شركة حماية هل أدت ماعليها ؟

[حرف]

كلنا يعرف شركة حماية ولي اغلب موظفينها يا قطريين او مواليد قطر
وكنا انتمى انشوف لها سلطة وقوة بس اليوم للاسف الشركة مهمشة
وحالها حال الشركات الاخرى الامنية مثل 4 قروب وغيرها

هل الموظفين فيها مرتاحين مادياًومعنوياً ؟
هل مستقبلاً راح تحل محل الشركات الاخرى الي كل موظفينها اجانب ؟
هل رايح مستقبلاً يكون لموظفينها سلطة مثل موظفين وزارة الداخلية ؟
ماهي الاضافة الي اضافتها شركة حماية للامن ؟

[بانغ بانغ]

المفروض ايجيبون قدامى رجال الامن من المتقاعدين .... احسن من بعض الجنسيات اللي محد ايعبرهم

اللي يضحك في موظفي شركات الامن هذول .... اتلاقيه ايصور ورق وايجيب اكل من المطعم وايسوي شاي احيانا حق الموظفين ... اتكلم عن غروب فور

اما موظفي حماية المفروض ايكونون ارقى واهم وافضل حالا ولهم اعتبار ...... صراحة محد امعبرهم ومساكين بعضهم ما عندهم حتى ثقافة لطبيعة امرهم ....

[حرف]

كلامك صحيح يوكلون امور ثانية غير الامنية لهم وانا شفت يسوون شاي هههههه
مالهم هيبه
حتى السلاح مايعرفون له وغير مدربين عليه

[بانغ بانغ]

انا طالبت قبل بتسليحهم ولو عن طريق الكهرباء لان بعض اللي يتمادون في المجمعات يبغيلهم كهرب اشوي

[حرف]

في واحد من المستشفيات الحكومية وللحين يشتغلون على هالشي
الي يدخلون المرضى لقسم الطواري موظفين من شركة حماية ههههههه

[ابوالكلام]

اهلا انا اتوقع بان شركة حماية مجرد شركة ربحية مدعومة من الدولة

[حرف]

شلون ربحية وهي غير مساهمة ولا لها راس مال
قصدك يأجرون موظفينهم على الجهات

[بوخميس]

حماية تأجر موظفينها على الجهات وتاخذ فلوس زيادة.

القطريين قلة ترا، أغلب اللي تشوفهم يتكلمون قطري هم مواليد وعرب، رواتبهم ما تتجاوز 5500 ريـال.

واللي مب مواليد رواتبهم 2200 ريـال.

المفروض يتم تأهيلهم بدورات أمنية وعسكرية. شالفايدة رجل أمن وطوله متر ونص. أو كرشته طايحة.

[بانغ بانغ]

صراحة هالموضوع وايد اموتر الناس خاصة يوم ايشوفون تجاوزات من بعض الغوغائيين من الشباب او البنات او اليهالو في المولات او بعض البنوك او بعض الاماكن العامة ... مسكين الفقيرو مال السكيوريتي اما شغال بجواله او قاعد ايطالع التجاوزات ....

اقول لو ايعينون موظفين امن فعليين سواء كانوا ذوو بنية جسمانية قوية لارهاب الغوغائيين او مسلحين باسلحة خفيفة نفس اسلحة الكهرباء او رذاذ الفلفل .....

في بعض المكاتب اتجيب من افريقيا امعضلين وكانهم نخل .... ولكم ردة فعل الغوغائي عاد !!!

[ابوالكلام]

بالضبط يتم تاجيرهم على الجهات الحكومية والشبه حكومية اما راس المال والاسهم هناك شركات كثيرة بدون اسهم وراس مال .

[ابوالكلام]

شلون ربحية وهي غير مساهمة ولا لها راس مال
قصدك يأجرون موظفينهم على الجهات


نعم اخي يتم تاجيرهم على مؤسسات الدولة و المؤسسات المستهدفة هي الحكومية والشبه حكومية لانها تدفع بسخاء واما راس المال والاسهم هناك شركات لدينا كثيرة بدون اسهم وراس مال. بالتوفيف

[حرف]

حماية تأجر موظفينها على الجهات وتاخذ فلوس زيادة.

القطريين قلة ترا، أغلب اللي تشوفهم يتكلمون قطري هم مواليد وعرب، رواتبهم ما تتجاوز 5500 ريـال.

واللي مب مواليد رواتبهم 2200 ريـال.

المفروض يتم تأهيلهم بدورات أمنية وعسكرية. شالفايدة رجل أمن وطوله متر ونص. أو كرشته طايحة.

اي والله ياليت يدربونهم حتى على الامور المرورية ويساعدون على القضا على الزحمة

[بانغ بانغ]

سبق وقلنا مليون لا

الدليل اللي صار من كم يوم في المجمعات من تجاوزات وهوشات وغير المجمعات

للأسف شركة فاشلة بكل المقاييس

[بشائر]

الصراحة مالهم هيبة ! ولا دور في المكان تحسهم يوظفونهم بدون تدريب .. يحتاجون لدورات تأهيلية
ولازم يراقبون ملابسهم يسوعون شوي من ملابسهم سواء الموظفين أو الموظفات ويرحمون اللي وسع عليه الزي ..

ومايعرفون كيف يتعاملون مع القطريين خاصة .. عجل تطلب منه ينزل الأغراض للعاملة علشان تدخلهم يقول لها ( تؤمري ياست الكل ) !! سلامات!

[حرف]

سبق وقلنا مليون لا

الدليل اللي صار من كم يوم في المجمعات من تجاوزات وهوشات وغير المجمعات

للأسف شركة فاشلة بكل المقاييس

الشركة موجودة على الواقع في رأيك شلون يطورونها ؟

[بانغ بانغ]

الشركة موجودة على الواقع في رأيك شلون يطورونها ؟

ايخلونها security services

اتوقع فهمتني

[حرف]

فهمتك

[بانغ بانغ]

ايكون جناح لحماية الشخصيات
جناح لحماية المجمعات
فرقة لحماية كذا وكذا

اتكون خاصة وناس مدربين عدل مب نيبالي ايصور ورق او ايجيب ريوق

[حرف]

ايكون جناح لحماية الشخصيات
جناح لحماية المجمعات
فرقة لحماية كذا وكذا

اتكون خاصة وناس مدربين عدل مب نيبالي ايصور ورق او ايجيب ريوق

ويفتح الباب ويصكه

[حرف]

حتى عصا كهرب ماعندهم واسمهم حمايه

[khalid525]

لا كفاية عليهم يبلغون الشرطة اذا صارت اي تجاوزات ، بس ياليت يهتمون في رواتبهم ويوظفون مواليد الدوحة
اما انهم يستخدمون اسلحة وعصا كهرب لا محد يرضاها ، حتى الشرطة عندنا ما يسونها

[حرف]

اغلبهم حاطينهم في ملاعب كورة
شالفايدة عدد كبير في مكان مافيه احد ؟

[ولد الرياان]

سبق وقلنا مليون لا

الدليل اللي صار من كم يوم في المجمعات من تجاوزات وهوشات وغير المجمعات

للأسف شركة فاشلة بكل المقاييس

وشدخل حماية في الموضوع لي صار في المجمع اذا كان المجمع ماسكتة شركة غير شركة حماية

[ولد الرياان]

حتى عصا كهرب ماعندهم واسمهم حمايه

اخي الفاضل الشركات الأمنية ماتشتغل بكيفها وتسوي وتسلح وتكهرب في قوانين من وزارة الداخلية ومن ادارة الحراسات العامة بالتحديد
يعني الموضوع ماهو بسهولة لي تشوفونها

ولكن المشكلة ماهي في موظفي شركة حماية ولا في أي شركة اخرى

المشكلة فينا احنا عدم احترام الامن الخاص اذا ماكان شرطي ولا مانحترمه ونحترم الشرطي بطابع الخوف انه يسجنا

وهذا من تصرفات شفتها قدامي من بعض المواطنين ووصلت العدوة للمقيمين معا رجل الامن

[حرف]

شكراً ولد الريان على التوضيح ومبروك الفوز الكبير على نادي قطر
فكرتها البارحة مباراة سله هههههههه

[المحاميه]

تبي الصج والله مافهمت الموضوع

انت تقصد شركه معينه ولا شسالفه
وشنو فحوى م ضوعك
وشاللي مب عاجبك اصلا؟

[حرف]

تعرفين شركة حماية .؟

[المحاميه]

نعم اعرف شركات الحمايه .. شفيهم؟

[حرف]

نعم اعرف شركات الحمايه .. شفيهم؟



انا أسال هل شغلهم مضبوط ولا لا

[المحاميه]

اشدرانا
شنو المقياس

[حرف]

خلاص خلي الاجابه لاهل الاختصاص واستفيدي من رد ولد الريان

[بانغ بانغ]

وشدخل حماية في الموضوع لي صار في المجمع اذا كان المجمع ماسكتة شركة غير شركة حماية

اها فكرت حماية اللي ماسكة زين وضحت لنا

اي شركة مكلفة باي مجمع لازم السكيوريتي على اقل تقدير ايكون مجهز جسمانيا ان لم يكن دفاعيا

ايحطون " افريقان " احسن من النيباليين المعصقليين

[ولد الرياان]

شكراً ولد الريان على التوضيح ومبروك الفوز الكبير على نادي قطر
فكرتها البارحة مباراة سله هههههههه

لله يبارك :victory: الصراحة قبل المبارة وانا رايح الملعب كنت خايف انه نادي قطر يصالح جمهوره على حساب المتصدر
وتعرف نادي قطر جريح وينخاف منه ولكن الحمد الله بتوفيق من الله حولنها كرة يد :nice::nice::nice:

[راعي الكورفت]

اها فكرت حماية اللي ماسكة زين وضحت لنا

اي شركة مكلفة باي مجمع لازم السكيوريتي على اقل تقدير ايكون مجهز جسمانيا ان لم يكن دفاعيا

ايحطون " افريقان " احسن من النيباليين المعصقليين

النيباليين في شركة حمايه مقاتليين في الشوتوريو وهو نوع من انواع الكاراتيه.
اما الافارقه جسمانيا فيهم الضخامه لكن ما يعرفون شي في اساليب القتاليه لكن يمكن ضخامتهم تردع المخربيين هههه

[ولد الرياان]

اها فكرت حماية اللي ماسكة زين وضحت لنا

اي شركة مكلفة باي مجمع لازم السكيوريتي على اقل تقدير ايكون مجهز جسمانيا ان لم يكن دفاعيا

ايحطون " افريقان " احسن من النيباليين المعصقليين

اخوي بانغ بانغ الحين بتوجيهات من وزارة الداخلية يجب ان يتم تأهيل حراس الشركات الخاصة عن طريق معاهد معتمدة في الدولة تحت اشراف ادارة الحراسات العامة ويطبق على جميع الحراس حمل رخصة مزولة مهنة حارس أمن بعد اجتيازه الدورات والرخصة تعطى من الحراسات العامة وراح يتطبق عقوبات على هذا الموضوع يعني في بعض الشركات تعمل في مجال الامن والنظافة وتحصل العامل نفسة وينفيه نقص يشتغل عندلة بدلتين حارس وعامل نظافة

[المحاميه]

خلاص خلي الاجابه لاهل الاختصاص واستفيدي من رد ولد الريان

اهل الاختصاص

؟؟؟؟

دام ماعندك مجال للرد والنقاش والتوضيح
لاتعطينا استفسارات وتنطر اجابتها وعقب تختصر كلامك باهل الاختصاص

[Riku3]

في خلط بين شركات الحماية الخاصة وشركة حماية الرسمية في الردود .. شركة حماية موظفينهم نظامهم مختلف عن الخاص ومستحيل يقبلون يحطون موظف امن يقبل يشتغل مطراش مثل موظفين جروب 4 ..

وانا اعرف ناس من اهل قطر ماسكين اماكن مهمة ووزارات وشغلهم باحترافيه كبيرة من شفتات منظمة لاجهزة تفتيش متطورة وغرف مراقبة ومنظرهم حضاري جداً خصوصا اهل قطر والمواليد لين لبسو اللبس الوطني ووقفوا على الباب بكل احترام ..

للاسف الخلل من تفكير الناس الي يحسب انه يملك الحق في تجاوز القانون .. وهالمشاكل تحصل من العرب بشكل اكبر من اي جنسية ثانيه حسب السوالف والمشاكل الي اسمعها من الشباب الي شغالين في حماية ..

ونعم في هالحالات يجب الاتصال بالشرطة فهي الي تبت في المشاكل واحنا ما نعيش في غابه علشان نعطي عصي كهربائية لموظفين امن مهما كان تدريبهم او مكانهم !! .. فالاماكن الحساسة يحرسها الشرطة بالاسلحة وغير ذلك فلا .