ماهي الاضافه لك ولكي وللوطن ؟؟؟؟

[حسن]

السلام عليكم ورحمه والله وبركاته

موضوعي مابعد الاجازه وعودتك من السفر

شنهواللي شفته وتمنيته لك او يكون موجود عندنا
او على مستواك الشخصي والاسري
او للبلد

هل تاثرت من شي موقف معين صرح معين نظام معين

وكنت تتمناه عندنا او تحاول ان توصله لاي جهه ما

نسمع اراكم وخصوصا المسافرين

ونقولهم عودا حميدا

تحياتي

:victory:

[R 7 A L]

يقولون في السفر سبع فوايد*اكيد
اي حد سافر ورجع جاب وياه فايدة على الاقل
موضوعك بدري للحين الناس مسافرة

[المحاميه]

لا

الحمدلله الف مره
الفضل لرب العالمين اولا
وثانيا حكومتنا ماقصرت ف شي

أتمنى باقي الدول اتعلم منا ويحاولون يوصلون ربع مواصيلنا

[CH Engineer]

الجو بس

[بانغ بانغ]

اوهام

احين تبدأ الاجازة الفعلية مع الاقساط الجميلة

طبعا لبعض الناس

[بانغ بانغ]

من قهوة لحديقة لشيشة لفندق

اتحدى كم عايلة راحوا متحف او قلعة اثرية او حي تاريخي ...

[حسن]

يقولون في السفر سبع فوايد*اكيد
اي حد سافر ورجع جاب وياه فايدة على الاقل
موضوعك بدري للحين الناس مسافرة

هلا هلا

هو يقولك برز الدواء قبل الفلعه فانا جهزته الحين وباقعد ارفع
فيه لمده 3 شهور

هو صحيح الحين الناس مسافره والدليل الشوارع خاليه جدا
فقلت هذا الموضوع يكشف لنا المواهب والمعلومات القيميه
اللي تعلم منها المسافر
يمكن يتم الموضوع سنه كامله عادي ارد كل يوم على رد واحد مثل باقي المواضيع

شكرا لك يارحال انت عاد عشت في امريكا قولنا شنهو اللي تبيه يسير وعجبك
فيه

شاركنا باللي استفدت منه او لاحظت شي موفيد يفيد الوطن والاجيال الجايه

نورت الحته يابيه

:)

[حسن]

الجو بس

اممممممم

مادري مش مقتنع بهذه الكلمه نهائيا الحمدلله المكيفات شغاله ليل ونهار
كانا في اوروبا واحسن وببلاش ولا ندفع بيزه فيها الا البعض مسافر ومخلي التكيف شغال
ليل ونهار
وبعدين القطري مايشتغل في الحر وبرع ولا شي دوامه ركوبه ظهوره كله تكيف في تكيف

قول غيرها
بعدين انا اقول شنهو استفدت منهم وشنهو تبي تضيفه في حياتك لوطنك للامه الانسانيه الجميله

:)

[حمد 2002]

بما اني = انا سافرت بسياره ، فالفايده الي تعلمتها ، هي تحمل مشاق الطريق والصبر وطوله البال ولما وصلت للبلد المقصوده وهي دبي ، جفت اشياء جديده والحمد لله اني صرفت فلوسي ببلد خليجي على الاقل و استانست ورجعت والحمد لله على الصحه والعافيه

[النهار]

اغلبنا نسهر حتى الفجر وننام باقي اليوم يعني مانشوف عدل في الليل وبس

[سعود.]

اكثر شي اتمناه انه يكون عندنا
( النظافة ) العامة في وبس !!!!

[حسن]

اكثر شي اتمناه انه يكون عندنا
( النظافة ) العامة في وبس !!!!

اضافه جميله الصراحه النظافه حثنا عليها الدين ولكن حسب رؤيتي هذا بعيد
علي العرب هذه الثقافه عند الكثيرطبعا ماضلم الجميع
حتى شوف تصرفاتهم في اوروبا ضجت مدنهم السنه من وصاختهم
المفروض هذه المبادى تدرس فس مناهجنا وتعطى تدريبات نظريه
وعمليه ودوريه
هذه رؤيتي

شكرا ياسعود

[حسن]

اغلبنا نسهر حتى الفجر وننام باقي اليوم يعني مانشوف عدل في الليل وبس

افا هذا فكر السياحه عندنا يعني بعد ماتعلمنا شي الصراحه نفسي اقرا شي ننتظر يمكن رفقادين لين الحين
شوف يالنهار
لما زرت لمانيه تعلمت منها الكثير وكنت اعلم عيالي واقولوهم شوف شلون لازم تحترمون نفسكم
وشوفو شلون عيالهم مؤدبين وماتسمع لهم ازعاج وشوف شلون كلن ماسك كتاب يقرا وشوفو شلون
ماشفتو حد من هل الملايين يمشي مدنع بتلفونه وشوف شلون يحترمون الطابور
اشياء كثير تعلمو عيالي منها واقولهم هذه مبادنا الاسلاميه في التعامل هم خذو ونفذوها
واحنا مجاكر ومناحس في السواقه والشوارع
تصرف غريب وعجيب

شكرا يالنهارعلى اضافه تصرف مخجل من اللي يسافرون

[وطن]

احترام النظام
الأدب في التعامل مع الغير
عدم التدخل في خصوصيات الآخرين
عدم التطفل بالنظر و مراقبة الآخرين
الصدق في المعاملات التجارية والأمانة .. واحترام حق الزبون


أكمل ولا اسكت أحسن ؟

[حسن]

احترام النظام
الأدب في التعامل مع الغير
عدم التدخل في خصوصيات الآخرين
عدم التطفل بالنظر و مراقبة الآخرين
الصدق في المعاملات التجارية والأمانة .. واحترام حق الزبون


أكمل ولا اسكت أحسن ؟

هههههههههههههه

هلا هلا
وطن

اضافتك جدا جميله ويبين عليك واضح مايحتاج
ذكرتين في البنك من كم يوم
انتظر دوري بادب والمكان اللي احنا فيه بعد مخصص لنا جاك واحد
ويحوس ويدور ويتحندي وين الموظفين ومادري شنهو
سبحان الله مر واحد موظف شافني جاء يسلم علي وقاله وين الموظفين وشافه مسوي فوضى
قاله خير قال عندي موضوع وقاله حياك اخلصك
عقب ماخلصه وانا انظر وقلت في خاطري شرط هذا مهب قطري اصيل
وفعلا جاني الموظف وقلت له كيف تخلصه وانا قبله قالي اسف بس شفتنا انت
شيسوي ووولا على خمس ريال يتحندي قلت له انت غلطان هل البلشتيه مهب مال مكانها
هذا وينه وين الفلوس وفعلا للاسف ماطلع قطري اصيل
زمان ابوي الله يرحمه من حد يسوي غلط ولا يحفص كان يقول هذا مهب قطري
القطري مايغلط اي والله ان هذا صفه القطري

شكرا ياوطن نورتي الموضوع بكبره احين من النهار

:)

[مختلفة عقليا]

السلام عليكم

لحظه برد من السفر وبزعجكم ف الاشياء اللي تعلمتها ., :nice:

ويسلموو

[حسن]

السلام عليكم

لحظه برد من السفر وبزعجكم ف الاشياء اللي تعلمتها ., :nice:

ويسلموو

هلا هلا

ننتظرك عاد انتي بالذات ياصحابه الرياح والسفن
هاهاها

ترجعين بالسلامه

:)

[راجي الْعفو]

وعليكم السلام و رحمة الله و بركاته

والله السفر يا حسن على اسمه
يسفر ويكشف عن معادن الرجال

بس من الامور المستفادة:

الاعتماد عالنفس
حسن التصرف
الصبر
.. الخ

من الاشيا اللي اتمنى تواجدها :

مطاعم المندي و المظغوط و شلتهم !
الخطوط السريعة
السواقة الزينة للسيارات



الا ما خبرتنا عن سفرة الحسا ، افدنا مما افادك الله و علمك !

[المحاميه]

مع احترامي للجميع بس هذا كلام فاضي

الحمدلله كل شي عندنا كويس

[حمد 2002]

راعي الموضوع يطوف ردودنا ويرد على البعض !!

اين الحياديه والاحترام لبقيه الاراء والاعضاء !!

[حسن]

وعليكم السلام و رحمة الله و بركاته

والله السفر يا حسن على اسمه
يسفر ويكشف عن معادن الرجال

بس من الامور المستفادة:

الاعتماد عالنفس
حسن التصرف
الصبر
.. الخ

من الاشيا اللي اتمنى تواجدها :

مطاعم المندي و المظغوط و شلتهم !
الخطوط السريعة
السواقة الزينة للسيارات



الا ما خبرتنا عن سفرة الحسا ، افدنا مما افادك الله و علمك !

شي جميل يارجي بس شتبي بالمندي والعيوش
هو صج العيش يرد الروح ولكن من طباخ البيت اما المطاعم اعوذ بالله يومين وتطفش منها
بالنسبه لرحلتي للحسى لم ينجح احد
مالقينا مسافرين
قلنا لهم بنوديكم الحسى قالولي روح بروحك بتكرب النخل رايح الحسى
انت مال اول الحين يبون زلامسي انتر لاكن امريكا وين رايحه يطنازه رايحه اتنطنز
شاسوي
العرض كان ممتاز ولكن لا يوجد اقبال خبرك الرواتب العاليه والحسى الحين ماتصلح
من يوم صارت رواتب المدرسه 60 الف ريال خلاص الدفه ماعاد تنغسل ومانحتاج صابون دفاف
من تتوصخ تنحذف فب الزباله ونشتري غيرها خير وراتب عاليه الحمدلله نعمه

[حسن]

بما اني = انا سافرت بسياره ، فالفايده الي تعلمتها ، هي تحمل مشاق الطريق والصبر وطوله البال ولما وصلت للبلد المقصوده وهي دبي ، جفت اشياء جديده والحمد لله اني صرفت فلوسي ببلد خليجي على الاقل و استانست ورجعت والحمد لله على الصحه والعافيه

هذا عين العقل شوف شلون الرجل سافر مع العلم ان غصب عليه لان جاته قوه فوق قوته المعتاده
حمد الل عمره ماسافر وكان عنده فوبيا ولوبيا السفر جاته فوبيا اقوه من الفوبيا اللي داخله
طيرت حتى العفريت اللي داخله

شي جميل ياحمد انك سافرت تمثل بلدك وبسيارتك ورجعت سالم

اشكرك على ههذه الاضافه

بشر ركب القير ولا لين الحين في الفاضي اخاف مركبه غلط

تستعمل الريوس يمكن

:)

[MaRuKoO]

لين سافرت بقولكم توني ما كملت الخمس سنين من سفرتي هانت مروا سنتين هههههههههه

[حسن]

راعي الموضوع يطوف ردودنا ويرد على البعض !!

اين الحياديه والاحترام لبقيه الاراء والاعضاء !!

السموحه ياحمد

والعذر للجميع

تعرف ياحمد الكبر شين والجبهه كبيره وانت مختفي من الساحه
والضغط كبير وتفكيري بحال هذه الامه باحيانا اتاخر
بسبب التركيز والتفكير

العذر والسموحه

[طبيب قطري]

السفر اذا حق شي علمي او شي بتستفيد منه اوكي، او اذا للسياحه مثلا كل كم سنه بعد اوكي
اما في ناس صارت تسافر لمجرد ترضي الناس وتفتك من الحنه والكلام ، يعني صار شي اجباري السفر كل سنه حتى اليهال والمره يقدرون يجاوبون على سؤال: وين سافرتو هالسنه!!!!

[المحاميه]

شي جميل يارجي بس شتبي بالمندي والعيوش
هو صج العيش يرد الروح ولكن من طباخ البيت اما المطاعم اعوذ بالله يومين وتطفش منها
بالنسبه لرحلتي للحسى لم ينجح احد
مالقينا مسافرين
قلنا لهم بنوديكم الحسى قالولي روح بروحك بتكرب النخل رايح الحسى
انت مال اول الحين يبون زلامسي انتر لاكن امريكا وين رايحه يطنازه رايحه اتنطنز
شاسوي
العرض كان ممتاز ولكن لا يوجد اقبال خبرك الرواتب العاليه والحسى الحين ماتصلح
من يوم صارت رواتب المدرسه 60 الف ريال خلاص الدفه ماعاد تنغسل ومانحتاج صابون دفاف
من تتوصخ تنحذف فب الزباله ونشتري غيرها خير وراتب عاليه الحمدلله نعمه

ردودك استفزازيه وفيها مبالغه واضحه

دام الرواتب عاليه ليش حضرتك تبي تروح الحسا يابو رواتب؟؟؟

لاتقيس حالات الناس على حالتين جدامك وتعممها عالكل
ترا ملينا من هالكلام

[نوفا91]

من قهوة لحديقة لشيشة لفندق

اتحدى كم عايلة راحوا متحف او قلعة اثرية او حي تاريخي ...

بفرنسا رحت متحف اللوفر لانه مشهور بس :(

بشوف هالمره النمسا شعندهم

[المحاميه]

^

عندهم مظاهرات ضدنا

[نوفا91]

مالي شغل بحد يالمحاميه حد قالهم ياكلون بطتهم :(



تعلمت من السفر اني اقعد الصباح بدون كرك واتم ساكته لمدة ساعة وما ابتسم لمدة ساعتين
:(

[حسن]

ردودك استفزازيه وفيها مبالغه واضحه

دام الرواتب عاليه ليش حضرتك تبي تروح الحسا يابو رواتب؟؟؟

لاتقيس حالات الناس على حالتين جدامك وتعممها عالكل
ترا ملينا من هالكلام

خلاص نروح ابها طبيعه وبراد وبلاد خليجيه وفلوسنا في مكبتنا على مايقولون ابرك
ولا ربيع صلاله جميل جدا
على الاقل بلاد مسلمين ونشجع السياحه الخليجيه مهب ابرك

:)

[حسن]

السفر اذا حق شي علمي او شي بتستفيد منه اوكي، او اذا للسياحه مثلا كل كم سنه بعد اوكي
اما في ناس صارت تسافر لمجرد ترضي الناس وتفتك من الحنه والكلام ، يعني صار شي اجباري السفر كل سنه حتى اليهال والمره يقدرون يجاوبون على سؤال: وين سافرتو هالسنه!!!!

فعلا هذا واقعنا واستغرب الصراحه من حديث البعض يقولك سافرت ورحت يمكن مش اقل من 5 دول
اعنبو وش هل العذاب يقولك فله فله طل بشناطك تدور مايعروفون معني السياحه وكله علشان
احنا رحنا كم بلد الموضوع تحدي فقط لااكثر
ولا مافي ابرد من الدوحه وفي عز المرزم وكلبين والله درجه الحراره عندي حرون 25 في ابرد
من هذه البراد وفي عز الحر وببلاش ومعزز ومكرم وخدم وحشم وسيارات فارهه
عمار ياقطر عمار

طرشلي واحد من الربع في المانيا بهاف وفانيله وفارش على النهر فكرته
في شاليهات الفرجيه ولا عند عين حليتان

:)

[نوفا91]

حسن روح تركيا شوف المساجد واثار تاريخية دينية :shy: