تجارة الإنستقرام ,, والجهة المختصة بمراقبتها

[أم محمد 90]

السلام عليكم .

قبل لا اكتب موضوعي اتمنى ان محد ياخذه من منظور ان أنا أبي مضرة لصاحبة الحساب الله فوقي ويشهد اني ما اعرفها ابداً


الموضوع كالتالي :


اثناء حواطتي بشوارع الانستقرام لفت نظري حساب يبيع تي شيرتات عليها جمل باللغة الإنجليزية ,
وكون اني (بُلبُل) بالإنجليزي انصعقت والله من الجُمل المكتوبة .


أول شي بعد إذن الإدارة انا بكتب أول حرف من الكلمات عشان تفهمون انا ليش تضايقت وانصعقت ,

تي شيرت مكتوب عليها

B.... shut up please i'm Qatari

B... please i'm from DOHA

وترجمة الكلمة اللي مكتوب حرفها هي (عاهرة) ...!

انا مو هامني الكلمة ؟! ولكن ليش تحطين اسم قطر وحروفها في جملة وقحة جذي وتبيعينها ؟؟!!!

طيب لو وحدة ماتعرف انجليزي بس لفتت نظرها كلمة QATARI وقالت باخذه وبلبسه ف سفرة ولبسته وقروه الاجانب وتعرضوا لها !

من المسؤول ولا تقولون ماتصير ترى في الدول الاجنبية مشاجرات تصير بسبب عبارات على تي شيرتات

وتبيع تي شيرتات ثانيه مكتوب عليها الكلمات الوقحة الاجنبيه مثل

F....
Sh... وبعض الجمل الثانية الوقحة واللي انصدم منو بتشتري تي شيرت جذي وبتلبسه

والصدمة ؟ لما نزلت عنها معارضة بحساب رفيجتي اللي في 20 الف شخص الأغلبية عارضو وقاموا عليها وعطتهم بلوك !

وفي ناس عادي عندهم! وأيدو تجارتها بحجة (الانفتاح)

الصدمة الأخرى ؟

ان حسابها فيه ناس ميتين ع التي شيرت ومعلقين ردي ع الواتس اب نبي نطلب !

اتصلت بحماية المستهلك قالوا هالموضوع مش من اختصاصنا . من اختصاص المراقبة الالكترونية بالداخلية .

الموضوع مستفزني وايد الحين هي صكتني بلوك لاني كتبت لها غلط اللي تسويه تنشر اسم بلادنا بهالطريقة

يعني ليش ماتكون في جهة تراقب تجارة الانستقرام ؟ (ماتكلم عن الأكل لان شي عادي)

المهم

البعض يقول مالج حق , ولكن انا اشوف لي حق لان الجمل مستفزه وايد .

ليش بقول لوحدة يا عاهرة اسكتي انا قطريه ! شالتخلف !!؟

ابي رايكم ف الموضوع وابي اعرف شلون اوصل لجهة تمنعها من بيع هالتي شيرتات


وارجو الرد في حدود الأدب والذذوق :

[بومحمد المطاوعه]

اتصلي 999 واشرحي الموضوع بيحولونج على الجرائم الألكترونيه

وقدمي شكوى

الحمدلله والشكر
بعض التجار يبيعون اي شي

بعيد الشر
شي يفشل ويضايق والله للأسف ..


الله يقويج على الموضوع الطيب

[شبح الصمت]

الله يعطيج العافيه ام محمد ..


لا تكلمي وقولي عن اي شيء غلط

ام محمد هل جربتي انج ترسلين لمطرش للداخلية اسم الموقع الي تباع فيه هالشغلات ..


مرفق معاه صورة التي شيرت او اي شيء غلط والبيانات كاملة .. !!!

[R 7 A L]

المفروض هالتاجرة توقف بيع هالمصخرة ولا تتاخذ الجهات المسؤله معها الاجراءات

[حسن]

ذكرت مرار تجاره الاستغرام يجب ان توضع لها ضوابط وقوانين لحمايه المجتمع
وحسب علمي ان هناك مشروع دارسه او اصدار قانون
وطرحت موضوع عن ذالك على مااذكر او نسيت مع العلم كانت هناك ردود الاخوات العضوات
غير مؤيدات لذالك والبعض منهم زعل على كلامي
المشكله مهب عارفين ابعاد هذه التجاره الغير مرخصه

موضوع جيد وموفق واستحملي الهجوم من بنات جنسك

بالتوفيق

:)

[أم محمد 90]

اتصلي 999 واشرحي الموضوع بيحولونج على الجرائم الألكترونيه

وقدمي شكوى

الحمدلله والشكر
بعض التجار يبيعون اي شي

بعيد الشر
شي يفشل ويضايق والله للأسف ..


الله يقويج على الموضوع الطيب

عادي بيحولوني ولا بيسوون وياي تحقيق نفس حماية المستهلك ؟


الله يعطيج العافيه ام محمد ..


لا تكلمي وقولي عن اي شيء غلط

ام محمد هل جربتي انج ترسلين لمطرش للداخلية اسم الموقع الي تباع فيه هالشغلات ..


مرفق معاه صورة التي شيرت او اي شيء غلط والبيانات كاملة .. !!!




لا ماجربت من نفس البرنامج قصدك ؟؟


المفروض هالتاجرة توقف بيع هالمصخرة ولا تتاخذ الجهات المسؤله معها الاجراءات

مفروض صراحة شي يفشل ويضاييق

[بومحمد المطاوعه]

والله اتمنى المراقبه على كل التجار والتاجرات

[شبح الصمت]

اي ام محمد نفس البرنامج اتوقع في شوفي جربي يمكن تحصلين تجاووب


او يمكن عقب شكوتك يحطوون رابط لمثل هالامور .


توكلي على الله جربي وقولي لنا ..


الله يحفظج

[بومحمد المطاوعه]

عادي بيحولوني ولا بيسوون وياي تحقيق نفس حماية المستهلك ؟




لازم بيسألونج وقولي لهم هذا الحساب تابعوه وعطيهم حسابها

[حسن]

انا اشوفها مش من اختصاص الشرطه الا اذا كان هناك دور للشرطه المجتمعيه
او دور حمايه المستهلك وهل هناك قانون يمنع لا اعلم
مايقدورون يتحركون بدون قانون واضح وصريح

[بومحمد المطاوعه]

اتصلي 999

بيفيدونج والله

تخيلي مره من المرات مضيع مستشفى ام صلال محمد
اتصلت 999 ودلوني :nice:

[بومحمد المطاوعه]

انا اشوفها مش من اختصاص الشرطه الا اذا كان هناك دور للشرطه المجتمعيه
او دور حمايه المستهلك وهل هناك قانون يمنع لا اعلم
مايقدورون يتحركون بدون قانون واضح وصريح


ياعمي

يشوفون الكلام ويتابعون حسابها وخلاص
كل شي يبين

[أم محمد 90]

انا لما اتصلت حماية المستهلك حققوا معاي وقالوا تعرفينها وشنو بينج وبينها وشنو سبب الشكوى هل هي ضرتج ومن هالكلام سوو تحقيق ماله داعي واخر شي قالو مالنا خص

[بومحمد المطاوعه]

انا لما اتصلت حماية المستهلك حققوا معاي وقالوا تعرفينها وشنو بينج وبينها وشنو سبب الشكوى هل هي ضرتج ومن هالكلام سوو تحقيق ماله داعي واخر شي قالو مالنا خص

ههههههههه
الحمدلله والشكر
هذي مب حمايه المستهلك

دمار المستهلك الظاهر

لو قلتي لهم الكلام المكتوب حلو وعسل الظاهر

استغفرالله من هالجهه

[مختلفة عقليا]

السلام عليكم

ماعرف قانونيا ., بس

مشكوووره ع غيرتج ., وع (( تصرفج )) :victory:

يسلموو

[JN000N]

انا لما اتصلت حماية المستهلك حققوا معاي وقالوا تعرفينها وشنو بينج وبينها وشنو سبب الشكوى هل هي ضرتج ومن هالكلام سوو تحقيق ماله داعي واخر شي قالو مالنا خص

فعلا حماية المستهلك مالهم سلطه على تجار الانستقرام
رفيجتي لها تجربة تعيسة مع مصممة
وسالت وحده من هلي ف وزارة الاقتصاد عن موضوعهم قالت مالنا سلطه عليهم
ف لو عندج شكوى تشتكين عند الشرطه

[Rashid554]

اعتقد ooredoo ممكن تحضر الحساب بحيث ان الي من قطر مايقدرون يدخلون له

[بانغ بانغ]

استغرب من الي يشتري من هالمواقع خاصة اكل وملابس

[OREO]

كون الموضوع في الانستاجرام و ما ضر احد هي من شأنها تبيع .. لكن اذا القميص انلبس في شوارع الدوحه تقدرين ترفعين شكوى على صاحب القميص لان مهب من حقه ..

[العقل المدمر]

كون الموضوع في الانستاجرام و ما ضر احد هي من شأنها تبيع .. لكن اذا القميص انلبس في شوارع الدوحه تقدرين ترفعين شكوى على صاحب القميص لان مهب من حقه ..

بالعكس انا اشوفه يضر بنات قطر كلهم
لما تقول اسكتي يا عا... انا قطرية
معناتها كل قطرية مثلها محشومين بنات قطر المحترمات

[العقل المدمر]

شفت التعليقات فالانستقرام وانصدمت من اللي يدافعون
واللي يرقعون ويقولون لا معنى الكلمة انثى الكلب
اولا واضح معناتها فالجملة مب انثى الكلب
ثانيا صج ان انثى الكلب اهون من هالكلمة واشرف
بس بعد الكلمة تسيء لبنات قطر
خل تنسب نفسها لابوها دام مستانسة عالكلبة
بس ليش تنسب روحها حق البلاد

[حرف]

ممكن تعطينا الحساب ؟

[رحال الدوحه]

السلام عليكم .

قبل لا اكتب موضوعي اتمنى ان محد ياخذه من منظور ان أنا أبي مضرة لصاحبة الحساب الله فوقي ويشهد اني ما اعرفها ابداً


الموضوع كالتالي :


اثناء حواطتي بشوارع الانستقرام لفت نظري حساب يبيع تي شيرتات عليها جمل باللغة الإنجليزية ,
وكون اني (بُلبُل) بالإنجليزي انصعقت والله من الجُمل المكتوبة .


أول شي بعد إذن الإدارة انا بكتب أول حرف من الكلمات عشان تفهمون انا ليش تضايقت وانصعقت ,

تي شيرت مكتوب عليها

B.... shut up please i'm Qatari

B... please i'm from DOHA

وترجمة الكلمة اللي مكتوب حرفها هي (عاهرة) ...!

انا مو هامني الكلمة ؟! ولكن ليش تحطين اسم قطر وحروفها في جملة وقحة جذي وتبيعينها ؟؟!!!

طيب لو وحدة ماتعرف انجليزي بس لفتت نظرها كلمة QATARI وقالت باخذه وبلبسه ف سفرة ولبسته وقروه الاجانب وتعرضوا لها !

من المسؤول ولا تقولون ماتصير ترى في الدول الاجنبية مشاجرات تصير بسبب عبارات على تي شيرتات

وتبيع تي شيرتات ثانيه مكتوب عليها الكلمات الوقحة الاجنبيه مثل

F....
Sh... وبعض الجمل الثانية الوقحة واللي انصدم منو بتشتري تي شيرت جذي وبتلبسه

والصدمة ؟ لما نزلت عنها معارضة بحساب رفيجتي اللي في 20 الف شخص الأغلبية عارضو وقاموا عليها وعطتهم بلوك !

وفي ناس عادي عندهم! وأيدو تجارتها بحجة (الانفتاح)

الصدمة الأخرى ؟

ان حسابها فيه ناس ميتين ع التي شيرت ومعلقين ردي ع الواتس اب نبي نطلب !

اتصلت بحماية المستهلك قالوا هالموضوع مش من اختصاصنا . من اختصاص المراقبة الالكترونية بالداخلية .

الموضوع مستفزني وايد الحين هي صكتني بلوك لاني كتبت لها غلط اللي تسويه تنشر اسم بلادنا بهالطريقة

يعني ليش ماتكون في جهة تراقب تجارة الانستقرام ؟ (ماتكلم عن الأكل لان شي عادي)

المهم

البعض يقول مالج حق , ولكن انا اشوف لي حق لان الجمل مستفزه وايد .

ليش بقول لوحدة يا عاهرة اسكتي انا قطريه ! شالتخلف !!؟

ابي رايكم ف الموضوع وابي اعرف شلون اوصل لجهة تمنعها من بيع هالتي شيرتات


وارجو الرد في حدود الأدب والذذوق :

السلام عليكم ورحمة الله وبركاته ،،

أشكرج اختي ام محمد على الموضوع والتنبيه وربي يسلمج ويكثر من أمثالج
واشكر ادارة المنتدى والمراقبين وكل الأعضاء على تجاوبهم ومشاركتهم
ويحفظكم ويحفظ قطر واهلها ..

الأمير يصدر قانون مكافحة الجرائم الألكترونية

لمزيد من التفاصيل فضلاً ( اضغط هنا ) (http://www.raya.com/news/pages/fa579432-3362-4ea0-9b89-cbdf69473813)

تدشين مركز مكافحة الجرائم الإلكترونية قريبًا

لمزيد من التفاصيل فضلاً ( اضغط هنا ) (http://portal.www.gov.qa/wps/portal/media-center/news/individualnews/qatarreviewingcriminalpenal%20laws/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNwNDMwsDT yDDUKDTbzcDfwdDfWDE4v0C7IdFQFifWNr/?changeLanguage=ar)

وحسب ما اعرف ان الجهه الأمنية ممثلة في مركز مكافحة الجرائم الالكترونية بإدارة البحث
الجنائي أتمنى الكل يستفيد من المعلومات ..

اخوكم : رحال الدوحه

[مـراحـب]

حد يهكر حسابها

[راجي الْعفو]

اتصلي 999

بيفيدونج والله

تخيلي مره من المرات مضيع مستشفى ام صلال محمد
اتصلت 999 ودلوني :nice:

الله يقطع شرك يا بومحمد
ما سالتهم بعد وين مكان سناء !

( ابتسامة )

[حمد 2002]

خلوا الناس تسترزق الله ،،

والتجاره شطاره ..

[أم محمد 90]

خلوا الناس تسترزق الله ،،

والتجاره شطاره ..

طالع من يتكلم اللي منزل موضوع ان مانيكان عليه قطعة ملابس يثير الشباب

يبه لا ,!

don't say anything more!

[أم محمد 90]

كون الموضوع في الانستاجرام و ما ضر احد هي من شأنها تبيع .. لكن اذا القميص انلبس في شوارع الدوحه تقدرين ترفعين شكوى على صاحب القميص لان مهب من حقه ..

القميص صعب ينلبس ف الدوحة وذلك لان 95% من البنات عليهم عبايه


بالعكس انا اشوفه يضر بنات قطر كلهم
لما تقول اسكتي يا عا... انا قطرية
معناتها كل قطرية مثلها محشومين بنات قطر المحترمات

سوقيه لابعد حد وايد قاهرتني انا تنبط جبدي من البنات اللي فاهمين التحضر غلط!


شفت التعليقات فالانستقرام وانصدمت من اللي يدافعون
واللي يرقعون ويقولون لا معنى الكلمة انثى الكلب
اولا واضح معناتها فالجملة مب انثى الكلب
ثانيا صج ان انثى الكلب اهون من هالكلمة واشرف
بس بعد الكلمة تسيء لبنات قطر
خل تنسب نفسها لابوها دام مستانسة عالكلبة
بس ليش تنسب روحها حق البلاد

لا ، لاهي انثى كلب ولا غيره اظن 90% منا يعرف معنى الكلمه بالانجليزي مثل مانعرف معنىى thank you!!

[OREO]

طالع من يتكلم اللي منزل موضوع ان مانيكان عليه قطعة ملابس يثير الشباب
يبه لا ,!
don't say anything more!

ام محمد .. بشرينا ايش الاجراء اللي اتخذتيه احين غير طرح الموضوع في المنتدى لأجل نستفيد بارك الله فيج..

[أم محمد 90]

السلام عليكم ورحمة الله وبركاته ،،

أشكرج اختي ام محمد على الموضوع والتنبيه وربي يسلمج ويكثر من أمثالج
واشكر ادارة المنتدى والمراقبين وكل الأعضاء على تجاوبهم ومشاركتهم
ويحفظكم ويحفظ قطر واهلها ..

الأمير يصدر قانون مكافحة الجرائم الألكترونية

لمزيد من التفاصيل فضلاً ( اضغط هنا ) (http://www.raya.com/news/pages/fa579432-3362-4ea0-9b89-cbdf69473813)

تدشين مركز مكافحة الجرائم الإلكترونية قريبًا

لمزيد من التفاصيل فضلاً ( اضغط هنا ) (http://portal.www.gov.qa/wps/portal/media-center/news/individualnews/qatarreviewingcriminalpenal%20laws/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNwNDMwsDT yDDUKDTbzcDfwdDfWDE4v0C7IdFQFifWNr/?changeLanguage=ar)

وحسب ما اعرف ان الجهه الأمنية ممثلة في مركز مكافحة الجرائم الالكترونية بإدارة البحث
الجنائي أتمنى الكل يستفيد من المعلومات ..

اخوكم : رحال الدوحه

مشكور أخوي رحال , حاليا انا افكر اطلب التي شيرت منها وبعد ماتوصل التي شيرت اخذه واتقدم بشكوى عليها المشكله من امس كلمتها بالواتس اب ماردت
وعندي شعور ان بعد هجومنا انستقراميا عليها مترددة انها تبيعه

ف مادري شرايكم؟

[أم محمد 90]

حد يهكر حسابها



ممكن تعطينا الحساب ؟



ما افضل نشر الحساب وذلك لاني مابي اقطع رزقها بس ابيها توقف تبيع اشيا منحلة اخلاقيا

[أم محمد 90]

ام محمد .. بشرينا ايش الاجراء اللي اتخذتيه احين غير طرح الموضوع في المنتدى لأجل نستفيد بارك الله فيج..

المرة الاولى اللي ردت علينا مرة وفهمت سبب هجومها علينا وتحقيقها (ليش ومن وش بينج وبينها وبشنو ضرتج وماخذت الموضوع بمحمل الجد)

امس اتصلت وطلبت اكلم رجال وقلت ابيه قطري وماتصلت الخط الساخن اتصلت الادارة نفسها . حولوني على واحد وشرحت له الموضوع
قال لا احنا مانقدر نسوي شي قلت له لما وحدة تبيع امور اعزك الله واعز السامعين جنسية مب انتو تمنعونها قال اي احنا اصلا عندنا حملات تفتيش ونمنع بيع هالامور
بس هذا لان تي شيرت والمستهلك بنفسه يختار ياخذه او لا ., بس قال ان بيسال منو بالضبط يقدر يوصل لصاحبه الحساب ويمنعها من بيع هالامور وبيرد علي

مادري ليش احس انه بيجيني سيفون ههههه

[Abdulraman]

ما افضل نشر الحساب وذلك لاني مابي اقطع رزقها بس ابيها توقف تبيع اشيا منحلة اخلاقيا

ادخلي عليها على الخاص ونوريها يمكن هي ماتعرف انجليزي
والله يجزيج خير

[أم محمد 90]

ادخلي عليها على الخاص ونوريها يمكن هي ماتعرف انجليزي
والله يجزيج خير

اخوي ذكرت ان كلمناها وصكتنا بلوك وقالت انفتاح وحرية شخصية ومن الكلام ان يعني احنا نسافر برع وهاي ثقافة دول اخرى وان هالكلام عادي عندهم والتي شيرت حق سفر اصلا!

[monatee]

اختي اذا ماتقدرين تبلغين الجرائم الالكترونيه

عطيني حسابها وانا ابلغهم عن الحساب وعن البضاعه اللي تبيعها

اشكرج على غيرتج

[Abdulraman]

اخوي ذكرت ان كلمناها وصكتنا بلوك وقالت انفتاح وحرية شخصية ومن الكلام ان يعني احنا نسافر برع وهاي ثقافة دول اخرى وان هالكلام عادي عندهم والتي شيرت حق سفر اصلا!

دام السالفه بلوك وحريه شخصيه نصيحه انشري حسابها وصدقيني بتشوف شي ماشافته من الفطريين

[sweet qatar]

أوف والله شي يفشل

المفروض وزارة التجارة يكون لها دور

أنا ما شفت الاكاونت ولا تعاملت مع هالادمية و نرفزتني

الله يعينج عليها يا أم محمد .. و ياجرج خير علي تبليغ السلطات عنها

[OREO]

المرة الاولى اللي ردت علينا مرة وفهمت سبب هجومها علينا وتحقيقها (ليش ومن وش بينج وبينها وبشنو ضرتج وماخذت الموضوع بمحمل الجد)

امس اتصلت وطلبت اكلم رجال وقلت ابيه قطري وماتصلت الخط الساخن اتصلت الادارة نفسها . حولوني على واحد وشرحت له الموضوع
قال لا احنا مانقدر نسوي شي قلت له لما وحدة تبيع امور اعزك الله واعز السامعين جنسية مب انتو تمنعونها قال اي احنا اصلا عندنا حملات تفتيش ونمنع بيع هالامور
بس هذا لان تي شيرت والمستهلك بنفسه يختار ياخذه او لا ., بس قال ان بيسال منو بالضبط يقدر يوصل لصاحبه الحساب ويمنعها من بيع هالامور وبيرد علي

مادري ليش احس انه بيجيني سيفون ههههه

تاجرة الانستاجرام غير مقيدة بقوانين وزارة التجارة و الاقتصاد .. فلذاك حماية المستهلك ما يقدرون يفيدونج بشئ ماعدا وزارة الداخلية لان الكلمات الخادشة هذه تندرج تحت المواد الجنسية ومن هذا الباب يتم اخذ الاجراء ,..

لكن في حل اسرع بكثير وتكسبين فيه اجر .. حطي المعرف في الموضوع هني و خلي الاعضاء يدخلون عليها و يسوون ريبوت بأن المادة هذه جنسية ومن المفترض ماتنشر للعامة و ادارة الانستجرام بدورها بتشل الصورة وتعطي انذار لصاحبة المعرف او بيسكرون حسابها لانها خالفت قوانين الانستجرام ..

[sweet qatar]

لكن في حل اسرع بكثير وتكسبين فيه اجر .. حطي المعرف في الموضوع هني و خلي الاعضاء يدخلون عليها و يسوون ريبوت بأن المادة هذه جنسية ومن المفترض ماتنشر للعامة و ادارة الانستجرام بدورها بتشل الصورة وتعطي انذار لصاحبة المعرف او بيسكرون حسابها لانها خالفت قوانين الانستجرام ..

جزاها الله خير أم محمد ماتبي تقطع رزقها

من ناحية ثانية حتي لو سكرت حسابها ما بتمنع تداول هالتيشيرتات

مب شرط تعرضهم في الانستا و ممكن غيرها يقلدها

أعتقد نحتاج قانون حماية اسم قطر مثل قانون العلم القطري

فيمنع التداول نهائياً ويعاقب المخالف

[العلياا]

وعليكم السلام ورحمة الله

الجهة المسوؤلة حسب علمي قسم الجرائم الالكترونية بس ماعرف شلون توصلين لهم
كنت بقولج تعطينا الحساب ونشتغل عليها ريبورت سبام
عشان يتسكر حسابها بس ابدا هذا مب حل لانها ممكن تفتح حساب ثاني وتكمل شغلها

اذا وصلتي لنتيجة اتمنى تفيدينا فيها وعساج على القوة

[OREO]

جزاها الله خير أم محمد ماتبي تقطع رزقها
من ناحية ثانية حتي لو سكرت حسابها ما بتمنع تداول هالتيشيرتات
مب شرط تعرضهم في الانستا و ممكن غيرها يقلدها
أعتقد نحتاج قانون حماية اسم قطر مثل قانون العلم القطري
فيمنع التداول نهائياً ويعاقب المخالف

حسب فهمي للعبارة .. بأن صاحبة القميص تتفاخر بأنها قطرية وما تعرضت لقطر .. لكن المشكلة في كلمة عاهرة وانتي بكرامة ..

فلذا المشكلة الاساسية في الجمله هذه كلمة عاهرة من وجهة نظري الشخصية ومهب في انها قطرية.,.

[OREO]

وعليكم السلام ورحمة الله

الجهة المسوؤلة حسب علمي قسم الجرائم الالكترونية بس ماعرف شلون توصلين لهم
كنت بقولج تعطينا الحساب ونشتغل عليها ريبورت سبام
عشان يتسكر حسابها بس ابدا هذا مب حل لانها ممكن تفتح حساب ثاني وتكمل شغلها

اذا وصلتي لنتيجة اتمنى تفيدينا فيها وعساج على القوة

ادارة الجرائم الالكترونية موجودة في مركز العاصمة من تدخلين من البوابة الرئيسية بتشوفين مبنى كبير على يمينج .. هذا هو مبنى ادارة الجرايم الالكترونية..

[مـراحـب]

خلوا الناس تسترزق الله ،،

والتجاره شطاره ..


ههههههههههههه

شوف من يتكلم

[OREO]

ايش الفرق بين الشخص يقرا جملة على قميص وانتوا بكرامة " يا عاهرة انتبهي أنا قطرية " ومابين إن يقرا عبارات في التويتر من عيال بلادنا و اقلام مشهورة " يا ابن المتعة انا قطري " او يا كلاب السي سي انا قطري" او "يا عيال الوصخة حاسب انا قطري" ؟؟؟؟



"

[sweet qatar]

^

مادري ..

بس من وجهة نظري التيشيرت المطبوع بعبارات سيئة و ذكر اسم قطر

يسيء للدولة كلها

أما بدون اسم قطر .. يسيء للي لابسته بس

[OREO]

^
مادري ..
بس من وجهة نظري التيشيرت المطبوع بعبارات سيئة و ذكر اسم قطر
يسيء للدولة كلها
أما بدون اسم قطر .. يسيء للي لابسته بس

لنفترض تاجرة قطرية تبيع تيشيرتات مكتوبه عليها وانتي بكرامة " انتبهي يا عاهرة ..انا مايكل "

ايش تتوقعين بأن تكون ردات افعالنا !!!!!


هل بنسكت ام بنتكلم و ننكر هالشئ؟

[الذيبـــ]

ممكن أسم حساب التاجرة .. ابغي اخذ فكره عنه وبحاول اتواصل مع وزارة الداخلية فالموضوع او لو حابه كملي الموضوع

[حرف]

امرج غريب يا أم محمد
موب راضيه تعطيني الحساب وموب راضيه تبلغين عليها
وهس اصلاً ما عطتج ويه على شان تنصحينها
شنو المطلوب عيل

[بومحمد المطاوعه]

الله يقطع شرك يا بومحمد
ما سالتهم بعد وين مكان سناء !

( ابتسامة )

ههههههههه
اي والله يالغالي
اي شي ابي اتصل 999

في خدمة الشعب
والحمدلله متعاونين

حبيب ألبي

[العقل المدمر]

حسب فهمي للعبارة .. بأن صاحبة القميص تتفاخر بأنها قطرية وما تعرضت لقطر .. لكن المشكلة في كلمة عاهرة وانتي بكرامة ..

فلذا المشكلة الاساسية في الجمله هذه كلمة عاهرة من وجهة نظري الشخصية ومهب في انها قطرية.,.

لو هي تتفاخر بانها قطرية ليش ما قالت انا قطرية وسكتت ؟
ولو هي تتفاخر بانها قطرية شلون تسيء لاهل قطر بهالكلمة واحنا قطريات مسلمات مانتجرأ ننطقها ولا نكتبها ؟
واضح الموضوع انها تقارن القطرية بهالكلمة عاد من اي ناحية ؟ الله اعلم
اما اذا قالت انا مايكل والا انا بنت فلان هني بالطقاق اهم شي ماتدخلنا وياها فالموضوع

[بومحمد المطاوعه]

بعض البشر والعياذ بالله
عرضهم برخيص
وعادي يلبسون مثل هالملابس مدام مافي لا حسيب ولا رقيب عليهم


لاحول ولاقوة الا بالله ,,

[العنيده]

استغفر الله يعني صاحبة البزنس فكرت بالمعنى ولا مجرد قص ولزق ..
حتى لو ابي اسوي لاهلي اكيد بتاكد اقلها من المعنى ..
يارب محد يلبسها وهو مسافر .. الخوف تتصور وتنحط بمواقع ثانيه واسم qatari فيها

[أم محمد 90]

ممكن أسم حساب التاجرة .. ابغي اخذ فكره عنه وبحاول اتواصل مع وزارة الداخلية فالموضوع او لو حابه كملي الموضوع


امرج غريب يا أم محمد
موب راضيه تعطيني الحساب وموب راضيه تبلغين عليها
وهس اصلاً ما عطتج ويه على شان تنصحينها
شنو المطلوب عيل


هلا ,,

برسله لكم خاص ,,

بس ان شاء الله تقبلكم لان من نزلنا عن في وين قطر ماقامت تقبل طلبات الا نادر
يمكن تشوفكم شباب وتقبل الله واعلم واذا اقبلتكم بشرونا لحين حاطه التي شيرتات او شلتهم



تم الارسال..........

[حسن]

الحين التاجره طلعت مره !!!!

:omg:

افا

مقيوله من حط نفسه ردوس لعبت فيه المطايا

:)

[حرف]

ما وصلني شي للحين

[OREO]

ما وصلني شي للحين

خايفة نقطع رزقها

[حليتان*]

خايفة نقطع رزقها

ههههههه انت لو حطيت حد فراسك امه داعيه عليه هههههههه

[حرف]

خايفة نقطع رزقها

من واجبي كقطري مو بس اقطع رزقها بقطع راس اي احد يتهجم او يسب او يشتم قطر

[ممنوع اللمس]

الحساب لو تكرمتي