وبقوة...حتى لا يكون التحديد على هوى التاجر وحسب الزبون...في ناس وخصوصا كبار السن سهل جدا تستغلهم ..

[saeed2005]

المشكلة ليست في التجار فطلب الربح الكبير هذه عادتهم لكن المشكلة في ثقافة الناس اللي بتشتري ذهب تروح هالأيام محلات الذهب تقول سوق السمك من الزحمة اللي فيها لأنهم سمعوا أن الذهب سعره نازل وراحوا يشترون ولا يعلمون أن باعة الذهب يرفعون في سعر المصنعية أسعارا مبالغ فيها جدا تصل لمائة وربما أكثر في بعض المحلات هنا يأتي دور ثقافة شراء الذهب ينبغي على الزبون أن يعرف سعر شراء الذهب وفقا لعياره حسب الأسواق العالمية ويقدر قيمة المصنعية بقيمة معقولة كثلاثين ريال مثلا فإن رأى سعر الذهب مبالغ فيه فاصله عادي وقال له سعر الجرام بكذا وهنا يعرف البائع أن أمامه زبون فاهم يصعب الضحك عليه .

[ابو مشعل]

كلام سليم..

[Locale]

عندنا غالي ولا فالبحرين والامارات اسعار حلوه

[الهديل]

حتى لو كنّا نعرف أسعار الذهب
و نتكلم مع صاحب المحل يقول لك لا هذه المصنعيه غير
وما يرضى يبيع غير بالسعر الي هو محدده
نضطر احيانا نشتري خصوص اذا لعروس او هدايا لولاده

[يمامـة]

سعر المصنعية يزيد مع نزول الذهب ويثبت مع الارتفاع بشكل ملحوظ..

المفروض بدل ما يحطون لنا لوحة في كل محل يبين سعر الذهب لكل يوم..
يحددون سعر المصنعية اللي يتغير بتغيير سعر الذهب..

والمصيبة ان سعر المصنعية ينزل لو الشاري ما كان قطري.. او خليجي..
وهالكلام بشهادة مقيمين ..

فما يصير يا حماية المستهلك ما خلوا لنا شي نخشه للاجيال من كل مكان ناهبيننا :(

[Locale]

^^
عاد اتصدقين يا يمامه ان الشغالات اكثر ناس يرخصون لهم

اختي شرت مضعد ذهب 18 فيه تسعه غرام ب الف وثمانميه
وشغالتي شرت علاقه ذهب 22 تسعه غرام ب الف وميتين !!!!

[يمامـة]

^^
عاد اتصدقين يا يمامه ان الشغالات اكثر ناس يرخصون لهم

اختي شرت مضعد ذهب 18 فيه تسعه غرام ب الف وثمانميه
وشغالتي شرت علاقه ذهب 22 تسعه غرام ب الف وميتين !!!!

ادري.. يا لوكول ادري سالفة الخدامات هذي يبي لنا نسحبهم معانا في السوق ونشوف كم بيوصولن لنا الاسعار وياهم..

[تاجر كشخة]

انزين سؤال للجميع الله يجزاكم خير

انا من اسبوعين شريت طقم ذهب للمدام وكنت على علم بسعر الذهب للجرام فتفاجئت بالسعر الي ما كنت متوقعه قال هذا سعر المصنعيه لكل جرام + عشر ريال ضريبة جمارك لكل جرام
هل صحيح هالشي انه فيه 10 ريال ضريبة لكل جرام لو صحيح ذا الكلام بيكون شبه مستحيل ابيعه بربح بعدين لانه وقتها اصحاب الذهب بيشترونه منك بسعر الذهب العالمي فقط

[Qtr37]

تاجر كشخة
صحيح يحسبون كل التكاليف منها الجمارك
كل تاجر بيحسب كل التكاليف + نسبة الفايدة والربح

بالنسبة للبيع
نعم بيشتري بسعر الذهب فقط وليس سعر شراءك له ولا المصنعيه
وطبعا اذا اللي بتبيعه فيه فصوص وغيره بيطيح من وزنه بعد

اللي باعوا واستفادوا هم اللي باعو ذهب كان شاريينه قبل ثلاثين او عشرين سنه

[تاجر كشخة]

وفيت أخوي qtr37 اشكرك على توضيحك لك وأحب اضيف لك ان بتبيع الذهب الي عندك بسعر الذهب العالمي فقط لكن اذا بغيت تشتريه منه مرة ثانية بيبيع لك يا سعر المصنعية + 10 ريال الضريبة يعني كذا غش واحتيال وااضح