مشروع صغير

[miss_gucci]

السلام عليكم ورحمة الله وبركاته..
شخباركم
أنا لي فتره أفكر بمشروع طبخ في المنزل أنا ولله الحمد طبخي حلوو ودي أبيع بس ماأعرف أيش أحتاج من أغراض تغليف والاسعار شلون راح تكون ياليت اللي عنده خبره في هذا المجال يقولي
والله بدعيله في كل صلاه

[شموخ دائم]

,

,


مرحبا

نبي طلبات منتدى الاسهم اول يوم مجانيه
احنا بنطلب نجرب الاكل
بس يكون ببلاش
:shy:

الله يوفق لك يارب ويرزقك الرزق الحلال الطيب

هذي فكره ممتازه واشجعك عليها توكلي على الله
ترى النجاح يبي ( عزيمه وعدم التردد ) ابتدي الخطوه الاولى والتوفيق من الله


اول شي الامور تبي شوي جرائه بالدخول والامور بتكون طيبه ان شاء الله

هذي شغله ممتازه والكثير توفقوا فيها بقطر بفضل من الله

توكلي على الله وابتدي خطوه خطوه



البدايه تكون بجمع المعلومات

شوفي الي يبيعون كم اسعارهم في الانواع الي راح تبتدين فيها في المطاعم بالمنطقه عندك
او في الانستغرام اخذي كل الاسعار واكتبيها امامك واتصلي بالإعلانات بالجرايد واسئلي عن اسعار الوجبات وتكلفه التوصيل او بدون
بتلاقين تقريبا هناك اسعار متفق عليها في بعض الاصناف وبتلاقين اختلاف كبير في اصناف ثانيه بين كل الي يبيعون
ابتدي انتي تكونين ( الارخص ) بالسعر بعد ما فهمتي الاسعار


المرحله الثانيه
تجهيز المكان

جهزي مكان بالبيت يكون منفصل مطبخ مرتب او ملحق غرفه خاصه
وجهزي فيه المعدات الي بتحتاجينها من افران او معدات للطبخ
وبتحتاجين خادمه تساعدك ومتفرغه للطلبات هذي وياريت تكون الغرفه قريبه
والسياره تقدر توصل الى باب هذي الغرفه لتحميل الاغراض وتنزيلها
بسهوله

المرحله الثالثه ( التغليف )

يوجد اماكن متخصصه بقطر للتغليف بالصناعيه والاسعار طيبه ورخيصه
وتقدرين تحطين اسم معين لك وشكل خاص وشعار خاص
ورقم تلفون لتلقي الطلبات على كل التغليف
واهم شي الالتزام بالوقت والاهتمام بكل طلب


المرحله الرابعه ( التوصيل )
التوصيل شي مهم جدا ويساعد على التسويق بشكل افضل خاصه بالمناطق القريبه منك اول شي
وبعدها تتوسع الدائره الى الاماكن البعيده

التوصيل ممكن يكون السائق الي بالبيت كبدايه
ومن ثم بعد ما تزيد الطلبات بيكون هناك طريقه خاصه وسياره خاصه للتوصيل
هذا مستقبلا

اكثر الطلبات تكون الخميس والجمعه والسبت
لو تكون البدايه بهذه الايام بيكون شي طيب ومنها بعد ما تزيد الامكانيات
تنتقلين لباقي الايام


المعدات والافران يجيبونهم من السعوديه ومن السوق الصيني بدبي حتى اغراض البوفيه هناك اسعارهم رخيصه جدا
من الحساء ومن الدمام والخبر

البدايه لازم تكون بسيطه تتخصصين في شي معين انتي ( تجيدينه) وشاطره فيه
وتركزين عليه والبدايه دائما تكون بالمنطقيه القريبه منك
او الان في الانستغرام

صوري طبخك وزينيه وحطيه في حساب خاص فيك
وفيه طريقه التواصل للطلبات وحطي لك ( رقم خاص للطلبات ) غير عن رقمك

وشوي شوي بيكون عندك زبائن معينين
ومعروفه طلباتهم ومعروف اوقاتهم

طبخ الوجبات الخفيفه مثل ( الافطار ريوق ) ومن ثم تدخلين على الباقي لما تفهمين طبيعه الطلابات
وتكونين جاهزه
او

السويتات

او

الضيافه من قهوه وشاي وعزائم كبيره ومنها البوفيه


كل هذي الامور سهله اذا بديتي بالتدريج فيها

اخيرا صلي الاستخاره وتوكلي على الله قبل تعزمين
ان شاء الله ينفتح لك باب كبير من هذي التجاره
ان شاء الله فيها بركه لكم

الله يوفقك يارب

,

,

[STAR]

بالتوفيق لصاحبه الموضوع ..خذي لج لفه ع تاجرات الانستغرام وجوفي اسعارهم وحاولي مثل ما قال اخونا يكون سعرج مناسب...






اخوي شموخ دائم ممكن ترسل لي أسماء. المطابع الرخيصه بما انك خبير في هالامور
لوسمحت

[miss_gucci]

يعطيك العافيه اخوي شموخ
وان شاء الله بنذوقك ونذوق الأعضاء
وبلاش

[miss_gucci]

مشكور اخوي star على مرورك
والله يوفق الجميع
وابي مطابع رخيصه
تسويلي علب وأكياس

[المخفي]

البداية اشتغلي تغليف عادي بعد ما يصير لش اسم في السوق سوي تغليف و حركات

موفقة

[لـبـيـه]

اول شي اجرب طباخج لمدة سنه ميلاديه وبعدين ادخلي مجال التجاره

موفقه دام حلال الله بيوفقج توكلي على الله

[miss_gucci]

سنه ميلادية :eek5: كاملة
ماقلت أسبوع
شهر
سنه حرام عليك
بس أبشر ماطلبت شي

يلا شرفنا برأيك
Instagram:8do3na_a7la

[بنت شرق]

الافكار الجديدة للطبخ ومسوينها الاماراتين والسعودين كثيرة
منها التركيز على نوع معين ، حلويات ، وجبات خفيفة ..الخ
والافكار متوفرة باليوتيوب والانستجرام
الجديد الي مسويته وحده بالحسا وبالكويت وجبات للرجيم
سهله ، سمك مشوي وبطاطس مقلي بالة تيفال بملعقة دهن
مع السلطة
دجاج مشوي مع سلطة كينوا
كشري مع سلطة للنباتين
وغيره
وانا اشوف بالانستغرام اخس شي موضوع المندوب بو 80 و50 ريال
اذا اكلج بيكون سعره حلو والمندوب يكلف فبتواجهين صعوبة بالاقبال