* من تجاربكم.... هل ممكن الطفل يصيب بعينه؟! *

[الجـــوديّ]

بسم الله الرحمن الرحيم


كما هو واضح في العنوان...

هل ممكن ان يصيب الكبار عين طفل من عمر 4- 10 سنوات

... يعني مثل ما نقول طفل عينه حاااارة!!

طبعا عين الطفل لا تأتي من حسد .. ولكن تكون الطفل طاقته عالية وهو التفسير العلمي للعين.

وطبعاً ما أشكك أبداً في براءة الطفل ونقاء قلبه ونفسه.

هل سمعتوا أو لكم تجارب عن عين الطفل الحااارة ؟!

[بو راشد 1]

ممكن، والله اعلم....

[رجل تعليم]

لا أعتقد ولم يسبق لي أن سمعت بمثل هذا الأمر مطلقا
اللهم نسألك أن تحفظ الجميع

[حسن]

لا اعلم

والله من خلال مااعرفه من العين ان الكلمه اللي يقطها قويه جدا وهذه هي الضربه
بس الطفل مايعرف يصفصف الكلام مثل النظالين

[بانغ بانغ]

افضل تسألين اصحاب الخبرة والمراجع الدينية عشان ما يختلط الموضوع واتصير فتنة بين الناس ان ولد فلان صك فلان بعين

[الجـــوديّ]

شكراً لمشاركاتكم ..

أنا اقصد العين من تركيز النظر فقط.




في مرة ام قاعدة وايا بنتها .. كانت البنت مركزة على شي معطتها اياه امها .. وسبحان الله في غمضة عين اخترب الشي !

هي الام بنفسها علقت وقالت ماشالله عليج يافلانة عيونج حارة وتقصد بنتها ام 4 سنين.

انا صار لي موقف مع مجموعة يهال منهم عيالي وعيال من العيلة ..

كنا نبي نسوي نشاط جماعي.. واليهال من كثر ماهم مركزين الظاهر

كل شي قاعده اجهزه يخترب .. مع اني اذكر واسمي قبل لا ابدا.

أعيد المحاولة ويخترب ... لعله خير.

ما أحب أأول أي شي وكل شي انه عين..

لكن الوضع كان غريب لما اخترب كل شي

فتذكرت كلمة الأم وهي أخبر ببنتها.



بانغ بانغ

بحثت في قوقل .. مالقيت شي يأكد ان العين من الكبار فقط

واخبر لاول كانوا يقولون العين ممكن اتجي من عين القط والافعى

وما اعرف من اسأل تحديداً.

[بانغ بانغ]

باسألك راقي شرعي ان شاء الله لان الموضوع اثار اهتمامي .

[الجـــوديّ]

بانتظار الجواب اذا الله يسر .... شاكرة لك

[snood]

العين من الصغير والكبير لافرق الشرع ما حدد نفس الشي الجن والشياطين يتلبسون او( يدخلون) في الصغير والكبير ولكن طبعا الكبير اشد ولهذا السبب نعلم اولادنا من الصغر كلمة ( ماشاءالله تبارك الله ) بدل بل بل والله اعلم

[R 7 A L]

ما اعتقد
لان العين الي اتصيب مصدرها القلب
والطفل ماوصل للحين يتخزن شي في قلبه بحب او تمني امتلاك بعض الاشياء

[مرتبش]

الياهل قلبه ابيض ..ما اظن يحسد او في قلبه مكان للحقد والحسد

[العقل المدمر]

نفس الشي صار لي مرتين من وحدة من هلي
وعمرها وقتها 4-5 سنين تقريبا
مرة شافت علي تراجي مسكتهم قالت الله حلوين
دقايق الا تفججوا وطاحوا مع انها اول لبسة :weeping:
ومرة شافتني لابسة عقد ياتني تمت تطالع بسكات وراحت
وعقبها بدقايق طاح في حضني بس مب ان تبطل .. لا انكسر
مع اني ما حركته ولا لمسته حتى

[بريق الحق]

العين اما حسد وامااعجاب

[توشيبا]

http://www.weqayah.com/vb/t11963.html

[white bird]

أحترت في الموضوع بس بعد رد العقل المدمر تذكرت موقف
:o

نفس الشي صار لي مرتين من وحدة من هلي
وعمرها وقتها 4-5 سنين تقريبا
مرة شافت علي تراجي مسكتهم قالت الله حلوين
دقايق الا تفججوا وطاحوا مع انها اول لبسة :weeping:
ومرة شافتني لابسة عقد ياتني تمت تطالع بسكات وراحت
وعقبها بدقايق طاح في حضني بس مب ان تبطل .. لا انكسر
مع اني ما حركته ولا لمسته حتى

^نفس اللي صار معاي
بس أنا كان عندي قلم شكله جميييل
و البنت عجبها وايد
دقايق معدودة تحول القلم ألى اجزاااء بطريقة غريبة
😂💔

[مختلف جداََ]

ثبت من خلال المشاركات و بشكل قطعي لا يقبل مجالاً للشك إنه عيون الأطفال لا تصيب إلا الحريم فقط http://store1.up-00.com/2015-05/1432647722011.gif

[بانغ بانغ]

ثبت من خلال المشاركات و بشكل قطعي لا يقبل مجالاً للشك إنه عيون الأطفال لا تصيب إلا الحريم فقط http://store1.up-00.com/2015-05/1432647722011.gif

تم اسقاط الجبهة الشمالية ههههه

[العقل المدمر]

ثبت من خلال المشاركات و بشكل قطعي لا يقبل مجالاً للشك إنه عيون الأطفال لا تصيب إلا الحريم فقط http://store1.up-00.com/2015-05/1432647722011.gif

اكيد بس الحريم
انتوا شفيكم من زود عشان يصكونكم بعين ؟ :eek5:

[بشائر]

اكيد بس الحريم
انتوا شفيكم من زود عشان يصكونكم بعين ؟ :eek5:

هههه هجمة مرتدة في منتصف القرنية !



عزيزتي الجودي .. طفل بو 4 سنوات ماظن يعين حد .. لكن نعرف واحد حاليا عمره 14 سنة من كان في الـ 9 سنوات
سمعنا أن عينه حاره ! واتذكر اني استغربت كيف طفل وينظل ؟ يظهر وراثة والله أعلم .

[معماري قطري]

انا عيني ما تصيبني الا انا ودوم اذكر الله بس مريت بتجربتين غريبتين .. وحدة كنت مستانس بسيارتي واطالعها بفخر أيام بداية العشرينات ولا ذكرت الله طلعت فيها وكان مطر .. وكانت لفات الرجوع في الاتجاه المعاكس كثيرة في قطر .. ودست شوي الا السيارة مفترة وموقفة مكانها وسيارة ثانية جاية في الباب اللي صوبي .. تكنسلت سيارتي والسيت اللي قاعد عليه استوى شبر من الصدمة وانصبت اصابات ترقدت شهر في المستشفى منها شلخ في الحوض.

الحادثة الثانية كنا ندرس لامتحانات الثانوية وكنا شلة ومعانا شباب فلسطينيين وكم قطري من ضمنهم أحد الوزراء الحاليين .. المهم الطالب سابقاً والوزير حالياً قال انتوا كله سوالف واستئذني يدخل غرفتي يدرس قلت له زين .. بعدها طلع يقول لي مكيف غرفتك بارد وايد .. آخر الليل انا اتذكر كلامه واقول في نفسي صج هالمكيف بارد .. ما خذت الا المكيف طلع صوت غريب مثل صوت متدرج في القوة وبعدها صوت ضربة قوية وسكت

صدقوني ما ابالغ جبت واحد يشوفه قال ما ادري ما يبين فيه شيء بس أكيد الكمبريسر اخترب أحسن لك اشتر غيره.

بالنسبة للأطفال كل شيء جايز ودوم لازم الوالدين يرقونهم من الحسد .. يحسدون أو ينحسدون.

[Qtr37]

العين ممكن تكون من غير حسد، يعني اعجاب فقط
الواحد يذكر الله على نفسه وعلى كل شي وما يوسوس ويفسر كل شي انه حسد وعين
اذا الواحد خذ بالاسباب وحصن نفسه ، اي شي بيصير عقب بيكون قضاء وقدر
:)

[(ام عبدالله)]

احتمال .. لانه حتى اقرب المقربين الاب والام ممكن يحسدون عيالهم ونفسهم مع انه النيه صافيه

[العلياا]

السلام عليكم

غريب الموضوع شخصياً ما انتبهه لهالامور
لكن اوقات احس اني ممكن اضر نفسي فقط ماعرف شلون لكن اذا اعجبت بشي انا لابسته او مسويته ممكن يخترب او يصير فيني شي ..!
مادري هالشي له تفسير والا لا
لكن الحمدلله صرت اكثر حرص على ذكر الله واداوم على الاستغفار ..

اتمنى لو وصلتي لتفسير معين لحالة الطفل تفيدينا فيه وعساج على القوة

[بانغ بانغ]

الجودي ترى ما نسيناك

بس العالم اتقول ... مافي دليل قاطع او اشارة ان الصغير ايصك بعين .... فهي حق يعني من كل شخص

النوايا تختلف

[بو راشد 1]

انا عيني ما تصيبني الا انا ودوم اذكر الله بس مريت بتجربتين غريبتين .. وحدة كنت مستانس بسيارتي واطالعها بفخر أيام بداية العشرينات ولا ذكرت الله طلعت فيها وكان مطر .. وكانت لفات الرجوع في الاتجاه المعاكس كثيرة في قطر .. ودست شوي الا السيارة مفترة وموقفة مكانها وسيارة ثانية جاية في الباب اللي صوبي .. تكنسلت سيارتي والسيت اللي قاعد عليه استوى شبر من الصدمة وانصبت اصابات ترقدت شهر في المستشفى منها شلخ في الحوض.

الحادثة الثانية كنا ندرس لامتحانات الثانوية وكنا شلة ومعانا شباب فلسطينيين وكم قطري من ضمنهم أحد الوزراء الحاليين .. المهم الطالب سابقاً والوزير حالياً قال انتوا كله سوالف واستئذني يدخل غرفتي يدرس قلت له زين .. بعدها طلع يقول لي مكيف غرفتك بارد وايد .. آخر الليل انا اتذكر كلامه واقول في نفسي صج هالمكيف بارد .. ما خذت الا المكيف طلع صوت غريب مثل صوت متدرج في القوة وبعدها صوت ضربة قوية وسكت

صدقوني ما ابالغ جبت واحد يشوفه قال ما ادري ما يبين فيه شيء بس أكيد الكمبريسر اخترب أحسن لك اشتر غيره.

بالنسبة للأطفال كل شيء جايز ودوم لازم الوالدين يرقونهم من الحسد .. يحسدون أو ينحسدون.

أخوي معماري، هل كانت سيارتك z بيضاء اللون لما صار لك الحادث (الله يبعد الشر عنا و عنك).

[نتفـه]

ما خطر في بالي الموضوع كلش !! اتابع واشوف حقيقة الامر ..

[بصمة قطرية]

موضوع غريب
عمري ما فكرت في هالشي ..!!
هل ممكن الطفل يحسد ..!!!
العين مرات تكون فزة قلب نتيجة إعجاب
و حالات كثيرة صارت نتيجة هالشي ..

[معماري قطري]

أخوي معماري، هل كانت سيارتك z بيضاء اللون لما صار لك الحادث (الله يبعد الشر عنا و عنك).

ما شاء الله عليك .. إيه والله أول ما نزلوا التيربو ذاك الوقت .. واللي وداني المستشفى وقتها ضابط شرطة في سيارته الخاصة

انت عيل من ربع ذاك الوقت الجميل

[khalid525]

ايه حتى القطاوة تحسد انتبهوا ����

[حبر وقرطاس]

صاحب الموضوع انت بنفسك كاتب الاجابه .الطفل قلبه ابيض وبريء وماعنده احساس الغل والحاجه الي فالكبار . الطفل لا يحسد ابدا وش
و شكرن

[طبيب قطري]

اللي فقلبه حقد وغل عالعالم بيكون حسود ، ولاحظت ان اكثر اللي يخافو من الحسد هم نفسهم عينهم حاره!!!