مطلوب فني شبكات بشكل عاجل

[الداعي]

السلام عليكم

يا ليت تساعدوني انا ابحث عن فني او مهندس شبكات يساعدني في حل مشكلة الانترنت اللاسلكي في البيت، سرعة الاتصال اللي مشترك فيها مع اوريدو كبيرة لكن الانترنت جدا بطئ في البيت واوريدو يقولون مافي مشكلة

حد ممكن يدلني على فني شبكات محترف يساعدني في حل هالمشكلة؟

ولكم جزيل الشكر

[asulaiti]

أخوي هل تقصد أن إشارة الوايرليس عندك ضعيفة في بعض الأماكن بالبيت ؟

أم أن المشكلة أن فعلاً الانترنت بطيء عندك حتى وانت بالقرب من جهاز الراوتر ؟

[الداعي]

أخوي هل تقصد أن إشارة الوايرليس عندك ضعيفة في بعض الأماكن بالبيت ؟

أم أن المشكلة أن فعلاً الانترنت بطيء عندك حتى وانت بالقرب من جهاز الراوتر ؟

هلا اخوي

لا الانترنت فعلا بطئ حتى لو قريب من الراوتر، وشريت راوتر ثاني ونفس المشكلة مستمره

[asulaiti]

شوف اخوي .. علشان نتأكد بشكل 100ظھ من ان المشكلة من أوريدو لازم تسوي هذا الاختبار*..
بس لازم يكون عندك لابتوب .. تشبكه مع الراوتر عن طريق كيبل نت وورك مباشرة مع اللابتوب ..
ويكون الوايرليس غير مفعل في اللابتوب علشان تضمن أن النت يعمل عن طريق الكيبل فقط وليس وايرليس ..
وتدخل على موقع www.speedtest.net وتختبر السرعة .. اذا لقيت أن المؤشر تحت 10Mbps وانت عندك اصلا فايبر ..
المشكلة من أوريدو على طول ..

أما اذا السرعة طافت 20Mbps فهناك مشكلة عندك في الراوتر .. ولكل حادثة حديث ..

بالتوفيق ..

[الداعي]

شوف اخوي .. علشان نتأكد بشكل 100ظھ من ان المشكلة من أوريدو لازم تسوي هذا الاختبار*..
بس لازم يكون عندك لابتوب .. تشبكه مع الراوتر عن طريق كيبل نت وورك مباشرة مع اللابتوب ..
ويكون الوايرليس غير مفعل في اللابتوب علشان تضمن أن النت يعمل عن طريق الكيبل فقط وليس وايرليس ..
وتدخل على موقع www.speedtest.net وتختبر السرعة .. اذا لقيت أن المؤشر تحت 10Mbps وانت عندك اصلا فايبر ..
المشكلة من أوريدو على طول ..

أما اذا السرعة طافت 20Mbps فهناك مشكلة عندك في الراوتر .. ولكل حادثة حديث ..

بالتوفيق ..

هلا اخوي

قمت بعمل التجربة والمشكلة ليست من اوريدو، ايضا جربت اكثر من راوتر ونفس الحال، تعرف خبير شبكات يقدر يساعدني؟

[asulaiti]

طيب كيف ترى بطئ النت عندك عن طريق الوايرليس ؟
يعني كم يوصل عداد السرعة عندك في الآيفون والآيباد مثلاً ؟

[الداعي]

مره يروح فوق ال 50 ميغا وفجأه ينزل لين 10.. ويظل كذا فتره مب قصيره وبعدين يرتفع مره وحده لكم ثانيه ويرجع ينزل.. وكذا

[asulaiti]

طيب هذا طبيعي المهم بعد ما يخلص يعطيك السرعة المتوسطة .. كم يعطيك هنا ؟
بالنسبة للـ Download & Upload ؟
وبأي جهاز شيكت على السرعة ؟
وكم تبعد عن الراوتر ؟

[لبيبة]

السلام عليكم ورحمة الله وبركاته،

وشو نوع الراوتر عندك؟

وهل جربت تسوي له إعادة ضبط وتركب الإعدادات من جديد؟

[الداعي]

15 ميغا المعدل مال السرعة

واكون قاعد جنب الراوتر

بالنسبة للانواع، كان عندي أسوس طالبه من امازون، وبعدين غيرته وحطيت لينكسيس آخر موديل، بعدين جربت سيسكو مال اوريدو لانه كان يشتغل في الطابق الارضي اوكي، لكن بمجرد اني حطيته في الطابق الثاني صار بطئ

يعني 3 راوترات 2 منهم جدد

ونعم قمت باعادة ضبط الاعدادات وكذلك تحديث الدرايفر مال الراوتر

[لبيبة]

عندي لنكسس بو اربع ارايل، صارت فيه نفس المشكلة، والسرعة عندي في البيت 100 ميجا والداونلود ما كان يتجاوز 50 KB ، وجانا فني اوريدو وقال ما عندكم مشكلة في السرعة وركب راوترهم التعيس، لما طلع رجعت أركب لنكسس اللي عندي وقمت بإعادة الضبط والإعدادات من جديد وانحلت المشكلة. هل جربت تسكر كهربا السويتش مال اوريدو لمدة دقيقة؟ هل الكيبل اللي يوصل بين الراوتر والسويتش سليم مب مقطع او خربان؟ جربت تبدل الكيبل؟ احبانا ابسط الحلول تنفع لمشاكل صعبة، مثلا عندي في البيت ايام dsl حركوا الخزانة اللي فوقها الراوتر وبالغلط خلوا الخزانة بثقلها فوق الكيبل لين انقطع، والفني كلما جا ما عرف يحل المشكلة لين رحت للراوتر وشفت الكيبل مقطوع من ثقل الخزانة. افحص كل التوصيلات وعيد تشغيل الجهازين.

[الداعي]

السلام عليكم

مشكلتك مشابهه لمشكلتي خاصة ان الراوترات اللي استخدمها بعد بو اربع آرايل باستثناء راوتر اوريدو التعيس، الكيبل اوكي وجربت اعادة الضبط اكثر من مره وحتى ترقيه النظام، وهذا اللي محيرني ان كل شي تمام واول ما ركبت الشبكة السرعة كانت اوكي وفجأه قبل كم شهر صارت وايد بطيئه

لو حد عنده رقم شخص فني يجي يشوف

ولكم جزيل الشكر

[aloosh]

المشكله اذان في الجهاز فيه بعض الفيروسات تسبب بطئ شديد في الجهاز
دام كل شي سليم عندك من وصلات وسرعه عاليه

[aloosh]

وايش الوندوز اللي عندك

اذا 8 احذفه لان يوجد به مشاكل وبطئي ركب وندوز 7

[aloosh]

وقيس سرعه النت هنا

http://www.speed.io/

[asulaiti]

15 ميغا المعدل مال السرعة

واكون قاعد جنب الراوتر

بالنسبة للانواع، كان عندي أسوس طالبه من امازون، وبعدين غيرته وحطيت لينكسيس آخر موديل، بعدين جربت سيسكو مال اوريدو لانه كان يشتغل في الطابق الارضي اوكي، لكن بمجرد اني حطيته في الطابق الثاني صار بطئ

يعني 3 راوترات 2 منهم جدد

ونعم قمت باعادة ضبط الاعدادات وكذلك تحديث الدرايفر مال الراوتر

أخوي الداعي ..

اذا هذه السرعة اللي قلت عنها تم اخذها من جهاز متصل بالوايرليس فتقريبا طبيعي اخوي .. لان بالتأكيد هناك اكثر من جهاز شابك عندك .. فطبيعي تاخذ هذه السرعة وهي سرعة زينة من وجهة نظري ..

في تجربة ثانية اذا حبيت تتأكد بشكل أكبر من سرعة الراوتر عندك في إيصال إشارة النت للأجهزة المتصلة به عن طريق الوايرليس ..
ولكي تضمن أن مافي جهاز وايرليس آخر شابك معاك في نفس الوقت حتى تختبر السرعة بشكل محايد جداً .. قم بتغير مسمى الوايرليس عندك أو الباسوورد فقط ..
طفي الراوتر وشغله بعد 15 ثانية حتى تتأكد أن كل الأجهزة التي كانت متصلة قطعت الاتصال بالراوتر .. واشبك آيفونك وانت في نفس الغرفة (طبعاً مع الباسوورد الجديد) .. واختبر السرعة ..
إذا وصلت لسرعة 20Mbps .. فكل شيء تمام .. أما إذا أقل بكثير وانت في نفس الغرفة فالراوتر اللي عندك به مشكلة في إرسال الإشارة وهذه حصلت معي قديماً فذهبت واستبدلت الراوتر لانه كان لازال تحت الضمان ..

بالتوفيق اخوي ..

[رجل الجزيرة]

وقيس سرعه النت هنا

http://www.speed.io/

ممكن تشرح لك و لا عليك أمر؟

http://www.speed.io/result?download_speed=59735&upload_speed=2748&ping=132&connections=708

http://www.speedtest.net/my-result/4553856475

[aloosh]

كل شي ممتاز رجل الجزيره

[الداعي]

شكرا لكم جميعا ولكنني في الحقيقه ابحث عن شخص يقوم بمشاهدة المشكلة وحلها بنفسه، حيث انني قمت بتجربة كافة الحلول المقترحة وحتى الآن الانترنت ليس على ما يرام، السرعة ليست طبيعية ابدا لانها كانت اسرع في السابق بكثير، وحتى مع تغيير الراوتر لم تحل المشكلة.

انتظر مساعدكم عبر اقتراح شخص متخصص يمكنه زيارة المنزل والاطلاع على المشكلة

وشكرا

[المبرمج صلاح]

شكرا لكم جميعا ولكنني في الحقيقه ابحث عن شخص يقوم بمشاهدة المشكلة وحلها بنفسه، حيث انني قمت بتجربة كافة الحلول المقترحة وحتى الآن الانترنت ليس على ما يرام، السرعة ليست طبيعية ابدا لانها كانت اسرع في السابق بكثير، وحتى مع تغيير الراوتر لم تحل المشكلة.

انتظر مساعدكم عبر اقتراح شخص متخصص يمكنه زيارة المنزل والاطلاع على المشكلة

وشكرا

السلام عليكم ورحمه الله وبركاته غالبا اذا لم يخيب ظني وبعد مراجعة كل محاولاتك في الموضوع غالبا المشكلة سوف تكون في الرواتر بالاضافة الي طريقة برمجته مع الرواتر الرئيسي تبع اريدو

ملحوظة اذا شبكت الواير النتورك اللي في غرفتك وراكب في رواتر اللي انت بتعاني منه في كمبيوترك مباشرة يعطيك السرعة كاملة لانه احتمال الواير فيه مشكلة

ولكن لا استطيع ان احكم على المشكلة الا كما قلت انت يجب المعاينة عارض الواقع في بيتك

يمكنك الاتصال بي باي وقت عجوالي

66532027

بالتوفيق لك ان شاء الله

[A-Alansari]

اسهل طريقة تتاكد اذا المشكله من الراوتر ولا من جهاز اوريدو الاسود هي

سو السبيد تست وانت شابك بواير نتورك من لابتوبك واير النتورك يكون جاي من الراوتر الي انت مركبه

وبعدين افصل الراوتر وركب الواير الي من الطوفه يركب في الراوتر ( واير النتورك) في جهازك دايركت وسو السبيد تست

اذا السرعه ضعيفه بعد معناها جهاز اوريدو الاسود فيه مشكله

اما اذا السرعه اوكي يعني المشكله من الراوتر الي انت مركبه

[المبرمج صلاح]

بحمد الله تم حل مشكلة اخونا ( الداعى ) بعد الذهاب الى منزله وتركيب رواتر اسوس كان يملكه بطريقة مناسبة وحصلنا على سرعة 49 ميجا بت من اصل 50 ميجا

وننتظر منه التاكيد على ان السرعة ما زالت عالية وذات جودة كما هي مع استمرار تشغيل كل رواترات البيت

بالتوفيق للجميع ان شاء الله