تنصحوني بنيسان بترول بلاتينيوم

[محمد11]

السلام عليكم ورحمة الله وبركاته

حبيب أخذ رأيكم ف النيسان الجديد البلاتينيوم 300 حصان

مميزاته
واهم عيوبه للي يستخدمه

لأَنِّي شفت المعارض متروسه نياسين هل السياره فيها عيوب وتم بيعها !!!

[qtr qtr]

وعليكم السلام ورحمة الله وبركاته
امم اولا وين النياسين المتروسه فالمعارض الا ان كان اصفار اوالموديل القديم من 2013 وتحت .. وربعي كل يوم يقولون لي ودور لي على نيسان من 2014 وطالع بحكم معرفتي ببعض اصحاب المعارض والله ماحصلت الشي النظيف وسعر معقول يعني من كل 10 معارض تحصل نيسان واحد مستعمل او 2 بالكثير .. خصوصا البلاتنيوم 400 حصان ماتحصله فالسوق الا القليل .
بالنسبه للعيوب عندنا موديل 2010 و2011 320 حصان ولله الحمد مافيهم عيوب بترول تواير ايل سفايف لشياء استهلاكي جامبينات بوشات بس .اللي ماشي 120 الف كم والثاني 130 الف كم .
وكان عندي يلاتنيوم 320 حصان ماشاءالله افضل من المويلات القديمه كعزل الصوت وغير الاضافات من الجلد وتكييف الكراسي و4 كاميرات .. استخدمته 6 شهور وبعته وخذيت ال400 بلاتنيوم 2015 .والامور عال العال ولله الحمد .

[سعود.]

اخذه وانت مغمض ....

عندي 2013 .400 حصان le
خذية اصفار . وانا نظامي ماشيك بالوكاله . والحمد الله الا الان تمام الموتر . الاخربات ولا وجع راس .

[الوسيط العقاري]

نصيحة اخو ابعد منه

التويوتا أفضل منه رغم قلة كمالياته

[A-Alansari]

اذا تبيه حق استخدام شارع اخذه انصحك

اذا تبي حق سيلين وبر ماينفع البلاتينيوم لانه رنقاته كبار 20 ووعر اكثر من الي رنقاته 18

وفي كل الاحوال الموتر تمام وماعليه مشاكل وعندنا 3 في البيت

والتشييكات في البيت يجونك لين عندك

[(ام عبدالله)]

التكييف لك عليه شوي ..

[بوحمد111]

خذ ال بلاتينيوم 400 أحسن لك وأوفر في صرفية البترول وانا عندي ال 400 موديل 2014 ولله الحمد ما عليه اي مشاكل والصيانة الدوريه يجونك لين باب البيت وبنفس سعر الكراج عندهم

[بومحمد المطاوعه]

الله يوفقك
توكل على الله واخذه
لو حق سفر واستخدام مدينه ورمله ولكن بشوي شوي
والمحافظه عليه

ماعندك مشكله

بس تبي بر وحصى ومقناص
ابعد عن النيسان


والله يوفقك

[بومحمد المطاوعه]

خذ ال بلاتينيوم 400 أحسن لك وأوفر في صرفية البترول وانا عندي ال 400 موديل 2014 ولله الحمد ما عليه اي مشاكل والصيانة الدوريه يجونك لين باب البيت وبنفس سعر الكراج عندهم

اتفق معاك
من ناحيه البترول

ال 400 مايصرف كثر ال 300

صدقت وعن تجربه انا مريت فيها

تحياتي

[بومحمد المطاوعه]

التكييف لك عليه شوي ..

اعتقد الفلتر مب نظيف ..

شيكي عليه

[سعود.]

التكييف لك عليه شوي ..

كل يوم اطلع من الدوام الظهر اشغل المكيف على اقل دفع هواء .
ولافية مشكلة .نفس ماقال اخوي ( المطاوعه ) يمكن الفلتر او الغاز ناقص

[محمد11]

بارك الله فيكم ياجماعه الخير
وشكرا لتواصلكم وآرائكم ..

[H H]

الي يتكلم عن التكييف , مع ان الايام الي راحت حرارة الجو كانت عاليه , كنت احطه على واحد واكون متوهق فيه بسبب برودته وقوة دفع الهوا ماشالله.
موترك يحتاج تشييك

[PGR]

باختصار

افضل فورويل عملي موجود بالسوق

[ذكي جدااا]

400 ماعليه كلام الجير سبع تغييرات وصرفية بنزين اقل من 320 وأريف بالسواقه