موقف اثر فيني

[R 7 A L]

اليوم الفجر وانا رايح للمسجد شفت سيارة اسعاف تمشي قلت في خاطري لاحول ولاقوة الا بالله منو الي تعبان من هل المنطقة ورايحين له ، المهم سيارة الاسعاف صارت وراي ووتبعني ان لفيت يمين لفت معي يمين وان لفيت يسار لفت معي يسار والخوف بدأ يزيد طبعاً في هذي الاثناء سمعت صوت اقامة مؤذن مسجدنا اسرعت شوي الحق على الصلاة ومن بعيد اشوف اسعاف ثاني واقف عند المسجد وسيارة فرعه هنا بدأ قلبي يرقع ويدق بسرعة قلت في خاطري اكيد احد المصلين صار له شي واذا دخلت المسجد بحصله طايح ، وقفت ونزلت وسيارة الاسعاف الي كانت وراي وقفت قبل لا ادخل حصلت المسعفين نازلين ويطالعون في المسجد ويقولون مافيه شي قلت في خاطري الحمدلله
طبعاً المسجد جامع ومقسم الي قسمين القسم الامامي الكبير مخلينه لصلاة الجمعه والصغير الخلفي للصلاوات الفروض ، المهم صلينا وصلى معنا الشباب الي من الفزعه وسلم الامام ، بعدها قام اغلب المصلين و واقفوا بشكل غريب ومريب وغير معتاد حيث انهم يقعدون بعد الانتهاء من الصلاة يسبحنون ويحمدون ويقرون الاذكار

[R 7 A L]

بكما لكم عقب الحين صلاة

[بنت شرق]

بانتظار التكملة

[بانغ بانغ]

رحال ... صلينا احنا . وينك يالله

[توشيبا]

ورانا ضرب عيوش ياخوي

كمل القصه

[حسن]

زين وبعدين وش صار

ورانا مجبوس هامور يارحال خلصنا

:(

[النهار]

ناطرينك

[راجي الْعفو]

وناس تسدحت و رقدت يارحال

فينك !

[رجل تعليم]

أعتقد أن رحال أنهى قصته وكان يقصد الحديث فقط عما عاشه من الرعب جراء صوت سيارات الإسعاف
هذا ما فهمته ربما
صباحكم سعيد

[العساس]

ممكن الاخ رحال يقصد ان الاسعاف والفزعة سببوا قلق للمصليين.

[بوخميس]

خلصنا البرغر وينك كمل

[.قطر.]

ننتظرك :telephone:

[R 7 A L]

العذر والسموحة يالربع انشغلت شوي





المهم
بعد متقاموا المصلين هنا عرفت انه فيه شي كبير
ودخلوا بعض المسعفين ويسألون وانا ما فهمت شي
ولا اخوي هو الي يتكلم مع المسعفين طبعاً مزيدا من سيارات الاسعاف والشرطة وصلوا
ولا اخوي يقول للمسعفين والشرطة داخل ويأشر على القسم الثاني الي انصلي فيه الجمعة
وامسك اخوي وانا اهزه وش السالفة فيه احد ميت ولا حد طايح ولا وش السالفة
قال حصلنا مولود عند باب المسجد دخلوا المصلين والمسعفين ورجال الشرطة ولا اشوف مولود عمره ايام يتحرك
وهو ساكت وامام مسجدنا يشوفه ويبكي من شكل المولود انا اثر فيني شكلة وهدؤه ): وتذكرت الناس الي يسافرون يبحثون عن الخلفه والعيال وهذا محطوط عند باب مسجد بس حمدت الله انه مارموه عند صناديق قمامة او تخلصوا منه بموته
سالت اخوي شلون شافه
قال اول مانزلت من سيارتي ولا الشيبة ابوناصر واقف عند باب المسجد وياشر لي كانه يقول تعال بسرعة وشكلة مرتب
ابوناصر من شياب المنطقة مصلي اول من يدخل المسجد في كل الفروض هو بعدها يقول بلغت الشرطة وماقصروا تواصلوا مع الاسعاف وكلهم جاوا

[بريق الحق]

كان الله في عون هذا وغفر الله لم ترك هذا الطفل ولا نعرف سبب ترك هذا الطفل لاحول ولاقوة الا بالله

[qwerty]

العذر والسموحة يالربع انشغلت شوي





المهم
بعد متقاموا المصلين هنا عرفت انه فيه شي كبير
ودخلوا بعض المسعفين ويسألون وانا ما فهمت شي
ولا اخوي هو الي يتكلم مع المسعفين طبعاً مزيدا من سيارات الاسعاف والشرطة وصلوا
ولا اخوي يقول للمسعفين والشرطة داخل ويأشر على القسم الثاني الي انصلي فيه الجمعة
وامسك اخوي وانا اهزه وش السالفة فيه احد ميت ولا حد طايح ولا وش السالفة
قال حصلنا مولود عند باب المسجد دخلوا المصلين والمسعفين ورجال الشرطة ولا اشوف مولود عمره ايام يتحرك
وهو ساكت وامام مسجدنا يشوفه ويبكي من شكل المولود انا اثر فيني شكلة وهدؤه ): وتذكرت الناس الي يسافرون يبحثون عن الخلفه والعيال وهذا محطوط عند باب مسجد بس حمدت الله انه مارموه عند صناديق قمامة او تخلصوا منه بموته
سالت اخوي شلون شافه
قال اول مانزلت من سيارتي ولا الشيبة ابوناصر واقف عند باب المسجد وياشر لي كانه يقول تعال بسرعة وشكلة مرتب
ابوناصر من شياب المنطقة مصلي اول من يدخل المسجد في كل الفروض هو بعدها يقول بلغت الشرطة وماقصروا تواصلوا مع الاسعاف وكلهم جاوا

معقول هالشي حصل في قطر !!
ممكن اصدق لو في دولة ثانية الفقر منتشر عندهم ولا في دولة الزنا منتشر فيها
بس قطر الحمد لله هالامور مافيها

[بوخميس]

شلون ما فيها

كل بلد فيها هالامور، وموجود هالشي في قطر من زمان وان كان مب بهالكثرة. عيل دريمة ليش فاتحينها؟

[رجل تعليم]

لا حول ولا قوة إلا بالله العلي العظيم

[R 7 A L]

معقول هالشي حصل في قطر !!
ممكن اصدق لو في دولة ثانية الفقر منتشر عندهم ولا في دولة الزنا منتشر فيها
بس قطر الحمد لله هالامور مافيها


هذا الي صار وحصل اليوم الجمعه صلاة الفجر

[R 7 A L]

كان الله في عون هذا وغفر الله لم ترك هذا الطفل ولا نعرف سبب ترك هذا الطفل لاحول ولاقوة الا بالله


اي والله ماندري ولا نعرف السبب
بس موقف قوي ومؤثر
شلون امه الحين بعد ماحطته عند المسجد اكيد في حاله لا يعلمها الا الله

[R 7 A L]

شلون ما فيها

كل بلد فيها هالامور، وموجود هالشي في قطر من زمان وان كان مب بهالكثرة. عيل دريمة ليش فاتحينها؟


كلامك صحيح ونسمع من زمان
بس اول مره يمر علي هذا الموقف

[بانغ بانغ]

لا حول ولا قوة الا بالله

روحوا شوفوا دريمة مساكين

وين الوازع الديني والثقافة التربوية ...

ننتقد الكفار وفينا الخلل

لذة ساعة وحسرة لقيام الساعة

[راجي الْعفو]

الله المستعان


مثل هالامور تصير في قطر من زمان مب شي جديد

وهو شي يصير في كل دوله

احنا مره لقينا في فريجنا مثل هالطفل وجاوو الجرائد و صوروه


الله يطهر بلادنا و أبناءنا من الحرام

[بانغ بانغ]

المشكلة كل ملف لهالامور في النيابة ... اغلاق على طول لان مجتمع قبلي

حتى الدي ان ايه dna مش امفعل في مثل هالقضايا

هذا اللي اعرفه يمكن غلطان

[النهار]

معقول هالشي حصل في قطر !!
ممكن اصدق لو في دولة ثانية الفقر منتشر عندهم ولا في دولة الزنا منتشر فيها
بس قطر الحمد لله هالامور مافيها

لاصدق انا شفت مثل هي المواضيع في حياتي 3 مرات وفي معهد يتبانهم في قطر اسمه دريمه
مرتين عند المسجد ومره عند براميل القمامه

[المبرمج صلاح]

لا حول ولا قوة الا بالله

احتمال ما يكون ابواه مسلمين لا استطيع ان اتخيل الفكرة نفسها

[مرتبش]

لاحول ولا قوة الا بالله

[العساس]

نحتاج الى توعية وتشديد الرقابة...والتفتيش المستمر..والضرب بيد من حديد لكل من تسول له نفسه بفعل مشين قد يتسبب في تشريد او اجرام او امراض .......

والله ان العين لتدمع والقلب يحزن عندما نسمع بمثل تلك الاحداث وما بها من تبعات......


واخيرا يجب ان نعي انه كما ندين ندان.....ولو بعد حين

[MAZEN37]

من كثر البشر
كثرة المشاكل
اللهم استر على جميع المسلمين

[توشيبا]

لا حول ولا قوة الا بالله

[.قطر.]

شي غريب :omg:
زين مامات بس

[MaRuKoO]

اعوذ بالله
اللهم استرنا فوق الارض وتحت الارض ويوم العرض
اللهم استر على بناتنا واولادنا وعيال المسلمين يارب
الله العالم بتفاصيل القضيه ربي العالم وحده

[طبيب قطري]

شوف يارحال ، اذا كان المولود انولد بالمستشفى فسهل جدا يلاقون اهله ، كلها مسألة وقت، بس عالاغلب هالمولود مب مسجل بسجلات الصحه والولاده حتى ماحد يقدر يتعرف عليه، وهذي الولاده تمت بالبيت..
الله يرحمنا برحمته..

[Abdulraman]

اكيد ولد زنا
لاحول ولاقوة الا بالله

[مختلفة عقليا]

السلام عليكم

لا اله الا الله ., اههههه منها بس اههههه

ناس اتمني وناس اتخلا .,

يسلموو

[معماري قطري]

لو فيه كاميرات أمنية يقدرون يكشفون من حطه وراح

ويقدرون بفحص الدي ان اي يعرفون من أي عرق هو .. من العرب أو غيرهم وممكن يحددون والدته لو مسوين فحص دي ان اي للمواطنين والمقيمين.

[بشائر]

اللهم عافنا !
وفي قطر؟ لاحول ولاقوة إلا بالله ..
هذا مو يأثر إلا يرعب ياخوي ..

[حليتان*]

اووووف لاحول ولا قوة الا بالله

[همسه]

انا ابيه كان زين يعطونياه اربيه

[الســيل]

انا ابيه كان زين يعطونياه اربيه



تقدرين تروحين دريمة وتتبنين بنت او ولد

[A7MADZ7]

!!!!!!!!!!!!!!!

[راجي الْعفو]

تقدرين تروحين دريمة وتتبنين بنت او ولد

هلا اخوي

التبني غير مشروع في الاسلام

بس يمكن تقصد تربيه

والله يرزق الاخت الذرية الصالحة

[غريب الدّار]

هلا اخوي

التبني غير مشروع في الاسلام

بس يمكن تقصد تربيه

والله يرزق الاخت الذرية الصالحة

:nice:

[Qtr37]

وين بتكون ولدت الام؟ هل معقول ولدت بالبيت
وهل راجعت بالمستشفيات؟ طبعا انا اتساءل في حال كون الطفل لعلاقة غير شرعية
لو ولدت بمستشفى حكومي او خاص هل بتختلف الاجراءات من ناحية عقد الزواج او غيره؟؟

[white bird]

:(

:(

لاحول و لا قوة إلا بالله

[نيساني]

وين بتكون ولدت الام؟ هل معقول ولدت بالبيت
وهل راجعت بالمستشفيات؟ طبعا انا اتساءل في حال كون الطفل لعلاقة غير شرعية
لو ولدت بمستشفى حكومي او خاص هل بتختلف الاجراءات من ناحية عقد الزواج او غيره؟؟


هلا اخوي لو الولد ناتج عن علاقه غير شرعيه والعياذ بالله راح يكون هناك س وج( اسئله كثيره) وممكن تصير فضيحه

والله المستعان

شي مؤسف ولاحول ولاقوة الا بالله

[QtrGate]

اتمنى ان تكون الدوحة مغطاه بكايمرات المراقبه

لو كان هناك كاميرات مراقبه
لتم معرفة اب الولد او أمه