سؤال عن تعبئة طلب الفيزا الفرنسيه

[عبير قطر]

السلام عليكم

انا خذيت موعد من الموقع بس الطلب ما لقيته مكتوب بيرسلون لي على الايميل بس ما شفت شي هاي الموقع

http://www.capago.eu/FR-QA/index.php/en/apply/documents

ياريت اتحطون لي الرابط اللي فيه الطلب اللي اعبيه وهل اطبع الورقه وبعدين اعبيها بالقلم؟؟؟

وايش اللي اوديه معاي خاصه انهم مايبون الحجز والتذاكر والفندق مثل ما مكتوب في الجريده

[Rashid554]

https://client.my-europe-visa.com/schengen/Default.aspx
هذا رابط الفورمة لو بتعبينها من الكمبيوتر

http://www.capago.eu/FR-QA/images/new_form_schengen_in_english_v1_2.pdf
وهذا تحميل الملف لو بتعبينها بخط اليد

الخيار لج

[عبير قطر]

مشكور اخوي راشد ورحم الله والديك

[غير البشر]

مرحبا اختي عبير
وماقصر اخوي راشد

نعم السفاره تتعامل مع كاباغو من 2013
وومكن تعبين الطلب من نفس الرابط الي عطاج

وهذا موقع كاباغو بالعربي

http://www.capago.eu/FR-QA/index.php/ar/apply/documents

المتطلبات :

1- تعبئه الطلب والتوقيع عليه
2- صوره شخصيه خلفيتها بيضاء او رصاصيه فاتحه ( ووممكن تصورين عندهم لان غالبا راح يقولون لج الصوره غلط لان عندهم شرط ان تكون المرأه مطلعه الاذنين في الصوره والرجال يكون حاسر بدون شي على راسه )
فا عادي تصورين عندهم في دقيقه
3- حجز طيران + فندق
4- الجواز الاصلي وصوره منه ( ولو ماعندج صوره منه ممكن يصورون لج هناك )
5- الاطفال تحت 12 سنه مافي داعي يروحون او ياخذون بصمتهم
6- تأمين صحي

بعض النصايح :
يفضل اختي تقدمين على الفيزا الجواز جديد عشان ممكن يعطون فيزا شينغن لاربع سنوات

عندهم قسمين
قسم vip تكون خدمه خاصه وقت التقديم
وقسم للتقديم العادي

مكان السفاره في بنايه الجيده سكوير
من اشارات التيويتا بالمطار بأتجاه اشارات شرطه العاصمه ( الدوار المجنون سابقا ) بينهم توجد اشاره الى فيها محل الشاهين
ومقابل لمجمع دسمان
البنايه لونها اسود ويوجد تحتها فرع لمكتبه جرير فقط للتوضيح


بالتوفيق

[عبير قطر]

اشكرك اخوي غير البشر على التوضيح
بس انا قريت في الجريده قبل شهرين انهم اعفوا القطريين من حجز الفندق والتذاكر

- احتياطا باودي معاج الحجوزات كامله
- اهم شي ان الموقع باللغه العربيه روعه