نتمى منعه وعقبال باقي المجمعات

[A bin M]

السلام عليكم ورحمة الله وبركاته ،،
.
.
.
.
.


نتمى منعه air wheel في كل المجمعات والجمعيات .. وذلك لخطورته على الناس في المجمع أو ايي مكان آخــر






تم منعه في ازدان وعقبال باقي المجمعات


.


.

.

[بانغ بانغ]

بيض الله وجهك وانا اؤيدك مية مية

في دبي ولدي حن فوق راسي يبغي واحد ... قلت اجربه اشوي اشوف مدى لياقتي فيه ..

قسما بالله دبل كيك في الهواء بس الحمدلله الله ستر ..

حرمته على اعيالي

[غريب الدّار]

قسما بالله دبل كيك في الهواء بس الحمدلله الله ستر ..


:nice: في منتصف دبي مول :nice:

خخخخخخخخخخخخخخخخ
الله يقطع شيطانك يابانغ والله خليتني اضحك بصوت عالي
عساك كنت كاجوال بس مب غترة وعقال
:)
الحمدلله ع السلامة


بس يالربع هل صارت عليه مشاكل في قطر؟ اشوف الفترة الأخيرة انتشر وايد في المجمعات اكثر شي والناس مستأنسين عليه
يعني اللي شفتهم كانوا يعرفون له وكانوا يمشون به بثبات

[بانغ بانغ]

:nice: في منتصف دبي مول :nice:

خخخخخخخخخخخخخخخخ
الله يقطع شيطانك يابانغ والله خليتني اضحك بصوت عالي
عساك كنت كاجوال بس مب غترة وعقال
:)
الحمدلله ع السلامة


بس يالربع هل صارت عليه مشاكل في قطر؟ اشوف الفترة الأخيرة انتشر وايد في المجمعات اكثر شي والناس مستأنسين عليه
يعني اللي شفتهم كانوا يعرفون له وكانوا يمشون به بثبات

أي والله ... كنت لابس رياضة وفي السوق الصيني ... ما تشوفني اشتطيت في موضوع شبح .

المشكلة انه ايبين سهل وسلس واليهال شيطاين ايعرفون له لانه في توازن ورشاقة ..

يا حسرتي وين التوازن والرشاقة .. والكرشة 4 امتار جدام

الله المستعان ويحفظ اعيالنا

[MAZEN37]

هههه متخيل الموقف

[العنيده]

حلو بس مااحس مكانه في المجمعات ووسط الناس ممكن لاسمح الله يسبب اصطدام اذا كان زحمه والابتعاد عن المشاكل افضل
لان كل شي زين لازم يطلع لنا حد يخرب كل الفكره :)

[Charisma]

في دبي ولدي حن فوق راسي يبغي واحد ... قلت اجربه اشوي اشوف مدى لياقتي فيه ..

قسما بالله دبل كيك في الهواء بس الحمدلله الله ستر ..

حرمته على اعيالي

يا الله .. ما الذي يحدث امامنا .. :app:



لا ويبون معدل السمنه ينخفض ،، وين ينخفض ،، لا مشي ولا رياضه :(


مؤيد للمنع .. وشكرا على الموضوع اخوي A bin M

[أم محمد 90]

يارب جان زين ,,

وين ايام قبل السيكوريتي لهم دور !

الحين مافي سمنديقة قاعدين ّ!!!!

امس وايد تضايقت كنت باللاند مارك وصبيان عمرهم 16 و 15 يعني مش يهال جذي شلة يتمشون ويضايقون العالم



ترى لعبه تبونها خلوها فالبيت !

ان شاء الله نشوف منعها ف باقي المجمعات

[أم محمد 90]

بيض الله وجهك وانا اؤيدك مية مية

في دبي ولدي حن فوق راسي يبغي واحد ... قلت اجربه اشوي اشوف مدى لياقتي فيه ..

قسما بالله دبل كيك في الهواء بس الحمدلله الله ستر ..

حرمته على اعيالي

هههههههه زين محد صورك نفس ذاك الريال اللي ف المجلس

بتكون نكته القروبات :eek2:

[حرف]

قله حيا وازعاج الاخرين
يا يمنعونها او يسمحون اندخل دراجات في المولات

[غريب الدّار]

يا الله .. ما الذي يحدث امامنا .. :app:





A bin M

:funny:

[خوي الدرب]

بالفعل نتمنى منعه في المجمعات
صار الوضع مهزلة مع الاطفال والمستهترين

[نايم سهران]

بالعكس أشوفه مفيد وعلى قولتهم (( الي ما يعرف للطير، يشويه )) ههههههههه

حاله حال الي مايعرف يسوق سيكل ،،

انا اشوف الي راكبينه يوفر عليهم الوقت كثير وخاصه اذا واحد مايقدر يمشي أو تعبان اشوفه مفيد ،،

وخاصه الشخص الي دايما يمشي مسافات طويله راح يستفيد منه ،،

النقطه الوحيده الي اشوفها سلبيه ،، انه المشي أفضل منه علشان الصحه والرياضه فقط

[بانغ بانغ]

هههههههه زين محد صورك نفس ذاك الريال اللي ف المجلس

بتكون نكته القروبات :eek2:

هههههههههه مثل ما يقول غريب ..

في منتصف محل الالعاب

[غريب الدّار]

هههههههههه مثل ما يقول غريب ..

في منتصف محل الالعاب

94102

[مرتبش]

كسلانين يمشون ويتحركون في المول
يهال اخر موديل

[حياة]

منعوه في فيلاجيو حاطين ملصق ع بوابه الدخول
كنت صوب بوابه الماركات وكان محطوط المنع

[sweet qatar]

شفت لوحة المنع من زمان قبل لا أعرف البالانس

ماعندهم سالفة .. ازدان بالذات فاضي حتي في المناسبات

شدعوة خايفين علي اليهال منه !! خافوا عليهم من النسمة بعد !!

[المحاميه]

ازدان فاضي؟

عن ماذا تتكلمون

ليش انا ماعرف شنو ذي

[المحاميه]

شفته ف اليوتيوب

هههه يونس :tease:
خل اليهال يستانسون وين المشكله؟!

[لـبـيـه]

امس اشوف ياهل عود يستعمله في مستشفى العمادي طول الوقت

[العلياا]

وعليكم السلام

انا استغربت انتشاره بهالسرعة صاروا يمشون قروبات وبعدين اهالي هالعيال شلون راضيين
لعبة لما يكون لها وقت معين اما يطلعون مجمع والا حديقة وراكبين عليه زين متى بيمشون ماعتقد فالبيت لان بيكون وقت الايباد والايفون !!

نشكر ادارة ازدان مول ونتمنى يمنعونه من باقي المجمعات : )

[لـبـيـه]

باقي يشيلونهم شيل من باب الغرفه لين السياره

متى بيستعملون رجلهم عيل وعقب تصرف الدوله علاج للروماتزم وهشاشة العضام

[sweet qatar]

يمنع من المجمعات ممكن اتقبلها ولو ان مكان مثل فيلاجيو الواحد بيستفيد منه

لكن الحدايق ليش تمنعه ؟

حاله من حال السيكل والسكوتر

صج هو غير عن المشي بس يشد عضلات الساق و يعدل استقامة الظهر

المهم إنه يونس وايد .. بس مساكين هاليهال متوهقين وين يلعبون فيه

حتي اسباير منعوه !!

[العلياا]

يمنع من المجمعات ممكن اتقبلها ولو ان مكان مثل فيلاجيو الواحد بيستفيد منه

لكن الحدايق ليش تمنعه ؟

حاله من حال السيكل والسكوتر

صج هو غير عن المشي بس يشد عضلات الساق و يعدل استقامة الظهر

المهم إنه يونس وايد .. بس مساكين هاليهال متوهقين وين يلعبون فيه

حتي اسباير منعوه !!

لان الحدايق للمشي مب للعبه مثل هذي اللي ممكن تضايق فيها الناس
لانك لو لعبت ب السيلف بلانس يبيلك مساحة اكبر وبالتالي بتعرقل حركة الناس

سويتي فعلاً مزعج جدا الجهاز فالحدايق حتى فالمجمعات لو كان الممر ضيق تضطرين توخرين عشان هو يعدي

[sweet qatar]

لان الحدايق للمشي مب للعبه مثل هذي اللي ممكن تضايق فيها الناس
لانك لو لعبت ب السيلف بلانس يبيلك مساحة اكبر وبالتالي بتعرقل حركة الناس

سويتي فعلاً مزعج جدا الجهاز فالحدايق حتى فالمجمعات لو كان الممر ضيق تضطرين توخرين عشان هو يعدي

لا والله مالهم حق .. مثل ما اليهال يلعبون بالسياكل والسكوتر هذا مايفرق عنهم

ياما ازعجونا اليهال العليمية مع سياكلهم ..

بس المجمعات اقنعتيني إذا كانوا جروبات صج يضيقون علي الي يمشون

[A bin M]

الله يكفينا شر هالامراض من انتشار هذه الالعاب ..

[عثرة جواد]

خاطري اعرف ليش كل ماينزل الجديد يكون مكان اعتراض

الجهاز ممتاز وفيه لاياقة ومافية اي ضرر ليش يمنع

بل عكس اشوفة شي جيد وفيه نوع من الرياضة

عسااك ع القوة

[alfarasha]

المفروض يسمحون لهم في الحدايق ويمنعونه في المجمعات

[حمد 2002]

شفته ف اليوتيوب

هههه يونس :tease:
خل اليهال يستانسون وين المشكله؟!

اذا عندج يهال خلهم يستانسون في بيتكم مب في المرافق العامه !!

[A bin M]

خاطري اعرف ليش كل ماينزل الجديد يكون مكان اعتراض

الجهاز ممتاز وفيه لاياقة ومافية اي ضرر ليش يمنع

بل عكس اشوفة شي جيد وفيه نوع من الرياضة

عسااك ع القوة

اختي المقصد المجمعات

اللي انشوفه داخل المجمعات من استهتار .. لا قدر الله دعم احد


للعلم ،، سرعه حوالي 11 كيلو

[A bin M]

المشكله متى الواحد يعرف انها خطره .. اذا صار في بنته شي وله ولده


اهنيه بيلعن الساعه اللي شره فيها اللعبه خخخخخخ

[بومحمد المطاوعه]

الله يجزاك خير

والله صدقت المفروض يمنع


للأسف شفت ناس رجاجيل شكبرهم
كل واحد لحيته ف وجهها

ف مطار حمد وانا راجع من دبي كم واحد شاله وياه فالطياره ومن نزل من الطياره حطه وركب فوقه

وبعض الناس فالمجمعات

مادري شسالفه يعني

[غريب الدّار]

اختي قصدنا المجمعات

اللي انشوفه داخل المجمعات من استهتار .. لا قدر الله دعم احد


للعلم ،، سرعه حوالي 11 كيلو

قواك الله اخوي

بس لاحظت انك كاتب الموضوع بصيغة الجمع (نتمنى)
والحين ردك هذا بصيغة الجمع بعد (قصدنا ، اللي انشوفه)

اخوي ممكن اعرف انت تتكلم باسم من؟

لاني لاحظت ناس معارضين لمسالة المنع

وهذا شي طبيعي
مثل ماانت تشوفه مب زين
في ناس يشوفونه زين

[بومحمد المطاوعه]

شفته ف اليوتيوب

هههه يونس :tease:
خل اليهال يستانسون وين المشكله؟!

خل يستانسون ف بيتهم
في الحدائق
مب مشكله

ولكن ف المجمع ووسط الناس ..


كلللللللللش مب من صجج

[A bin M]

قواك الله اخوي

بس لاحظت انك كاتب الموضوع بصيغة الجمع (نتمنى)
والحين ردك هذا بصيغة الجمع بعد (قصدنا ، اللي انشوفه)

اخوي ممكن اعرف انت تتكلم باسم من؟

لاني لاحظت ناس معارضين لمسالة المنع

وهذا شي طبيعي
مثل ماانت تشوفه مب زين
في ناس يشوفونه زين

في نتمنى : انا والناس اللي شاهدنا هذا الاستهتار . !!

إما قصدنا قصدي انا واعوذ بالله من كلمه انا ( غلطه كتبتها ) .!!! << تم التصحيح .!!!

[بومحمد المطاوعه]

انصح حق الناس الي تستخدم السكوتر فالمجمعات

تتطور وتاخذ هذي

http://image.made-in-china.com/43f34j00gCOaEkWrCFpd/Solid-Wheel-Construction-Wheelbarrow-with-SGS-Certificate.jpg

[A bin M]

انصح حق الناس الي تستخدم السكوتر فالمجمعات

تتطور وتاخذ هذي

http://image.made-in-china.com/43f34j00gCOaEkWrCFpd/Solid-Wheel-Construction-Wheelbarrow-with-SGS-Certificate.jpg

!!!!!!!!!

من اللي بيشيله وله الاحسن يروح سوق واقف ..!

[بومحمد المطاوعه]

!!!!!!!!!

من اللي بيشيله وله الاحسن يروح سوق واقف ..!

يحط تلفوناته ويدز لنفسه

[eXpert*]

ويحلم البعض بأن نصبح شعب رياضي !

وأحنا ما نمشى10,000 خطوة في 3 أيام !!

مع المنع في المجمعات وفي كل مكان .

[Rashid554]

هذا الجهاز له مستقبل قريب بالتسوق وبتجي ايام يأجرونه في المجمعات والمطارات والاماكن الكبيره المفتوحه وببستخدمه الكبير قبل الصغير
والجهاز الي يقصده صاحب الموضوع هو self balancing لان هو المنتشر في قطر

[العلياا]

هذا الجهاز له مستقبل قريب بالتسوق وبتجي ايام يأجرونه في المجمعات والمطارات والاماكن الكبيره المفتوحه وببستخدمه الكبير قبل الصغير
والجهاز الي يقصده صاحب الموضوع هو self balancing لان هو المنتشر في قطر

فعلا هو موجود في اوروبا وبالتحديد في برشلونه ممكن اي شخص يأجره واسم الجهاز segway
يختلف عن ال self balance له سكان عشان تغير اتجاهك او تلف فيه وطبعا له شروط لبس خوذه وما الى ذالك

[المبرمج صلاح]

لمن لا يعرفه هذا هو الجهاز


https://www.youtube.com/watch?v=9G4yiO1Cmv4

مع احترامي لكل الاراء هو مجرد لعبه لايوجد فيه اي نوع من الرياضة فيه اذا احنا مكسلين عن المشي الحين صرنا مهتمين ب balance

[نوفا91]

انا باخذه حق الجامعة كل محاضرة في وادي ، عاد اشوف دكتور يحطني غياب :)

[المحاميه]

اذا عندج يهال خلهم يستانسون في بيتكم مب في المرافق العامه !!

بيتنا مايكفي أستاذ حمد
ان جان بيتكم أبد ماعندنا مانع

[المحاميه]

إذا مزعج فالمجمعات بحيث تحس انه يعيق حركة الماره ممكن
لكن الحدايق شدخل يمنعونه؟؟؟؟ خل يمنعون السياكل بعد
والله عجب

[مختلف جداََ]

ما عندهم سالفة يمنعونه في المجمعات أو حتى خارج المجمعات .

الجهاز مب خطير ولا سريع.

دام منعوه بترتفع مبيعاته بشكل خيالي.

المثل يقول كل ممنوع مرغوب .

بس كرأي شخصي مب متخيل وحده بعباتها و تستخدمه في مجمع تجاري . ولا واحد كلشخ ترمبه و متوازن عليه .

أحس المنظر بيكون تحفه http://store1.up-00.com/2015-05/1432647722011.gif

[CH Engineer]

هذا احنا كل شي مانستخدمه نطالب بمنعه
يا ليت لو راعي الموضوع يكتب ينضمون استخدام الجهاز
شروط و اوقات او مسارات على حسب الحاجه

[الأصيلة]

الإستعمال الخطأ هو اللي فيه الخطورة
لازم يكون الشخص لابس خوذه وحماية للكوع والركب
بالله عليكم عمركم شفتوا أحد ماخذ هالإجراءات ..
يعني لو طاح يتهشم راسه وتتكسر عظامه..
ثانيا لو خلص الشاحن في لحظة المشي ممكن ينقلب ويطيح
يعني من التعليمات المهمه تكون البطاريه فل قبل الإستعمال

[white bird]

يحط تلفوناته ويدز لنفسه

😂
:funny:

[sweet qatar]

مع احترامي لكل الاراء هو مجرد لعبه لايوجد فيه اي نوع من الرياضة فيه اذا احنا مكسلين عن المشي الحين صرنا مهتمين ب balance

للتصحيح هو وسيلة تنقل .. مش " لعبة "

يعني ممكن اختصر فيه المسافات .. في المطار أو الجامعة أو غيرها من الأماكن

في ردي السابق تكلمت عن استقامة الظهر و شد الساق

كلامي عن تجربة شخصية

لأنك عشان توازن نفسك و تتحكم بالجهاز لازم توقف بطريقة صحيحة عليه

مادري ليش التركيز علي إن الي يستخدم هالجهاز ما يمشي ولا يتحرك !!

بليز أول شي جربوا الجهاز عقب انتقدوا.. صعب تطول علي الجهاز أكثر من ساعتين متواصلين

[sweet qatar]

هذا احنا كل شي مانستخدمه نطالب بمنعه
يا ليت لو راعي الموضوع يكتب ينضمون استخدام الجهاز
شروط و اوقات او مسارات على حسب الحاجه

صدقت أخوي

للأسف ما يتم طرح ضوابط أو حلول للمشاكل المصاحبة للاستخدام

منع و بس

لأنه ماعجبهم ..
ما اقتنعوا فيه..
شكله يعور !!!

[بصمة قطرية]

والله عجيب ..
أنصحكم تجربونه ..
أول مرة لازم الواحد يطيح عادي أصابات بسيطة
عقب وناسة ..
ممتع :)
إذا أنا مستانسة عليه شلون العيال ..
في المجمعات ممكن يضايق الناس
لكن في الحدايق بصراحة ما عندهم سالفة يمنعونه ..
عسى ماشر كل ما طلع شي يمنعونه ..!!
حدايق يعني وناسة و تمشي
ما اعتقد الواحد بيسوقه و بيدعم العالم
كلم في حاله ..

[الهديل]

الله المستعان

[وطن]

أصلا أنا استغربت من لعب الأطفال في المجمعات بالجهاز !!

هو صج ممتع وحلو
بس مكانه مب وسط المجمعات !!

يروحون حدايق
حوش بيتهم
صالتهم
كيفهم

بس مب في المجمعات !!!

[المحاميه]

إشرايكم كل واحد يأخذله ويجرب ويشوف شلون التوازن عنده

[وطن]

إشرايكم كل واحد يأخذله ويجرب ويشوف شلون التوازن عنده

جربته في البيت
:tease:

مرتين ضبطت التوازن
والثالثة لا
:funny:

يونّس الصراحة

بس مكانه مب وسط الناس
المجمعات للتسوّق
مب للعب

في الحدايق والأماكن المفتوحة
ياخذون راحتهم أكثر

[بريق الحق]

موضه وبتختفي

[العلياا]

صدقت أخوي

للأسف ما يتم طرح ضوابط أو حلول للمشاكل المصاحبة للاستخدام

منع و بس

لأنه ماعجبهم ..
ما اقتنعوا فيه..
شكله يعور !!!

صبحج الله بالخير

شوفي عزيزتي ومن تجربة شخصية وللامانة انا كنت رافضه الجهاز يدخل البيت او حد يشتريه
لكن قدر الله ان يجيني من عند رفيجتي اللي اضطرت تشرده من البيت بعد ما طاح ولدها وانكسرت يده

اما بخصوص رفضي دخوله للحدائق شخصياً اشوف ان الاهالي يودون عيالهم عشان يفرغون طاقتهم باللعب
مب يركب على جهاز يمشيه ومافيه أي مجهود يذكر وخصوصا ان حديقة اسباير الممشى فيها مب وسيع ف بعد يضايق الماره ..

افضل مكان يلعبون فيه اما كتارا او اللولوة بما انها اماكن مفتوحة وواسعه ..

[وطن]

الخطورة تكمن بالمراهقين والشباب اللي يدورون فيه في الفريج
وسط السيارات
والأخطر انهم يدورون في الليل !!
ما يبينون
اللهم ليت الجهاز عاكس ع الأرض

[A bin M]

اطلب في المجمعات والجمعيات .. البعض يقول منعه مب المقصده منعه نهائياً .!!


يعني مثلاً الواحد إذا طالع من المحل في الاند مارك أو فيلاجيو وجايك اللي عنده هالعبه مسرع حده ،، لازم اطالع يمين أو يسار


وله هالشكل لازم الواحد ياخذ حذره يوقف عند كل باب محل عشان يشوف يمين ويسار وعقب يطلع وله بتجيه دعمه غير متوقعه .!!!!

[شبيه الريح]

ممنوع في فيلاجيو والاند مارك والباقين مادري

لانه والله خطر ماتشوف الاوجه لوجه

[يمامـة]

اللهم اشفي من حاول تجربة هاللعبة وتكسر او ترقد في المستشفى تحت العناية المركزة..

ومن ثم تفاعلا مع صاحب الموضوع اعطيك صوتي واتفق معاك ياليت يمنعونه
لأن المجمعات للتسوق مب للاجهزة هذي بشكل عام..


عندهم الاماكن المفتوحة و المخصصة للاجهزة هذي خلهم يسرحون ويمرحون فيها..

شكرا لكم

[بانغ بانغ]

حبيت ارفع الموضوع لان وصلني فيديو لاحد المعتمرين وهو راكب هالتواير وايلف في الصحن .....

معقوووولة لهالدرجة

وين قاعدين

[ضوى]

ممكن صورة ؟؟

تقصدون السكوتر ؟

[غريب الدّار]

حبيت ارفع الموضوع لان وصلني فيديو لاحد المعتمرين وهو راكب هالتواير وايلف في الصحن .....

معقوووولة لهالدرجة

وين قاعدين

شدعوة !!
من صجك انت؟

وماانكر اني ضحكت لما قريت الكلام
:)

[بانغ بانغ]

احين صبر اشوي


شغل النايت فجن بس

[حليتان*]

منعوه فاللاند من فتره رايح كيوتل شفت حاطين صورته عن الباب وكاتبين ممنوع



بس للامانه حلو عن نفسي عندي اثنين الصغير والهيفي ديوتي بو تواير كبار

لا ومضبطهم مسويلهم جلاد فالمناعي

[بانغ بانغ]

مب عارف من الجوال ما اقدر ارفق الملف ... باحاول

[بومحمد المطاوعه]

حبيت ارفع الموضوع لان وصلني فيديو لاحد المعتمرين وهو راكب هالتواير وايلف في الصحن .....

معقوووولة لهالدرجة

وين قاعدين

اي والله شفته للأسف

الله اعلم بحاله ولكن

اذا قادر يستخدم هذا السكوتر

مايقدر يمشي ييعني ,,.؟

الله اعلم

لاحول ولاقوة الابالله

[حليتان*]

ممكن صورة ؟؟

تقصدون السكوتر ؟


http://t1.gstatic.com/images?q=tbn:ANd9GcTbKOgyGQnY8XNgEaB4eTjjLBQnkX8sG J6eD5g9eWV--yLLKhwi

[بومحمد المطاوعه]

مشاهدة ""حكم الطواف راكبا بحاجة أو بدون حاجة " للشيخ محمد المختار الشنقيطي" على YouTube - https://youtu.be/q7sxie3xN7s

بخصوص طواف مكه

واجره مب مثل اجر السير على الاقدام

والله تعالى اعلى واعلم

[السكين]

شفت طفل عمره يمكن 10 سنوات واتوقع من ورا أهله ، برمضان في عز الظهر على اشارات لولو المطار وداخل عكس السير بوجه السيارات.

وأمس بالبريد وحدة مركبة طفل صغير وماسكاه من ايديه وتتمشى فيه اعتقد فلبينية.

مشكلتنا في المجتمعات العربية نحوّل وسائل الترفيه والمتعة لضرر وممنوعات بالتصرفات الفردية للأغلبية .

[بانغ بانغ]

http://alrayalaam.com/32515/

[بانغ بانغ]

شفت طفل عمره يمكن 10 سنوات واتوقع من ورا أهله ، برمضان في عز الظهر على اشارات لولو المطار وداخل عكس السير بوجه السيارات.

وأمس بالبريد وحدة مركبة طفل صغير وماسكاه من ايديه وتتمشى فيه اعتقد فلبينية.

مشكلتنا في المجتمعات العربية نحوّل وسائل الترفيه والمتعة لضرر وممنوعات بالتصرفات الفردية للأغلبية .

اخر جملة هي المحور واتفق معك مية مية

[حمد 2002]

فيه فوايد وفيه سلبيات ..

[العقل المدمر]

1- مرة شفت ياهل يلعب عليه ومسرع .. لو ماتجنبوه الناس دعمهم وطاح وطيحهم
2- مرة شفت مراهق اطول مني يلعب عليه فالمحل ع اساس يجربه
الولد متمكن منه ورايح وراد بس من ضيق المكان وانا جاية بقطعه انتبهت له ورجعت ورا
وهو واضح عليه انه انحرج ولف وماشفت الا غبرته
ولو اني ارتبكت وفهيت شوي ومارجعت على ورا جان دعمني وطاح فحضني
ومن حسن حظي انا بعد ان ماكان في حد وراي عشان ماطيح على حد انا الثانية
شحادنا على هالمواقف يعني :secret:

[Abdright]

https://vimeo.com/138292053


Sent from my iPhone using Tapatalk

[حسن]

ولع وبينتهي

الصراحه في المجمعات وبين الناس بالنسبه لي غير مقبول

لكن مافي مانع تسوي لهم الدوله مكان مخصص
مثل حلبه البدك مالت الخيل يلعبون فيه

:)

[بانغ بانغ]

ولع وبينتهي

الصراحه في المجمعات وبين الناس بالنسبه لي غير مقبول

لكن مافي مانع تسوي لهم الدوله مكان مخصص
مثل حلبه البدك مالت الخيل يلعبون فيه

:)

احين اخترعوا لوح مثل الايباد له تواير ويمشون فيه

احسن من ذي

[حسن]

احين اخترعوا لوح مثل الايباد له تواير ويمشون فيه

احسن من ذي

بعد لوح واحنا ناقصين ليحان

[معماري قطري]

من أيام اشوف وحدة كبيرة في السن حول ال 40 وبحجابها وعبايتها وتتمشى في الحديقة في ميونخ

[حسن]

من أيام اشوف وحدة كبيرة في السن حول ال 40 وبحجابها وعبايتها وتتمشى في الحديقة في ميونخ

في ميونخ !!!

اشوه فكرت مريخ

:(

[Q.P]

كلامك صحيح واستعماله خطر بالمجمعات

[معماري قطري]

في ميونخ !!!

اشوه فكرت مريخ

:(

سيم سيم يا بو علي .. إذا واحد يطوف حول الكعبة بنفس الطريقة شتتوقع يعني

[بومحمد المطاوعه]

بعد لوح واحنا ناقصين ليحان

ههههههههههههه

استغفرالله :nice: