المساعد الشخصي الرقمي

مشاهدة النسخة كاملة : المبيدات الحشريه


Almuraikhi
07-08-2015, 07:06 AM
السلام عليكم يا أخوان
عندي استفسار بخصوص المبيدات الحشريه اللي تستعمل اثناء البناء حد يقدر يدلني على أفضل شركه للمبيدات سمعت عن الدرويش بس ماعرفت أتواصل معاهم اللي عنده رقم او معلومة ويفيدنا يتفضل وشكرا
سعود.
07-08-2015, 08:52 AM
موقعهم ( الدرويش ) قبل تدمر على يدك اليمين .

البلدية بعد هذا تخصصهم .
معماري قطري
07-08-2015, 02:27 PM
اللي عند الدرويش مواد قوية ووقايتها لفترة طويلة جداً خصوصاً المحقونة في التربة ومبني فوقها .. أَبسط شيء تقدر تستخدم الكاز وفيه بعد مبيدات عند الشركات الزراعية وعند البلدية
معماري قطري
07-08-2015, 02:35 PM
اللي بيحط لازم ينتبه لمادة الخشب القابل للانضغاط في أطراف الصبية .. هذي بعد صب الأرضيات تنضغط مثل الكرتون وتتفتت وسهل تطلع منها الأرضة وتبين في الغالب بعد فترة حسب قوتها في التربة .. ذي نكشط الطبقة الفوقية ونصب عليها المادة المقاومة ونحط فوقها ماستك .. اللي يحطون رمل بعد الصبية ذي ويسون بلاستر حتى لو كان مغسول تعتبر مغامرة وبيض الأرضة أوقات موجود وتتكاثر وتطلع على البلاستر وعلى بعض ورق الجدران وعلى الخشب تقول للخشب يمي يمي .. لذلك يستحسن نسوي صبية ثانية بدون رمل.
معماري قطري
07-08-2015, 02:40 PM
هذي الطريقة اللي فوق سويتها في بيتي بعد ما شفت صالة رياضية منتهية أرضياتها وجدرانها وكان موجود يعاين استشاري شيبة انجليزي .. كنت اسئله من وين تطلع الأرضة ذي .. طلعني برا وراواني فاصل البناء ( construction joint ) وقال هذا الفاصل ييبس وينتهي ومنه تطلع الأرضة .. الحل اللي سويته للضمان أكثر بس صراحة مع الأرضة لازم متابعة ومكافحة أول بأول مع ملاحظة أي دخول لها وبمبيدات قوية.
Almuraikhi
07-08-2015, 04:54 PM
اللي عند الدرويش مواد قوية ووقايتها لفترة طويلة جداً خصوصاً المحقونة في التربة ومبني فوقها .. أَبسط شيء تقدر تستخدم الكاز وفيه بعد مبيدات عند الشركات الزراعية وعند البلدية
الله لايهينك اخوي معماري على الرد الوافي بس عندي سؤال متى تستخدم المبيدات الحشريه في البناء يعني في اي مرحله في البنيان اشوفلي مبيدات حشريه ؟
معماري قطري
07-08-2015, 05:38 PM
الله لايهينك اخوي معماري على الرد الوافي بس عندي سؤال متى تستخدم المبيدات الحشريه في البناء يعني في اي مرحله في البنيان اشوفلي مبيدات حشريه ؟

بعد التأسيس وأثناء الدفان .. إحنا نبالغ في بنيانا بالدفان .. وكثير من الدول يخلون فراغ تحت أرضية الدور الأرضي .. فراغ لتمديد الخدمات وصيانتها بسهولة ويكون فيه تدعيم للأرضية بطابوق عادي وأوقات حتى بقطع خشبية وبهذا أرضية الدور الارضي ما تكون متصلة بالارض تحتها.

هذا مقطع يوتيوب يوضح ما اقصد .. يسمونه crawl space ويكون فوق الأساسات حتى نقدر نفحصها ونعزلها أكثر وممكن نشيل أساس ونغيره لو حبينا بتركيب دعامات مؤقتة حوله .. ممكن نخزن فيه بعض المواد.
معماري قطري
07-08-2015, 05:40 PM
https://www.youtube.com/watch?v=EPTcgwoPT5I