عاجل جدا لاهل الخبرة بلندن

[ام العيال]

السلام عليكم ورحمة الله وبركاته
بغيت استفسر هل مسموح اخذ معاي مواد تموينية لاني ناوية اروح انشالله لندن وهاي المرة الاولى لي وما عندي اي خلفية بالمسموح والممنوع اخذه
والشكر لكم مقدما

[غير البشر]

عليكم السلام ورحمه الله وبركاته

ياهلا ومرحبا اختي

اي مسموح بعض المواد التموينيه لكن بكميات قليله
ممكن اعرف بعض المواد لان احتمال مايحتاج تنقلينها معاج !!

[ام العيال]

يعطيك العافية
انا اقصد مواد تموينية اللي استخدمها في الطبخ مثل الارز والبهارات والشاي والسكر هالشكل

[غير البشر]

الله يعافيج اختي

وليس تاخذينها معاج وهي متوفره هناك وتحملين نفسج حمل زياده بالسفر

والمحلات كثيره وقريبه من كل شي مثل

الوادي الاخضر وسوبر ماركت ابو مصطفى كلشي فيهم من الي ذكرتيهم

من شاي ليبتون وحليب رينبو وسكر وملح وبهارات خليجيه ورز ولحم ودجاج حلال كل الي بخاطرج موجود
وكل انواع الاجبان والنغتس والفيليه الحلال

انا اشوف مافي داعي تحميل نفسج اغراض ووزن زياده

اما اذا ملزمه مسموح لج بكميات بسيطه فقط
اي كميه زياده ممكن تسحب او تدفعي عليها رسوم

[ام العيال]

اي زين ، يعطيك الف عافية ما قصرت

[برويقن]

كل شي موجود هناك

عندج سوبرماركت مكة عندهم كل شي ..... لحم حلال رز شاي حليب رينبو بلاليط شطه كرستال جبن خبر بتاني خبز ايراني

وفيه هايبرماركت اسمه asda عندهم قسم للحلال

[ام العيال]

مشكورين وما قصرتوا

[monatee]

لندن ماتحتاجين فيها للمواد التموينيه
كل شي موجود في شارع الاجورد رود

[Chanel]

مرحبا عزيزتي عندي رقم دكان يوصل لج كل شيء لين باب الشقه ان بغيتيه خبريني

[باراكودا]

كل شي موجود في شارع العرب الاجورد رود