+ السوق الصيني +

[شبح الصمت]

السلام عليكم ورحمة الله وبركاته ،،،

بتكلم عن السوق الصيني عندنا بقطر والدعاية قبل لا يفتح وفرحة العالم انه راح تكون اسعاره مختلفه ..



ولكن !!!!

صراحة اسعار نفس اسعار السوق الخارجي الا بعض الاشياء البعض ..

وبعض المحلات نفسها اهي اهي محلات لناس عندهم محلات خارج السوق والي اعرفه انه مفروض كل السوق صيني شغلات صينية ويختلف الكوالتي فيها درجات ..

ونعلم انه السوق باكمله المنتجات فيه الصينية كثيرة ..

لكن توقعت انه يكون في اسعار مختلفه

بضرب لكم مثال السكوتر الي هابين عليه العالم في السوق الصيني على 1800 عندنا اقل شيء وفي السوق الصيني في دبي على 1100 وينزل لك بسعره اذا بتاخذ كمية ونوعية الالماني على 1600 والامريكي 2000 و2200


شالسالفه يعني اسم سوق صيني لكن اسعار اهي اهي .. !!

[بومحمد المطاوعه]

هلا الشيخ
تصدق السكوتر
ف دبي

ب 900 مع ضمان سنه على المكينه

فالسوق الصيني ف دبي

[لـبـيـه]

السوق الصيني بقطر اتوقع انصدمو بلايجارات والاسعار الخرافيه فقامو يرفعون الاسعار عشان يطلعون راس مالهم

واتوقع بيطقون بعد انتهاء العقد باقل الخساير

[شبح الصمت]

صادق ياخوي وتوه رجال مكلمني قالي نفس السعر الي كتبته .

اشلون عيل مسمينه اهنيه سوق صيني والا بس اسم واسعار نفسها ..


شالسالفه ياخوي

[OREO]

السلام عليكم ورحمة الله وبركاته ،،،

بتكلم عن السوق الصيني عندنا بقطر والدعاية قبل لا يفتح وفرحة العالم انه راح تكون اسعاره مختلفه ..



ولكن !!!!

صراحة اسعار نفس اسعار السوق الخارجي الا بعض الاشياء البعض ..

وبعض المحلات نفسها اهي اهي محلات لناس عندهم محلات خارج السوق والي اعرفه انه مفروض كل السوق صيني شغلات صينية ويختلف الكوالتي فيها درجات ..

ونعلم انه السوق باكمله المنتجات فيه الصينية كثيرة ..

لكن توقعت انه يكون في اسعار مختلفه

بضرب لكم مثال السكوتر الي هابين عليه العالم في السوق الصيني على 1800 عندنا اقل شيء وفي السوق الصيني في دبي على 1100 وينزل لك بسعره اذا بتاخذ كمية ونوعية الالماني على 1600 والامريكي 2000 و2200

شالسالفه يعني اسم سوق صيني لكن اسعار اهي اهي .. !!





يحليلهم يكشون ذبان هذول البنقال ..

[شبح الصمت]

السوق الصيني بقطر اتوقع انصدمو بلايجارات والاسعار الخرافيه فقامو يرفعون الاسعار عشان يطلعون راس مالهم

واتوقع بيطقون بعد انتهاء العقد باقل الخساير



شكلها جذيه السالفه ..

لانه اسعار بعض المنتجات نفس الاسعار الخارجية ..

ولو بنتكلم عن شغلات الحريم في اشياء تلفت الانتباه وفي اشياء والا تفكر تفر راسها عليهم ..

[بانغ بانغ]

والله يا شبح للأسف احنا مب قد انسوي شي منافس

فرحانين بفيلاجيو اللي احترق

شوف السوق الصيني مال دبي اللي اصبح احد معالم دبي الجديدة

ولا مرة طبيته ولا راح اطبه اللي هني ....

احين قاعدين ايسوون دراغون مول 2

[العنيده]

اذا مافي رقابه على الاسعار طبيعي بيرفعون براحتهم ..

[شبح الصمت]

يحليلهم يكشون ذبان هذول البنقال ..



في اقبال شفت على كثير من المحلات بس ياخي المقصد اشلون سوق صيني واسعاره نفس الاسعار الخارجية


انا كمستهلك اش مستفيد متعني وضارب خط ومستانس على هالسوق اخرتها اتفأجا بنفس الاسعار !!

يعني الواحد اسم صيني يتردد فيه وبعد اسعار خيالية ..

يضرب بريك من قلب

[شبح الصمت]

والله يا شبح للأسف احنا مب قد انسوي شي منافس

فرحانين بفيلاجيو اللي احترق

شوف السوق الصيني مال دبي اللي اصبح احد معالم دبي الجديدة

ولا مرة طبيته ولا راح اطبه اللي هني ....

احين قاعدين ايسوون دراغون مول 2




ماشاء الله السوق الصيني الي اهناك يفتح النفس ياخي كل شيء فيه مب نفس الي اهنيه ذاك مفتوح وفتل

واسعار متنافسه صح لي دخلت حسيت انه الاسعار غير !!



ليتهم سوو سوق لهم كبير نفس الي في دبي لاجل نشوف منافسة

وكل بضاعه ولها مشتري
في ناس تبي الصيني وفي ناس ما تقرب صوبه ..

[شبح الصمت]

اذا مافي رقابه على الاسعار طبيعي بيرفعون براحتهم ..



يقولج اسعار المحلات طايره فهو يبي يعوض على كلام لبيه يرفع الاسعار ومن يطيح فيها المستهلك ..

[بانغ بانغ]

المشكلة شبح اللي في دبي وراه واحد خشن مش متذكر من الحبتور او الفطيم او شي كذا

اللي في الدوحة .. زون سنتر احسن منه ( طبعا اللي ما يعرف شنو زون سنتر يسأل )

اهني انطالب كبار رجال الاعمال بعمل مجمع / ساحة مغطاة كبير/ة لهم وبهالاسعار .. بتشوف السياح من كل حدب وصوب

[بومحمد المطاوعه]

يالذيب
انا غاسل يدي من كل شي هني
الا للشي الضروري اشتري

كل شي اطلبه من امريكا للمواتر ,,

واذا مب مستعجل اروح الامارات وابدل

حتى التواير
تخيل هني التاير الواحد ب 1150
هناك ب 620

نفس التاير ونفس الحجم واخذه من شركته ف الشارجه

تخيل الفرق ,,,

[بانغ بانغ]

اتصدق يالعود

شاري ورق جدران من نوع معين ( في الدوحة قالوا 2300 ريال للرول ) حصلته 800 من اجود الانواع .

واعرف وايد ناس امؤثثين بيوتهم من حمامات وانتوا بكرامه وستاير وما شابه كله من هناك بسعر الجملة يعني لو اتقارن باللي ايروح غوانزو او دبي ... ما يطلع فرق كبير

مثل ما قال بومحمد ...... قطع الغيار والكماليات في الشارجة وعجمان ارخص بالف مرة من الدوحة وحتى الحسا .

هذا موضوع خطير يجب عدم السكوت عليه

[عثرة جواد]

انا ماعرف اسمع عنه بس مارحتة


عساااك ع القوة

[عثرة جواد]

وع فكرة كانو مشاركين ف المعرض ونفس اسعار المعرض


الله يعين

[.. الكاش ..]

كان المفروض يكون في تنسيق سابق بين ادارة السوق الصيني وشركه بروه لانه مش معقول تجي الشركه بهاذي الاجارات وتبون يبيعون برخيص يجب على بروه وهي شركه حكوميه مدعومه ان تقدم تنازلات لكي تساعد السوق المحلي في استقطاب الزوار وكسر احتكار الاسواق الاخرى لتعم الفايده على الجميع

[المخفي]

احدث مشروع في دبي حلبة تزلج ثلجية بطول 1.5 كيلو مشروع ميدان 1

و ربعنا مسوين سوق و مأجرينه على البنقال

[لـبـيـه]

الدوله تقدم تسهيلات عديده ومغريات كبيره للسوق الخارجي للاستثمار في قطر في المقابل تستغل الشركات ويستغل كبار التجار ويرفعون الايجارات للمحلات او للسكن

او اي ثغره لتطفيش هذا المستثمر ومص دمه وهو من ناحيته يرفع سعره عشان يعوض خسايره وكل هذا على حساب الوطن والمواطن والمقيم

[مهاجر]

للعلم ايجار المحلات في قطر للسوق الصيني ارخص من ايجار المحل في دبي طبعا انا اتكلم عن المتر مربع , لكن المشكله فقطر ان ايجار المخازن مرتفع والاقبال في قطر ضعيف جدا مقارنه مع السوق الصيني في دبي والصراحه طبيعي يكون الاقبال ضعيف عندنا لان السوق عباره عن خمس محلات مقابلين بعض ولا في اي تجهيزات ولا محلات ولا اسعار قويه ولا بضاعة متنوعه ولا اي شي يشجع.

[(ام عبدالله)]

يقولج اسعار المحلات طايره فهو يبي يعوض على كلام لبيه يرفع الاسعار ومن يطيح فيها المستهلك ..



حتى دبي الايجارات غاليه فهذا مب مبرر ..

[شبح الصمت]

المشكلة شبح اللي في دبي وراه واحد خشن مش متذكر من الحبتور او الفطيم او شي كذا

اللي في الدوحة .. زون سنتر احسن منه ( طبعا اللي ما يعرف شنو زون سنتر يسأل )

اهني انطالب كبار رجال الاعمال بعمل مجمع / ساحة مغطاة كبير/ة لهم وبهالاسعار .. بتشوف السياح من كل حدب وصوب



اشلون يعني هل اهو الوكيل والا المحلات ذي كلها له الصفة كامله الي في خط المقبره ..

والا تقصد السوق الصيني لشخص اهنيه

[شبح الصمت]

يالذيب
انا غاسل يدي من كل شي هني
الا للشي الضروري اشتري

كل شي اطلبه من امريكا للمواتر ,,

واذا مب مستعجل اروح الامارات وابدل

حتى التواير
تخيل هني التاير الواحد ب 1150
هناك ب 620

نفس التاير ونفس الحجم واخذه من شركته ف الشارجه

تخيل الفرق ,,,



ادري بومحمد واشوف اشدعووه منك ومن بوسعود يوم تشرون عن طريق النت

او الواحد نروح دبي او الشارجه وتاخذ اغراض باقل او بنفس الاسعار وبنفس الكوالتي .. !!


ياخي نافس في السوق ونفس ما قلنا لكل بضاعة مشتري في ناس تبي الصيني وفي ناس ما تبيه ولا تقرب صوبه ..

[شبح الصمت]

اتصدق يالعود

شاري ورق جدران من نوع معين ( في الدوحة قالوا 2300 ريال للرول ) حصلته 800 من اجود الانواع .

واعرف وايد ناس امؤثثين بيوتهم من حمامات وانتوا بكرامه وستاير وما شابه كله من هناك بسعر الجملة يعني لو اتقارن باللي ايروح غوانزو او دبي ... ما يطلع فرق كبير

مثل ما قال بومحمد ...... قطع الغيار والكماليات في الشارجة وعجمان ارخص بالف مرة من الدوحة وحتى الحسا .

هذا موضوع خطير يجب عدم السكوت عليه



مصدق يالعود

ونفس ما تفضلت وانا اعرف ناس مؤثثين بيوتهم من الصين نفسها وفي بعد من دبي .

بس الفكره ياخوي هل تتوقع انه السوق الصيني الي عندنا يجيب اغراضه دايركت من الصين والا من دبي السوق الصيني يشتري من السوق الصيني

هاهاهاي ..

[شبح الصمت]

انا ماعرف اسمع عنه بس مارحتة


عساااك ع القوة


وع فكرة كانو مشاركين ف المعرض ونفس اسعار المعرض


الله يعين




الله يقويج عثرة ..

صراحة ما رحت المعرض

بس دامك ذكرتي اتوقع عادي نفس الاسعار ومافي اختلاف

خربوهم وخلووهم يزيدون في الاسعار الله يسامحهم

[@north_star@]

المشكلة اسمه السوق الصيني وما تحصل الا كم صيني والباقي كلهم بنغال وشاطين بالاسعار

[شبح الصمت]

كان المفروض يكون في تنسيق سابق بين ادارة السوق الصيني وشركه بروه لانه مش معقول تجي الشركه بهاذي الاجارات وتبون يبيعون برخيص يجب على بروه وهي شركه حكوميه مدعومه ان تقدم تنازلات لكي تساعد السوق المحلي في استقطاب الزوار وكسر احتكار الاسواق الاخرى لتعم الفايده على الجميع



هذا اهو كنا نفكر انه اسعاره نفس اسعار دبي بس انصدمنا من الاسعار صراحة ..
ومن السوق نفسه ومن المحلات البسيطة الي فيه

يعني منتجات داخلية بس باطلاله صينيه في السوق الصيني

:weeping:

[لـبـيـه]

حتى دبي الايجارات غاليه فهذا مب مبرر ..

ارض السوق الصيني هبه من حكومة دبي للحكومه الصينيه عشان تفتح باب الاستثمار بينهم وباكورة الهبه السوق الصيني الي فتح باب الاستثمار

واستقطب الزوار من كل دول الخليج واصبح معلم تتفاخر به دبي والي سمعته ان السكن للعماله الصينيه ايضا رمزيه

[(ام عبدالله)]

ارض السوق الصيني هبه من حكومة دبي للحكومه الصينيه عشان تفتح باب الاستثمار بينهم وباكورة الهبه السوق الصيني الي فتح باب الاستثمار

واستقطب الزوار من كل دول الخليج واصبح معلم تتفاخر به دبي والي سمعته ان السكن للعماله الصينيه ايضا رمزيه

اها يعني صيني اصلي

[شبح الصمت]

احدث مشروع في دبي حلبة تزلج ثلجية بطول 1.5 كيلو مشروع ميدان 1

و ربعنا مسوين سوق و مأجرينه على البنقال



مفروض ياخوي يوم استوى السوق تسوق عقود مع مصانع خارجية او محلات خارجية في الصين ويكون التنسيق مباشر


وبس يكوون صيني بحت بحت

ويكون في اشراف من حماية المستهلك وتعرفيهم بالسوق اعطائهم دورات ووضع ناس تساعدهم ويكون في مراقبة عليهم ..

بس مب تعال وحط

يجيك حاط ورقه على المنتج 130 ريال وعقب ينقص لك لين 100 ريال وين المصداقية ..


تصدق انا احترم الشخص الي سعره ثابت لانه يجبرني اني ما اكاسره ويخليني اشتري وانا مطمئن

اما يجيني واحد حاط لي سعر وعقب يقعد يفاصلني بعرف انه هالشيء قاعد يتلاعب معاي وفي اعصابي ..

اي هيت يو مب انت طبعا الموضوع

هاهاي

[Dana’1]

دخلته مره او مرتين بالكثيير ماعجبني كثيير غير إنه بعض الأشيا أغلى من برا !

[شبح الصمت]

للعلم ايجار المحلات في قطر للسوق الصيني ارخص من ايجار المحل في دبي طبعا انا اتكلم عن المتر مربع , لكن المشكله فقطر ان ايجار المخازن مرتفع والاقبال في قطر ضعيف جدا مقارنه مع السوق الصيني في دبي والصراحه طبيعي يكون الاقبال ضعيف عندنا لان السوق عباره عن خمس محلات مقابلين بعض ولا في اي تجهيزات ولا محلات ولا اسعار قويه ولا بضاعة متنوعه ولا اي شي يشجع.




يقولك المحلات اهناك هبه من حكومة دبي والسوق بكبره ياخوي ..

كم سعر المتر في السوق الصيني عندنا ممكن تفيدني لاجل نقارن اسعار المحلات خارجيا وداخل السوق الصيني ..


ومافي اقبال لانه المحلات اهي اهي ومحلات قليلة وعاديه صراحة ما اشوف فيها شيء وتنظيم السوق مب حلوو لين واحد ورده نفس الشيء
وفوق لين الحين ما افتحوه تقول تبي تطلع تصلح في بيبات .. !!

[حمد بن سعد]

مستحيل يسون سوق رخيص يضرون فيه ربعهم الهوامير:tease:

[شبح الصمت]

المشكلة اسمه السوق الصيني وما تحصل الا كم صيني والباقي كلهم بنغال وشاطين بالاسعار



وصلت خير

امس اتفاصل مع بنقالي شغال مع صينية يرفع وانا انزل ويكلم الصينية وتقوله لا

قلت له اسمع تبي هالسعر وادري انكم مستفيدين ما تبي بشوف غيرك ..


ياخي قلبي يعورني يوم يقصون علي بس شسوي مجبور

[بومحمد المطاوعه]

ادري بومحمد واشوف اشدعووه منك ومن بوسعود يوم تشرون عن طريق النت

او الواحد نروح دبي او الشارجه وتاخذ اغراض باقل او بنفس الاسعار وبنفس الكوالتي .. !!


ياخي نافس في السوق ونفس ما قلنا لكل بضاعة مشتري في ناس تبي الصيني وفي ناس ما تبيه ولا تقرب صوبه ..

اي والله
شوف عينك ياريال

وابشرك بعد سبوعين ان شاءالله بروح دبي
اتشرى قطع غيار
منها تواير للموتر ومنها درام ويل وسفايف من الوكاله

هني الحبه ب 1400
هناك ب 800

1400 ضرب 4 = 5600 هني

هناك 800 ضرب 4 = 3200

الفرق 2400 ريال

هذي بس درام ويل

باقي تواير
وباقي كم قطعه وباقي اتشرى ورق جدران

يعني لو فوق بعير بعد بتعنى اروح اتشرى وارجع ومنها تغيرر جو وزياره للأهل :nice:

ولا النصب هني عيني عينك

[سـ ع ـود]

المخرج عاوز كده!
:)

[حسن]

من اول قالو بيسون سوق صيني اذكر علقت ان هذا اكبر خطاء وياريت مايسونه
لان بضاعتهم جدا ردئيه وماتسوى ريال وعارضت على انشاءه في قطر
زباله الزين يقطونها هني كان قطر اصبحت مكب نفايات
لا اللي في دبي ولا غيره بضاعه كشره وماتسوى شي واكبر خطر على المجتمع
انتو من صجكم تروحون دبي حق السوق الصيني !!!
عندكم سوق دبي والشارقه افضل البضاعه الموجوده وحتى سوق الصيني في دبي
ماعاد فيه اي صيني كله بنغال وهنود وبتان

[شبح الصمت]

دخلته مره او مرتين بالكثيير ماعجبني كثيير غير إنه بعض الأشيا أغلى من برا !



زين اني مب انا الي اشوف انه غالي بس

الحمد لله ..

[شبح الصمت]

مستحيل يسون سوق رخيص يضرون فيه ربعهم الهوامير:tease:



ترى ذي عبارة عن مجمع مب كل العالم بتشتري منه ..


في ناس ما تستهوي السوق وفي ناس تحب المنتجات الصينية !!

والله يرزق الجميع


ولا ننسى يالربع انه السوق الصيني لو كان نفس دبي راح يكون شيء تسويقي كبير لاخوانا فالسعودية وفي الكويت وفي البحرين

قراب منا وراح يجووونا صح والا لا

منها اسعار طيبه ومنها سياحة للربع وانتعاش الفنادق والمحلات وغيرها وغيرها

[شبح الصمت]

اي والله
شوف عينك ياريال

وابشرك بعد سبوعين ان شاءالله بروح دبي
اتشرى قطع غيار
منها تواير للموتر ومنها درام ويل وسفايف من الوكاله

هني الحبه ب 1400
هناك ب 800

1400 ضرب 4 = 5600 هني

هناك 800 ضرب 4 = 3200

الفرق 2400 ريال

هذي بس درام ويل

باقي تواير
وباقي كم قطعه وباقي اتشرى ورق جدران

يعني لو فوق بعير بعد بتعنى اروح اتشرى وارجع ومنها تغيرر جو وزياره للأهل :nice:

ولا النصب هني عيني عينك




هههاي
الله يحفظك

شوف بروحتك ذي انت بتجلس في فندق لو بطول وبتعبي بترول وبتآكل وبتسوي يعني بالاخير انت انعشت جزء من مدخول البلاد الي راح تزوها صح والا لا .. !!


ياخي ودوني الصين قصدي اليابان

هاهااي

[شبح الصمت]

المخرج عاوز كده!
:)



يا هالمخرج الي نسمع عنه ولا شفناه

ياخي ابي اقابله من صجي والله ..

يمسكني السوق الصيني بس لخليه يضرب فوق تحت

[بومحمد المطاوعه]

هههاي
الله يحفظك

شوف بروحتك ذي انت بتجلس في فندق لو بطول وبتعبي بترول وبتآكل وبتسوي يعني بالاخير انت انعشت جزء من مدخول البلاد الي راح تزوها صح والا لا .. !!


ياخي ودوني الصين قصدي اليابان

هاهااي

ههههههههههههههه
قم نروح اليابان

ياريال ع الاقل اغير جو والسكن ف دبي بيت ولد خالي ياريال
الويكند فاضي مافي الا اهو بروحه


اروح استانس وازور خوالي
و اشوف ربعي

منها استفدت زياره للأهل والربع ومنها استانست ومنها وفرت وضامن انها اغراض اصليه ومتوفره على طول

وابشرك بخصوص السكن بيت جدي فالعين مفتوح
حياك ومن يعز عليك
المجلس شكبره

تنووووورنا يالذيب

[شبح الصمت]

من اول قالو بيسون سوق صيني اذكر علقت ان هذا اكبر خطاء وياريت مايسونه
لان بضاعتهم جدا ردئيه وماتسوى ريال وعارضت على انشاءه في قطر
زباله الزين يقطونها هني كان قطر اصبحت مكب نفايات
لا اللي في دبي ولا غيره بضاعه كشره وماتسوى شي واكبر خطر على المجتمع
انتو من صجكم تروحون دبي حق السوق الصيني !!!
عندكم سوق دبي والشارقه افضل البضاعه الموجوده وحتى سوق الصيني في دبي
ماعاد فيه اي صيني كله بنغال وهنود وبتان



انت ادرى بعد يالنوخذه بحكم انك تروح وتعرف فالسوق ..

بس لو كان في تنسيق مسبق سوق صيني بس تكون البضاعة دايركت من برى وكوالتي عالي الجوده ..

والمشرفيين صينين وعلى روؤسهم ناس من حماية المستهلك او وزارة الاقتصاد ..

بيكون شيء طيب واسعار نفس اسعار الصين هل راح يكون ناجح والا فاشل .. !!


توقعاتك يالنوخذه

[شبح الصمت]

ههههههههههههههه
قم نروح اليابان

ياريال ع الاقل اغير جو والسكن ف دبي بيت ولد خالي ياريال
الويكند فاضي مافي الا اهو بروحه


اروح استانس وازور خوالي
و اشوف ربعي

منها استفدت زياره للأهل والربع ومنها استانست ومنها وفرت وضامن انها اغراض اصليه ومتوفره على طول

وابشرك بخصوص السكن بيت جدي فالعين مفتوح
حياك ومن يعز عليك
المجلس شكبره

تنووووورنا يالذيب



الله يحيك ويبقيك ياخوي ..

وجعله بيتاً ومجلساً عامر باهله وضيوفه

[بومحمد المطاوعه]

الله يحيك ويبقيك ياخوي ..

وجعله بيتاً ومجلساً عامر باهله وضيوفه


اللهم امين وياك يالغالي
الله يجزاك خيررر ,,,

[qtr qtr]

السوق الصيني عندنا قمة المصخره .. اولا السوق مايساعد اول مره اشوف الارضيه بلاستر وصابغينه باخضر .. حجم السوق مايناسب كحجم الصناعات الصينيه الكثييره .. مافي شي يستاهل الواحد يشتؤيه بضاعه قديمه .. مدخلين الهنود عرض فالسوق يخص للصينيين .. مافي مطاعم كل دكان واحد متر في متر .. الله يعزكم حمامات رديئه ومهتريه فافي شي صاحي كله خربان .. وامور كثيره .. ماعاد اطبه مره ثانيه .

[أم محمد 90]

كلامك صحيح يا اخوي خصوصا محلات الكفرات والجوالات هي هي نفسها يعني مكررة وايد ومافي شي جديد ابد والسوق مش مرتب ووايد تعيس
حتى لما افتحو محلات فوق بعد كله كفرات جوال ووايرات وغيره .

قبل قلت عيبهم ان يفتحون المكان قبل اتمامه بشكل نهائي مما يسبب احباط للزباين وصدمة بعد الدعايات الي صارت على المكان

[حرف]

المكان كجره لا ارضيه ولاسقف يفتح النفس

[h9466]

كانت دعايته كبيرة لكن للاسف خيب الامال...

[شبح الصمت]

السوق الصيني عندنا قمة المصخره .. اولا السوق مايساعد اول مره اشوف الارضيه بلاستر وصابغينه باخضر .. حجم السوق مايناسب كحجم الصناعات الصينيه الكثييره .. مافي شي يستاهل الواحد يشتؤيه بضاعه قديمه .. مدخلين الهنود عرض فالسوق يخص للصينيين .. مافي مطاعم كل دكان واحد متر في متر .. الله يعزكم حمامات رديئه ومهتريه فافي شي صاحي كله خربان .. وامور كثيره .. ماعاد اطبه مره ثانيه .


ياخي ليتهم سوو لهم مبنى نفس مال قاعة المعارض بمساحته كان افضل بوايد ..

[شبح الصمت]

كلامك صحيح يا اخوي خصوصا محلات الكفرات والجوالات هي هي نفسها يعني مكررة وايد ومافي شي جديد ابد والسوق مش مرتب ووايد تعيس
حتى لما افتحو محلات فوق بعد كله كفرات جوال ووايرات وغيره .

قبل قلت عيبهم ان يفتحون المكان قبل اتمامه بشكل نهائي مما يسبب احباط للزباين وصدمة بعد الدعايات الي صارت على المكان


كلنا نفس النظرة ام محمد
انه الموقع والسوق بكبره صراحة شيء عادي واقل من العادي

اروح لي سوق الجبر ابرك منه ..

سوق صيني وداعية دارقن ودارقن ومدري ايش

اخرتها محلات عااديه واقل من العادية ومحلات مكررة مافي شيء جديد ونفس الاسعار ..

[شبح الصمت]

المكان كجره لا ارضيه ولاسقف يفتح النفس


صدقت

ولللاسف تصميم تعيس اطالع فوق كله بيبات .. .

شالسالفه ما تدري .



كانت دعايته كبيرة لكن للاسف خيب الامال...


ليتهم ما سوو له دعاية

اطلعت فاشله صراحة ..


لا من محلات ولا من موقع ولا شيء عدل صراحة

[.قطر.]

وعليكم السلام ورحمه الله وبركاته
المفروض تكون الاسعار رخيصه باعتبارها بضاعه صينيه !!!

واذا بيجيبون بضاعه الكترونيه او اي شي متعلق بالكهرب ويكون رخيص ياليت حمايه المستهلك تشدد عليهم بالبضاعه الزينه لان الكهرب مب لعبه :)

[aloosh]

شلكم بسوق الصيني
السووق الصيني فاشل بكل مكان اخذ بضاعه بعد كم شهر تخترب والفرق بينه وين الاصلي 400 ريال او 300 ريال
اخذ الاصلي مره وحده وبيتم عندي لو بغيت ابيعه بعد مستفيد
لو شريت من الصيني قطه ب 1200 وبعد كم شهر اختربت ورديت وشتريت بعد فتره ب 1200 هذي 2400 ثمن حاجه اصليه تعيش معاك سنين
وفوق هذا المواد اللي تصنع الاشياء الصينيه غير خاضعه للسلامه حتى المواد مضره سوى العاب او غيره من اردا الخامات

بحكم دخول النت وفتراتي الطويله فيه موقع صيني يبيع ملابس اطفال خامه ردئيه وموقع انجليزي خامات ممتازه وضمان عليها من الغسيل وغيره بنفس السعر

بالعربي السوق الصيني وضع للفقراء

[Hassan33]

صراحة فرق مابين السوق الصيني اللي في الدوحة واللي في دبي

اللفي في دبي فيه تنوع في البضاعه قعدت فيه يوم كامل لين ماقدرت افتر فيه واشتري
بالنسبة اللي في الدوحة نفس المحلات مكرره واشوف اسعارهم تقريبا نفس اسعار المحلات الاخرى خارج السوق الصيني.

[رجل الجزيرة]

حسبنا الله ونعم الوكيل.

[حياة]

ابد ماعجبني السوق الصيني فاااااشل جدا
والسكوتر انا شريته اول رمضان النوع الجيد 2400 ريال صناعته صيني بس جودته عاليه والبطاريه سامسونج ويمشي من 20 الى 25 كيلو
وصح غالي بس ذيك الفتره كان منقطع من السوق والجميع يدوره
ولقيته في موقع صيني ب 800 ريال بس مايندرى ايش مستوى الجوده

[شبح الصمت]

وعليكم السلام ورحمه الله وبركاته
المفروض تكون الاسعار رخيصه باعتبارها بضاعه صينيه !!!

واذا بيجيبون بضاعه الكترونيه او اي شي متعلق بالكهرب ويكون رخيص ياليت حمايه المستهلك تشدد عليهم بالبضاعه الزينه لان الكهرب مب لعبه :)



المفروض غير والواقع غير يا قطر ..

[شبح الصمت]

صراحة فرق مابين السوق الصيني اللي في الدوحة واللي في دبي

اللفي في دبي فيه تنوع في البضاعه قعدت فيه يوم كامل لين ماقدرت افتر فيه واشتري
بالنسبة اللي في الدوحة نفس المحلات مكرره واشوف اسعارهم تقريبا نفس اسعار المحلات الاخرى خارج السوق الصيني.



فرق فرق مافي مقارنه صراحة كلش خير شر ..

وتبي الصج كئيب المكان حده .

انا دشيت مجبور مرتين بس شسوي ..

:secret:

[شبح الصمت]

حسبنا الله ونعم الوكيل.



حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[شبح الصمت]

ابد ماعجبني السوق الصيني فاااااشل جدا
والسكوتر انا شريته اول رمضان النوع الجيد 2400 ريال صناعته صيني بس جودته عاليه والبطاريه سامسونج ويمشي من 20 الى 25 كيلو
وصح غالي بس ذيك الفتره كان منقطع من السوق والجميع يدوره
ولقيته في موقع صيني ب 800 ريال بس مايندرى ايش مستوى الجوده



اول ما نزل بهالقيمة الحين في انواع

في الالماني تركيب صيني بس مش الكلام كان عند بضاعة بسيطة وسعرها
والا السوق اصلا كل بضاعته عاديه ومكرره الا كمن محل يمكن الي يبي اشياء مهب موجوده ..


وانا ودي اعرف في محلات اشدخلها في السوق الصيني اش غلغصها داخل السوق لانها محلية وشايفينها من قبل .. !!


يلا شنسوي السوق الدعاية الي صارت له غير

والوواقع آليم

[ابن الرومي]

لا
الايجارات في السنة 120 الف ريال
رخيص

بس السوق مش مرتب وكله كفرات تلفونات
والتجار معظهم من قطر

[شبح الصمت]

لا
الايجارات في السنة 120 الف ريال
رخيص

بس السوق مش مرتب وكله كفرات تلفونات
والتجار معظهم من قطر



صدقت ياخوي محلات متكرره

التميز انه يكون تنافس بس قليل مش 10 محلات كلها نفس الشيء يعني 5 محلات لكل بضاعة لاجل الواحد ما يضيع ويكون تنافس حلوو

وبخصوص اسعار الايجاارات ما عندي علم صراحة

[qatari911]

اول ما نزل بهالقيمة الحين في انواع

في الالماني تركيب صيني بس مش الكلام كان عند بضاعة بسيطة وسعرها
والا السوق اصلا كل بضاعته عاديه ومكرره الا كمن محل يمكن الي يبي اشياء مهب موجوده ..


وانا ودي اعرف في محلات اشدخلها في السوق الصيني اش غلغصها داخل السوق لانها محلية وشايفينها من قبل .. !!


يلا شنسوي السوق الدعاية الي صارت له غير

والوواقع آليم

الواسطة طال عمرك
والسوق الصيني فاشل مع مرتبة الشرف

[الحياة الخالدة]

من كثر اللي سمعته عنه ما أفكر اروح له كلش

[شبح الصمت]

الواسطة طال عمرك
والسوق الصيني فاشل مع مرتبة الشرف



تصدق يا قطري

خاطري احد يمدح فيه مافي

احس نروح مغصوبين مره مرتين حق كذى محل يمكن والباقي خلاص اكس

[شبح الصمت]

من كثر اللي سمعته عنه ما أفكر اروح له كلش



الحياه مري يمكن نظرتك تختلف وتشوفين شيء احنا ما شفناه !

[الحياة الخالدة]

الحياه مري يمكن نظرتك تختلف وتشوفين شيء احنا ما شفناه !



ههههههههه لا الحمد لله أنا مثلي مثلكم
اشوف اللي تشوفونه و اسمع اللي تسمعونه
ما عندي قدرات خارقة

[شبح الصمت]

ههههههههه لا الحمد لله أنا مثلي مثلكم
اشوف اللي تشوفونه و اسمع اللي تسمعونه
ما عندي قدرات خارقة



:nice:

[حليتان*]

من صجك انت لا سوق وعدل زلا اسعار ولا مكان


فحينا وحنا نقول بعدو عن الزحمه قامو سو لنا سوق عند الصناعيه

[حليتان*]

صدقت ياخوي محلات متكرره

التميز انه يكون تنافس بس قليل مش 10 محلات كلها نفس الشيء يعني 5 محلات لكل بضاعة لاجل الواحد ما يضيع ويكون تنافس حلوو

وبخصوص اسعار الايجاارات ما عندي علم صراحة


المحلات اغلبها حق واحد نفر

مافي تنافس ونفس الاسعار


مب نفس دبي تروح محل تطلع وانت مب عاجبك السعر 3 يتلقونك عند الباب و ينطرونك ويعطونك سعر ارخص

[راجي الْعفو]

صج كله كشكات و كشوك !

[شبح الصمت]

من صجك انت لا سوق وعدل زلا اسعار ولا مكان


فحينا وحنا نقول بعدو عن الزحمه قامو سو لنا سوق عند الصناعيه


المحلات اغلبها حق واحد نفر

مافي تنافس ونفس الاسعار


مب نفس دبي تروح محل تطلع وانت مب عاجبك السعر 3 يتلقونك عند الباب و ينطرونك ويعطونك سعر ارخص



مكان بعيد وغلط وعقب يقولون لنا ليش تحندون جايبينا عند عالم الصناعية

عالم العماااااال اشلون لو ذولي يصنفون ويحضرون كل يوم في المجمع خلاص ما لنا مكان ..


زحمة وغثى وعوار راس ..

وبخصوص انهم لنفر واحد الله يبارك له ..


بس كنا نتمنى السوق على الاعلانات التي نزلت انه كان منافس للسوق الصيني في دبي ..

[شبح الصمت]

صج كله كشكات و كشوك !



مافي تنسيق ولا ترتيب صح يا راجي ..

مش حالك حالك يمشي

قلنا صيني بس خلووه صيني يفتح النفس اشوي ..

[بانغ بانغ]

والله يا شبح ... انا سمعت من خلال الشبكة المعلوماتية الخاصة بي ان في تاجر كبير في البلد بالشراكة مع تاجر هندي بيفتحون مجمع نفس السوق الصيني اللي في دبي بس قاعدين ايدورون بعض الموافقات والمكان .. يمكن ما يكون بس صيني , يمكن منتجات هندية بعد .

سمعت انه بيكون برع العاصمة الدوحة .

ان شاء الله ايكون صج

[شبح الصمت]

والله يا شبح ... انا سمعت من خلال الشبكة المعلوماتية الخاصة بي ان في تاجر كبير في البلد بالشراكة مع تاجر هندي بيفتحون مجمع نفس السوق الصيني اللي في دبي بس قاعدين ايدورون بعض الموافقات والمكان .. يمكن ما يكون بس صيني , يمكن منتجات هندية بعد .

سمعت انه بيكون برع العاصمة الدوحة .

ان شاء الله ايكون صج



عليهم بالعافيه

بس ما نبي اسعار محليه نبي اسعار البلد نفسها بس بزيادة بسيطة ما نقول ما يتربحوون

بس ما يصلخوووون المستهلك يشردونه ..


تصدق احنا ما نحب نسوي بحث وتحري عن المنتجات ..

بس نزل هالمنتج خلاص شله مفروض حماية المستهلك تقارن هالمنتج في البلد المصنعه له بكم وسعر التوصيل واضافة بسيطه ..


اما انه يجيبه ويحط لك سعر خيالي !!


لا لا ما يصحش

[أبو راكان]

والله ماكنت اتمنى يفتح هالسوق عندنا
لان اغلب البضاعة الصينية مضروبة
ولايمكن الاستهانة بذلك وبالاخص الاجهزة الكهربائية لأنها السبب الرئيسي في حوادث الحرائق
اتمنى من ادارة الموصفات التشديد على منتجات هذا السوق قبل دخولها للبلد وبالاخص الكهربائية وكذلك المواد اللي تمس العنصر البشري سواء من اغذية او ادوية او مسلتزمات تجميل ومراهم وغيرها من المنتجات اللي ممكن تسبب اخطار على صحة الانسان

[شبح الصمت]

والله ماكنت اتمنى يفتح هالسوق عندنا
لان اغلب البضاعة الصينية مضروبة
ولايمكن الاستهانة بذلك وبالاخص الاجهزة الكهربائية لأنها السبب الرئيسي في حوادث الحرائق
اتمنى من ادارة الموصفات التشديد على منتجات هذا السوق قبل دخولها للبلد وبالاخص الكهربائية وكذلك المواد اللي تمس العنصر البشري سواء من اغذية او ادوية او مسلتزمات تجميل ومراهم وغيرها من المنتجات اللي ممكن تسبب اخطار على صحة الانسان


صدقت يابوراكان ..

نبي منتجات ما تخص الاستهلاك البشري يعني نفس ما تفضلت مكياج وغيره من الاشياء الي الواحد يستخدمها لجسمه

اما المواد الغذائية فيمكن الواحد يمشيها عندهم مواد يستفاد منها ...


والاجهزة ترى في انواع الكوالتي ودرجاته ..

لا نستهين في الصين اهي لعبت دور كبير في التقليد وهالشيء الي خلاها تلعب في السوق لعبه